亞參雞飯

做完個facial行過，好而無食喇沙面。。。所以有啲興趣！點知一入去落一層樓，坐位都好多，見到個個都叫海南雞飯！應該唔錯！但我偏偏想食喇沙麵！就叫咗個新加坡喇沙米線！嘩。。。個湯好好濃！唔講得少，我從來未食過個喇沙湯底咁好食！呢個我認真係去新加坡都食唔到！堅正另外叫咗咖央多士。。。又係好好食！絶無孤寒，啲咖央醬多到流夾埋一大件牛油，真係間唔中食好啦但真係會每次叫！比較淡，美祿粉唔夠，不過跟餐加$10低飲！！！…查看更多

呢間亞參已好幾次系唔同區發現🧐，招牌菜：「海南雞飯」，今日先有機會探店食個午飯，睇menu+店內宣傳極推薦海南雞飯，當然要來試下招牌菜既勵害，重點因多區都有，岩口味就幾時都易嘆番個lunch/tea，要食番都容易👏🏻😆❤️新加坡喇沙米線❤️喇沙系落單時起初都驚會唔會過辣，上枱顏色偏橙既喇沙，面頭幾款配料時唔記得怕辣心情，流晒口水🤤🤤，而聞到椰香味既喇沙食落發現系舒服既溫辣😚😍，湯底入味得尼唔會過濃，米線就算唔系配湯一齊擺入口都食到米線吸晒湯底味，湯底亦正都可以就咁飲，入面有半隻半生熟蛋、蝦🦐、丸類條狀食品都幾爽口，有d似韓式魚腐既味道❤️亞參去骨海南雞飯❤️跟餐來既時候仲會配搭一碗跟餐雞湯，味道清甜淡鮮雞味，雞肉要大讚細心所有骨都已經去晒🥰🥰，而且雞肉堅滑嫩，配埋撈左雞油既海南雞飯，飯粒分明外，小小微咸+鮮雞香味道，就咁食已好好味😋😋，如果鐘意配汁醬的話，可以系味架碟到選擇配薑蓉/酸醋/雞汁，整個海南雞飯系出色，價錢合理，食到一飯不漏！❤️鳳尾蝦春卷❤️裡面系晶透兼爽身既蝦，外皮類似米紙炸出既網狀米紙包實蝦肉，蝦🦐保持到原味+口感，雖然其他鋪都遇到過呢類食飯，唔系好特別既新菜色，但配搭泰式辣醬食呢個鳳尾蝦春卷，外皮脆、內肉爽+酸甜開胃做到3重奏😎😎❤️班蘭咖央多士❤️班蘭味唔系好食得出，咖央、牛油🧈加埋多士，邪惡滋味組合🥳🥳，帶咸香牛油、甜味既咖央、完全唔油膩既多士底，平時西多士都系咸甜既配味，不過西多經油炸食物容易食膩，而呢款馬拉式多士底冇經油炸，硬脆口感，相對起港式西多比較健康🤪——————————————————————❤️馬來拉茶❤️馬來拉茶除左講求拉茶茶底外，沖既手法都會影響左拉茶既味道，如果你落茶記喜歡嘆番杯靚奶茶既，必試一定系呢杯拉茶，茶底味濃外非常順滑，類似「茶走」以煉奶化替糖既種味道，一邊食馬拉菜一邊嘆拉茶無得彈🤩🤩❤️薏米水❤️薏米水清甜，類似加微冰糖製既味道，薏米足夠，跟定鐵匙，仲可食米粒粒薏米既口感😌😌😙其實呢到menu選擇好多😂😂，花多眼亂左陣先揀到食咩好，手機落單方便，實物同餐牌上相片還原度高，成張打邊爐size 卡座，位置闊落一d唔迫🙌🏻餐廳裝修幾靚，仲有特別字眼「尋覓99分海南雞飯」睇得出食店對海南雞飯要求，食過後對比🆚出面海南雞飯，質素有水準👍🏻需要碗仔舉手員工亦好快提供有留意客人需要，值得推薦海南雞飯同呢到既拉茶👏🏻…查看更多

本身想食蘇媽，但係人多到完全唔想排，行行下見到有間係食同款野，就走左落去地底探個究竟，見到都差唔多全場爆滿就入去一試😲唔係依家打文，都無留意係有咁多間分店🙈同埋唔睇都唔知有咁多劣評，但係我覺得我今次叫既整體又冇人地講到咁差，幫佢平反下先😩▪️ 馬來斑蘭咖央多士（7.5/10）💲+38/2款 (追加)；22每次係餐廳見到呢個我多數都會點，呢道小食有驚喜喎😍唔好睇個方包好似普通咁，個多士係烘得熱辣辣脆身㗎😈微微既斑蘭味，帶有陣陣香甜咖央，夾埋塊牛油，內餡好快進入半溶狀態，入口超級邪惡🧈▪️ 特色秘製炸魚餅（6/10）💲+38/2款 (追加)；28 呢個相對地就真係一般般，本身鍾意香茅味既我都覺得過份濃味，而且又偏辣，感覺重口味同埋太油膩，蘸上酸辣醬會好少少，不過食一舊都已經有突👉🏻👈🏻▪️ 新加坡喇沙米線（7/10）💲80個碗好大直情好似二人碗咁，喇沙湯底會有沙嗲同埋椰香，濃郁得黎感覺又唔會太辣或者過膩，而且有蝦、好多切條狀既魚片、雞蛋、豆腐卜、芽菜、通菜，食落都係普通餸但算足料，米線亦彈牙但份量就無預期中咁多🍜▪️ 馬來拉茶（7/10）💲+10 (追加)；25馬來拉茶會有陣陣奶茶香，飲落都唔會太甜，不過冰溶之後淡左少少，如果唔係餐廳冷氣唔夠熱到出汗既話，可能叫熱飲濃一點點更好🤫🔎 整體評分（7/10）…查看更多