南小館

同朋友係附近睇完戲, 諗住揾間餐廳可以坐耐少少傾下計,由於星期六晚飯時間, 周圍都好多人, 最後經過南小館就試下排隊,15分鐘左右就入座啦...入面都幾大, 有個開放式廚房,入座先發現要收茶位$6同前菜$9,不過佢杯茶係喬麥茶, 幾好飲..南小館四小拼花雕白切雞花雕味好香, 塊雞好嫰滑, 而且無骨..涼拌木耳醋味比較突出, 有少少辣, 木耳好爽口..糖醋排骨味道酸酸甜甜, D肉好淋好易咬..四喜烤麩第一次吃呢款小食, 其實係齌豆腐干, 吃唔到咩味, 但覺得幾有趣...  風味麻醬拌麵份量勁小, 不過好味道,好多青瓜絲, 吃落爽口,麻醬味道唔算重, 如果麻醬味濃D就好啦~香麻鴨胸粉皮鴨胸都幾多, 但粉皮就較少同較碎,我覺得佢個醬汁整得好味,味道一D都唔辣, 不過就有少少麻, 而且好開胃...大白菜肉絲炒年糕年糕煙煙韌韌, 而且炒得好香, D汁好濃,不過份量較少, 當中大白菜份量佔最大, 肉絲佔最少...無鍚小籠包呢到有多款小籠包選擇, 我地就揀左無鍚小籠包,其實我地都唔知咩叫無鍚style, 只係覺得D湯汁較濃,小籠包個皮好薄, 但唔易穿,而且個小籠包入面好多湯汁,由於係熱辣辣, 吃既時候要小心!招牌生煎包呢個生煎包等左好耐, 因為佢係即叫即整,我覺得呢個係必食之一, 真係好好味,包底好香脆, 個包軟淋淋, 入面仲有湯汁...下次黎要叫2客先得南小館甜甜拼杏仁白玉蜜瓜奶凍第一啖覺得杏仁味好濃, 配上蜜瓜汁甜甜地, 贈雪耳一塊..苿莉紅豆奶凍其實係抺茶紅豆奶凍, 奶凍好滑, 甜豆甜甜地, 同茉莉好夾..桂花蜜拉糕好香桂花味, 吃落煙煙韌韌..椰香紅棗糕朋友勁贊呢款糕, 佢吃到好香紅棗味仲好似有D南棗味..…查看更多

香港似乎很多大型商場都忙着翻新，店舖就像小時候玩大風吹一樣，原變越陌生，但能留在原位的商戶實在少之又少。舊日的小南國，變成今日的南小館，裝潢是一貫的白，帶點田園的清新，而且無論哪間分店總有靠落地玻璃窗的高腳檯。近來iphone手發作，最惡劣時雙手可以痛至上洗手間除褲的氣力也沒有，除了與針灸為伴，今週開始吃消炎藥。從診所出來，剛好可以約男友午餐。翻開餐牌，感覺南小館的菜式無論是甜品還是正餐都彷似跟三年前沒兩樣，招牌生煎包只有美麗的賣相，如果按「皮薄、餡鮮、多汁、底脆」的標準去考慮，店方也只有兩項算是合格。外皮頂部很薄很軟，一夾便穿，湯汁四濺，底部則不成比例的厚，還是令人想念祥興記的生煎包。清燉牛腱湯麵毫無驚喜，比起主角牛腱，湯身反而更出色。除了零油花夠清新的緣故，味道還帶點像煲瘦肉水似的，感覺很養生。牛腱軟腍，但似乎連肉味都嚐不出來。麵條放下不久便結成一團，麵條表面好像有點糊開，口感不夠扎實。中場來了一杯台式cafe味道濃厚的王牌水果花茶，這款特飲以芒果為基調，再配上花茶、檸檬、藍莓、士多啤梨、西瓜、香橙等時令鮮果，顏色繽紛奪目，可惜芒果味稍嫌人工化。金網生煎窩貼算是最期待，也是最失望的一道，網狀的賣相本應討人喜歡，無奈窩貼本身油膩得不能再油，入面儘管放了爽口蝦仁，也令人無心欣賞。平日的中午時段許多餐廳都會推出特價午市套餐，不過南小館卻沒有，是日散叫四道埋單已經要接近$180，對一般打工族來說似乎不夠經濟，雖然結帳時店方送了3張$20優惠券，不過經過今次，以後來南小館的機會應該不多了吧。但願我的雙手可以快點早日康復，否則很快便要人餵食照顧了(笑)。…查看更多