魔法雞排 (已結業)

食完午餐緊係要去路德圍行下，再掃下街，見到呢間專賣雞排既小食店，原來係連鎖店，口痕就買黎試下！小食店內外叫，以黑色為主，仲有幅打卡牆，影相一流。食物選擇有四款炸雞排，仲可以揀不同調味粉，另外都有小食同汽水。手掌芝心雞排 $35入面放左芝士既炸雞排，外層炸漿比較厚同硬，但又因為外層夠厚，就算炸得耐，都保持到內裡肉質十分嫩滑，雞肉仲幾juicy！美中不足係芝士唔夠多，冇拉芝效果，炸皮同雞肉分離，如果可以做到炸粉薄返啲，內裡雞肉保持水準就無敵！拍手雞排 $35揀左孜然及海苔，雞排十分大塊！點解叫“拍手雞排”？原來係因為以特殊手法拍上店舖自家特製既麵粉，望落有啲似玉米片咁，表層炸粉同手掌芝心雞排完完全全不同，薄好多，而且無油膩感，好爽脆，配上孜然及海苔十分惹味，外層十分酥脆，但雞肉又冇手掌芝心雞排咁嫩，可以因為炸皮好薄，內裡雞肉快熟，過左少少火喉就冇咁juicy，真係所謂既 “魚與熊掌不可兼顧”，假若係拍手雞排既外層配上手掌芝心雞排既肉質，我會想一日食一塊~~下次想食炸雞排時會諗起呢間既「拍手雞排」，個炸皮真係無敵，希望下次食入面既肉都juicy！…Read More

去親荃灣必定會去路德圍覓食，飲品粥粉飯麵糖水要乜有乜，呢日就俾我搵到間出色過x大大既炸雞扒門面既美式塗鴉好吸引目光，喺街頭已經見到呢間小食店～～小店主打炸物，鎮店雞扒有四款，仲有芝士條全部炸物都係即叫即炸，落單後等左一陣，新鮮熱辣既芝士條出爐真係有拉絲效果，裡面既芝士好足料，唔會空心、同炸粉分離哂咁，而且乾身唔油雞扒因為係雞肉所以耐少少，但同樣炸到香口乾脆，真係手掌咁大塊值得一讚既係，好多時出面啲炸粉會調得好鹹，而呢度既味道岩岩好咬開肉質嫩滑、啖啖肉，唔會得粉同雞皮、炸到好乾好霉咁，有名你叫芝心雞扒，中間既芝心好豐富，一路食一度流出黎，正呀…Read More

荃灣掃街當然係去路德圍, 附近勁多野食, 之前路過紅磡已經想試下魔法雞排, 原來在荃灣開咗新分店, 下午茶時間咁啱路過就買咗兩塊雞排返屋企食。主要分雞扒同炸物, 我地就揀咗餐牌推介既"拍手雞排"同"手掌芝心雞排, 仲有兩支好特別既有汽涼茶。 要留意返大部分雞排最佳食用時間為10分鐘內。🔸拍手雞排🔸 ⭐⭐⭐⭐⭐揀咗推介建議配搭: 香辣+海苔用特殊手法拍上麵粉, 唔會過厚, 而且仲好酥脆, 雞肉好嫩滑, 保持到有肉汁, 香辣味令味道更升層次係真係夾既, 海苔份量適中。🔸手掌芝心雞排🔸 ⭐⭐⭐⭐揀咗推介建議配搭: 芝士+芝士+芝士總知就係芝士啦😂 芝士控真係唔好錯過, 嫩滑雞扒夾住流心車打芝士, 面頭係炸得薄薄既脆粉, 同另一款拍手雞排好唔同。 芝士已經急不及待咁爆咗少少出黎, 好想大口大口咬落去。🔸有汽涼茶🔸竹蔗茅根 & 薑茶第一次飲到有汽既涼茶, 好得意, 加咗汽配雞排炸物一齊啱哂, 飲完即時覺得無咗熱氣感覺。…Read More

朋友是魔法雞排的超級粉絲，她每次經過總會買上一塊炸雞排，今天也不例外，她還買了我的，實在太好了，上午我都餓著肚子忙著工作，這炸雞排可是「及時雨」，大飽口福。朋友力薦我吃手掌芝心雞排，保證回味無窮，另外她溫馨提示炸雞排即點即炸，吃時要注意它的熱力啊。手掌芝心雞排最佳配搭當然是全芝士，充份品味雞排的「芝」味。手掌芝心雞排挺不賴的，雞排熱騰騰的，芝士蓄勢待發，待我發掘。雞排上的芝士粉鹹香味美，咬第一口，芝士熔岩源源不絕流出，塞滿我的嘴巴，濃濃的芝士令人大滿足，雞扒好不滑溜，難怪朋友長期熱捧魔法雞排。朋友的拍手雞排形狀有點像魔法雞排的雞頭招牌圖案，不知是否每件拍手雞排都是這個模樣? 今天她選了甘梅口味，甘梅粉撤得滿滿的，朋友大叫過癮。金黃色的外皮非常酥脆，且不油膩，雞肉滑嫩，肉汁豐腴，甘甜的甘梅粉更添美味。吃完炸物最怕熱氣，若有涼茶消消熱氣最好不過。想不到魔法雞排也有涼茶售賣，而且它的涼茶非常新穎，是有汽的，頗能解飽膩感。不得不說朋友的貼心，所買兩款的涼茶都是我喜歡的口味，她給我選，然後她才喝餘下的。羅漢果有汽涼茶入口回甘清甜，瞬間喉嚨都被滋潤，當然也包含朋友那份窩心。…Read More