Base 8 Cafe

以前喺外國見過唔少一店多用嘅舖頭，銅鑼灣Base 8都採用左呢個概念，集餐廳、美甲店及髮型屋於一身，為客人提供一站式服務。底層樓底甚高，有一幅由透明磚砌成嘅牆，唔少人喺呢個位打卡。本身有啲擔心餐廳只係附帶業務，唔知食物質素如何，最後主菜同甜品都唔錯，美中不足係份量偏少。(w/ 10% service charge)
🍽香煎紅鯛魚，南瓜意式燴飯，墨魚汁 Pan fried Red Snapper, Pumpkin Risotto, Squid Ink Sauce ($228)
萬聖節post個南瓜飯應下節，南瓜汁微甜creamy，味道唔人工，外圍有一圈墨魚汁，同南瓜汁一齊食存在感唔高，就咁食有啲鹹鮮味，用黎點魷魚圈唔錯，鯛魚就煎得皮脆肉滑，賣相精美又好食。
🍽雜菌手製闊條意粉，日本蛋黃 Homemade Fettuccine, Mixed Mushroom, Japanese Egg Yolk ($148)每次見到手工意粉都會叫，闊麵比較碎身但有蛋香，單靠蛋汁同芝士碎都夠味，加埋炒雜菌無咁單調。🍽手製法國吐司配淡忌廉Homemade Pain Perdu with Whipped Cream ($98) 吐司外層係燒至脆身嘅焦糖，帶少量肉桂味，入面係濕潤軟綿嘅布甸質感，配輕盈嘅淡忌廉同微酸嘅果醬，唔會太甜膩，值得一試。餐牌：…查看更多

每次經過base 8 都會忍唔住望多兩眼👀 因為呢度嘅裝修充滿北歐風，簡潔明亮又有啲綠色大自然嘅元素，感覺好似好舒服。今次終於入去試吓，入面原來除咗有嘢食，仲可以扮靚，有得理髮同美甲，係一間集咖啡、餐廳、沙龍於一身嘅3 in 1 concept store。1/F 窗外嘅風景都唔錯，可以望返去九龍嗰邊。手製法國吐司配淡忌廉($98)這份手製法國吐司真的很有驚喜😍 可以話係cream bulee的吐司version。一上枱已經聞到好香的焦糖味。賣相亦好精緻，完全睇得出廚師擺盤的心思。吐司外層烤得香脆，帶甜甜的焦香，切開後會見到綿密的麵包和蛋漿融為一體，吃起來滑得像燉蛋，蛋香十足又不會過甜😻 配搭的淡忌廉幼滑而不膩，伴碟的果醬清新微酸，夾埋吐司食又是另一種口味。和牛肋骨肉配薯蓉、伴大啡菇及胡椒汁 ($258)和牛肋骨肉肥瘦均勻，外面烤得香脆，裡面的肉質非常軟嫩入味，牛肋肉醃得剛剛好，不用蘸醬汁已非常滋味。伴碟的碎大啡菇和黑椒汁亦令賣相更吸引。薯蓉則很香滑，如果整體份量可以多一點就完美😍燕麥奶Flat White x Iced Black拉花很精緻😍 還附上手工果仁餅乾送咖啡，真的很加分。喝得出店家選用的都是優質咖啡豆，咖啡的香味濃郁卻不苦澀。除了全脂奶之外，還可選健康一點的燕麥奶。…查看更多