Niksen Koffie

黃埔呢度附近都好多好野食，今次黎到呢間Niksen Koffie 鋪頭好大，比到人一種簡約、放鬆既感覺😌菜式偏日式，仲有生酮menu岩曬唔同人食～另外呢度既甜品都好出色！必試佢地既芭菲。另外仲有卷蛋同埋其他特色造型既蛋糕仔。  1️⃣白酒牛油汁煮鮮蜆（$128） 啲蜆好大粒多汁！白酒汁、牛油配上蒜香既汁，用黎點吐司都係一流！ 2️⃣ 香草低油三文魚椰菜花藜麥飯（生酮）（$138）（溫泉蛋+$10） 自己幾鍾意食椰菜花飯，爽口得黎又健康，佢呢度仲加左藜麥，纖維又多啲，仲有啲羅勒同青醬味😌另外強烈推薦加溫泉蛋😎蛋汁撈落椰菜花飯令到口感濕潤啲，味道亦都冇咁單調😋三文魚外皮煎脆，食既時候可以擠上檸檬汁🍋  3️⃣日式和風章魚燒薄餅（$98） 餅底係偏薄身既，食落有脆口既感覺！面頭有好多木魚絲。仲有章魚粒🐙洋蔥、芝士。好食得黎唔會膩口👍  4️⃣士多啤梨拿破崙抹茶芭菲（$98） 呢個芭菲杯好正😍面頭既拿破崙夾住吉士醬，好酥脆！另外下面有雲呢拿雪糕、穀物脆、麻糬、抹茶啫喱，仲有士多啤梨切片～  5️⃣白雪公主舊果（$68） 外型非常可愛🍎切開外層係軟滑慕斯，入面有焦糖蘋果粒，仲有底層海綿蛋糕。  …查看更多

Niksen Koffie係一間位於黃埔嘅簡約文青風嘅cafe，空間感好大，而且又係一間pet-friendly，真係啱哂唔同類型嘅人嚟呢到chill一chill呀！避風塘香辣軟殼蟹意粉💰HK$128軟殼蟹炸到好酥脆，意粉食落去一啲都唔乾，避風塘嘅味道都好夠好惹味，唔會好辣，再配埋啲蒜粒同蘑菇，提升咗成個意粉嘅口感～日式和風章魚燒薄餅💰HK$98章魚燒嘅醬汁配上木魚，再加埋好薄脆嘅芝士薄餅，味道夾得嚟又幾創新～松露及蒜香芝士醬薯條💰HK$88粗薯條炸到金黃香脆，松露醬同埋蒜香芝士醬點薯條真係絕配～凍 久正小山園抹茶鮮奶💰HK$48濃濃嘅抹茶粉鋪喺面，中層係牛奶，成杯野嘅層次好分明，抹茶同牛奶味都好濃～香印提子拿破崙芭菲💰HK$98好足料嘅芭菲，最頂層由兩球青檸味雪葩同埋提子吉士醬拿破崙組成，拿破崙好鬆化，甜度啱啱好！中層有提子、忌廉、白玉麻薯同埋脆片，而最底層就有好多啫喱，好適合用嚟打卡，整體感覺係酸酸甜甜幾清新，口感非常豐富～…查看更多

呢晚為左靚靚好味芭菲而黎到黃埔既Niksen Koffie😆餐廳空間好大好舒適～而逢星期三晚仲會邀請唔同既表演者黎busking🎤好適合收工過黎飲下野放空一下～🍕日式和風章魚燒薄餅 ($98)好鍾意餅底夠薄同埋餅邊既脆口感～toppings 用左章魚小丸子既食材，用黎整pizza 係幾有特色🐙如果鍾意傳統類既pizza, 都仲有巴拿馬火腿蕃茄醬或者車厘茄芝士素pizza 可選擇！🧈白酒牛油汁煮蜆 ($128)牛油味比較香濃～蜆肉鮮味都幾出，另外要一讚拌碟多士，非常香脆😌仲可以索住汁咁食～🍨士多啤梨拿破侖抹茶芭菲 ($98)🍨香印提子拿破侖芭菲 ($98)兩款芭菲都係即叫即造，而且有每日數量限定🥹今次黎到好好彩可以食到～好鍾意佢地外脆內鬆化既拿破侖🥰🍓口味係配雪糕，中層有餅碎，mochi, 而底層有抹茶jelly🍵士多啤梨仲好甜呢～🍇口味就配雪芭，所以比🍓口味既甜度會低d, 中層有脆脆米，mochi, 當然唔少得好清甜多汁既香印提子兩款個樣都好靚～打卡一流📸餐廳仲係寵物友善🐶🐱🐹🐰有寵物餐供應，帶埋主子黎享受就好適合喇～…查看更多

去開黃埔，想揾間餐廳打卡，就揀咗呢間北歐風渡假feel嘅 《Niksen Coffee》。外貌已經滿分，食物仲好高質。餐廳pet-friendly，岩晒想帶小動物出街玩嘅你😍🍋戴維C炸彈檸檬雪芭唔只點綴成杯飲品外形，飲落酸酸甜甜，清新解渴。🦀避風塘香辣軟殼蟹意粉滿滿香辣避風塘風味，食完一啖停唔到，成碟意粉都好惹味！軟殼蟹炸得好酥脆，一啲都唔油膩。🐙日式和風章魚燒薄餅木魚份量多得驚人，一路食一路跌。灑上低調嘅和風醬，好日式嘅味道。🥩煎紐西蘭肉眼扒配精選雜菜法式芥末醬牛肉味濃郁，微微焦香。肉質鮮嫩，仲好juicy😜好高質🍧季節限定Niksen 芭菲 （香印提子）打卡必叫😍用Niksen芭菲為整晚畫上完美句號🥰杯上嘅拿破侖好酥脆。雪芭在面、底層有啫喱、脆米、提子等，仲有Q彈有咬口麻糬，口感十分豐富。…查看更多

Niksen是荷蘭人引以為傲的一種生活哲學，代表著一種無所事事的生活態度，這晚就來到位於紅磡黃埔天地的Niksen Koffie享受為自己放空留白的時刻。Cafe佔地超過6000呎，面積廣闊寬敞，空間感十足，分為室內和半室外場地，亦是Pet-Friendly餐廳，可帶同毛孩於戶外座位用餐。內裡以珊瑚粉色和大地色為主調，加上綠色植物和鏡子裝飾，佈置充滿藝術感。簡約文青風設計呈現素雅恬靜風格，氣氛悠閒輕鬆不侷促。沒有一個特定的行為能夠代表Niksen本身，只要發自內心地什麼事都不想不做時，純粹地享受當下的狀態，便是在Niksen了。星期三晚7:30pm至9:30pm有live music，滿足味蕾之餘，同時欣賞現場演唱。晚市餐牌選擇不算多，提供輕食、薄餅、意粉、主食和甜品等。三文魚排牛油果雞蛋花椰飯 (生酮) $108生酮飲食法特點是將碳水化合物攝取量降至極低水平，配上高脂和適當蛋白質促進脂肪代謝率。三文魚魚鮮十足而又沒有腥味，綴以半個翠綠軟滑的牛油果，水波蛋煮得外熟內生，吹彈可破，仍是處於流質狀態，刺破後滑嫩的熔岩蛋漿亦會漸漸流出。高纖低熱量的花椰飯可以補足一般吃不足的蔬菜量，外型及口感類似米飯，是替代碳水化合物的健康選擇。日式和風章魚燒薄餅 $98Pizza舖滿章魚粒、木魚碎和紫菜，完美還原章魚燒的材料。輕薄的木魚碎搖曳飄舞，味甘鮮香，西日fusion卻完全不帶半點違和感。餅底就有如餅乾般又薄又脆，散發惹味焦香，不會吃得飽飽滯滯。主打甜品拿破崙芭菲有兩種味道，分別是士多啤梨和香印提子，每日限量新鮮即制，售完即止。士多啤梨拿破崙抹茶芭菲 $98招牌芭菲甜品賣相精緻誘人，一杯集齊拿破崙、士多啤梨、抹茶啫喱、蕨餅、脆米粒、雲呢拿雪糕等，多重層次用料足。拿破崙酥皮入口香脆，滲出輕盈的牛油香，以軟滑的吉士醬和酸甜的士多啤梨層層相間，口感極其豐富。來到cafe又怎能缺少打卡拉花飲品？！咖啡師以高超拉花技術為每一杯熱飲注入靈魂，單看已教人心花怒放，實在讓人不忍心把它喝光。熱久正小山園抹茶鮮奶 $48.00卡通拉花圖案可愛趣緻，入口綿柔，茶香濃郁而清幽，散發抹茶的微瀝回甘。熱京都香月園焙茶鮮奶 $48.00焙茶茶香比奶味更重，呷出焙茶的含蓄焙煎焦香，正中我這些愛茶之人的口味。…查看更多

想嚟呢度試個芭菲好耐，咁啱去開黃埔附近探朋友，順便食個lunch先～▪️香煎三文魚排菠菜汁意粉🐟🍝三文魚煎得香脆，而且肉質保持嫩滑。另外仲有三文魚籽同菇，增加口感。不過個汁就唔係好覺有菠菜味，同埋整體偏咸少少▪️日式和風章魚燒薄餅🐙🍕薄餅鋪滿章魚、木魚同紫菜碎，加埋章魚燒汁同沙律醬，味道上真係好似食緊章魚燒咁，不過口感就完全唔同，因為pizza好薄好脆▪️凍多明尼加60%朱古力🍫朱古力好濃郁，唔會好甜▪️香印提子拿破崙芭菲🍨口感層次非常豐富，有香印提子拿破崙、兩球青檸雪芭、忌廉、脆米、蒟蒻、麻糬、香印提子果肉。拿破崙好酥脆，面頭仲有啲焦香味。青檸雪芭有驚喜，酸酸地，好清新，食晒成杯都唔會膩Niksen Koffie📍紅磡黃埔天地享膳坊(第4期)地下G8E號舖…查看更多

餐廳位於黃埔，面積超大，初初以為平日晏晝都唔洗book 位，點知原來都好多人食…. 侍應安排左一張矮檯比我🥲唔想等就照坐左🥲/香煎帶子明太子忌廉意粉 $172/帶子超大粒，不過明太子醬個味道同我想像中有d 出入，expect 佢會再濃d 同埋creamy d👌🏻/日式和風章魚燒薄餅 $122/見到個名覺得好得意於是叫黎試下😂 塊pizza 真係好似食緊章魚燒咁，味道一樣🤣/抹茶鮮奶 $48/ 焙茶鮮奶 $48/兩杯飲品拉花都好靚不過味道偏淡👌🏻/香印提子拿破崙芭菲 $98/賣相非常吸引，上面有拿破崙，口感鬆脆，下面就係雪糕同埋有d 好似啫喱/麻糬嘅物體😂都幾好食，提子酸酸地中和返雪糕甜味👌🏻整體黎講食物質素正常，如果坐到正常檯應該會坐得舒服d，雖然話有限時但係因為之後都冇客人d staff 都冇趕我地走🫶🏻 …查看更多

最近我地去到黃埔搵食，見到呢間cafe好大空間感十足，裝修走文青藝術風，以大地色同粉色作主調，仲有唔少打卡位，好岩同一班朋友黎打卡聚下~餐廳鄰近黃埔地鐵站，主打西餐，我地先點咗"香煎刺身帶子明太子忌廉汁意粉"，帶子幾大隻，煎到略帶金黃色好香，再加上明太子忌廉汁嘅鮮味，意粉煮到岩岩好，口感彈牙，每啖都有明太子醬汁，味道唔錯!😋另外點咗"原隻龍蝦香蒜忌廉汁意大利飯"，面頭用咗原隻細龍蝦肉，鮮甜彈牙，同香蒜忌廉汁混合味道獨特，如意大利飯更有咬口就更好~小食點咗"日式和風章魚燒薄餅"，細細件好似迷你嘅薄餅，以章魚餡料，再配上日式和風醬汁，幾有日式風味~最後點咗2款拿破崙芭菲，甜品好有驚喜，"士多啤梨拿破崙抹茶芭菲"同 "香印提子拿破崙芭菲"，拿破崙好出色，一咬落去好香脆，士多啤梨幾新鮮香甜，加上淡淡抹茶香，味道豐富!P.S: 只要係餐廳內拍照，上傳到社交平台，即可獲得餐廳指定口味芭菲 ($98) 一份，所以我地都食晒2款XD🔸香煎刺身帶子明太子忌廉汁意粉 ($148)🔹原隻龍蝦香蒜忌廉汁意大利飯 ($208)🔸日式和風章魚燒薄餅 ($98)🔹士多啤梨拿破崙抹茶芭菲 ($98)🔸香印提子拿破崙芭菲 ($98/ 打卡送)…查看更多