擔擔麵

平常經過旺角，都會看到這家店的廣告，今天晚上又到了旺角閒逛，又再一次看到這個廣告，終於，給了一次嘗試這店的機會，走進雅蘭中心，上了扶手電梯，轉了一圈，看到門面的招牌，同時，接待員亦上前詢問人數，進入餐廳內，柔和的燈光，一貫中式餐廳的格局，看一看點餐紙，再看了一看餐牌，就點了幾款上海菜經常吃的；醉雞、青瓜、雲耳、賽螃蟹、擔擔面、東坡肉、原味小籠包；除了原味小籠包外，其他食品上菜速度非常快，醉雞比較鞋口，青瓜味道太淡，雲耳欠缺陳醋味，賽螃蟹不夠蟹香，蛋白香味亦欠奉，擔擔面湯底不夠濃郁，東坡肉最為好吃，小籠包皮太厚，所以，整體而言，只算中規中矩😌…查看更多

呢間餐廳環境好大，比一般餐廳既燈光柔和，個人覺得係舒服嘅。點左重頭戲既特色小籠包，一籠有8種味道，有原味、蒜香，絲瓜，蟹粉，芝士，黑松露、川味（辣)和鵝肝共8種口味，當中個人覺得蒜香味和川味最好味，因為其他都好淡，唔係好夠味😅特別係絲瓜唔知想點。不過作為打卡用既話係幾好既🐒反而個三絲春卷好好味呀，值得推介，可能係新鮮炸出來，真係好脆好香口。至於冷盤小食既素鴨都好好味，少少酸酸地好岩夏天食，好開胃。整體來講，一份錢一份貨，如果對食物要求不太高既話係值得試既餐廳。…查看更多

大概有兩三年冇幫襯過樂天皇朝，當年以新加坡過江龍姿態響銅鑼灣開第一間分店，已經第一時間去試。該店內裝條非常豪華，同旺角呢間差好遠。不過旺角店勝在近我，所以早幾年成日去，最近得炸醬拌麵，叫完一碗再一碗！事隔幾年再去食，已經唔係原本嘅味道了…..用eatigo 訂座食物有八折，點知埋單冇俾折扣，好彩有check 單！…查看更多

請朋友食生日飯，佢指定想食小籠包，就同左佢黎呢度試下個八色小籠包啦！個主角皇朝小籠包果然係皇牌，幾有驚喜👍🏻。我地一人食四隻唔同味，大部份嘅味都一食就食得出同埋都幾夾個小籠包。佢個小籠包嘅皮做得唔錯，唔會厚又唔會夾起黎好易穿。嚟到一定要食呢個！皇朝擔擔麵比想像中辣，但係差咁啲花生味。個炸饅頭都可以，新鮮炸起唔會好油，然後要點大量練奶😆。甜品就叫左個宮廷驢打滾，又幾好食喎！本來以為係熱嘅，原來係凍嘅好似扁左嘅糯米糍咁，夠煙韌又唔會好甜。飲品我個個薏米水都幾好飲，加左檸檬飲落酸酸地，同埋啲薏米都夠腍。等緊朋友黎嘅時候其實我都食左大半碟小食，係煮過嘅花生加粟子，整得幾入味都唔錯。…查看更多

見到個個食評都話好，就去試下啦，晚上8:15，攞位，等左大約半個小時，入到去，好辛苦先叫到個waiter幫我地落單。等左15分鐘，來了碗擔擔麵。味道不錯，麵身有彈力，呢碗好食之後再等多15分鐘先有小籠包，一籠6個或10個點了原味6個，皮薄軟，但不易漏，內裡肉汁多，沾上醋不太酸，係好味的！不過等得有點耐，前後要半小時。之後還有碟上海炒年糕等到我地食晒野都未來。。等左成個鐘先有得食，想叫佢取消，碟野先出現味道一般，有些年糕疊住一起，還有燶味，又等了成粒鐘之後加個甜品，擂沙湯丸，我最想食既野，呢個好快就來到了！擂沙湯丸，望落唔夠脹卜卜餡不錯的，滿滿的黑芝麻流心，但個皮大黏了，不煙韌！已經逐一小啖食，但喺口內黏連流心餡係好易哽到。。最後埋單，比了卡後等左10分鐘都未比返我簽名，原來佢等多啲單一次過拎過來。。咁樣真係好唔惦，食客又要等，等啲野食上台已經等到天荒地老，比錢都要等，後來走出去櫃臺問算，因為都已經夜了！整體來說，唔想再試。。…查看更多

樂天皇朝，塔塔子一直久仰大名好想試佢地七彩繽紛嘅小籠包颱風落波後到旺角店，唔知係咪因爲早到定係天氣麻麻呢～星期日7點入座都唔洗等位一入去感覺唔錯～因爲唔似其實小籠包名店，佢地唔會一坐低就提你用餐時間XX分鐘，樂天皇朝店員都服務親切，呢點值得塔塔子加分擔擔麵上檯時雖然賣相一般，食落去都有驚喜！麵條會剪過，所以同朋友分享都好易夾湯底唔會太濃，反而係比較辣，適合塔塔子口味加上蔥花，花生碎，好香口味道好似上海粗炒，但換上年糕～味道剛好不會太咸，仲有好多配料，菜，冬菇，肉絲，年糕口感一流，塔塔子加左少少辣招油，都好夾呢登登登鄧！主角出場了！因為七彩小籠包一定係8個，而呢個6件裝嘅招牌小籠包好似抵食好多，所以塔塔子今次試佢嘅原味先啦果然冇失望，皮薄餡靚，入面好多湯！熱辣辣～唯一要挑剔就係小籠包放得唔夠整齊，可能塔塔子有d強迫症？塔塔子意尤未盡，最尾叫多個甜點新鮮熱辣又夠脆，外層仲充滿蛋香，真係好食豆沙餡雖然唔係好多，但反而味道唔會過甜，食得出豆沙同外層餅皮嘅層次估唔到「星加坡」嘅上海菜都咁有驚喜，果然係「星」級之選…查看更多

今日去旺角行街～朋友帶我去雅蘭食担担麵～上到去～入面都好多人光顧，店舖佈置好有中國特色～枱亦有多張～坐下後，見到有特色小籠包～個個唔同味道，不過個friend鍾意食傳統小籠包，所以冇order ～我地order左醉雞、擔擔麵、炸饅頭～等左10分鐘，擔擔麵到，麵質好煙靭～唔太腍，好食～醉雞香濃～有好香花雕酒味～亦好入味～有好香既花生醬味～麵質一流炸饅頭好脆，配埋煉奶食不得了下次要一定要同老公試下特色小籠包～～…查看更多

2人撐抬腳～～～等左十分鐘左右就有位啦，依個位置咁快有位算唔錯啦必食的小龍包無嗌到唔食佢，因為好似除左顏色外都無必特別。。。（睇返大家評語）擔擔麵！唔錯唔錯，味道夠，麵質好，我覺得都幾抵呀！佢個黑木耳都好正因爲辣辣地，味道岩岩好，口感又好，值得推薦的黑木耳（even though佢係頭盤，覺得佢仲好食過佢其他野）紅油抄手都唔錯 唯一的敗筆係手煮魚，魚得幾片，又薄。仲要唔夠辣黎到上海野真係應該嗌返上海野呀…查看更多