聚來車仔麵

呢排突然好想食西多士.因為已經好耐無食.但依家好難搵到一間好食好香蛋味嘅西多.食西多士最仲要係糖漿及牛油.趁熱食.係最好食！今次揀咗深水埗覓食.綱上好多人贊緊一間車仔麵小店.于是乎便決定試吓這間綱紅小店！嚟到深水埗基隆街門口見到舖內座位全部Full 哂.唯有排隊.大蓋等咗十五分鐘.已經可以入座.呢度環境都幾好.近門口位置牆身有一幅牆畫.寫住：我的麵「給你的家的味道」地方都整潔乾淨.呢度嘅爆醬流心西多.好出名.便決定要一份試吓！今日點餐如下：1. 爆漿阿華田西多士 X1 $33元 拼榛子醬加 $2元2. 招牌鮮煎鴛鴦餃子.韮菜拼芝士粟米 X1 42元3. 車仔麵兩餸套餐 X1 $35元 豬手拼蘿蔔. 麵底要蕃薯粉.咖喱汁. 餐飲： 熱鴛鴦邪惡爆點：爆漿阿華田西多士.外層灑滿哂成個西多面頭.中間有個圓形嘅氹仔.氹仔圈圈入面滿滿嘅煉奶.樣子好似就嚟要爆瀉出嚟咁.切開進食有一陣陣煉奶.阿華田及榛子醬味道.甜甜好香濃啊！經典之作.招牌鮮煎鴛鴦餃子.韮菜拼粟米芝士餃.每一樣餃子都有四隻.合共有八隻.外皮香脆可口.餃內多汁！車仔麵兩餸套餐.揀選咗豬手拼蘿蔔.蕃薯粉底🚶🏻‍♂️👉📌聚來車仔麵 (深水埗)深水埗基隆街172號地舖…查看更多

間唔中就想食吓港式車仔麵，之前睇介紹呢間位於深水埗的車仔麵店除了有提供車仔麵外，仲有餃子同好特別嘅阿華田西多士，作為甜品控嘅我當然要去試吓啦<自選車仔麵> (米線牛筋冬菇魚腐沙爹汁小辣) $45車仔麵唔少配料可以揀，牛筋呈啫喱狀，冬菇同魚腐幾索汁，米線略嫌偏淋沙嗲汁叫咗小辣，都有咁上下辣度，薑味偏重<爆漿阿華田西多士 配奶茶>  $33估唔到車仔麵點都有西多士可以點，除咗阿華田款，見到仲另外一款士多啤梨口味。阿華田西多士嘅內餡亦都可以揀係花生醬或者榛子醬，我哋揀咗榛子醬，一上枱中間非常流心，好似瀑布咁樣，非常打卡able<招牌鮮炸肉丸> $30呢個炸肉丸食得出用洋蔥作為主要嘅配料，炸得香脆內嫩，洋蔥嘅甜味突出，喜歡<招牌鮮煎餃子> (韭菜餃|芝士粟米餃) $42煎餃有三款可以揀，我哋就揀咗韭菜餃同埋芝士粟米餃，餃子煎得香脆，芝士粟米餃嘅芝士係半流質狀態；韭菜餃就肉汁多，韭菜獨香氣四溢…查看更多

🕖時段-星期五夜晚落大雨係附近搵野食 之前見過人介紹阿華田西多 決定一試! 7點到入面大約坐左一半人_ ▫️爆漿阿華田西多士(朱古力榛子醬) $35去到見到個阿華田西多係下午茶menu 好彩問一問係全日供應! 單點$33配花生醬 $35就配朱古力榛子醬! 好好食(但邪惡😈) 個面鋪滿阿華田粉 個多士上既阿華田粉痴埋啲醬變左一層少少脆口既layer👍🏻一切開啲醬就流出來 多士麵包唔算厚 唔會太飽太濟食唔落其他野😀 _▫️招牌鮮煎餃子(8隻) $42雙併唔洗加錢 叫左韮菜同芝士粟米 皮唔厚煎得幾香 個饀都好食 每日新鮮包 唔算貴不過無出面啲餃子專門店咁大隻_▫️三餸車仔麵 $43朋友點左米粉麵底$10 牛筋($13)豬皮($11)黑木耳($9)餸既份量多 牛筋豬皮各有5,6件 黑木耳一大堆😂 朋友話牛筋爽滑 豬皮有咬口唔會太淋😊_🍽環境餐廳小店經營 感覺同啲客人好friend 有人情味 入面有大約10張2人或4人枱 鐘意佢句"有緣相[聚] 歡迎再[來]" 所以餐廳叫[聚來]…查看更多

🙋🏻‍♂️餓底探員今日去咗深水埗調查呢間隱世小店，佢係家庭式經營，價錢夠親民，除咗賣車仔麵之外，仲有好多小食係好有驚喜，今日就嚟個小食放題😂⁡🥟招牌鮮煎餃子 $42📸表示呢個餃子可以雙拼，而且價錢都一樣，餓底就點咗韭菜餃拼芝士粟米餃，一碟有8隻，餃子外皮煎到金黃色，餃子包到漲卜卜，好大隻，睇見到好期待🙋🏻‍♂️表示個餃子煎得好脆，食落好香口，韭菜餃勁多韭菜喺入面，入口多汁，芝士粟米餃充滿濃郁芝士同超多粟米，食落甜甜地，味道夠特別，個芝士粟米餃真係好驚喜⁡🦑秘製辣魷魚 $35📸表示個魷魚份量好多，每條魷魚切到粗幼相若，面頭灑滿芝麻同秘製辣汁🙋🏻‍♂️表示個魷魚爽口彈牙，個秘製辣汁微辣帶有麻油香味，食到停唔到口⁡🍊🍗柚子蜜雞翼 $28📸表示個雞翼有4隻，仲要好大隻，炸到金黃色，每隻面頭都有柚子蜜🙋🏻‍♂️表示個雞翼食落香脆，配上柚子蜜酸酸甜甜咁又有啲果味，幾好食⁡🐖招牌鮮炸肉丸 $30📸表示個招牌肉丸有成10粒，份量唔少，每粒都炸到黃金色，整齊排列睇落好治癒，仲有碟泰式辣醬配埋俾客人點嚟食🙋🏻‍♂️表示個肉丸外層炸得香脆，內裡軟稔但唔會鬆散，豬肉夾雜住洋蔥，食落幾juicy，個肉丸每粒都係自家製人手搓成，好有家嘅味道🥰⁡🥬🐟生菜魚肉 $25📸表示呢碗生菜魚肉份量夠多，每嚿魚肉都搓到好大嚿，面頭加咗胡椒粉同麻油調味🙋🏻‍♂️表示個魚肉食落一啲都唔粉，鯪魚肉嘅比例好多，唔似坊間有啲生菜魚肉好似食緊麵粉咁，呢個值得一讚，個湯底偏淡，靠加咗胡椒粉同麻油調味，整體嚟講唔錯⁡🍫🍞爆漿阿華田西多士 $33📸表示個西多士面頭灑滿咗阿華田粉，中間有個凹位加咗淡奶，好似個阿華田湖咁，一切開嘅時候就決堤咁啲淡奶湧晒出嚟，做成爆漿效果🙋🏻‍♂️表示個西多士炸到幾脆，就算蘸滿阿華田同淡奶都唔會淋晒，個餡有朱古力榛子同花生醬兩款口味㨂，餓底呢個係花生醬味，阿華田嘅甜味加上花生醬嘅咸香，食落幾特別，如果係朱古力榛子醬味道可能會更加夾同更加甜，呢個爆漿西多士的確係一個驚喜之作⁡📈吃貨指數😋好味度 8/10🔙返啅度 8/10…查看更多

餓龍．豬割先生語錄📌 聚來車仔麵 - 深水埗基隆街172號地舖🗓(6/8) 星期六 ⏰ 下午3點左右 💈特式：餐廳位於深水埗基隆街，地點其實就真係唔係好起眼，但假日下午茶時間，佢竟然排戲小小嘅人龍。🥩🍔🌭🌮🥗🥯🥘🍲🍝🍣🥟🍤🍱食物：今日行過附近，成3點都未食lunch，見佢舖仔細細竟然排住條人龍，所以好奇心驅使下就去試下，講吓味道先......車仔麵 - 話晒都係車仔麵店，就梗係要試下佢個車仔麵啦，叫左3個最貴價嘅餸總數$49，分別係🐷爽脆豬頸肉/🐮牛筋/🦑香辣魷魚，呢3款我見佢店舖都推介所以一試，真心推介，好好味。豬頸肉真係做到爽脆嘅口感，牛筋就炆到好淋好入味起晒膠質，香辣魷魚就切到細細條，好似象拔蚌咁，口感一d都唔韌，仲要有好香嘅魷魚味，有機會都會想試埋佢其他推介嘅餸。麵底就揀左米粉🍜，普普通通，加左沙嗲湯底同🌶秘製辣汁，好惹味，建議食辣嘅朋友要加佢個秘製辣汁。招牌鮮煎餃子🥟 - $42/8隻，叫左韭菜/🧀芝士粟米雙併，芝士粟米比較少見，佢個外皮煎得好乾身脆口又唔油，個芝士粟米餡係可以做到拉絲效果; 韭菜味相對個皮無咁乾身，原因係因為d韭菜肉餡好多肉汁，一咬就唧晒出嚟，整體感覺仲好食過出面專賣煎餃嘅舖頭。招牌鮮炸肉丸 - 呢個$30有10粒，正正常常，唔係話唔食好，但相比起店舖嘅其他食物就略嫌無咁出色。爆漿阿華田西多士配朱古力榛子醬🍫🌰 - 呢個係呢間餐廳嘅招牌，我見枱枱都差唔多有叫，我當然唔執輸都試吓，價錢$35真係抵玩抵食，用嚟影下相share下比朋友都抵，而且味道都真係好食，食得出有用心去整，阿華田味好濃，仲要唔太甜又唔漏，⭐️必食推介。☕️🍵🥤🧋🍺🍷🥃🍹🧉🍾🍶🥛飲品 - 叫咗杯凍檸茶，飲品就正正常常茶餐廳質素，無太特別。🍽環境：餐廳環境一般正常，地方唔太，枱亦唔多，大約得8~9張枱，所以我假日下午茶時間都要等咗15分鐘左右先有位，如果真係想試嘅朋友，我建議平日下午茶時段會比較易有位。🤵🏻🤵🏻‍♀️🤵🏻‍♂️服務：職員服務好好，好有禮貌，目測似係家庭式經營，見到佢地會同客傾吓計，感覺都幾free幾自然。💰💸價錢：今餐午餐加下午茶總數係$159兩個人食，食到好飽，分分鐘唔洗食晚餐，我覺得唔貴，加上佢d食物質素都高，所以都可以講話抵食。🐲💬總結：性價比高，質素有意外驚喜，就算係一碗普通嘅車仔麵，都比其他好多人吹捧嘅店好食，再加上佢某一兩種招牌菜真係做得出色，唯一可挑剔嘅地方就係地方唔大，地理位置唔算太就腳。推薦指數：❤️❤️❤️❤️🤍…查看更多

最近有啲電腦用品要去深水埗買所以特登過咗去行到肚仔有啲餓就去咗附近搵咗間餐廳簡單食番餐係一間食車仔麵嘅舖頭入到去舖頭店面好乾淨企理 燈光光線充足入到去最吸引我嘅竟然係佢有一個特別嘅甜品食咗正餐後一定要叫一個邪惡嘅甜品食下賣下關子先佢哋個餐牌係用白板筆寫完再擦走 好環保呀招牌鮮煎餃子 $42可以揀雙拼 當晚嘅芝士粟米餃子就賣晒所以就叫咗韭菜餃拼椰菜老闆好貼心一坐低就問我哋使唔使要煎餃子因為煎餃子要煎一段時間所以佢嗱嗱聲幫我哋落咗單先餃子有八隻 大小適中 皮薄餡靚食落去熱辣辣 仲爆汁添 真係好正 好足料椰菜餃仲包住左木耳 配埋豬肉韭菜餃嘅韭菜豬肉份量都好多秘製辣魷魚 $35魷魚好爽脆新鮮 份量都好多配上秘製嘅辣醬 令到魷魚嘅鮮味都出晒嚟四餸車仔麵 因為怕食得太飽 食唔落西多士所以叫咗個淨餸嘅車仔麵有豬大腸 $12 - 洗得好乾淨 非常入味牛柏葉 $12 - 好爽好新鮮炸魚皮 $10 - 分湯上好脆口黑木耳 $9 - 好爽口（本來想試吓個手打魚肉不過賣晒）叫左沙嗲汁小辣 味道真係唔錯餐枱上都有佢哋秘製嘅辣菜甫 唔夠辣可以再加最後就到signature 甜品了就係佢嘅爆漿阿華田西多士 $33可以揀花生醬或者朱古力榛子醬西多士上鋪滿阿華田粉一切開真係爆漿㗎 上邊嘅練奶好似瀑布咁流出嚟好澎湃呀 入邊既榛子朱古力醬都好多呀好好味 好邪惡不過都好值得試嘅加咗個可樂$7 同埋凍檸茶 $6 (凍檸茶大大杯 仲有成四大塊檸檬 好足料呀）原來呢間舖頭係三代同堂家庭式經營㗎老闆嘅幾個女同太太同媽媽 都有響舖頭幫手 同婆婆傾咗幾句 佢話舖頭入邊所有嘢連肉丸都係佢哋自己自製㗎 餃子皮都係自己一手一腳整架佢哋想將自己家鄉 - 福建嘅食物帶俾食客 完全感受到佢哋對食物質量嘅堅持仲有好多嘢想試呀下次一定要再嚟過支持下…查看更多

“手打魚肉、豬頸肉、貢丸、生菜油麵”魚肉唔錯夠彈牙，豬頸肉應該有炸過。湯底加左腩汁同鹵水汁幾好味，唔會太鹹。“招牌鮮炸肉丸”幾得意嘅肉丸，口感唔係彈牙係偏淋嘅。應該係加左啲菜絲係入面但係食唔出係咩黎，不過係好食嘅👍🏻。“招牌鮮煎餃子” 一入到去已經見到佢哋有人係度不停咁包餃子，今次揀左椰菜同芝士粟米雙拼。餃子煎得幾好金黃色，兩邊都係脆嘅仲唔會好油。咬落好多汁，芝士個款啲芝士溶哂超正😋。“爆醬阿華田多士”可以揀花生醬或者榛子醬，今次揀左榛子醬。西多士新鮮炸起，面頭有啲好似奶咁嘅汁，仲有大量阿華田粉。加埋全部一齊食係好好味😍！唔好問甜唔甜，咁多野加埋一齊一定甜，但係好食好滿足。雖然鋪頭嘅名係車仔麵，但係其他小食都好有質素，仲有甜品食，正！…查看更多

1️⃣ 爆醬阿華田西多士 $33 🤍4.5/5🌩Bookmark咗呢間嘅流心西多好耐，終於食到🤩🌩 真係同個名一樣咁醬爆，花奶同阿華田一切就爆曬出嚟💥而且仲有滿滿嘅阿華田粉😋🌩 阿華田味好濃，亦唔會過甜，食完都唔會好膩👍🏼🌩 多士方便炸到麵包麵包邊卜卜脆🥰有花生醬同榛子醬嘅餡可以揀，揀咗花生醬🥜感覺更類似平時食開嘅西多，唔會過甜幾香口🤣2️⃣ 招牌鮮煎餃子(芝士粟米) $42 🤍3.5/5🌩 一共有八隻煎餃，餃子大細適中，啱啱好兩口份量🥟🌩 一啖咬落去係流出嚟嘅芝士🧀洋蔥粟米亦好新鮮爽口，不過覺得洋蔥味有少少太過突出🧅🌩 平時食餃子都係配餃子汁，估唔到芝士粟米配蕃茄醬呢個組合又幾夾🤫3️⃣ 套餐A (2餸+粉麵+飲品) $35 🤍4/5🌩 我同友人揀米線同紅薯粉，麵嘅份量好多~🌩湯底我同友人分別揀咗腩汁同瑞士汁，2款湯底都幾清，絕對唔係鹹到食完好想飲水嗰種👍🏼✨🌩 牛腩有驚喜，表面睇落去少少微焦，食落好腍🐮🌩 蘿蔔亦煮到好腍好入味😌豬手好大舊，味道不過不失…查看更多

終於到星期四，今日收工好想食甜野，行左去基隆街見到有爆漿阿華田西多士食，即刻行入去！爆漿阿華田西多士（$33）原本內餡係花生醬餡，加$2可以轉朱古力榛子醬，要邪惡當然要邪惡到底，我當然要榛子！一上枱見到賣相非常吸引，西多士嘅中間好似一個阿華田mix奶漿水塘仔，上面灑滿阿華田粉，一切開就見到澎湃既爆漿，入口先會食到阿華田味同蛋香，慢慢咬落榛子醬嘅味道就會出嚟，再飲啖鴛鴦，正到爆！不過份量都唔細，揾人同你share就最好啦！下午茶食仲抵，只要$33就包埋熱飲，bookmark下次再嚟食！招牌鮮煎餃子($40/8隻）今日揀左韮菜餃，好有驚喜！餃子煎得平均同靚之餘，一咬仲會爆汁，超級juicy！強烈推薦！舖頭細細，坐位唔算多，其實係家庭式經營，啲姨姨叔叔好nice，行過都會問你啲嘢食好唔好食，又問你甜品等你食完主食先上好唔好，感覺好窩心！…查看更多

深水埗有幾間車仔麵都好出名，呢間聚來車仔麵亦漸漸為人認識，而佢最出名嘅並唔係車仔麵。雖然重點推介嘅唔係車仔麵，但都要點返碗醫肚兼過吓口癮。難得佢嘅蕃薯粉唔使加錢，當然係叫蕃薯粉($10)做麵底，配料就揀咗上湯花膠($13)、魚片頭($10)、墨魚丸($9)同紅腸($9)。車仔麵屬正常水平，上湯花膠清得嚟夠入味，我就幾鍾意。蒜泥白肉分量超多，而且鋪滿蒜粒，非常香口惹味。其實呢度必食嘅係佢哋嘅招牌鮮煎餃子，餃子屬自家製，分別有韭菜餃、椰菜餃同芝士粟米餃，而且可以雙拼。椰菜餃入面除咗有椰菜同豬肉，仲有木耳絲，椰菜配豬肉味道鮮甜，而且煎得香脆，非常美味。芝士粟米餃就最啱小朋友食，濃濃嘅芝士再配上煎得香脆嘅餃子皮，感覺有點似食緊pizza。而另一個最值得慕名而來嘅，就係佢嘅爆漿阿華田西多士。西多士本身可以選擇榛子醬或花生醬，個人認為榛子醬配阿華田味道更夾。西多士中間挖空，灑上阿華田粉至完全覆蓋整件西多士，然後再注入佢哋特別調配嘅醬汁，大概係雲呢拿煉奶嘅味道，切開就有如岩漿流出，每口多士都沾有醬汁，真係好味到要舔碟。…查看更多

-{深水埗車仔麵🍜}深水埗嘅一間車仔麵😌但出名嘅係餃子同多士🤤車仔腩汁加油麵🤤 ($52)湯底同麵都普普通通喇 餸嘅話豬紅同蘿蔔都出色😆豬紅唔臭有咬口 蘿蔔好清甜冇渣😚👖褲評: 6.5/10🤤招牌鮮煎餃子🤤 ($40)雙拼唔洗加錢🤟韭菜味一咬就爆曬汁🥰椰菜味有木耳椰菜好爽口🥳外皮香脆☺️👖褲評: 7.8/10🤤爆漿阿華田西多士🤤 ($33)有得揀沙花生醬定榛子朱古力醬！我就揀咗榛子😛係滿滿嘅朱古力味😝的確爆曬將仲有阿華田粉鋪滿曬😋超級邪惡🤩👖褲評: 8/10反而鍾意煎餃同埋西多士😙見倒佢地即場包餃 店員都好好人😆會再黎食個西多士💓性價比: 9/10服務: 8.5/10環境: 7/10🚩 聚來車仔麵 🚩地址: 深水埗基隆街172號地舖#fuudjai #fuudjai港式 #fuudjai深水埗…查看更多

黎到深水埗呢間聚來車仔麵，鋪頭細細，感覺似係家庭式經營既小店，入面既菜式比我想像中多，除左車仔麵之外，仲有好多唔同既小食，而且店員感覺好親切，食到最後仲同其中一位姨姨傾左兩句😙我地讚佢地啲野食整得好食啊，跟住個姨姨答翻我地，最緊要你地覺得好食，你地話好食我地就最開心😄聽完之後即刻對呢間鋪頭既好感度又提升左☺️1⃣️金菇+冬菇粗麵（$31）（秘製辣醬中辣）（腩汁）呢度主打無味精，湯底揀左要腩汁，味道比較淡，另外辣醬係另外裝係隻羹到既，辣醬幾夠辣，伴隨住蒜香，唔錯👍冬菇大大粒，咬落有汁🤤仲有佢啲份量都幾多，冬菇有成四大件，金菇同埋麵都好多。  2⃣️豬紅+手打魚肉油麵（$31）（秘製辣醬中辣）（沙嗲汁）豬紅有大約五粒，然後手打魚肉有四件，油麵份量都係好多。豬紅冇乜味，而手打魚肉係鯪魚肉，食落唔算係好爽口彈牙，但係都算幾滑幾有咬口。呢款湯底揀左沙嗲汁，個人覺得沙嗲汁好味過腩汁，呢度既沙嗲汁幾香同埋配埋辣醬食成個湯底更加惹味😋  3⃣️招牌鮮煎餃子（$40） 呢度既餃子有得揀韭菜餃或者椰菜餃，仲有得揀雙拼添。今次我就揀左雙拼。椰菜餃入面既料除左有椰菜之外，仲有啲木耳，食落好爽脆。而韭菜餃既韭菜同豬肉既比例啱啱好，唔會食落好肥膩，韭菜份量亦都夠，夠味。好欣賞呢度既餃子係，呢度既餃子啲皮好夠薄，煎出黎個底係真係薄脆😲而且咬落juicy。  4⃣️秘制辣魷魚（$35）呢個比我想像中好食！魷魚面頭覆蓋滿沙嗲醬，仲有少少花生碎同埋蒜蓉粒係面，超級惹味，而且醬汁好濃稠，每條魷魚都沾上醬汁，個醬汁有啲似平時出去食串燒既時候既沙嗲醬。辣度好足夠，個人覺得呢個既辣度比起車仔麵既中辣更加辣🌶️但係辣得黎好惹味！超級推薦呢個魷魚🦑除左醬汁好正之外，呢度既魷魚都好爽彈，仲有好多添😚  5⃣️蒜泥白肉（$28）呢個比較普通。肉係好薄切既，食落冇咩肥膩既感覺，雖然佢肥瘦既位置各半，但係食落都係有啲乾，同埋個人覺得蒜味唔夠重，如果蒜泥份量再澎湃啲會更好。  6⃣️爆漿阿華田西多士（$33）（轉朱古力榛子醬+$2）成餐既重頭戲🤩上到枱已經期待感滿分💯西多士上面灑滿阿華田粉，勁邪惡😈中間係朗下朗下既煉奶，超滿。一切開，啲煉奶就係個缺口到流曬出黎🤤即刻吞左啖口水🤭西多士既外層係脆脆地既，入面夠鬆軟，夾層有得揀要傳統既花生醬，或者轉朱古力榛子醬，個人覺得阿華田配朱古力榛子醬會好夾，所以就轉左，事實證明，呢個決定係冇錯既😌阿華田粉、朱古力榛子內層、流心煉奶，呢三樣野加埋完全係冇得輸。  …查看更多

今次黎到呢間好有特色既車仔麵小食店🍜佢既特別之處 唔係在於環境有幾多打卡位而係佢為我帶黎咗對車仔麵既新睇法起初吸引我地去食既並唔係車仔麵而係佢既煎餃🥟同多士 呢兩個可以話係必食但原來佢除咗車仔麵 小店仲有好多唔同小食類如果大家都想試多啲 可以好似我地咁 淨係叫餸咁就可以食多一款小食 又唔怕食唔落🤣-🔸招牌鮮煎餃子 - 韮菜餃新鮮即叫即煎既餃子🥟 上枱時熱辣辣粒粒都飽滿既餃子 金黃色既脆皮🤤每一粒都煎到好均勻 亦都無破皮純講賣相 佢已經嬴晒 好耐冇見過咁靚既煎餃😍咬一啖 裡面既肉汁多到滴出黎 小籠包咁款韮菜味出晒黎 但又唔會令人抗拒多菜少肉既比較 我個人比較鐘意咁 冇咁腬👍🏼-🔸招牌鮮炸肉丸份量唔少既炸肉丸 粒粒都係好香脆🤤做得好既一樣野係佢唔會鬆散肉丸係內軟外脆 但又好紮實 呢個係加分位中間釀入咗洋蔥🧅 同時間可能減低肉丸既油膩感亦都唔會令到肉丸味道單調 又唔會乾身唔覺意食吓又一粒食吓又一粒-🔸自選車仔餸>豬頸肉 >牛腩 >雞翼 >芝士丸 >貢丸雖然我地冇叫麵底 但車仔麵黎講佢既選擇都好齊✅餸菜方面更加唔少 連湯底都有5 6款揀👍🏼我地揀既腩汁湯底 味道聞落好香濃 食落都食到牛香唔算太重味 亦都唔會過咸 比較清一啲既口味豬頸肉微微煎香過 油脂比例都幾好 唔會過肥而且有啲咬口會爽口少少😋牛腩都幾大舊 用咗半肥瘦既肉所以都幾腍 同埋幾入味-🔸爆漿阿華田西多士呢 個 真 係 必 定 要 食 !西多士上鋪滿阿華田粉 中間一切開啲阿華田就湧出黎 呢一幕好好睇😍😍😍😍你又點會估到 係車仔麵店都有啲咁高質既野多士夾住榛子朱古力醬 起初都擔心會太甜但食落唔甜之餘仲要有啖啖阿華田味🥰我係幾欣賞 因為食到飽晒再食咁甜其實會好腬以小店做到呢個超水準真係大讚👏🏼-一間好有家的感覺既食店 店員有一種親切感車仔麵店有好多 要食好食既都唔係容易呢度除咗味道好之外 連創意分都有 值得一試👍🏼-🧸🌞C.ookingbear推介指數 👉🏼👉🏼9️⃣🌟…查看更多

要數代表到香港嘅美食，車仔麵一定榜上有名，可以自由揀餸同麵，啱晒唔同香港人嘅口味，喺車仔店林立嘅深水埗，有一間今年新嘅餐廳，除咗有車仔麵之外，仲有唔同嘅小食，而且仲有一款近排人氣爆燈嘅爆漿阿華田多士。聚來車仔麵係一間今年一月開業嘅車仔麵小店，餐廳係深水埗基隆街，聚來嘅意思係邀請各位再嚟，招牌名已經好好客，入到去更加感受到，因為餐廳係家庭式經營，待客人好似待屋企人咁。小店目標係提供乾淨、健康、唔加味精嘅嘢食，良心製作每一碗車仔麵，令食客食得開心。餐廳除咗主打車仔麵，仲有提供好似蔥油雞扒飯、煎餃子等港式美食，價錢貼地，呢排仲有招牌嘅名物爆漿阿華田西多士，切開有流心阿華田醬。平日夜晚7:30去到餐廳嗰時已經坐滿左，所以要喺出邊等，等咗差唔多一至兩個字就入到去，等嘅時候見到門口有塊黑板餐牌寫住西多士已經好肚餓。入到去餐廳環境算幾新淨，店舖唔算好大，不過座位都算舒服，燈光夠光猛，以車仔麵店來講算唔錯。招呼我哋嘅竟然係老人家，係一個婆婆同一個公公，即刻感受到家嘅味道，雖然佢哋行路唔快，不過想落單嘅我絕對有耐性。可以睇到枱上嘅餐牌有兩塊，有一塊係全日供應嘅飯餐同埋下午茶餐，因為今日想食車仔麵同小食所以就冇睇，第二塊就係車仔麵同埋小食，車仔麵有得揀套餐或者每個餸同麵咁嗌就，套餐就平啲不過餸嘅選擇少啲，小食方面最多人嗌嘅係炸肉丸同埋煎餃子。另外牆上面都有好多圖片同埋Menu，可以見到招牌嘅西多士唔止係下午茶有，仲有得全日供應，不過下午茶就會包嘢飲，30幾蚊一個咁特別嘅西多士加嘢飲，價錢非常平民。-1️⃣ 招牌鮮煎餃子 💰40（👅: 8/10）餃子喺呢度招牌，呢度有兩款餃子，分別係韭菜餃同椰菜餃，可以要求雙併口味，餃子都係自家製人手包，即叫即煎。上枱時見到啲餃子賣相好靚，隻隻都煎到金黃色，已經迫不及待想食。餃子咬落去非常香脆，尤其係底部，夠乾身，唔會太燶，煎餃最緊要皮薄，呢度絕對做到，比甜記餃子同家後薄，食落香口，而內餡咬落去即刻爆汁，餡料充足，雖然未到甜記、美味餃子嗰啲咁多餡，絕對皮薄餡靚，餃子唔會話太過油膩，唔似甜記餃子既煎餃好似炸餃。椰菜餃嘅味道比較清新，唔會好鹹，咬落去清爽，而韭菜餃味道濃郁啲，多啲鹹香味，兩個嘅菜肉比例算平均，會食到豬肉味，餃子食囉冇咩負擔，有啲似屋企人包嘅味道。另外仲會有餃子醋俾你點，不過本身餃子味道足夠，醋可以用黎中和少少油膩感。-2️⃣ 招牌鮮炸肉丸 💰28（👅: 8/10）另外仲叫咗個炸肉丸，份量唔少，有成10粒。肉丸外層炸到好香脆，入邊比較鬆軟但唔會鬆散，係外脆內軟，食落肉質新鮮，有少少肉汁，豬肉味唔算好重，反而洋蔥味好突出，而且會咬到少少洋蔥粒，感覺好似食緊洋蔥圈咁，女朋友就覺得好似食緊獅子頭，對於好耐冇食洋蔥圈我覺得好新鮮有驚喜，味道唔會太鹹，呢個價錢有10粒非常抵食，如果可以我想買啲急凍版返去自己整黎食。-3️⃣ 車仔麵 💰58（👅: 8/10）豬頸肉 💰13牛筋 💰13香辣魷魚 💰13蘿蔔 💰9秘製辣汁(中辣) 💰0腩汁 💰0粗麵 💰10呢度主打車仔麵，所以叫咗碗黎試吓，湯底方面叫咗腩汁加秘製辣汁中辣，上枱嗰時秘製辣醬會淨係擺喺匙羹上面分開上，可以自己決定落幾多。腩汁味道唔算好重，比較淡味，不過加咗辣醬之後絕對有令湯底加分，辣醬係以蒜粒同辣椒油組成，雖然係中辣不過對我來講係少少辣，相對譚仔可能係二小辣，不過依個辣度啱啱好，食落幾惹味，會想間中飲幾啖湯。另外如果唔夠辣可以加枱上面嘅自家製。菜脯麵質方面揀咗粗麵，粗麵夠薄身就咬落去有彈性，係唔錯嘅麵。餸方面我覺得最出色係蘿蔔，蘿蔔份量好多，切開咗有4、5舊，非常之腍，入口無渣，食落好清甜，如果加咗辣醬仲可以吸收佢哋精華。豬頸肉都係有驚喜，因為佢係有煎過，食落有焦香，咬落夠爽口，不過會切到好細條，食一條唔夠過癮。之後香辣魷魚都值得一試，相信係同小食嗰個魷魚係一樣，魷魚沾滿左醬汁，食落有蒜辣味，夠入味，辣味夠過癮，咬落都彈牙。最後係我唔食嘅牛筋，牛筋非常之大條，有三條，三條入邊有兩條女朋友覺得問得炆得夠腍，唔使點咀嚼，另外一條就比較韌啲。-4️⃣ 凍檸茶 +💰5（👅: 7.5/10）如果叫車仔麵加兩蚊就有熱飲，$5就有凍飲或者可樂，檸檬茶甜度正常，唔會話好重苦澀味。-5️⃣ 爆漿阿華田西多士 朱古力榛子醬 💰33 + 2（👅: 8/10）之後就到重頭戲，就係依度嘅招牌西多士，平時下午茶係人氣之選，夜晚都係全日供應，味道方面西多士入邊嘅餡可以揀花生或者朱古力榛子餡，我就揀咗後者。上枱時西多士賣相非常吸引，可以見到鋪滿左阿華田粉，甚至碟邊都係好多粉，中間會見到有啲煉奶連埋阿華田粉，只要將個西多士切開，啲奶就會湧出來。因為係新鮮整起所以係熱辣辣，西多士唔會好油，唔會話炸到好勁，食落阿華田嘅味都幾香，但唔係每一部份嘅西多士味道都濃郁，味道最濃郁嘅係中間，即係有煉奶既部份，因為有煉奶所以圍住嘅西多士都比較濕潤，而且味道重啲，但邊位就會比較乾身啲，所以阿華田味道就冇咁濃郁，但都會食到夾心嘅朱古力榛子醬嘅味道。邊位榛子醬味道會重過阿華田味，不過朱古力未到唔會太甜，比起平時嘅糖漿感覺冇咁Heavy，口味上幾獨特，作為下午茶同甜品都唔錯。-🌟食物來講，每樣嘢食都唔錯，煎餃喺呢排食到嘅餃子店來講算唔錯，因為佢皮夠薄，食落唔會覺得好油膩，炸肉丸好似食緊炸洋蔥圈咁，而車仔麵嘅餸都發揮唔錯，最後嘅西多士非常有特色，如果去中間嘅煉奶可以多啲令到成個西多士濕啲應該會更加重口味更加好食，見到佢仲有個士多啤梨西多士，不過太飽食唔到，下次有機會嚟到會想再試。餐廳除咗係家庭式經營，仲可以令到食客有家嘅感覺，會主動問下食客覺得好唔好食，因為餐廳係收九點，有食客九點先到但都仲可以落單食嘢，會主動問佢落咗單未，而且同其他食客有傾有講，食客仲同佢哋講今日咁旺場，睇得出佢哋無論係對待食客，定係製作食物都係非常用心，走嗰時招呼我哋依然係公公婆婆，仲有睇落年紀唔少嘅收銀、同應該負責廚房嘅媽媽，聽講有時仲會有小妹妹落黎幫手，喺深水埗區來講係值得支持嘅小店。-👅味道: 8/10🍴環境: 7/10💰消費: $40-80pp (服務費: NA)…查看更多

大概容納廿零人，應該係家庭既小本經營生意，啊姨間唔中要照顧啊仔，啊女仲著埋校服幫手。見個店名都知主要做車仔麵，都有飯同其他小食。上菜速度比較慢，差不多食完，飯先至到。✨味道67分，服務63分，環境65分。.🔸招牌鮮煎餃子($40/8pcs)⭐️超有驚喜！真心推薦⭐️外脆內juicy！外皮煎到金黃色，又唔會太燶，咬落入面會有少許汁流出黎，韭菜仲包到脹卜卜。.🔸秘製蔥油香煎豬扒飯配雙蛋($43)送熱飲豬扒煎得香，肉咬落唔韌，都尚算大塊。兩隻太陽蛋，再配埋甜豉油係不錯，不過甜豉油落太多，令飯太濕。.🔶自選車仔麵🔸河粉($10)：不過不失，偏碎。🔸爽脆豬耳($12)：好入味，應該煮好耐，易咬開。🔸香辣魷魚($13)：水魷魚配有蒜辣味既醬汁。🔸蘿蔔($9)：夠稔夠甜。湯底：揀左瑞士汁，中辣，不過唔係好覺有瑞士汁味。另外，落左枱上既菜脯，令成個湯更香，不過菜脯好碎好細，會散開於湯內消失。.🔸油菜($18)…查看更多