井巷子 by 鋒膳 (已結業)

人愈大，發覺對辣愈來愈上癮！我指嘅辣不是食到噴火嘅程度，亦不是死辣嗰隻，而係辣中帶麻、鮮及香，多種層次嗰隻，咁先充分滿足到我！🤤🌶️近來，同幾位朋友去食米芝蓮食府鋒膳旗下嘅精緻川菜館「井巷子」，試下店家招牌嘅九道菜餚，果真味道無得輸，非常想推薦比大家！\前菜/✦ 麻辣鮑魚手撕雞 🍴4/5一睇前菜已覺得好有睇頭，麻辣鮑魚手撕雞用咗南非孔雀鮑及三黃雞雞絲，中間加咗黑醋及辣椒粉，鮑片煙韌，手撕雞鮮嫩，非常惹味！✦ 脆皮芽台乳鴿 🍴4/5至於脆皮芽台乳鴿，外脆內嫩，帶有淡淡酒香，濃郁嘅油脂香，令人一試難忘！✦ 白胡椒山藥雪蓮子班骨湯 🍴4.5/5食完較油膩嘅乳鴿，店家貼心配上白胡椒湯，清口腔同時喚醒味蕾。呢款湯入面有山藥及雪蓮子，清潤得嚟帶有濃濃嘅胡椒辛口感，非常暖胃。✦ 麻婆嫩豆腐伴炸饅頭 🍴4/5我幾滿意呢度嘅麻婆嫩豆腐伴炸饅頭，醬汁唔太辣，豆腐好滑溜，炸饅頭外皮乾身脆口，非常邪惡！略嫌炸饅頭數量不夠，感覺一人分2粒就無咗。😂\主菜/✦ 井巷子片皮鴨 🍴4.5/5呢款真係必點之選！味道真係無得輸！燒鴨皮脆肉嫩，帶有微微煙燻香！至於餅皮，則隨蒸籠座熱奉上，幾時攞餅皮食都新鮮軟熟，好正！此外，店家嘅填鴨配料都好非傳統，不只包京蔥、青瓜，仲有金奇異果絲！食上多咗一份清甜，甘香而不膩！✦ 川辣生炒羊肉鬆拌荷葉餅由於個人唔食羊，所以都係同行朋友食，無法評價分數。不過，菜式上枱前，店家好講究咁附上一張卡仔，仲介紹埋正確嘅食法同次序，我覺得勁貼心！將荷葉餅放上炸鍋巴，再配搭英國乾熟成羊肉鬆、紫洋蔥、蔥段，夾埋一齊食，個個都讚好惹味，羊肉鹹香味重但唔會太膩。✦ 重慶水煮黑白牛肉 🍴3.8/5另一款重慶水煮黑白牛肉，上枱紅噹噹，以為實好辣，但食落又唔太辣，比較偏重麻香！牛肉有分三種，分別係騸牯牛、牛胸爽及牛柳心，騸牯牛及牛柳心深色，牛胸爽較淺色，故名為黑白牛，個人覺得前者2款牛一嫩一爽，後者則食落似花膠，口感豐富！此外，好鍾意湯底有薯粉、秋葵、青瓜、大豆芽菜，每樣都吸收哂醬汁精華，食上去勁惹味滿足！✦ 麻辣蒜香小龍蝦麵 🍴4/5份量非常巨大嘅小龍蝦麵！整兜都都舖滿小龍蝦（目測有3-50隻），連同行肥肥大食怪友人都覺得誇張！活小龍蝦都用左西班牙金星啤酒、泡椒汁浸透，超入味，邊食邊剝殼食，係有點麻煩，但食晒成盤好滿足！此外，我超愛湯底中嘅手工風乾麵，入口好彈牙，好有咬口！✦ 甜品雜果土紅糖冰粉、時令水果最後結尾係雜果土紅糖冰粉及水果，前者用咗紅糖味甜潤醇厚，口感冰粉爽Q，配料有松子、脆紅棗、花生，甜度適中，消暑一流；水果則係日本靜岡赤肉蜜瓜同埋藍莓，作為一餐結尾真係誠意十足！…查看更多

很懷念出差時在內地吃的川菜，所以特別找吃辣的朋友一同到人氣米芝蓮川菜一嘗滋味這家人氣餐廳選材料有心思，包括皺皮椒大紅袍青花椒，今次亦可品嚐到罕見食材如牛胸爽海茸絲等 ；這裡的正宗成都川菜，是重視材料的配搭，加入川菜元素造出驚喜，算是新派的川菜。🌶涼拌泡椒小龍蝦米線這米線是凍食，比熱盤更多工序更考功夫；先試一啖湯，第一個感覺是甜的，然後脷才開始慢慢滲出辣味，層次分明，這個感覺就像冰火交融；這是正宗四川泡椒，辣味很足夠，龍蝦仔也有十多隻，熬湯一流，幸好我們當中有一位剝殼高手🌶自煉紅油牛白肉（凍食）這個牛胸爽是牛的橫膈膜，不是太多地方可以吃到；紅油是自家製，重麻味，估不到原來爽脆彈牙的牛胸爽遇上紅油會令舍開胃🌶豆酥烏賊這是長崎烏賊，肉身比一般的烏賊稔，不太靭；外層包着一層脆口的鹹蛋酥皮，是香口小食🌶井巷子片皮鴨鴨外皮薄脆，沒有油脂，這個薄餅皮包着的餡料配搭比較特別，除了有青瓜京蔥哈密瓜外，加了一種比較特別的稔身的瓜，吃起來的口感是突/爽/脆/稔🌶剁椒酸菜酒香黑白切這個鍋熱辣辣咋咋聲上檯，遠處已經聞到香味；自家制青紅剁椒酸菜京蔥西班牙甘粟豚加起上來酸辣，京蔥及剁椒爆起上來香口有鑊氣，西班牙豬腩肉吃起上來嫩滑🌶辣子鵪鶉這是澳洲走地鵪鶉，所以特別大隻，size 像雞差不多，肉結實，辣椒干加脆炸香口🌶冰鎮百合綠豆沙蘭州9年百合原來是爽的😱 綠豆沙起蓉不太甜🌶黑蒜螺頭雪蓮子燉班骨唐排黑蒜味濃烈，湯不肥膩**最後附上時令生果：香印提子及北海道蜜瓜，很甜蜜❤️…查看更多

知我無辣不歡的多年好友讌客，特意安排與高級中菜鋒膳同系的川菜米芝蓮名店用膳餐廳以成都著名景點寬窄巷子的井巷子命名，裝修參巧了當地的青黛磚瓦建築仿古四合院，以灰色磚牆為主調，掛著不少水墨畫天氣炎熱，先來一份涼拌泡椒小龍蝦米線！活小龍蝦肉身彈牙，鮮製米線煙韌有米香，被泡椒汁浸透後開胃惹味自煉紅油牛白肉用上新鮮騸牯牛的牛胸爽，香而不膩豆酥烏賊以有機黃豆包裏長崎縣白烏賊，口感酥化，相比金沙煮法少了一種油滯感黑蒜螺頭雪蓮子燉班骨唐排不含味精，燉得湯甜入味，所有食材互相融合井巷子片皮鴨有小單張介紹享用步驟，配料加入蜜瓜及芒果等水果，鴨皮入口有煙燻味，還有大隻鴨脾打卡影相剁椒酸菜酒香黑白切鑊氣十足！剁椒乃自家種植，酸菜則是自泡！西班牙向日葵甘栗豚越嚼越香辣子鵪鶉是起了骨的澳洲走地鵪鶉，所以肉厚滑嫩，辣而不嗆:)甜品冰鎮百合綠豆沙綿滑無渣，甜度剛好！蘭州九年百合爽口帶甜，消暑解滯最後送上時令水果，爆甜哈密瓜及青提子新鮮多汁，選料上盛，毫不吝嗇…查看更多

趁禁堂食前吃一頓好。餐廳位於地鐵站附近，位置很方便。暗黃的燈光，灰調的磚頭，掛上水墨畫，既有格調又不失時尚感。⭐️自家製羅漢果無花果茶冬天喝夠滋潤。⭐️煙燻素鵝以腐皮包著甘笋、冬菇和萵筍，可以配搭西班牙二十五年黑醋或四川辣椒。入口爽口冰凍，很開胃。⭐️手抓羊肉配菜有薑和辣椒，一塊塊羊腩，裹上孜然粉味道很香。羊肉肥腴嫩瘦，分佈均勻，口感層次非常豐富，外脆內軟，大家一致讚好！⭐️井巷子片皮鴨自家製海鮮醬，配料有哈密瓜、黃金奇異果、蔥段、青瓜。餐廳教放上鴨肉兩件，先把鴨皮放在薄餅上，放上數量蔬果，加上醬料，由下向上對接包皮，然後左右兩邊在摺疊便可。煙燻鴨鴨皮帶些許脂肪，薄餅煙韌，入口夾雜著油脂，又香又嫩。⭐️番茄蛋花花膠湯$80花膠有厚切和薄切，入口既爽又腍，一種味道，兩種口感。湯底是番茄粒和蛋花，簡單而沒有搶走花膠的味道。⭐️熗炒青城臘肉菜花$148辣椒、臘肉和椰菜花。椰菜花入口非常爽脆，辣椒香而不辣，臘肉鹹香配搭椰菜花最好不過。⭐️皺皮椒酸菜煮牛肉新鮮牛柳心配上酸菜、貢菜和洋蔥一起炒。入口肉味濃郁，愈嚼愈香。雖有辣椒的香，卻吃不到辣椒的辣。⭐️麻辣牛坑腩伴手工麵手工麵是餐廳的秘密武器，入口Q軟，卻不易折斷，口感很佳。配上牛坑腩，有牛筋和牛腩部分，吃起來又軟又香。⭐️鮮雜果土紅糖冰粉最後是紅糖冰粉，配料花生、火龍果、哈蜜瓜、黑糖、松子等。冰粉口感Q彈，配上新鮮水果增加甜味，還有花生和松子增加口感，是一道誠意滿分的中式甜品。⭐️時令水果韓國香印和智利車厘子▫️值得一試，餐廳服務和食物都很高質素，用料認真，難怪能成為米芝蓮餐廳。…查看更多

餐廳以成都的井巷子命名，顧名思義就是主打正宗的成都菜，菜式有「小家碧玉之美」的感覺，非常精緻講究，更獲得米芝蓮指南推薦。煙燻素鵝以腐皮包裹著冬菇、甘筍和豆腐乾絲，煙燻帶淡淡的桂花香，口感清新不膩，可配醋或指天椒粉。手抓羊肉充滿孜然粉獨有的香氣，帶點微辣，羊肉味好鮮美，入口軟糯又不膩不羶，色香俱全。井巷子片皮鴨油亮的鴨皮入口薄脆，鴨肉口感嫩滑豐腴，整隻鴨腿肉更可以餅皮捲來吃；那自家製的海鮮醬甜度適中，醬香濃郁；配料除了常見的青瓜和蔥段外，更少有的加入黃金奇異果和哈蜜瓜，兩者均非常清甜，能平均油膩感；餅皮一直以熱鍋烘著保溫，薄而紮實。蕃茄蛋花花膠湯濃郁清爽酸甜的蕃茄味，蛋花散開凝結略帶層次感，一條條粗的花膠軟滑充滿膠質。熗炒青城臘肉菜花青城最出名的老臘肉切成一片片薄片炒香，口感有點像煙肉，好香口；熗炒花菜很清爽脆口，有點麻辣鮮香感。皺皮椒酸菜煮牛肉皺皮椒剛吃下不太感到辣味，後來慢慢滲出辣味，加上酸菜，有點酸爽感；牛肉用上新鮮騸牯牛柳心，騸牯牛即是山東的閹牛，肥美得來又有肉味。麻辣牛坑腩伴手工麵本地黃牛坑腩肥瘦適中和入味，牛筋好爽彈軟嫩，麻辣感不太重；手做風乾麵特別富彈性，散發天然麵香。鮮雜果土紅糖水紅肉火龍果、火龍果、蜜瓜切粒好鮮甜，還有幾種穀物好有口感，啫喱更以傳統的土紅糖製成，蔗香味特別濃郁細滑。時令水果蜜瓜超多汁蜜味濃郁；藍莓特別大粒，微酸帶點甜。自家製竹蔗馬蹄甘筍粟米鬚水全部也是鮮甜的食材煲成，健脾又開胃，湯渣隔得很清，好清甜。…查看更多

服務公司多年嘅同事準備離職，老闆吹雞搞個farewell dinner，仲推介我哋去呢間米芝蓮推薦嘅井巷子，我哋幾個貧民窟長大嘅九龍人，就跟住老闆嚟見識吓。入面嘅裝潢都甚有氣派，而呢度每道菜個名都幾特別，用嘅食材都大有來頭。平時食川菜比較多用嘅都係花椒做麻辣菜式，而呢個藤椒醬香雞就用上綠色嘅藤椒醬，藤椒具有花椒所没有的獨特香味，麻味則較花椒柔和，雞肉用上雞髀肉切柳條，作為前菜非常開胃。第二道菜名為諾鄧鹽向日葵甘栗豚燒腩仔，原來「諾鄧」係位於雲南大理白族自治州雲龍縣深山裡，係一個有上千年歷史的白族村寨。諾鄧村民長期以煮鹽為生，造就了名揚海外的諾鄧鹽。而燒腩仔特別嚴選諾鄧鹽，再加上係用甘栗餵飼嘅豚肉製作，鹹度、肥瘦適中，入口特別甘香，令人回味。平時坊間食到嘅片皮鴨通常都係夾配青瓜同京蔥，而井巷子片皮鴨就相當有特色，特別配上金奇異果和哈蜜瓜，鮮果微酸之中帶點甜，配合片皮鴨嘅油香，別有一番風味。店員仲會提供一份介紹片皮鴨嘅小冊子，介紹佢哋嘅建議食法，所以就算見到唔同嘅食材都可以不慌不忙咁做出靚靚嘅片皮鴨卷，唔會手忙腳亂。用蕃茄喺中式湯水入面做主角比較少見，呢個蕃茄蛋花花膠湯感覺有啲似蕃茄炒蛋嘅味道，加入咗真材實料嘅花膠絲，整個感覺提升不少。熗炒青城臘肉菜花中嘅所謂「熗炒」就係用熱油將花椒、乾辣椒、蒜片的味道熗出來，然後再放蔬菜入油後將麻辣鮮香滲透入蔬菜内，所以鹹肉同椰菜花都充滿淡淡嘅麻辣油香。開頭都俾呢個重慶水煮牛肉牛脷嘅賣相嚇親，以為會辣得噴火，但其實只係小辣嘅效果，入面嘅牛肉同牛脷相當多，我輕輕一撈起已經充滿着牛肉同牛脷。個人認為牛脷比牛肉嘅口感更豐富，厚厚嘅牛脷煮得夠腍身，而且更加入味，味道絕對令人試完想再試。期間仲試咗佢哋自家製嘅竹蔗馬蹄甘荀粟米鬚水，飲落夠晒滋潤又唔會太甜，食完辣之後飲番杯就最適合不過。龍蝦球麻婆豆腐伴炸饅頭配搭新穎，平凡嘅麻婆豆腐加入龍蝦球之後令口感更豐富，我更加冇諗過炸饅頭除咗點煉奶之外，仲可以蘸點麻婆豆腐嘅醬汁，味道令人驚喜。甜品鮮雜果土紅糖冰粉亦令我對冰粉有一個全新概念，平時食冰粉大概只有紅糖水作底，已經予人冰涼解辣嘅感覺，而佢嘅冰粉加入咗鮮果同松子仁，選用嘅亦都係屬於熱帶嘅水果，就更加有透心涼嘅感覺。時令水果係北海道蜜瓜同香印提子，為呢一餐晚餐畫上完美句號。…查看更多

閨蜜生日 特別點名想食 這間米芝蓮 井巷子 ！最愛食古色古香嘅味道 ，一行四人 地方非常就腳，喺上環c出口一分鐘就到 裏面裝飾 色古香好典雅😌仲有兩層添 餐廳全部都係自己自家製好有特色 夏天天氣燥熱 自家製竹蔗馬碲甘筍粟米鬚水 $30/杯非常清甜 完全係甘蔗 和蘿蔔的清甜芝麻香蔥麻辣口水雞 $138作為前菜好適合辣辣地 加上青瓜爽脆，加上三黃雞口感很好，雞肉好滑 👍茅台碎鴿 $190算是佢哋嘅 特別菜式， 濃濃酒香，非常清新 又唔會過龍 非常入味 唔會搶喉🍸井巷子片皮鴨 半隻 $350必試項目，自家燒嘅片皮鴨 外皮脆卜卜，仲有呢個好得意嘅紙仔教我哋點包添 🤗🤗特別地用金奇異果、蜜瓜、青瓜和大蒜有別於一般食開嘅片皮鴨廿五年黑醋蟹肉酸辣湯 $150/位酸酸辣辣 先來兩口原味，再加上大半匙羹25年 黑醋 ，提鮮又開胃 蟹肉份量仲好多添油牛肝菌乾扁四季豆 ＄138超級爽脆、乾身、香口！算是我食過最好味嘅四季豆啦 成都青湯水煮魚 $680用上英國海鱸魚 肉質紮實得呢如有非常豐富 用純正宗嘅四川成都做法 真係與別不同，仲有薯粉青瓜 秋葵非常索汁，辣度剛剛好呀🤤🤤酸辣特製花膠撈飯 好特別嘅一個菜式 花膠厚切成條 ，每一口都伴住 花膠 非常有口感😁😁鮮雜果土紅糖冰粉 $58/位算是正宗，食完辣辣嘅菜式再來一碗冰粉，十分舒服！解油、解膩🥰🥰仲有時令生果送添 ， 一啲都唔吝嗇，美國車厘子和大大隻無花果非常清甜🤭🤭不愧為米芝蓮得獎餐廳，壽星女表示很滿意😆😆…查看更多