紅茶 (已結業)

觀塘間紅茶每日食飯時間都超多人排隊 自己都食過幾次 今次去旺角呢間紅茶 試下佢嘅下午茶 餐牌選擇眾多 我地叫咗個「招牌芝士流心西多士」同「豬扒包伴薯皇」西多士真係超級邪惡👻 用芝士取代花生醬黎做夾心 做法較新穎 切開後芝士真係慢慢融出黎 正😏 不過我對面果位人兄就鐘意食傳統嘅西多士多啲🤣

-鮮茄茸小元貝炒意粉 $68本身以為意粉份量好多，後來先發現原來係加入咗好多切粒蕃茄，配料份量比意粉多。調味其實幾足，可惜重手咗少少，味道偏鹹。小元貝數量同樣驚人，每粒入口小巧彈牙，伴意粉同食增添鮮味。-招牌芝士流心西多士 $28西多士面層鋪上大大塊牛油片，特別淋上糖漿及煉奶，實為邪惡之選。西多士口感唔算特別外脆內軟，切開後並無出現流心芝士嘅畫面。不過夾心的確食到芝士片，個人認為芝士同西多士唔算好夾，食多幾啖就好易滯。-招牌芝士撻 $13甜芝士配牛油皮撻，味道唔會太膩。撻皮頗酥脆，可惜芝士撻焦脆表層分佈得唔太均勻，性價比唔算高。