北京老家 (已結業)

心血來潮想食北京填鴨，look下#openrice 就睇到呢間餐廳，於是乎就約埋班朋友一齊去試吓😋餐廳裝置充滿中國風嘅氣氛，而且座位都好闊落👍🏻主角：北京填鴨$218 半隻，$428 全隻配埋京蔥、青瓜條、薄餅鴨充滿油脂😍我哋同行3個人叫左半隻就已經好足夠京燒羊肉 $108充滿羊肉嘅膻味，調味唔會太濃烈，所以食到羊嘅肉味再加埋脆身嘅皮，好食拔絲香蕉 $88每碟8粒大大粒😋即叫即整，所以要預半個鐘嘅時間整鍋貼6隻 $78豬肉mix 津菜，皮有啲厚，但整體都好食嘅上湯豆苗 $88好fresh 嘅菜式，食落好舒服，連埋汁當湯飲都得😂…查看更多

三條友本來想去海港城城中鴨子食晚餐、六點幾去到已經派完籌。橫掂都係想食片皮鴨所以臨時轉場去北京老家！⬇️佢哋有二人餐或者四人餐亦都可以散叫、費事煩揀咗四人餐三個人食 ⋯ $1088已經有一隻片皮鴨同一堆餸，都可以話好多嘢但份量唔算特別多、如果四個人食可能要再散叫多一兩個餸。⬇️落完單轉頭一窩蜂咁上菜、鴨同片皮鴨料同熱辣辣皮一齊到，之後一人一盅酸辣湯亦到。講返隻鴨、有少少肥但係都好食既 ⋯ 亦都熱熱地，鴨身冇出現過但係可以加$80煲個湯或者用京蔥甚至苦瓜去炒，最後我哋決定用京蔥炒。⬇️酸辣湯普普通通 ⋯⬇️小籠包跟住就到、四人餐六粒每人1.5粒，好彩我哋三個人每人兩粒，夠熱有湯汁小心熱湯都好味。⬇️北京的雪就係賽螃蟹但冇乜味 ⋯ 就係普通炒蛋白加醋咁。⬇️京燒骨架好細份得三條（四人餐三條咁奇怪）而頭盤都係四件素鵝咁上下加 D 青瓜海蜇咁 ⋯ 每人一件已經冇咗！個炒飯就普普通通乾身既、不過就冇乜味。⬇️最後出現返京蔥炒鴨身、個汁幾好味一路傾偈一路慢慢食而且大大碟。⬇️最後叫埋拔絲香蕉$88做甜品、新鮮熱辣幾好味。⬇️嗰日係星期四都好多人食晚飯，枱枱都開心傾偈氣氛熱鬧、亦都冇趕住要你交枱。侍應姐姐都有問必答，耐心解釋套餐 ⋯ 不過好似加 $ 或者散叫啲嘢大份啲、套餐啲餸有啲 Mini 😂…查看更多

同朋友約食飯，大家最近都分別食咗好多唔同類型餐廳，又唔係好想重複食同一類，所以就夾咗來食中菜😋 -一入門口就已經覺得呢間餐廳好靚，成個裝修都好有中國風👀 甚至細緻到連廁所都係用金銅色嘅馬桶同水龍頭😂👌🏻 欣賞呢啲設計位~-以下係跟咗上菜次序排列⬇️酸辣土豆絲🥔 💰88私心好鍾意食土豆絲，所以打開Menu見到就即刻叫返一份😝 雖然性價比唔高，但係味道同口感都唔錯，酸酸辣辣🌶 做開胃菜十分好😌宮爆雞丁🐥 💰98醬汁好惹味，雞丁亦都嫩滑👍🏻 件數仲好多，唔會話夾幾件就冇哂👅松仁魚🐟 💰308白飯🍚💰15@1碗全魚一上枱就好有霸氣😆 成條魚係炸過，香口之餘亦香滑，點埋d汁酸酸地一齊食，用嚟送飯一流！ 所以我哋四個女仔都叫咗三碗白飯share 🍚🍚🍚小籠包💰78包皮有啲口，食落粉感重，而且湯汁亦唔夠多，唔推薦🙅🏻‍♀️拔絲香蕉🍌 💰88必叫‼️ 打卡一流👍🏻 啲拔絲好靚，上面仲撒咗少少芝麻，然後加埋現場嘅燈光，好似本身着左燈咁🤩 就算其他菜式唔影相，呢碟都一定要影📸味道方面都高質！炸香蕉出面包住一層糖衣🍌 外面食落脆口，裏面香蕉香甜鬆軟😋 如果唔鍾意食香蕉，仲可以揀士多啤梨或者蘋果。除咗生果仲有地瓜同山藥可以整成拔絲，不過要提前同店舖預訂❕-總括來講，呢間餐廳好適合同朋友或者家人聚餐，裝修好靚，環境氣氛都好好👍🏻-環境:💛💛💛💛💛服務:💛💛💛💛推薦:💛💛💛💛…查看更多

Monthend約埋朋友仔去食返餐relax下有人想食北京填鴨，朋友就建議黎北京老家食啦嘩嘩嘩，一入到鋪頭，好有中國feel喔主角黎喇，北京填鴨，皮脆肉香，份量大，好好味喔只係略嫌卷皮較少，京燒排骨架肉好淋，好入味，食唔停口喔北京燒餅就比較遜色，因為加左榨菜後，真係超咸，而且燒餅厚左d... 炒刀削麵醬油味濃，而且油少，幾好味喔高力豆沙球香軟好味，不過豆沙餡就太少..豆沙鍋餅個皮好厚好乾，咬口麻麻地，拔絲香蕉超多糖絲，好好味喔下次我地會再黎食鴨…查看更多

趁住豬年開年飯搵間中菜館同舊同事相聚，一圍人好熱鬧，要照顧男男女女小朋友既餸，呢度又好適合枱面有招牌既一缸魚，小朋友見到魚魚游來游去好新奇。嚟到呢度必食招牌片皮鴨，人夠多就叫一隻，唔太肥膩之餘佢啲薄皮又夠多，唔會唔夠包嚟食。我本身唔太好鴨，但覺得呢個好好食。前菜有叫醉雞，不過不失。京燒排骨又幾好喎，可以因應我地人數十人做夠十件，幾貼心。涼拌土豆絲，幾傳統菜式，開胃。上湯豆苗，小朋友同男士至愛，夠嫩口。京菜必食煎餃啦。我自己就最愛呢個醬燒茄子，夠惹味。呢個豆腐湯，以為真係砂鍋上，點知似餸多啲。係幾好味，不過就少咗啲，咁多人唔夠分。小籠包蒸得有啲過火，唔太好食。要叫多個炒飯比小朋友，我無乜點食呢個，但賣相OK。最愛既豆沙餅無令我失望，好味。其他朋友愛吃高力豆沙。最後仲有香蕉拔絲作結。:)呢度環境寬敞，又古色古香，仲好多京菜選擇，款款都唔錯，好適合一大班朋友嚟食，周圍不乏外國遊客嚟品嚐，每人都唔駛$200，抵食推介。…查看更多