越一越南牛肉粉專門店

行到肚餓，諗住搵間餐廳醫下肚，黎左食越南野-越一（粉嶺）聽朋友講呢度係美食沙漠，我初頭都唔信，體驗過下就明白。叫左雞絲扎肉湯金邊粉，地獄線難食，問侍應佢竟然解釋係雞扒整成，匪夷所思。總之食多幾條咬到你牙都可以甩幾隻。👎👎👎👎👎其他食物同飲品中中間間，可圈可點。唯一覺得個西瓜汁太甜，落糖水落到重手左。結論，無下次。…查看更多

📍粉嶺 越一越南牛肉粉專門店好耐無堂食啦！睇完屍殺半島就去咗越一食下午茶，超抵食！(外賣自取仲有8折)𓇠 生牛肉湯粉 $38 𓇠套餐配熱飲一杯，揀咗熱奶茶，紅茶比例較重，落咗一包砂糖都唔夠甜，應該要叫茶走☕️而碗pho上枱個時牛肉仲係粉紅色，脂肪唔多，蘿蔔都好入味😋𓇠 香茅豬扒湯檬 $38 𓇠好耐無食香茅豬扒，勁香！豬扒偏瘦，上枱已經切開，方便進食。呢款仲可以配飯/撈檬/湯粉，但我鍾意湯檬，湯底有牛肉味，好飲🤤𓇠 扎肉蒸粉包 $18 𓇠呢款小食用蒸籠上好特別🤩粉包上有一塊扎肉，粉包軟身多餡又多汁，推介！𓇠 椰汁三色冰 $8 𓇠第一次飲三色冰，平時都係飲開紅豆冰🧊佢勁足料，好多紅豆、綠豆、珍多同椰汁，好夾，但略嫌稍甜🧉總結：越一環境唔錯，裝修以藍色為主，有自然光，而且多數係卡位，坐得舒服。而且下午茶超抵食，一定會再幫襯😎PS 下午茶時段：平日2-6；六日3-6 …查看更多

係粉嶺做完野，去粉嶺中心行下，發現粉嶺中心終於裝修得7788，開左好多新餐廳，好happy!!比我發現左好耐無食既越式餐廳，就入左去享受一下一個人既午餐午市套餐11:30開始，平日到14:00，週末到15:00，住附近既居民星期六日可以訓晏d有唔同種類既湯粉，超吸引！比著平時應該會叫左撈檬，但今日想食d熱野，所以叫左酸辣蝦頭膏扎肉湯金邊粉！首先第一樣要讚下侍應既態度！大家都知餐廳係午市多數都忙到爆，但難得侍應們都超好禮貌，拎碟前會問下你，講野唔會無尾音，真係貴價餐廳都未曾做到！講返湯粉先，可以揀少辣隻蝦好大隻，仲係有膏個隻！d湯酸酸辣辣，勁開胃，但又唔會話太辣仲有一碟前菜，好似食親越南菜都會有，聽侍應講有金不煥，只可惜我並唔係太接受到金不煥既味不過就為呢塊綠葉留下左倩影最近工作真係太太太辛苦，又要忙著搵樓，所以要獎勵自己！叫埋一個賣相好吸引既扎肉蒸粉包！有2塊大大既扎肉放係面，加少少蔥花同炸蝦米，賣相100分！入面有少少粉葛，木耳，肉碎，紅蝦米等等，粉包既包皮夠薄，比起腸粉皮硬少少，特別得黎又好食最後仲飲返個超甜椰青！絕對係真椰青水，跟餐好抵飲！真椰肉，勁甜！完完全全比d甜品吸引左銷售手法好精明！明明食到好飽，但女人見到甜品有第二個胃叫左杯雪糕，本來話來自紐西蘭其實唔多信，心想咪又係維記扮紐西蘭點知，食落口，朱古力味勁香勁滑！真心好味！朱古力果然可以讓人有好少少既心情最後要讚下呢到既裝修，好舒服！有好多沙發位，同朋友坐下傾下計都得！整體無論係服務，環境，定食物，都係高水準！有時間不妨去食下午餐，休息一下啊…查看更多

跟屋企人拜山，因為附近冇乜嘢食就在附近看看，見到呢間鋪頭。見裏面裝修OK就入去。入到去空間都幾大，但係只係得兩個侍應所以人手好似比較短缺。望一望個價錢牌啲價錢覺得都幾底下，食物介乎$50至$60幾蚊。午飯有嘢飲送或者加$8可以有特飲。我加左$8叫咗個紅豆椰汁冰，都幾好飲唔會太甜同埋都好多紅豆喺裏面。好快叫左幾款小食同埋pho。個春卷料都好足，不過可能因為遲咗食所以就比較難咬。同埋講牛油雞翼，雖然唔係越式嘅不過都OK，有牛油味，不過皮就比較厚身。叫咗個扎肉蒸粉包，我自己覺得麻麻地，可能比較多味精啦，不過其他人好似幾鍾意食。我仲叫咗個綜合牛肉河粉，個河粉真係好多了好多牛肉，鍾意佢整嘅牛腩同埋生牛肉。雖然個湯唔係我飲個中幾最好飲嘅不過都尚可接受。…查看更多

去食果時佢寫到明試業緊，但都已經有好多人係店出面排隊。好在唔係等左好耐就入到去食野喇。我同男友好好彩坐到個二人卡位，闊落d又舒服d，最緊要係張枱大d可以叫多d野食！先講個酸辣鳳爪，份量好多而且酸酸辣辣好開胃，不過個人覺得辣左少少。之後我地叫左兩個米紙卷，賣相好靚而且食落感覺到好足料，個軟殼蟹米紙卷最surprise，我地唔係最先食佢，但包住左咁耐入面嘅軟殼蟹都仲係非常酥脆！個撈檬就有少少失望，加左魚露準備撈果時發現d檬粉呈餅狀，不過燒牛肉好好食唔會韌。扎肉蒸粉包個扎肉好好食，粉包就外皮煙韌但個味道唔夠濃。去到最尾個咖哩都好好食，但無奈我地果時已經太飽，食左一兩啖已經食唔落要打包。整體尼講，無論裝修，出菜等候時間至食物質素都係中上水準，希望佢試業完左之後都露以keep返一樣水準！…查看更多