成日聽啲麻雀腳講話週末家庭飯局好多時會約去皇室堡間「八月花」度聚，因為地點就腳之外，每次飯後以指定信用咭找數都會獲贈不少現金券；依招真係洗得架，明顯成功氹到不少食客返轉頭
。遇著好客嘅蕃薯Uncle手持三張就快到期嘅$200現金券，嘻嘻，身為得寵細姪當然口福不淺
！店名已經用咗個「八」字，仲要設於商場八樓，咁咪「發上加發」？！意頭真係好！並冇花巧之裝潢嘅中菜廳面積十分寬廣，故抗疫期間，用餐大堂可輕易分成B、C、D三區，排出多張二至十二人散枱以容納更多類型嘅客人。此外，餐桌有抗疫膠版間開，又隔得夠開，空間感足，且相當衛生。每位席上擺有齊備嘅自用及公用餐具。小肥早到，長輩即奬勵同佢一齊飲大大杯生啤，認真歡樂！
餐廳不時都會推出套餐優惠。厚本餐牌中英對照，首頁先道出餐店嘅理念。接著嘅十八頁散點項目附上彩圖參考，簡單清晰。頁尾列出其他雜項收費，詳盡得很！服務生雖較年長，但均友善好客，除咗落單時會推薦招牌菜，中途亦有換碟加茶。七人被分派兩碟開胃前菜，每碟$16。
沙薑豬手（$68）：大大舊豬手都幾硬吓，不易入口，沙薑調味亦偏咸。椒鹽豆腐粒（$55）：豆腐粒炸得未為最金黃，食落外層過於軟腍，毫不香脆
，加上唔係幾夠味，不吃也吧。炙燒松露黑豚肉（$198）：厚厚嘅黑豚肉屬豬腩部位，安排於桌上炙燒，有視覺效果得黎仲可以襯熱食，無奈黑豚肉脂肪比率過多，即使滲出松露香食落成口油
，唔係咁得囉！安格斯半熟牛肉沙律（$248）：如相所示，舖面嘅安格斯牛肉其實係全熟
，而並非半熟，幸好牛肉切得夠薄，過熟都仍能保持鬆軟，不過最大問題係冇乜味，所以都好意外墊底嘅沙律清新醒胃。加拿大龍蝦肉炒鮮奶（$198）：平心而論，白雪雪嘅炒鮮奶真係好嫩滑，不過啲龍蝦肉就老嚡咗少少，同埋撈入咗啲翠玉瓜好似有啲怪。肉鬆黃金脆魚皮（$78）：可能因為其他餸菜都好麻麻，所以已經冇哂期望吧，成餐飯最正竟然係新鮮炸出嘅黃金魚皮
！大大片魚皮確真如餸名般炸至金黃，雖然表面仍黏上濕濕地嘅咸蛋黃，但勝在新鮮熱辣辣，咬落卜卜脆，而且惹味非常
，送酒一流！窩燒素珍菌（$108）：用窩仔上嘅素菜熱力十足，內含嘅赤膠耳、白玉木耳、羊肚耳、西蘭花等均爽脆輕盈
。慢烤脆香茶燻鴨（$198/半隻）：半隻茶燻鴨以木造托盤呈上，另跟配四件荷葉餅及肥嘟嘟嘅生菜。半粉紅色嘅茶燻鴨皮層帶脆，肉質亦尚算軟潤，起碼唔嚡又唔乾。花膠絲瑤柱泡菜苗（$128）：菜苗翠綠幼嫩，唯一唔係好夠味。龍蝦汁泡鴛鴦岩米飯（$148）：為怕石窩燙傷長輩們，嬸嬸專登喺旁邊張枱倒入濃郁嘅龍蝦湯泡浸飯品，體貼得很
。鴛鴦泡飯嘅飯粒肥潤飽滿，深橙色嘅龍蝦湯底熱辣香濃，混入嘅蝦肉、蟹肉、帶子等海鮮亦十分滋味甜美。甜品項目共有五款可選。大肥爸爸要咗碗「雪糕楊枝露」（$34）。幾位長輩就分咗客「香滑擂沙湯圓」（$38）。香濃咖啡糕（$32）：細老點嘅咖啡糕夠就夠軟彈，可惜其咖啡味過份淡薄，就係差嗰一點點香濃。商場中菜廳「八月花」寬廣開揚，服務生細心周到而且效率高，想玩新花臣嘅菜餚有成功者亦有失敗之作，好在份量適中，人多可以試多幾道，價格又唔算高，以指定信用咭可享更多優惠，試吓都無妨嘅。…查看更多
。遇著好客嘅蕃薯Uncle手持三張就快到期嘅$200現金券，嘻嘻，身為得寵細姪當然口福不淺！店名已經用咗個「八」字，仲要設於商場八樓，咁咪「發上加發」？！意頭真係好！並冇花巧之裝潢嘅中菜廳面積十分寬廣，故抗疫期間，用餐大堂可輕易分成B、C、D三區，排出多張二至十二人散枱以容納更多類型嘅客人。此外，餐桌有抗疫膠版間開，又隔得夠開，空間感足，且相當衛生。每位席上擺有齊備嘅自用及公用餐具。小肥早到，長輩即奬勵同佢一齊飲大大杯生啤，認真歡樂！餐廳不時都會推出套餐優惠。厚本餐牌中英對照，首頁先道出餐店嘅理念。接著嘅十八頁散點項目附上彩圖參考，簡單清晰。頁尾列出其他雜項收費，詳盡得很！服務生雖較年長，但均友善好客，除咗落單時會推薦招牌菜，中途亦有換碟加茶。七人被分派兩碟開胃前菜，每碟$16。沙薑豬手（$68）：大大舊豬手都幾硬吓，不易入口，沙薑調味亦偏咸。椒鹽豆腐粒（$55）：豆腐粒炸得未為最金黃，食落外層過於軟腍，毫不香脆，加上唔係幾夠味，不吃也吧。炙燒松露黑豚肉（$198）：厚厚嘅黑豚肉屬豬腩部位，安排於桌上炙燒，有視覺效果得黎仲可以襯熱食，無奈黑豚肉脂肪比率過多，即使滲出松露香食落成口油，唔係咁得囉！安格斯半熟牛肉沙律（$248）：如相所示，舖面嘅安格斯牛肉其實係全熟，而並非半熟，幸好牛肉切得夠薄，過熟都仍能保持鬆軟，不過最大問題係冇乜味，所以都好意外墊底嘅沙律清新醒胃。加拿大龍蝦肉炒鮮奶（$198）：平心而論，白雪雪嘅炒鮮奶真係好嫩滑，不過啲龍蝦肉就老嚡咗少少，同埋撈入咗啲翠玉瓜好似有啲怪。肉鬆黃金脆魚皮（$78）：可能因為其他餸菜都好麻麻，所以已經冇哂期望吧，成餐飯最正竟然係新鮮炸出嘅黃金魚皮！大大片魚皮確真如餸名般炸至金黃，雖然表面仍黏上濕濕地嘅咸蛋黃，但勝在新鮮熱辣辣，咬落卜卜脆，而且惹味非常，送酒一流！窩燒素珍菌（$108）：用窩仔上嘅素菜熱力十足，內含嘅赤膠耳、白玉木耳、羊肚耳、西蘭花等均爽脆輕盈。慢烤脆香茶燻鴨（$198/半隻）：半隻茶燻鴨以木造托盤呈上，另跟配四件荷葉餅及肥嘟嘟嘅生菜。半粉紅色嘅茶燻鴨皮層帶脆，肉質亦尚算軟潤，起碼唔嚡又唔乾。花膠絲瑤柱泡菜苗（$128）：菜苗翠綠幼嫩，唯一唔係好夠味。龍蝦汁泡鴛鴦岩米飯（$148）：為怕石窩燙傷長輩們，嬸嬸專登喺旁邊張枱倒入濃郁嘅龍蝦湯泡浸飯品，體貼得很。鴛鴦泡飯嘅飯粒肥潤飽滿，深橙色嘅龍蝦湯底熱辣香濃，混入嘅蝦肉、蟹肉、帶子等海鮮亦十分滋味甜美。甜品項目共有五款可選。大肥爸爸要咗碗「雪糕楊枝露」（$34）。幾位長輩就分咗客「香滑擂沙湯圓」（$38）。香濃咖啡糕（$32）：細老點嘅咖啡糕夠就夠軟彈，可惜其咖啡味過份淡薄，就係差嗰一點點香濃。商場中菜廳「八月花」寬廣開揚，服務生細心周到而且效率高，想玩新花臣嘅菜餚有成功者亦有失敗之作，好在份量適中，人多可以試多幾道，價格又唔算高，以指定信用咭可享更多優惠，試吓都無妨嘅。…查看更多
