雞翼山 (新都會廣場)

雞翼山的雞翼口味真係層出不窮，同平時出邊快餐店買嘅好大出入，出邊離唔開蜜糖，原味同辣味，但係雞翼山嘅真係好有驚喜。最推薦嘅係文青風玫瑰雞翼真係好香玫瑰味，連糖漿都有玫瑰嘅味食落好fresh好清香。其次嘅就係橙香紅酒味雞翼，聞落去有少少橙香，不過食落去就是淡味嘅蜜糖雞翼，好似有少少柚子蜜咁樣，但係都唔會話太甜，都可以一試…查看更多

由雞翼山系旺角開既時候已經有留意佢，而家系葵芳有分店非常之近我，終於捨得去試試佢🤣今次同朋友試左三隻味（12隻），每人6隻聽落好似攝牙罅，但食完都幾飽濟。4件套餐｜ ᴴᴷᴰ4812件套餐-配一杯飲品｜ ᴴᴷᴰ118🌹文青風玫瑰呢個系招牌口味，主要系蜜糖雞翼黎，不過帶有淡淡玫瑰味系入面。雞翼表皮脆脆地，肉質幾juicy 。面頭以玫瑰花瓣裝飾，成件事好優雅，打卡一流😆🍋西檸香酸甜雞翼呢款我都覺得好好食，就系平時中菜食西檸雞果隻味黎，酸酸甜甜咁幾開胃🤤🧄黑松露蒜香武士呢隻味我就覺得比較失色，比較似原味雞翼。呢隻只系間中聞落有黑松露味，食就食吾到。反而面頭既紫菜比較喧賓奪主😅 🍊柳橙冰綠茶另外都幾推薦大家叫埋呢杯飲品，幾清新，食雞翼食到濟既時候配埋呢杯飲品可以解下膩😚😚…查看更多

剛剛睇完戲，行陣街發現地上有個有趣的指示燈，再細看一下，原來是手羽專門店 - 雞翼山，都殺到來葵芳新都會廣場。店內環境簡潔明亮，多以日本富士山作主題，給人一種舒適的感覺。雞翼種類有成10款可供選擇，緊有一款岩你。店中堅持即叫即炸，保持雞翼新鮮脆口。我咁鍾意食雞翼，當然都要叫番3款共12隻雞翼，加多2杯飲品，爽呀！即叫即炸係唔同d，遠處都聞到香氣四溢的味道。文青風玫瑰外表賣相十足，撒上玫瑰花瓣作伴，放到嘴邊已有著香甜的味道，吃起來香甜清新，甜而不膩。西檸酸甜雞翼入口有一種甜甜酸酸的感覺，黏稠的西檸汁全掛在雞翼上，配合香脆的外皮，真是一款醒胃可口之選。鼠尾草鹹蛋黃哥雞翼被鹹蛋黃醬完全包著，醬汁濃郁，吃到粒粒鹹蛋黃，啖啖起沙的口感，可見非常足料，相當香口，真的食到停唔到口。…查看更多

/雞翼山🇭🇰/#sa葵芳篇 #sa小食篇➖➖➖<不要儀態 只想吃雞翼>▪️▪️▪️之前同朋友去完葵廣再去隔離新都會行下又有啲肚餓 揾下商場有咩食 最後食左雞翼山店舖有多款口味獨特嘅雞翼 如果食得辣可以試下傷心雞翼 好似幾過癮！我地要左12隻雞翼套餐 $118 三款口味整體來講食物質素幾高質 肉質鮮嫩 幾款口味各有特色 推薦咸味雞翼我朋友係雞翼控 食完都覺得好滿足🥰➖➖➖1️⃣文青風玫瑰雞翼 (4pcs)經典款式之一🌷其實係蜜糖雞翼面頭滲滿左玫瑰花瓣 打卡確實幾靚雞翼新鮮熱辣辣 雞翼皮微脆 內裏肉汁鮮嫩😋玫瑰嘅味主要來自花瓣 連埋雞翼食食到淡淡玫瑰味 同時唔會喧賓奪主稍為降低甜度就好了🤤➖➖➖2️⃣港呢D友情萬歲檸茶(4pcs)個名感覺幾懷舊🤭令我諗起盒裝檸檬茶童年回憶❤️同best friend梗係要食👭🏻呢款同樣有蜜糖 較玫瑰雞翼甜～可以擠一擠檸檬汁 檸檬味會更重 (酸酸地)如果紅茶嘅苦澀味更突出就好！➖➖➖3️⃣港式避風塘蒜香雞翼 (4pcs) 個人最推薦係呢款 覺得佢嘅皮係最香脆而且面頭仲有辣椒粒同炸蒜粒 香辣惹味仲帶少少麻嘅感覺 食得辣嘅呢個可以一試➖➖➖4️⃣蜜桃冰茶、香橙綠茶 (套餐+$18)本身怕避風塘雞翼辣 要左杯飲品送口蜜桃嗰款唔太甜 飲落覺得好舒服可以解辣解渴香橙會再酸一點🤤另外想養生嘅可以要金銀花苿莉茶同薑母茶➖➖➖📍雞翼山…查看更多

大半年在旺角初嚐「雞翼山」，雞翼控的筆者當年絕對被驚艷，一吃難忘。最近得知開了葵芳店，便過來做回頭客。葵芳店同樣設有吧枱供食客立食，一旁有手套、酒精搓手液和紙巾提供，衛生非常。牆上有富士山圖案，店內也有很多富士山擺設，當然少不了「雞翼山」的人氣slogan：不要儀態⋯⋯只想吃雞翼！因為想跟家人分享好吃的，所以今次選擇了外帶。筆者選擇了三款口味，有一杯飲品附送。番石榴香妃綠茶番石榴味好濃，而且還有2片番石榴。雖然沒有很明顯的綠茶味，但香香甜甜也蠻好喝的。打開盒子，三款雞翼整齊放好，超級香！每款有4隻，但如果雞翼太小，會多給一隻的。當初在旺角店吃過，成為了筆者的最愛。玫瑰雞翼先炸香，再塗上了一層蜜糖，甜蜜之中又有玫瑰的花香味。而避風塘蒜香就相對較惹味。雞翼灑上了大量炸蒜碎，脆炸好的雞翼入口帶有少許微辣。嚐辣人士可以一試。其實上面2款口味，早已在第一次吃「雞翼山」時試過，當時也甚為好評。今次就試了這個新味——鼠尾草鹹蛋黃哥。雞翼被鹹蛋黃包裹著，入口有濃濃鹹蛋黃和牛油香。而加了鼠尾草調味，更令其有淡淡芳香。雖然第二次光顧，但還有幾款口味未嚐，下次找機會再來！…查看更多

雞翼山早係全港都有唔同分店，一直都稍有名氣。是日打算去葵廣覓食，經過商場見到呢間新開既雞翼山，趁個胃仲有空位，決定一試。店內裝修簡漯，十分光猛。場內看似以富士山為主題，牆身及收銀台都有放置唔少富士山擺設。價錢方面我認為合理，味道都好多選擇而且好特別。由於我地得兩個人食唔到咁多隻，所以只嗌左六隻，而當然梗係選最出名既文青風玫瑰啦。呢到既雞翼全部即叫即整，等大約10分鐘，雞翼就整好啦！我開頭仲係到諗，雞翼配玫瑰會係咩味呢，諗住味道可能會偏淡，點知一拎上手已經有陣陣既玫瑰香，雞翼面上佈滿糖漿，重點係，真係熱辣辣新鮮整嫁！一食落口，係陣陣玫瑰香既蜜糖味，雖然望落好似糖漿好多咁，但呢隻蜜糖唔會甜到喉嚨唔舒服，但食落口又不停聞到玫瑰香味，真係超級好食呀！如果你有食過某意式餐廳既蜜糖雞翼，而你又係愛好者，呢款雞翼絕對不能錯過！另外佢層皮亦好夠脆，肉質非常嫩滑，無諗過原來雞翼原來可以同玫瑰味咁夾。開頭仲諗住嗌6隻好似太多會食唔晒，點知一眨眼6隻已經消滅晒。場內都見到不少食客，店鋪負責人更不時與唔同客人交談，了解食物質素。進食期間有唔少客人經過望餐牌，負責人更用心地向客人推介各種唔同口味，呢種用心，唔係間間鋪都做到。好味既野雖然經常都會食到，但會翻兜既唔多，呢間鋪頭我決定會再返黎食，因為佢既味道係好食之餘更令我大有驚喜，決定下次再試下其他唔同味，睇下會唔會再有驚喜之餘，再食多次玫瑰味呀嗎，嘻嘻 …查看更多