聚寶廚坊 (已結業)

經過紅磡剛好午飯時間🍽️， 要搵地方醫肚， 就試下聚寶廚坊。 兩點半後可以點下午茶餐， 見到有海南雞飯和豬髀飯好吸引，招牌去骨海南雞飯$36、 紅燒豬髀飯配滷水蛋$36、茶走$2、 凍奶茶$3。 海南雞飯唔錯， 肉質滑去骨容易吃。 豬髀飯芡汁多但味道好淡， 豬肶炆得腍， 但以價錢講都很抵吃。 茶走好味， 煉奶味好香濃。三十幾蚊就可以吃到下午茶， 價錢相宜， 但衛生有待改善， 因為筷子和匙羹都有點油膩感。😉聚寶廚坊地址: 紅磡馬頭圍道70號地舖…查看更多

茉莉花的誘惑，茉莉很想您啊！可能是我再一次的選擇錯誤。難得跟幾位同事百忙中抽空共膳，何解都係逃不開食三餸飯架？真係陰功豬咯，每人叫一個餸分享，食得高興。開會商議後，大家一至通過肉肉菜。真開心新餐牌上架，樣樣都想食呢！到今日才發現有重慶魚鍋食，不過價錢貴得要命！餐牌寫著叻沙，同喇沙唔同？嬸嬸我唔係熱飲加 $2 蚊比唔起，而係我飲餐湯已足夠，無需要再加餐飲，唔洗妙我嘴既。熱齋啡，滾水太熱酸酸的。熱檸水，簡單地清清味蕾。我已問嬸嬸仲有無蒸餸，猶豫地話有。我再問依兩個蒸餸仲有無？再次猶豫地答蒸蛋有，那我就要蒸蛋。嬸嬸再明問要什麼餐茶，我心諗有餐飲送？唔洗錢就要求其熱檸水，原來要加 $2 蚊。最後另一個阿姐過黎通知無蒸蛋，我完全無失望，因為預計之內。眉豆豬骨湯，眉豆的甜味，豬骨的香味，濃濃的好好飲。甘筍木瓜湯，偏油但味道唔錯。青紅蘿蔔豬骨湯，有蕃薯味既？莫非係蜜棗？濃郁香甜，清爽濃郁一飲而盡，仲有脆卜卜南北杏添。蓮藕湯，中湯最緊要熱辣辣，暖暖地的味道已大打節扣。清香脫俗的蓮藕味道，開胃消滯使我更加肚餓。合掌瓜湯，滾熱辣太過美味極好飲，立即灌入直通腸臟暖笠笠。白飯夠熱，飽滿不過濕，飯香濃郁忍不住要扒多兩啖。木瓜瘦肉湯，清甜味濃非凡，但我真的對木瓜煲湯味道不喜歡，怪怪的甜味。星洲肉骨茶，喜見我至愛的肉骨茶，最後失望而回。清滾排骨湯？湯底淡、藥材淡、肉味淡、氣味淡，跟正宗新加坡肉骨茶差天共地。杞子圓肉，極淡的湯汁，無味的排骨，骨多肉少乾鞋，豆卜腐竹全部都好淡，好采有碟黑糖豉油添味！白飯轉雞油飯好味乾爽嚥韌一粒粒。海南雞拼紅燒豬手飯，薑油、薑蓉、黑糖豉油、甜酸醋，混埋一齊連雞撈飯不得了！滿分無機會投訴無機會挑剔。去骨海南雞肥瘦適中，皮光肉滑，雞甜味濃厚，皮爽肉滑多汁，藏著啫喱狀膠原蛋白，紅磡區珍品！靚雞配三汁躺在香氣撲鼻油味飯，好食到不能說話。火喉十足慢炆去骨紅燒豬手，濃稠紅燒汁原全滲透，皮黏膠彈，肉嫩軟綿鬆化，啖啖肉滾上甜酸醋跟大大啖油味飯享用，驚喜不已！招牌去骨海南雞飯，新食法三合一混醬撈飯！對面位後生仔何解學我倒晒蔥油、黑豉油及酸醋落碟飯度呢？食唔慣千奇不要免強喎。油味飯香噴噴充滿斑葉的芳香，雞油甜美已被嚥韌乾爽彈彈的飯粒吸收，不濕不爛，每口都散發著飯香，高質美味！去骨雞肉非常健美，無肥膏而皮薄肉靚，有著淡淡難得的雞甜味，肉質結實彈滑細緻，淋上混醬就更加開胃醒神！油味飯特香，斑蘭葉併雞油味道非常出色，乾爽嚥韌飽滿的飯粒，搭舊嫩滑靚雞再三汁齊驅無得頂！麻辣雞煲，微辣中帶濃濃甜香，味道滿意！只爆炒不是炆不是煲，骨多肉少都正常。紫洋蔥、辣椒乾、洋蔥、指天椒，香口一試無妨。枝竹冬菇羊腩煲，雪藏貨草腩骨多肉少，只有兩舊瘦腩其他肥膏一舊舊，好采只有微弱羶味，微溫無鑊氣無氣氛。黏厚湯汁濃郁，不過有點單調，味道及香氣稍削。生菜、冬菇、枝竹、羊腩沾滿腐乳醬撈飯，乳香醒胃，完全停唔到口成碗飯清得乾乾淨淨。鮮茄豬扒，厚粉肉質結實，醃味清淡，全靠茄汁的微甜及酸度濃，洋蔥味重，整體不錯。老干媽豆腐蒸排骨，老干媽淡淡麵醬味，食不到辣味，咸香略乾鞋排骨連汁撈飯還可以。菠蘿咕囉肉，厚厚的甜酸汁夠濃郁，漿漿黏黏的，微脆嚥韌炸豬肉可口滿意。臘腸炒芥蘭，臘腸貌似台灣腸多於傅統臘腸，蒸得太耐使到顏色都變淺了，油脂同時流失，入口不肥膩，軟腍腍的肉腸片。芥蘭葉甘甘的，莖部爽嫩無渣合格。咸菜魚腐豬肚湯，湯汁完全只有咸菜味道，非常單調！幸好酸咪咪都十分開胃，如果添上白胡椒真心會好味百倍。必定要快食，凍掉變得十分咸濁。咸菜要啤水耐一點，現在狀態太咸。鮮腐吸收湯汁後美味非常一咬爆湯，皮香口肉彈滑好好食。大大舊豬肚浸得軟綿綿，沒有腥嗅沒有苦澀，處理得宜。魚香茄子斑腩煲，看似平平無其靜蠅蠅但一兜噴煙，不是馬虎的畢畢餸，熱騰騰有鑊氣新鮮即造的煲仔菜呢！香噴噴咸魚肉鬆氣味直腦袋，食肉大振！切角茄子有別於切條，腍中帶爽滑溜多汁，炆得全熟不生。斑腩薄薄炸粉，半濕半脆滑嘟嘟，高質到可遇不可求，魚肉咸香不腥不青估您唔到！黏上大量咸魚肉鬆汁撈飯直入舌齒之間，翻滾幾下，無得頂﹗份量堅多，半條茄子再加四五牛斑腩幾粒草菇，非常扺食，最緊要好味道﹗川味回鍋肉，大火快炒轉眼送上，一試鑊氣迫人！價錢差不多而比紅磡街市更有功架，味道香辣惹味，香噴噴使我興奮莫名！椰菜葉軟綿索汁，椰菜莖爽脆，第一片五香腩肥美膠黏，瘦肉有咬口肉香吸引，再來二三四五片都乾乾硬硬，要扣分喇！大量菜肉菜肉撈汁再搭少少飯，感覺良好。夏威夷焗豬扒飯，從夏威夷空運到港，要耐心等候啊﹗幸好不用 10 分鐘就熱騰騰著陸，熱氣澎湃新鮮出爐﹗見到個賣相已知道就係您喇，寶城個焗鮮茄豬扒飯收埋去，淨賣炸髀算罷！鮮艷橙紅色表面甘黃焦香，奪目耀眼，輕煙飄起香噴噴，食指大動！穩住情緒，不慌不忙將茄汁撈得均勻即大大啖塞入口，殺呀﹗雖然沒有鮮番茄，不過有著豐富的味道，不單調有深度的調配，襯托著蛋香乾爽炒飯使我回味無窮舔舔嘴！厚厚的微軟略鬆的焗豬扒，肉汁輕滲醃味濃郁開胃，加上酸咪咪的茄汁那有不好食的埋由，還有薄切焗菠蘿，加添清新果香更是開胃。本來我都不太餓，忍不住差少少全部消滅，份量超足料，好飽好滿足啊﹗老幹媽涼瓜炒牛肉，爽脆厚切涼瓜，甘甜多汁不苦不澀，輕醃牛肉原汁原味，牛味誘惑，瓜肉齊送飯可口呀。黑椒牛仔骨，估唔到會係熱騰騰煲仔菜，亦估到要成 $50 蚊，明白牛仔骨來貨不平的。青椒夠熟滾熱辣，爽甜爆汁全數消滅。熱到燙嘴的牛仔骨，食得更開心！曾走過油使得表面微脆格外香口索汁，少少鬆可接受，黑椒夠香辣還帶有甜甜餘韻好送飯。腐乳通菜炒牛肉，反樸歸真清清地，忘記要求加椒絲，可以更惹味香口。師傅可以炒到三種唔同溫度，真正廚藝高手！滑牛凍暖熱有齊，通菜每條熱熱燙嘴非常好，但欠點鑊氣。乳香飄飄混著嫩滑鬆牛肉送飯蠻開胃，幼幼的水通未夠多汁未夠菜甜，尚算達標全部消滅。豉汁蒸魚腩，其實我都唔肚餓，已經要求少飯但都係好多喎。飯粒乾爽飽滿嚥韌，香噴噴使得我好想夾餸食。何解不能將豉汁塗得均勻一點呢？只一篤求其撻在魚身上那會平均入味啊。親手將豉油豉汁魚汁撈撈更美味，蒸得出色熱烘烘出場！魚肉保持多汁嫩滑，魚肚魚三角啖啖肉微微膠，挑骨淨肉淋上魚汁豉油，多多肉配少少飯塞入口幸福滿瀉咯！…查看更多