南山冰室 (已結業)

#causewaybay 有日下午茶時間喺條街度行到熱辣辣，我哋見到附近有個冰字就即刻仆入去！好彩原來係餐廳嚟嘅😅😅呢間係位於銅鑼灣嘅🔸南山冰室🔹雖然佢個名係冰室，但係佢原來都有好正嘅星馬菜！我當然嗌咗我最鍾意嘅海南雞飯啦！基本上餐牌有，我就會嗌。佢個雞肉好嫩好滑，個椰香飯真係好椰香😂😂唯一可以進步就係雞再熟透啲就好喇！老公就點咗佢哋個招牌海鮮喇沙。佢個湯好濃郁，我痴咗佢一舊豆腐卜嚟食，啲海鮮味真係不得了！🦞難怪只係tea time，佢都成碗清！我哋再加多咗個咖央西多士俾兩個小寶share！本來係想佢哋食，但係我試完味之後確定我都一齊食😂😂😂個咖央醬真係同麵包係絕配！再用嚟整西多、加埋蜜糖真係停唔到口！…查看更多

呢日約咗個客未夠鐘，響銅鑼灣行下行下又落雨，雖然未肚餓，但為咗避雨，就自己入左黎呢度食個lunch先。呢度門面都幾新潮，好有高級茶餐廳感覺， 睇到menu先知道原來係食馬拉嘢，但食落先知原來係馬拉crossover香港口味。招牌海鮮喇沙：其實係摻摻，麵底係油麵加米粉，海鮮好多好新鮮，又大隻，但menu見到有帆立貝，我碗無🥺。我預期嘅喇沙係有半隻蛋，又無呀🙈。不過佢除左有芽菜，仲加左通菜，好港式粉麵嘅感覺，健康啲囉😂。值得一提，佢個湯底無乜椰漿味，唔鍾意呢種味嘅就岩食喇。馬來咖啡：咖啡味道好淡，真係好似響馬來西亞當地飲到嘅咖啡口味，亦都似平時買到嘅馬拉咖啡袋嘅口味。估唔到茶餐廳有乳鴿，下次過開黎又有時間的話要試下。…查看更多

Tiff哥諗大家都會有D想問咩叫角落餐廳。角落餐廳係Tiff哥自創的，形容個D位於鬧市角落，你行過又唔係好覺，一入到去好似去左另一個世界一般的餐廳。當然，Tiff哥揀得黎介紹就緊係唔係D，難食既角落餐廳。今次同一個kol朋友聚聚，想俾佢一個好打卡的環境，我就揀左南山冰室! 雖然佢有D想打我，因為角落指數都幾高。呢間角落餐廳吸引我入去，除左食馬拉野之外，仲係入面的裝修，實在太有心思! 木質加tiff哥的藍同埋暗紅色的配搭，好有異國味~ 仲有好靚的地面磚。我明我明，應該無乜人去食野望地下，但係認真連地板都咁有心思，食物都一樣俾足120分努力做啦!第一道---肉骨茶去馬拉餐廳唔似肉骨茶仲成世界既咩? 一向好驚中藥味的tiff哥，因為要同大家一試好唔好飲，都真係轄出去! 其實又唔洗咁驚，都幾易入口，藥材味濃得黎Tiff哥又唔太抗拒，仲快快飲晒，肉甜味都幾濃，下次可以翻桌!第二道---夏日KAGOME特飲南山冰室同KAGOME合作，出左兩款特飲，分別係Tiff哥都唔太記得名，剩係記得味道。係提子汁同甘筍芒果汁加鮮果的配搭，都真心係幾fresh，至少好飲程度係想飲多杯。呢杯冰沙唔會話好粗粒冰，smooth同易入口的冰感係好難忘。去到記得要叫杯黎飲!第三道---招牌海鮮喇沙Tiff哥考考你，喇沙除左湯底，仲有咩係特別? 當然係有兩款唔同粗幼的麵係入面啦! 有油麵同米粉，咬落口感都唔同，所以食的時候要撈底食。海鮮係第二男主角，Tiff哥最中意個魷魚仔，厚肉，唔乾，係有D料到。仲有兩隻大蝦係到，咬感彈牙都係驚喜的。第四道---馳名海南雞配椰香飯KOL朋友一路食一路覺得唔太好食，話點解D飯少左D味，呢樣野緊係唔會難到Tiff哥。因為，佢係，椰香飯! 真心wor，椰香飯比雞油飯健康又香。海南雞都係Tiff哥覺得合格! 有透明膏，夠凍，嫩，收貨!食到成檯咁都係每人100蚊都唔洗，其實出面的馬拉菜都貴，由其是係銅鑼灣呢個地帶。所以去銅鑼灣我一定搵角落餐廳黎食，就有可能用平D的價錢食到港島級的享受! Tiff哥之後會多D介紹角落餐廳，等大家係鬧市中又多一個選擇! …查看更多

熱辣辣，讓我想起陽光與海灘，更想起星馬美食。想不到在銅鑼灣南山冰室，都可以用午餐價錢吃到惹味星馬晚餐，仲有特飲添。先來個馳名咖央厚多士$24，哄得鬆脆，一口咬下有如空氣般鬆綿。肉骨茶$38也蠻推介的啊！這款是馬來西亞福建派肉骨茶，藥材味剛好，湯料十足，喝得舒服，所有單點食物+$20就可以嚐到細碗(一人份量)。招牌海鮮喇沙$55，用料十足，魚片、蝦、豆卜、青口、魷魚等，油麵比米粉份量多，湯底微辣不太濃稠，若加重點椰香味會更完美。食喇沙，加$12配杯特飲- 龍眼冰就最適合不過，甜度恰好，好涼快。星馬咖喱吉列厚切豬扒 (配香蘭飯) $58，咖喱甜而不辣，厚切豬扒鬆化香口不油膩，略嫌香蘭飯有點濕呢～同樣加$12有紅豆冰啊。下次到銅鑼灣，又多個選擇了，不用再去美食廣場自己serve自己，可以去坐得舒服，有美食又有人serve的南山冰室。…查看更多

之前個排聽舊同事講，銅鑼灣開咗間新冰室幾好食，5月做半價搞到全日爆滿，當然帶著小朋友 #這些機會不是我的，於是等無咁爆人又經過銅鑼灣就去試下~~依家大大小小好多冰室，但多數有小朋友都唔會去，因為大多數員工眼神有意無意間會表達比我知「我不喜歡小朋友」，不過既然朋友大讚佢地的 #招牌海鮮喇沙，一爸又好想食，姑且膽粗粗去試，最多唔ok去其他餐廳食。‼️一入到去，已經安排角落位比我放bb車，雖然無bb櫈，枱面唔算高，一一可以坐到自己食我地叫咗好幾款，當中覺得最好食有呢幾樣：一一推介🍳 #特厚滑蛋三文治呢款本來叫比一一食，不過juicy到我忍唔住同一一爭食，食到爸爸岀聲叫我留返比佢😆一爸推介🦐 #招牌海鮮喇沙一爸「飛佛」，湯底又滑又夠濃郁，麵沾了creamy的湯十分惹味，如果多幾舊豆腐卜就好了！一媽推介🐷 #星馬咖喱吉列豬扒香葉飯我本來想叫咖喱雞，好彩最後叫了豬扒，吉列豬扒炸得好鬆脆，內層肉嫩多汁，未試過喺冰室食到呢個水準，絕對唔係炸到乾爭爭！除左三款推介，我地仲點了 #海南雞飯， #沙嗲牛肉撈麵， #肉骨茶，星馬風味的冰室真係好特別，一爸一邊飲咸檸七一邊食喇沙，大呼好爽！睇到最尾，或者你會問點解係Kids Friendly，明明無一樣配套係啱小朋友？一一媽覺得，配套除了硬件，軟件都好重要，成餐飯冰室的工作人員時不時走過來撩一一，每次舉手要幫忙都秒回，地方不大但人手充足訓練有素，多次問我地要不要幫手，遞餐紙等等，呢啲窩心舉動有時在親子餐廳都未必搵到，所以喺呢度想大讚他們的工作人員👍🏻👏🏻👏🏻…查看更多