瀛鍋

九龍城有間人氣好旺嘅火鍋餐廳，除咗有多款火鍋料之外，仲有好多新鮮刺身。餐廳優惠會送鮑魚，仲有孖寶組合更加抵食。舖頭有多間房，由4人到28人都坐得晒，無論係商務宴請定朋友聚會都好方便。餐廳仲有小朋友玩樂設施，等大人可以安心傾偈。．🌟孖寶 - 活魚刺身 + 手切霜降肥牛石蚌肉質通透，食落爽口彈牙。入口帶淡淡甜味，點少少豉油已經好鮮味。肥牛油花分布均勻，肉質嫩滑又唔失咬口。輕輕淥三秒入口，油脂香融化喺口，牛味好濃郁。．🌟三文魚刺身厚切三文魚刺身，橙白紋理好分明。食落去好肥美，油脂感好足。咬開魚香好出，簡單點豉油Wasabi就更突出鮮味。．🌟冰鎮鮑魚冰鎮鮑魚肉質實淨彈牙。咬落有淡淡海水鹹香，清爽唔膩，非常好食！．🌟鮮味卜卜蜆窩鮮味卜卜蜆窩，蜆殼跟住熱湯滾到卜卜聲，香氣撲鼻。蜆肉飽滿多汁，份量十足，個湯底充滿海洋鮮味。粉絲索晒湯汁精華，飲啖熱湯，鮮甜暖胃，好滿足。．🌟鮮蝦水餃皇鮮蝦水餃皇皮薄又有咬口，餡料飽滿。一咬開就見到成隻彈牙大蝦，同豬肉餡好夾。湯汁清甜唔膩，真材實料，每一啖都好滿足。．🌟手打黑白墨魚丸手打墨魚丸食落爽脆彈牙。真材實料，黑白魚蓉層次豐富，鮮味好出。．🌟鬼馬鴛鴦膠鬼馬鴛鴦膠好有創意。脆口油條裡面釀滿彈牙蝦滑同墨魚滑。兩種海鮮鮮味交融，口感好豐富。一入口係油條嘅脆，跟住係魚膠嘅彈，層次好分明。．🌟手打鮮肥牛粗丸手打鮮肥牛粗丸，肉質紮實有嚼勁。一咬開肉汁好澎湃，牛脂香氣好濃。食落彈牙，完全食得出係真材實料。…查看更多

黎九龍城打邊爐好多選擇，今次揀瀛鍋，地方又新又靚又有房又有小朋友玩既裝置😆任何組合既聚會都得，專做手工食材，手打丸、手切牛、特色餃仲有海鮮等😻叫野食時見到居然有原漿啤酒🍻啲麥香正到⼀個點，勁濃必飲🌟瑤柱滋潤白肺鍋，好大鍋超足料，⼀滾就飲得，奶白色😳少少胡椒拼大量豬骨腩既豬肺湯，好好味🤯我飲左5碗🤣又濃又香，配個酥炸蝦丸，好彈牙，鮮蝦味，送啤酒啱晒🍺手打黑白墨魚丸，明顯係真手打，黑墨丸非常彈牙，爽到爆🏓白色墨魚丸就比較濃墨魚味，好食👍🏻霜降肥牛到！🥩 澳洲既牛，油花靚到⼀個點，厚薄適中，食落口感好滿足，牛味牛脂味爆🤤鮮蝦魚皮角，鮮包既，個皮同個湯都幾夾，入面隻蝦好鮮，好味👍🏻鬆脆響鈴，鮮炸既可以即食，超脆，配湯都好正🥰西洋菜加濃湯都唔錯🍲食材非常高質既火鍋店🔥唔怪得之咁多熟客，個湯底完全俘虜左我既🩵⼀定要再試飲另一個湯！🤞🏻九龍城又⼀邊爐控熱點📍…查看更多

今次去九龍城試吓一間中日火鍋店，店裡既氣氛溫蓉，坐住sofa 凳打邊爐格外舒適。火鍋湯底 - 鮮味卜卜蜆鍋味道鮮美而濃郁，大蜆份量多，每一口都能品嘗到蜆既鮮甜，湯底仲有粉絲，吸收晒湯底嘅精華。手打丸今次一次過試左三款手打丸，分別係手打芝心鮮蝦丸、手打芝心鮮墨魚丸同埋手打黑白墨魚丸。每—顆手打丸子都飽滿而有彈性，一咬落去，滿口都充滿住海鮮既鮮美，蝦丸仲食到鮮蝦粒，裡面既芝心更令人驚喜連連，芝士既濃郁同埋海鮮的鮮美完美結合，讓人回味無窮。菜類揀左有機菜鮮嫩菜心頂，綠油油非常新鮮，燙一燙，輕輕一咬，菜心既甜味就在口中四溢，餐廳用咗有品質保證既有機菜，食得安心又放心。肉類揀左手切本地A級鮮肥牛、全天然霜降肥牛肉、頂級黑豚肉片同埋草飼蒙古羊肉卷。每種肉都切得非常薄，燙一下就可以食。手切肥牛呈鮮艷紅色，非常新鮮，口感嫩滑，肉質鮮嫩；全天然霜降肥牛肉肥瘦相間，口感豐富；頂級黑豚肉片口感細膩，肉質鮮嫩；草飼蒙古羊內卷，肥瘦適中，羊騷味吾重，香味十足；牛爽白肉係一種軟組織，入口泛著牛油既香味，口感滑爽，帶點韌勁。 …查看更多