得閒飲茶

我是一個好鐘意「飲茶」嘅人~ 香港地而家除左茶樓有茶飲~ 仲有「得閒飲茶」呢類小店可以止到我嘅「茶癮」!!!首先，呢度嘅茶葉係以袋裝茶葉方式沖泡~ 所以沖出黎嘅茶係唔會飲到茶葉，而且我個人覺得以小店質素的大茶包來說~ 呢度嘅茶我覺得幾好飲，唔會過濃同過淡~ 就算加水沖泡多幾次都唔會無味!!! 然後今次我地叫左以下點心~蝦餃之王 - 呢個真係非常出色! 果然係佢地手指公推介! 蝦非常爽口彈牙! 調味剛剛好, 皮不算過厚~ 果然係得獎蝦餃!!!最緊要配埋佢地的辣油同豆瓣醬 ! 真係好食到極致 !灌湯京滬小籠包- 這個就有點失色，皮就厚了一點點，內裡湯汁都有~ 但我個人覺得有點咸了一點點~ 和蝦餃比較就有對比了~春風得意腸- 這個就是中間包了油炸鬼~ 似炸兩咁，腸粉皮非常清透薄又滑，加埋蟹籽，粟米粒! 口感好夠~ 真係好好味原籠牛仔骨蒸飯- 呢個係咁多款蒸飯入面我覺得係大推嘅~ 佢嘅牛仔骨味道真係好出色，醃骨嘅味道也是完美~ 加埋用金鳳米加荷葉做底蒸成嘅飯~ 真係100分滿分嘅蒸飯~!!! 真係豉油都唔洗加太多~姬松茸燉排骨湯- 呢個係每個月的15-31號提供可選的湯品~ 湯品真係必點~ 呢款燉湯足料到痴線~滿滿姬松茸及排骨~ 湯味非常濃郁~ 0味精~ 正到癲~呢度一定會成為我解茶癮嘅好地方~ 而且有時想飲啖湯都可以黎呢度了! …查看更多

餐廳在創意點心界享負盛名，極具特色，一直存在我的口袋名單中。終於有機會去會一會佢🤩，立即同大家分享一下😘。得獎蝦餃之王 $36 (爆推🌟🌟🌟🌟🌟)晶瑩剔透、皮薄餡靚😍😍蝦餃大粒飽滿，內含數隻鮮蝦，蝦肉彈牙，爽甜而鮮味，不愧得獎蝦餃之王的美譽😍。春風得意腸$42 (爆推🌟🌟🌟🌟🌟)賣相吸引，超級打卡able❤️❤️。以傳統腸粉皮包住脆卜卜米網，入面仲有蝦，馬蹄粒及粟米及蟹籽鋪面。要我形容的話，有點像創新版的炸両😍以傳統的做法包含創新的餡料，完美呈現傳統與創新的結合。一啖入口，層次非常多，的確精彩‼️懷舊香菇燒賣 $32燒賣有淡淡香菇味，豬肉餡飽滿多汁，肉質扎實但爽彈，不錯👍🏻。龍蝦湯鮮竹卷$33 (爆推🌟🌟🌟🌟🌟)鮮竹卷比一般傳統的尺寸來得細小一點，搭配帶點西式味道濃厚的龍蝦湯，感覺非常新穎。一口一個，最適合女士。千島醬脆皮蘿蔔糕$33 (爆推🌟🌟🌟🌟🌟)在炸到金黃色的蘿蔔糕面，淋上酸甜千島醬及大量木魚絲，的確極具創意😍。師傅手藝精湛，炸到外面卜卜脆，但內𥚃仍然軟嫩😊，熱辣辣真係好好味。平民價嘆到如此高質素嘅點心，實在值得推薦及支持‼️大家記得不要錯過🙌🏻🙌🏻😍…查看更多

[元朗。得閒飲茶］高質港式點心小店✨免加一✨特式點心估唔到元朗都有高質點心專門店，朝早六點營業到凌晨12點，想隨時食點心都得！😋今日星期六一點去排隊都等咗10分鐘先有位（都算快既😂）仲有得坐卡位添👍🏻茶位$8/1個人，我地叫咗壽眉同4樣點心醬皇蒸鳳爪：正常發揮，食到豆醬同蒜蓉味😂春風得意腸：除咗個名夠得意外，味道同樣令人意外！腸粉好滑，一邊包住唔同餡：有粟米，脆脆同蝦滑。口感好豐富😋養生野菌素粉果：水晶皮好出色！內餡都好足料：有菇，粟米同芫荽等等。好鮮甜黑金流沙包：一搣開個包就流晒啲汁，食得出鹹香嘅鹹蛋黃味同埋奶黃😋唔使+1又有好食嘅點心食得過！佢仲有其他嘅點心我都好想試，下次再試過😋🧾2個人叫咗4款點心最後埋單$141推薦指數: 💖💖💖💖/5…查看更多

呢日放工心血來潮去咗飲茶晚市時段都唔少人嚟食點心，睇嚟質素唔錯🤘🏻-♡︎得獎蝦餃之王 $𝟹𝟼蝦餃皮薄餡靚，必試🌟-♡︎春風得意腸 $𝟺𝟸是日𝚑𝚒𝚐𝚑𝚕𝚒𝚐𝚑𝚝 ฅ^•ﻌ•^ฅ腸粉包住脆脆網皮同蝦肉、粟米粒等餡料口感豐富，推薦一試！➜ 𝙵𝚘𝚕𝚕𝚘𝚠 𝚑𝚔𝚏𝚘𝚘𝚍_𝚗𝚘𝚝𝚎 𝚏𝚘𝚛 𝚖𝚘𝚛𝚎-♡︎原籠鳳爪排骨飯 $𝟺𝟸豉油撈飯係必需Ꙭ飯嘅軟硬度恰到好處，唔錯呢～-♡︎黑金流沙包 $𝟹𝟼-♡︎懷舊鶉蛋燒賣 $𝟸𝟽-得閒飲茶喺太子同元朗都有分店鍾意食點心嘅不妨一試 \(^ヮ^)/…查看更多

間中就會想飲下茶，之前有介紹過名店，有介紹過凌晨三四點就開既小店，亦都有介紹過米芝蓮推介嘅酒樓，今次介紹嘅係營業到凌晨、可以飲夜茶嘅小店。得閒飲茶係一間主打傳統同創意點心既茶餐廳小店，分店分別有元朗同埋太子，全部點三都係即叫即蒸，價錢平民，所以吸引到好多街坊。當中佢嘅創意點心唔少得動物造型嘅包、甜品等，其他就好似有春風得意腸千島醬脆皮蘿蔔糕，傳統嘅點心蝦餃更加攞過獎。呢度嘅老細曾經係酒樓點心總廚，有30幾年經驗，曾經喺2011年攞過美食大賞、甜品創意大獎、蝦餃之王美譽。環境方面比較似舊式茶居，卡位都算坐得舒服，整體環境乾淨。夜晚嚟食都有唔少人，我七點幾食到九點幾，九點幾都仲有人入嚟食，不過當然某啲點心已經賣晒。-茶芥 💰5/1（👅: 7.5/10）-1️⃣ 得獎蝦餃之王 💰34（👅: 8/10）呢度嘅蝦餃係得獎點心，蝦餃大大粒，蝦餃皮比較厚少少，唔夠晶瑩剔透，不過咬落去係煙靭、黏彈，唔會一咬就爛，入邊嘅蝦肉咬落去爽口，尖荀令到佢更加爽口，偏濕潤，食落都新鮮清甜，蝦肉都有幾多，啖啖肉。-2️⃣ 懷舊香菇燒賣 💰30（👅: 8/10）燒賣入邊嘅餡料係豬肉加香菇，上面嘅係蟹籽，餡料都算飽滿，咬落去豬肉夠爽口，偏軟腍，食落去入邊嘅豬肉唔會太肥，燒賣會食到香菇嘅香味，而且香菇會令到燒賣口感更加豐富。-3️⃣ 春風得意腸 💰38（👅: 8.5/10）呢一個係比較創意嘅腸粉，其實有好多酒樓都有類似嘅版本，而呢一個就係外層係腸粉，入邊包住嘅係好薄嘅脆米網，再入邊嘅係蝦肉、椰菜、粟米、青瓜。腸粉皮夠薄，入口算滑，咬落去好似食緊炸兩，但係比起炸兩更加脆身，好似春卷咁薄嘅炸衣，入邊嘅蝦肉夠彈牙，蔬菜都係好爽口，上面仲會有蟹籽，味道豐富，食落去比較甜，因為有蝦肉同埋粟米。整體食落香口，但又唔會好似平時炸兩咁熱氣或者咁油膩。-4️⃣ 紫薯流沙煎堆仔 💰31（👅: 8.5/10）之後都係一個創意點心，煎堆嘅外層係炸脆左既米粒，咬落去好酥脆，偏厚小小，食落去甜甜地，入邊除咗有紫薯餡，仲有流沙嘅奶黃餡，唔會撈埋一齊，紫薯餡入口軟糯綿密，食落去有淡淡的紫薯味，味道自然唔算甜，奶黃餡夠多，流沙程度澎湃，所以奶黃嘅味道好濃郁，兩種味道不斷衝擊。-5️⃣ 龍蝦湯鮮竹卷 💰31（👅: 7.5/10）呢一款係創業板嘅鮮竹卷，係鮮竹卷上面再加龍蝦湯，不過食落去龍蝦湯味道唔似龍蝦湯，只係鹹味比較突出、質地比較稠身嘅湯，而且湯同埋鮮竹卷冇好匹配，鮮竹卷食落去冇湯嘅味道，因為佢唔係同湯一齊煮，只係後加上去，個湯要就咁飲先有味道。-6️⃣ 豆沙qq小白鼠 💰29（👅: 7.5/10）呢個係一個小白鼠造型嘅豆沙糯米糍，糯米糍外邊嘅係一啲椰絲，糯米皮咬落都算煙韌，不過偏厚小小，食落去入邊係紅豆沙餡，入口算綿滑，味道唔會太甜，不過整體味道比較單調。-7️⃣ 3.6牛乳太陽蛋 💰26（👅: 8.5/10）最後係一個甜品，係一個太陽蛋做造嘅牛乳布甸，布甸入口滑溜，食落去牛乳味非常濃郁，而上面嘅太陽蛋其實係啫喱，整體唔算太甜，係一個好高質嘅牛乳布甸，冇諗過可以喺茶餐廳或者食點心嘅地方食到。-🌟整體我覺得呢度嘅點心幾高質，部份點心有創意之餘，味道都係中上水平，最有驚喜嘅係紫薯流沙煎堆仔，因為喺其他點心店冇食過，春風得意腸就係有食過過，不過呢度水平都唔錯，最後就係有驚喜嘅牛乳布甸甜品。價錢方面都夠平民，而且冇收+1，如果細食嘅人，應該人均唔使100就可以賣單，大食嘅人可能100多少少，因為如果係街坊或者成日食嘅人，夜晚應該會叫蒸飯，因為我想主力試佢啲創意點心所以就冇叫。整體我覺得住太子或者元朗嘅人都可以一試，尤其佢開到12點，真係可以得閒飲茶。-👅味道: 8/10🍴環境: 7/10💰消費: $90-150人均 (服務費: NA)…查看更多

今日又做孤獨的美食家，放假打機打到攰攰地想食下點心，天水圍就無堂食既點心店，咁上網搵資料就見到呢間得閒飲茶咁多好評又有d特色點心，就一於出元朗試試。下午4點左右到，店內唔洗等位，有幾張卡位就安排座左一張面壁既卡位，1個人食黎講都ok既，環境黎講都有10張枱左右由於有卡位人多時都唔會坐得好迫。睇下餐牌，選擇都算ok多，其中有d較為特色d既點心就係一般酒樓同外賣點心店無既，咁黎得呢度就主要試呢d啦，相對價錢黎講會貴少少，而每份點心都即叫即做，寫住要等15-20分鐘，而我計過落單開始計都真係差唔多時間上到枱。香片其實一入黎未坐底侍應已經問飲乜茶，茶位就5蚊都算平，香片聞落幾香，茶味就清清地，我覺得都ok。得獎蝦餃之王個蝦餃講到攞獎喎點都試下啦，34蚊有4粒，價錢就比坊間略貴d，蝦餃黎講算ok大粒啦，皮都幾薄，但比較容易夾穿，蝦肉都算爽口份量都ok，配料有d尖荀，食落都濕潤唔會好乾，調味都可以，叫做係一份比一般酒樓同外賣點心店好既蝦餃，但有無好食到得獎就真係要搵食家黎試試。黑金流沙包又係一份打卡既點心，賣相就100分，黑色就應該加左竹炭，上枱時都出晒煙，我大約擺左2分鐘左右先食驚太熱，咬落入面就未去到好滾熱果隻，都涼得幾快喎，餡料唔算話好多，味道無話好濃，未做到好流沙既效果，包皮都唔算厚既，食落比較煙韌d，感覺同一般流沙包差唔太多但比較貴，試下都可以。春風得意腸又一特色點心，腸皮包住網皮入面有d蝦肉同粟米粒，面頭加d蟹料，口感好豐富，但腸粉皮我略慊唔夠滑比較黏，同埋份量比較少d。鍋巴雜果沙律呢份就真係多口叫，本身諗住話想試多樣就食d沙律清一清個口，但呢份野就沙律係好多既，但沙律醬好鬼酸，同d鍋巴好唔多夾，人多每人食d都ok既，但我一個人就有d吃不消（放心無浪費只係淨左幾粒雜果)。以上野係小弟一個人食晒，真係飽到嘔，整體黎講食物都ok既，始終有d野未試到可能漏左d更出色既點心，價錢黎講同出面d點心專門店差不多，中規中矩，間中食下都可以，服務方面就比較一般d，同去酒樓差唔多，評價方面在於好與普通之間，鑑於特色點心多加整體味道還不錯，可以黎打下卡咁，特色黎講都可以俾個好評既。…查看更多

入到元朗食得閒飲茶嘅點心，全部點心即叫即蒸，相當滾熱辣，而且茶錢只係$5,仲唔收加一，仲有營業時間長，邊個時段想飲茶都得，啱哂想飲早午夜茶嘅人，今日黎到叫左以下四款點心灌湯京滬小籠包（$27）啱啱蒸好嘅小籠包咬一口相當燙熱，好多湯汁流出同好豐富，肉餡鮮味好，食小籠包記住要先咬一口吸哂湯汁蟲草花魚翅灌湯餃（$35）灌湯餃皮薄餡多，湯又味濃，餡料有蝦肉，雞肉，魚翅，仲有蟲草花，成個灌湯餃好高質春風得意腸（$38）腸粉包住脆米網，仲有鮮蝦，粟米，芹菜，魚籽配搭，賣相吸引，都好有創意，有多重口感兼層次豐富黑金流沙包（$34）外表幾吸引，有蛋黃嘅流沙，唔會過甜味道啱啱好得閒飲茶有如其名，想邊段時間飲茶都得，日後想嘆茶食點心又多一個選擇，值得再黎！…查看更多

突然想飲茶又唔想去酒樓，見到呢間點心鋪嘅點心頗有特式，價錢相宜，即去試下。😁呢度茶錢每位$5，免收加一。我地假日中午時段去要等位，鋪頭唔大，坐位會迫少少，但食完就走冇所謂。如果想慢慢嘆茶聊天坐得耐，可能去番酒樓較舒服。\\\ 點餐 \\\▶得獎蝦餃之王  $34     ★必食餐廳招牌點心，其老闆兼廚師曾奪得「2011美食之最大賞蝦餃之王」。蝦餃皮薄，晶瑩剔透。蝦肉彈牙，加入了蒜粒，令蝦餃味更濃。▶黑金流沙包  $33 食流沙包最緊要睇奶黃夠唔夠流沙、蛋黃味夠唔夠香、包夠唔夠軟熟。呢度既流沙包未至於一咬就爆汁，但有流心效果，鹹蛋黃味香。▶紫薯流沙煎堆仔  $30     ★推介呢個非常驚喜，雖然得3粒，但比一般食到既煎堆仔大粒，紫薯糯米皮，咬開是熱辣辣流心奶黃餡，真係堅流心而唔係凝固咗個種！▶春風得意腸  $38腸粉皮包住香脆脆米網，再包住入蝦肉、栗米粒、菜絲，上面鋪上蟹子，食落有一層層口感。呢個做法好新鮮，味道不錯，不過就冇食傳統腸粉既感覺。▶千島醬脆皮蘿蔔糕  $30  新鮮炸起、外層金黃色脆皮包裹著切成條狀的蘿蔔糕，撒上木魚碎及淋上千島醬，有D似日式小食大阪燒、章魚丸，但呢個配搭都夾到。▶懷舊香菇燒賣  $28   不像平時食的實身，豬肉質地是軟林口感的。▶家鄉咸水角 $19正常發揮，餡料足，唔會咬開之後內裡好多空間得少少餡。\\\ 整體評價 \\\★想encore指數 -  7 / 10 ★點心有特式，而且上台時都係新鮮熱辣。以呢個價錢同質數，性價比幾高。…查看更多

主打傳統和特色創意點心，即叫即蒸，用心製作。曾參加香港旅遊發局主辦的比賽「2011美食之最大賞」﹣榮獲至高榮譽金獎、甜品創意大獎、蝦餃之王美譽。貓咪流沙包💰26🔸賣相好吸引，打卡一流🔸濃郁蛋黃味，超級流心春風得意腸💰36🔸腸粉皮薄嫩滑，餡料有蝦，蟹子， 西芹，玉米等等🔸油炸鬼炸得好鬆脆，就算放一陣都唔會變淋變硬，值得推薦👍🔸沒有油膩感，口感好清新及爽口得獎蝦餃之王💰32🔸大大粒，真正皮薄餡靓🔸蝦肉爽口彈牙🔸調味恰當山竹牛肉球💰20🔸肉質彈牙嫩滑🔸沒有牛肉的騷味👍沙嗲金錢肚💰26🔸金錢肚好易咀嚼，一d都唔韌🔸好重沙嗲味，醬汁好多，好惹味，而且沒有異味陳村粉蒸排骨💰25🔸排骨肉質彈牙，味道調得剛剛好，可惜份量有點兒少🔸陳村粉索左排骨味，超好食香茜牛肉腸💰23🔸腸粉皮算薄且嫩滑🔸牛肉份足料茶位💰4(一位)🙂餐廳環境舒適衛生，服務態度不錯🙂上菜速度快，熱辣辣🙂食物份量足料🙂不用加一服務費…查看更多

想與家人大夥伴去飲茶，但礙於公共衛生限制，便選擇外賣點心。店舖靠近十字路口，非常方便，約二十分鐘便可以取外賣。店員會詢問須要的醬料、餐具，以致歡迎在室內雅座開茶等侯，非常貼心!很少在家中餐桌放滿一枱點心，有各式各樣，很開心!叉燒包 屬中小形的大小，餡料味道適中，吃點心要有包點才算完滿!韭黃鮮蝦腸 有韭黃在腸粉內，令本來鮮蝦腸的味道更香。蝦腸內的蝦仁清晰可見，蝦仁鮮及爽，甜豉油用小包另上。春蛋燒賣 燒賣內的豬肉滑郁郁、不油，味道適中。龍蝦湯鮮竹卷 鮮竹卷浸在龍蝦湯上，沾有湯汁，撈飯不錯。露筍一小條令賣相鮮明，卷內蔬菜絲與鮮龍蝦湯混合後好好味!灌湯小籠包 -  兩客 每客有三個小籠包，可惜的是小籠包內的湯汁已漏了一點。皮薄，夾起很容易穿而漏出湯汁。外賣盒可以適用於微波爐，翻熱後的小籠包更好味!鹹水角之前在旺角店吃過有造型的脆脆豬很過癮，今次點傳統的一款來試。外賣令脆度少了，但還是好味的，只是期待的餡料份量少了一點。蒸蘿蔔糕味道適中，家中長者喜愛。千島醬脆皮蘿蔔糕這種做法的蘿蔔糕較少有，當然要點。打開盒蓋便聞到很香的千島醬，受到盒裝的影響，外皮有些脆又有些軟。千島醬帶點酸味，與蘿蔔糕幾夾，是喜愛的點心之一。黑松露鮮蝦餃 有陣陣黑松露的香味，還有菜蓉及蝦粒，味道不錯。春風得意腸 是另一喜愛點心，有油炸鬼在腸粉內，加添了蟹籽及蔬菜，好味之餘又有幾層口感，軟脆交替，好味!糯米飯盒蓋打開後飄出陣陣荷葉香味，很吸引。飯內有少許臘味、菇粒、花生等，味道適中。蟲草花冬菇棉花雞 每件食材都軟腍入味兼多汁，點一客實在是不夠，是很合適下飯的點心。甜品3.6牛乳太陽蛋 牛乳除了有濃郁的奶味，也有調過的甜味，味道偏甜。在牛乳上的太陽蛋是啫喱狀，與牛乳一樣滑溜!香芒凍布甸 布甸內有芒果肉，淡奶另存在小袋內，有沒有淡奶都同樣好味。以上多款點心甜品，抵食、滿足，真好!…查看更多

飲茶飲到悶悶地 想食啲新野 呢間就啱晒你❣️好多款點心都好特別 仲要整得好精緻🤩廚師仲好有料 攞過獎添👨🏻‍🍳啲點心平不特只 仲要好食 真心高質😋.貓咪流沙包🐱 $26食奶黃包最緊要就係夠鹹蛋黃嘅香味 最唔鍾意就係得吉士甜‼️呢到嘅奶黃包 鹹香味好夠 帶點奶味 口感沙沙地 仲可以流心添🤤個樣都好得意😚不過就偏甜咗少少🤏🏻.XO醬菜苗餃🥟 $29平時出面食嗰啲菜苗餃嘅餡都好少 今次呢到整到好飽滿 脹卜卜😍蝦肉同菜嘅比例都好好👍🏻最特別係配埋面頭個XO醬✨令成個味道昇華咗 更加惹味😝.黑松露鮮蝦餃🦐 $30呢到最出名就係蝦餃 仲攞過獎 緊係要試下🥳皮薄餡靚 個皮好煙韌 蝦都好爽口彈牙🥰除咗蝦嘅鮮味 仲有濃郁嘅黑松露香😎鍾意食黑松露嘅 真係要試下 因為真係好濃🤤但係我唔太鍾意入面有莞茜🤥.春風得意腸🍤 $36呢款點心都有好人氣 見好多人都嗌🤔睇個樣有啲似炸兩👀不過原來佢唔係腸粉包油炸鬼 佢係類似炸過米紙😈腸粉滑嘟嘟 炸皮勁脆唔會太厚 入面仲有粟米,蝦,蟹籽🥰食落口感真係勁豐富😆但係我略嫌佢有啲油膩😫.陳村粉蒸排骨🐷 $25喺香港嘅茶樓好少食到陳村粉 呢到竟然有🙈不過食落有啲似腸粉 唔夠爽滑同煙韌☹️排骨都幾滑幾腍 似係醃咗好耐🧐份量都少 得5舊🤣.野菌素粉粿🍄 $23我對粉粿麻麻 不過呢款係素嘅 幾特別😝入面有菇,雜菜粒同粟米🌽好多餡勁大粒 食落口感相當豐富🤤但係個外皮有啲腍 冇蝦餃咁煙韌🥺.白灼菜心🥬 $18食咗咁多野 都要加碟菜 健康啲🤘🏻估唔到又幾大碟 平時喺酒樓食 貴一個double都唔止😖…查看更多

午飯時間突然心思思想飲茶 但係兩個人有食唔到咁多嘢去酒樓 行過呢間點心店 [得獎蝦餃王 ($31)] 呢多最出名嘅蝦餃 梗係要試下啦 皮薄餡靚 蝦肉新鮮彈牙 溝埋啲韭黃爽脆清新 [春風得意腸 ($35)] 呢個鮮蝦炸兩 有埋啲粟米粒 甜鹹皆宜[原籠牛仔骨蒸飯 ($42)] 估唔到咁大籠 黑椒味有啲重 食唔到辣嘅朋友就要小心 大大份好滿足[紫薯流沙煎堆仔 ($29)] 最鐘意呢樣 造型精緻 新鮮炸起 熱辣辣 脆卜卜 澎湃嘅流沙餡 配上鮮甜嘅紫薯皮[蟲草花花膠灌湯餃 ($30)] 湯汁鮮甜 係有一兩舊花膠 結果價錢都幾抵食 但係個餃子就覺得冇乜驚喜A modern dimsum corner store with a selection of steamed and fried dimsum, and affordable rices and soups. It's got a few cute photogenic dimsums too for those who likes to eat with their eyes Fresh shrimp filling with the crispness of some vegetables, with a thin dumpling skin Crispy fried dough sticks wrapped in a thin rice roll with fresh prawns, great balance of sweet and savory This was so much bigger than I expected! Black pepper was strong so only get this if you can tolerate spice, but good value for a reasonable price Loved this dessert with dripping custard and a crispy exterior, couldn't really taste the taro though Soup was pretty rich but the dumpling was mediocre…查看更多

前排上網睇到元朗又新開了一間新派點心，舖頭名幾得意，令人很容易記得，一直都想試下。難得今日想食D特別野，所以一行三人，晚上就決定到這裡試試。差不多七點到達門口，有很多吉位，可能是因為食點心當晚飯的人比較小吧。店舖不大，環境很乾淨，有很多卡位，坐得很舒服。可能是因為點心是即叫即蒸，下單後，隔了一陣待應就遞上糖水，等客人邊食邊等。侍應服務態度也不錯，對答有禮貌及細心，遞上點心時會提醒客人小心熱，每隔一陣會詢問是否需要加水，收碗碟前會詢問還要唔要，不喝茶的客人，會另外遞上一壺滾水。茶位$4/位，算便宜。不過洗杯時，發現杯很油，略嫌有少少不乾淨。整體不錯，會再次幫趁。…查看更多

朋友話，睇我個樣唔似鍾意飲茶 😝 其實呢個係情意結，因為細個時每逢星期日，爸爸媽媽一定會帶我去飲茶，係我兒時重要嘅Family Time ☺️ 所以，我都好想個仔享受同爸媽飲茶嘅樂趣，最近最鍾意去嘅係 #得閒飲茶，佢唔係傳統茶樓，呢度嘅點心好食又抵食，仲有啲造型好可愛㖭。我個人最鍾意食嘅係個豬仔造型咸水角，用黑豚肉㗎！仲有「春風得意腸」，好似炸兩咁，但造型精緻，仲加咗蟹子，內脆外滑好好食～另外黑松露鮮蝦餃、流沙包、蟲草花花膠灌湯餃、XO醬菜苗餃、懷舊春蛋燒賣，都非常正😋甜品我推介原籠蔗糖馬拉糕、鍋巴雜果沙律、豆沙QQ小白鼠😍 全部都好高質素。不得不提，呢度嘅燉湯同蒸飯款式都又多又抵食，所以話嚟飲茶真係最好嗌多幾個親朋戚有一齊嚟，咁就可以食得更開心喇🥳 美中不足嘅係呢度嘅BB椅係老式茶樓嗰隻，冇安全帶，所以Bat Bat 都係坐卡位夾喺我同爸爸中間咋，但見佢食得咁開心，唔緊要啦。食到飽飽，今次人均消費都唔使$100㖭 👍…查看更多

今日去左元朗 #得閒飲茶 晚餐🥣好正呀💓因為大埔無得咁夜食點心🥟飲啖茶☕️架食左好多未試過既新菜妹妹🤤勁開心呀，有得食 #卜卜脆既蘿白糕#春風得意腸粉 系一定要食口感好豐富呀💓最後仲食埋芒果布甸🍮收個靚尾😍大滿足既晚上🌃…查看更多