辨面館

跟住開飯地圖走，揾唔到間店，仲以為摸門釘，原來在轉角斜路上，餐廳店子細細座位唔多，但持續有客人光顧，就知係好野。 點選麵食可以優惠價追加小食及飲品，價錢$5至$40不等，我地追加左好多款。 八珍甜醋雞絲沙律 $35擺盤好西式，感覺食緊西餐，沙律菜新鮮，雞絲肉嫩，配埋八珍甜醋拌住食果然係份外香~一口鮮蝦炸雲吞（4粒） $40雲吞皮好薄好脆口，蝦膠餡料蝦味濃且彈牙，沾上甜酸汁美味，精巧的炸雲吞非常出色，甚有驚喜。龍抄手 （2粒）$15雲吞皮薄滑嘟嘟，雖然底部滿佈紅油同辣椒，但食落唔算好辣，容易入口，$15有兩粒又幾抵喎。 香脆辣子單骨雞翼（4條）$30唔好睇少呢個雞翼，新鮮熱辣炸起，初時食落唔覺辣，但愈食愈麻，好刺激。 慢煮吉列豬扒擔擔麵 $98吉列豬扒香酥脆卜卜，但肉質唔會炸到乾身，擔擔麵湯底杰身濃郁，麵條Q彈，連埋中間隻流心蛋，美味到好似食緊日本沾麵甘。 自家製檸檬薏米水 $10好多薏米夠足料，味道清清地唔甜好解渴。 豆沙鍋餅 $68上碟熱辣辣，豆沙餡軟糯飽滿，正呀!只係稍為外皮硬左少少。…查看更多

這一晚同老公去左中環行街 四出搵下野食🔍諗起早前有朋友介紹有一間川菜小店🌶決定試下 係這家 辨麵館📍-小店入面位置不算多，但也算整齊💡食物以新派川菜為主 麵會較多選擇呢🥢老公先揀左小食 八珍甜醋雞絲沙律🥗幾精緻酸酸地幾開胃! 餐前食幾好😋-主食方面，我揀左小牛蕃茄麵🍅係好杰身creamy 的蕃茄麵🥢牛肉好多，感覺好FUSHION 有中西合體🤎不過我個人認為太杰身‼️我鍾意比較湯既感覺但蕃茄味好濃的!-老公揀左慢煮吉列豬扒擔擔麵🧡我反而鍾意辣辣地好開胃🌶吉列豬扒係另上的 夠晒脆口兩樣野一齊食都幾夾 幾惹味✅-我們再點了雞湯西蘭花🥦絕對係健康之選! 飲品我們就點了最基本的檸檬茶同檸檬水!🍋-價錢幾抵食既晚餐 以中環來講CP值高 有新鮮感🤭不過地點真係唔易 絕對要花時搵🔎同埋環境就普通及簡單一點⚠️…查看更多

在石板街走過，無意間看到一間新張不久的小店鋪「辨面館」， 原來是主打四川風味麵食﹑小吃及特色創意菜式，很吸引我們嘗味。小店鋪裝潢平實整潔，令人注目是牆壁上的面譜，令我想到中國傳統戲曲演員臉上的繪畫，也聯想起「四川變面」，看着面譜嘗着川味美食，是一樂也！原來我背靠著的面譜是正財神~趙公明，有正財神是我的靠山，妙哉！先嘗小食:虎蝦鍋粑丸~虎蝦肉饀彈牙，蝦味重，鍋粑作丸子脆皮已經一絶，金沙蛋黃醬汁，色澤較似香檸汁，蘸少許伴丸子吃，清甜甘香，醬汁不但沒有喧賓奪主，味道更有層次感。椒鹽魷魚花~港式的小炒經過華麗轉身，可口又亮麗！鹽燒豬腩串~豬腩肉肉鮮、鹹香得宜，一嘗沙律汁味道，確定又是廚師巧手之作！慢煮吉列豬扒擔擔麵~慢煮豬扒肉質鬆軟，又保持了肉汁，咬落香酥味美。擔擔麵湯保留花生醬的芳香濃郁，麵質爽滑軟彈，如絲滑的窩蛋為擔擔麵錦上添花！酸辣湯餃子~昔日點選酸辣湯，總是一湯窩上桌，吃過酸辣湯已經半飽了！眼前這碗酸辣湯餃子份量正合心意，很欣賞湯料刀功幼細，湯味貫徹微酸辣﹑鮮﹑香。餃子皮薄肉味鮮，好吃啊！品嘗過新潁的川菜，既吃到川菜精粹，又對其濃烈的風味作出合適調節，口味極為配合我們喜愛，下次會再來嘗試其他佳餚。…查看更多

當你係百忙之中想食d有質素，價錢不貴，呢到絕對係最佳之選中環食晏永遠係最頭痛，一係唔知食咩一係多人到間間都要排隊朋友推薦呢間擔擔麵好食於是就來了，睇相見到佢個麵質都心裡有數知道吾會中伏建議1點後去最理想，因為小店座位不多，等左10分鐘左右就有位。叫左個招牌蝦球拌麵，真係超好食面底，醬油同蝦球都滿分，無可挑剔然後到慢煮吉列豬扒擔擔麵，豬扒唔脆同有啲乾所以有點失望不過佢個湯擔擔麵就滿分，黎呢到一定要食擔擔面…查看更多

同事推介，石板街行上去右邊巷仔新開左間面館，襯lunch上去食下，星期五1點左右已經要等位，想食既最好早小小去，同埋餐廳比較窄最好1-2個人食就唔使等咁耐。好在佢有拉麵店特色自閉位，一個人食lunch都無所謂❣️🔸招牌蝦米辣油拌蝦球麵🔸$78個汁調得好惹味，麵條比較彈口唔會太稔，蝦大隻新鮮🔸慢煮吉列豬扒擔擔麵🔸$98傳統上海擔擔麵味，花生醬味濃稠，慢煮吉烈豬扒同平時吉烈豬扒相比較嫩，而且炸皮唔厚，值得再食餐前小菜有滷水豆腐同花生，豆腐份量都ok有誠意👍…查看更多

辨面館BMG - Bian Mian Guan中環威靈頓街51地下A號舖同事講到好好食 要帶我食好西位置比較隱蔽 係石板街附近行到入去都要等一陣坐低入去睇到店鋪又唔算好大可以坐到4-5張枱上網一睇先知呢到係灣仔川菜嘅前米芝蓮一星主廚開呢到都算係四川MAX台灣LUNCH會送小食同飲品招牌蝦米辣油拌蝦球麵蝦米辣油係自家調製 好香紅油唔算好辣 一上黎枱好有川菜味道D蝦好彈牙 仲要每粒都好大粒架麵都好好食 每一條都有醬油沾上夠哂彈牙 爽口 超入味慢煮吉列豬扒擔擔麵有D似日式炸豬扒咁都好大塊既豬扒底有D雜菜放係低到 無咁油膩個擔擔麵一上菜係勁香花生醬同麻油味道將豬扒慢慢浸入去個湯到 再放入口 超惹味完全提升哂成舊豬扒 食落好有質感但個湯本身好濃 所以食2-3舊豬扒就開始會好[漏]個麵底都唔係好硬 師傅煮得岩岩好 每一條都好分明呢間真心店鋪小小 但值得再去一試 價錢係中環都尚算正常 未到話好貴…查看更多

難得放假早起身，就梗係要出去行下啦。行完一日都已經攰到諗唔到食咩，又咁啱聽個朋友講灣仔川菜嘅前米芝蓮一星主廚自己開舖，咁就梗係要去支持下！！！雖然小店menu可以揀嘅item唔多，但全部都好吸引好想試，可惜得兩個人自己又食得唔多，今次試住少少先，等下次再去食其他嘢 🤤地方唔大，但都坐得舒服，乾淨整齊～開放式廚房仲可以同師傅交流，又可以順便偷師，正👍🏻中環返工嘅朋友都話地方算就腳，價錢都合理，可以覆桌 😏…查看更多