上海姥姥 (德福廣場2期) (已結業)

難得今晚全家齊人食飯, 媽咪建議去上海姥姥食晚飯, 話之前經過見到推出春日限定「尋味江南」菜式, 正好今日齊人可以食多幾款。估唔到平日晚都咁多人幫襯, 等位等左半個鐘, 「尋味江南」一共四款, 價錢又唔貴, 於是一次過order哂四款。上海姥姥招牌菜小籠包加入左新食材【鮮肉小龍蝦小籠包】HK$48新款小籠包同樣皮薄餡靚多汁, 豬肉餡料再多加一隻小龍蝦, 味道更鮮。 【爆汁鮮蝦韭菜餡餅】HK$42表面烘至香脆, 一咬果然爆汁, D汁多到bi出黎, 鮮味餡料混入大量韭菜, 整體韭菜味偏重, 香口味爆燈。【家傳老上海粗湯麵】HK$66上海傳統湯麵, 湯底濃郁, 粗麵份量多, 對比肉絲、冬菇絲、椰菜絲份量少左d。【滬上兩黃麵】HK$88江蘇等地傳統麵食, 油麵底炸過, 質地較鞋, 較易索左個汁, d料都幾多, 包括有蝦、魚、豬、雞同埋冬菇等...配搭豐富。另外又order左幾款"十大經典菜式"食過小龍蝦小籠包後, 都要再order傳統【招牌小籠包】HK$40小籠包中包住豬肉餡料, 仲有唔少湯汁湧出, 食得滋味!【水煮魚片】HK$108很有驚喜, 上檯時已聞到濃烈辛辣味, 魚片超滑, 而且冇骨, 可以放心大啖食, 當中有少量又滑又林嘅薯粉, 配上香辣湯汁, 香辣惹味開胃~【鎮江黑醋骨】HK$88黑醋骨被炸過, 平均沾滿黑醋, 黏口甜甜的。最後食埋甜品---【豆沙鍋餅】HK$48外層煎至金黃微脆, 夾住豆沙餡料, 整體唔會太甜。唔錯~…查看更多

是日在商場購物換了優惠卷，所以選了這間合家人口味的餐廳吃。晚市時間，這家餐廳似乎人手緊張，不過服務還是挺周到的。點了個雪菜肉絲炒年糕（$67）用雪菜的咸味為年糕調味，做得不錯，但未有印象深刻。鹹肉菜炒菜（$67）炒得不錯，上海爸爸也說好吃！招牌小籠包（$40）皮薄湯濃！很好吃！生煎鍋貼（$40）好吃，有肉汁，像小籠包。甜品點了酒釀丸子（$28）酒味不濃，而且甜甜的，有吃了很補身的感覺。總結：每碟份量都不多，人多要多點幾個菜才夠吃。…查看更多

同個同事到九龍灣開會, 順便緊係搵吓附近有咩嘢食啦~我提議咗兩間俾同事揀, 最後揀咗食上海嘢.因為係LUNCH TIME, 我地輪飛排第三, 都驚等好耐, 但好好彩都係等咗十分鐘唔駛.兩個人叫咗酸辣湯拉麵追加排骨, 生煎鍋貼,招牌小籠包同黑醋骨一齊SHARE. 上菜亦好快.酸辣湯拉麵酸辣度恰怡, 又唔稀, 麵身爽滑, 几開胃.排骨就炸得一D都唔乾, 入面仲呈粉紅色, 火喉剛好. 如果鍾意食豬的話應該几喜愛. 同事激鑽生煎鍋貼就略嫌佢煎得唔係好夠, 可能我比較喜歡脆D, 個皮都厚咗少少, 但入面好多汁, 可以一試o既, 到咗招牌小籠包喇, 基本上我食得上海菜就必叫,  一嚟到四粒, 但有一粒穿咗, 俾我同事食咗. 我食嗰兩粒都算皮薄多汁o既, 如果一百分的話我俾八十分啦.最後係個黑醋骨喇,真係得骨囉, 無咩肉, 又細又乾身, 要逐粒逐粒食, 都需要几多時間, 個汁偏甜, 仲要係最貴嗰碟, 有d唔值, 唔會再叫.整體嚟講都算合格, 以咁o既價錢食o既味道都算恰當. 服務員效率快, 上菜快, 令心急的我完全覺得ok. 但可能係lunch time, 基本上同隔離個枱係零距離, 如果傾心事或者吹水都會完全聽到. 唔知晚飯會唔會無咁親密呢.…查看更多

一直以為要係九龍灣搵好野食好難，剛好經過又想吃上海菜，進了去才發現無限驚喜，而且CP值極高。秋冬之交，我們先點了杯鮮檸薑蜜來滋潤下，順便看看餐牌。我們點的都是一些基本的菜式，冷拼、小籠包、排骨拉麵。冷拼海蜇和素鵝不錯，是我喜歡的味道。讚！招牌小籠包細心的店員提醒我們盡快食用，因為皮比其他餐廳更薄，而且是師傳建議的。果然皮薄餡靚，一口咬下肉汁多到就快爆出來。排骨拉麵深深被餐牌上「手製拉麵」的四個字吸引，喜歡食麵的我二話不說就點了。這個麵絕對係「無得輪」！粗幼硬度都剛剛好。超讚！海膽蟹粉拌麵由於麵實在太好味，所以決定臨時追加了一個海膽蟹粉拌麵。海膽味道新鮮。驚喜地一百蚊到就食到又海膽又蟹粉，其他地方真係搵唔到。十個讚！蘆薈桂花丸子蜜最後吃一杯冰涼的丸子甜品，爽口的蘆薈和清新的桂花正好中和了膠著喉嚨的海膽和濃味的蟹粉，幸福感繼續提升。…查看更多

後生時好鍾意食日本菜呀西餐呀咁，到有返咁上下年紀（姐姐年紀都唔細了咳咳）發現中國菜都好味！一黎啱口味，二黎多數食完暖笠笠唔會生冷（女人好忌生冷架 ...），三黎好啱一大班人食！不過好多時中國菜的鋪頭都會好娘或者好污糟（講緊好味果啲）。之前都有幾間去開，但又執左（我好鍾意去大力棒棒食中菜飲燉湯 ...），直至我發現德福開左上海姥姥！其實坊間好多上海乜乜物物，姥姥聽落優雅啲，而且裝修都好靚，位又坐得舒服！重點係野食！野食呀！上海菜我最鍾意食冷盤！呢度既醉雞超好食！夠滑又入味，啲雞件都唔係奇怪位，超好味呀！另外海蜇都係我最愛，哈哈哈，可惜啲外國朋友成日都唔識得欣賞 -____-另外分別係肴肉、素鵝、烤麩同埋青瓜，全部都好 fresh 好開胃！仲要自己拼三樣都只要 $85，可以一次過食幾冷盤，超正！另外係呢個海膽蟹粉拌麵！超香口囉！之前都諗咁樣 fushion 會唔會好怪 ... 不過啲麵加左蟹粉勁香口，條條都有蟹粉味，仲要加埋鮮味既海膽，勁好味！講起拉麵都不得不提呢個排骨拉麵！佢地啲拉麵係師傅即場手拉的！每條都見到有少少粗幼分別，呢啲就係手拉的證明！食落真係煙韌好味好多！上海菜當然要有小籠包！佢地四粒包都係 $35，又係超抵！爆 juicy 唔在講，豬肉仲好有咬口，好鮮甜！其他上海菜都好好味，menu 都仲有好多選擇！黑醋骨好惹味，鍾意啜骨必食！記得一定要食下菜呀哈哈！黃金蝦球，啱晒鍾意鹹蛋黃既人食，隻蝦仲勁彈牙～終於到我最期待的甜品囉！！！蘆薈桂花丸子！痴線集結晒我最鍾意既野食！丸子勁煙韌，仲有爽口蘆薈，完全諗唔到中菜有啲咁現代既甜品！奶黃南瓜餅係煙韌外皮包住奶黃餡，超滿足！仲有養生之選雪梨紅棗茶，女士真係一定要飲呀，補呀。成完成餐咁好味，坐下 chat 下咁，每人都只係百幾蚊咋嗚呀！…查看更多