媽咪雞蛋仔

下午四點零有少少口痕，又凍凍地，諗住食啲熱嘢，而午飯時經過媽咪雞蛋仔，見很多人排隊，於是諗住呢個時間少啲人，就行去買。之前排隊幾位，有好幾個都係一買就四五個，估計係同同事一齊tea。雞蛋仔好多地方有，呢間落緊小小雨四點幾都有條短隊，於是我決定要個特別啲其他地方少吃的有機栗子味。製作需時，等到終於到我都好興奮，第一時間聞下先，都幾香，第一啖覺得第一唔係好甜同好濃栗子味，後來諗住寫食評整開一半睇下裡面，先意外地發現怪不得唔甜同咁濃味，原來大部份雞蛋粒裡面都原粒有機栗子，並非什麼栗子醬，所以無一般的糖甜味，又怪不得咁濃栗子味，原來原粒上。這樣真材實料確實好抵讚。😊👍以咁優質的食材，我覺得抵。Tea都覺得健康啲👍😊…查看更多

講起雞蛋仔，🤰🏻媽咪雞蛋仔一向都喺我嘅雞蛋仔排行榜嘅首選，佢嘅雞蛋仔熱辣辣出爐，夠晒外脆內軟，加上蛋漿充足，咬開唔會食風咁，哩啲先叫係雞蛋仔㗎嘛！🍠紫薯蕃薯雞蛋仔 $30 （冬季限定）落足料嘅有雙色番薯雞蛋仔，食落夠晒番薯味~而且可以放心，食完都唔會令你覺得飽飽濟濟咁~🌰有機栗子雞蛋仔 $30拎上手諗住咬開會同頭先嘅蕃薯雞蛋仔差不多，有啲栗子碎又有啲蛋漿咁，點知今次有驚喜，偶爾會食到原粒栗子喺粒雞蛋仔入面！而且入口又唔會太甜，味道恰到好處~總括而言，就咁睇$30食底雞蛋仔好似好貴咁，但睇到佢由蛋漿到配料都咗足，性價比嚟講其實接受到～另，佢啲咸味雞蛋仔都好香好好食，快啲去試埋佢啦！…查看更多