清原 (已結業)

佢哋嘅餐牌分咗幾個大類有人氣芋頭冰 蔗糖刨冰 仙草冰 雪花冰 暖湯系列等等每款都有唔同嘅食材配搭 我就揀咗個招牌仙草冰 裝修方面行嘅小清新風格 乾淨整潔🥣招牌3號 $53食材有紅豆 芋圓 芋頭球同埋珍珠紅豆口感綿密又食到紅豆皮嘅質感 不失原始風味芋圓煙煙韌韌好有嚼勁 細心咀嚼都會食到淡淡原食材嘅味道最鍾意佢哋嘅芋頭球 係超級細膩綿密嘅芋泥 好粉好綿又嚼到啲芋頭粒粒珍珠就QQ彈彈帶啲甜甜嘅味道base嘅仙草滑捋捋帶少少甘味 整體甜度都偏低㗎 食完都唔會話好重負擔😍每份都配咗個奶油球 加咗之後增添咗份奶香味之餘整體會更滑 

食完晚飯之後想食甜品🍧，行出街口有兩三間甜品舖，但係都大排長龍。見到呢間芋圓環境唔錯，感覺好似cafe，位置寬闊，所以就諗住入去試吓。入到去店員幾熱情，同我哋介紹有咩食。最後嗌左招牌仙草冰2號同3號，兩碗嘢都係仙草冰分別唔大，如果想試其他口味嘅話，店員推介試蔗糖挫冰同暖湯系列。招牌2號既配料主要係薏仁、芋圓、芋頭球同珍珠。每碗仙草冰都會附送一個奶油球，加完令到成碗芋圓賣相更加靚同埋入味。配料到算多，堆到個碗好滿。最欣賞係個芋頭球綿密，而且夠甜撈埋啲薏仁，最好食😋。不過，個人認為芋圓可以再甜啲，單獨食芋圓嘅時候好似冇乜味，但整體嘅甜度都足夠既。招牌3號配料主要係紅豆、芋圓、芋頭球同珍珠。同招牌2號唯一唔同嘅地方就係多咗紅豆🙈，兩碗嘢嘅味道都差唔多，其實應該試吓其他口味。不過紅豆整體嚟講比薏仁甜，都幾好食。整體嚟講，份量都足夠，尤其是芋圓唔係剩係得幾粒，不過可以再甜啲。下次食完飯想搵地方chill下都應該會再嚟，環境真係幾好。

上星期去左呢間新糖水舖食，開左唔夠一個月喺銅鑼灣市中心地段，驟眼睇有一個樓面服務員，一黎就好熱情打招呼講解餐牌。等五分鐘左右店員帶位入坐。自助式要去cashier落單，取餐要聽實店員喺bar枱大叫單number去拎。一行人嗌左五個野食，逐份逐份出，店員要嗌足五次。店面都幾大，日日咁嗌真係要好好中氣先得。😮‍💨價錢預期之中，中上價位 成本去哂鋪租裝修。份量味道都正正常常，但餐具要洗乾淨啲，以及未抹乾嘅餐具，少許影響觀感。店間有少少亂，因為自助式 會有比較多人走動。好彩枱與枱都有一定距離，光線充足，唔會有壓迫感。整體係合格 唯獨希望改善下取餐方式 愛護下店員嘅聲帶。🫢