後街牛扒

之前仲有晚市堂食既時候去左食晚餐🥰 整體感覺真係非常好!! 食物質素高🤤環境好靚好舒服🧚🏻‍♀️店員服務一流👍🏻性價比高🤩真係冇野可以挑剔🥹 每一道菜送上黎 店員都會同我地講解食物既來源同食法🫶🏻 **有一個小意外係隔離枱有人打爛左隻杯, 店員都好細心咁關心我有冇俾玻璃整傷🥹 又好仔細咁掃乾淨啲玻璃碎🥰 另外當晚餐廳仲特別為每位客人送上一客吞拿魚扒作為special menu🥰唔知係咪每一晚都有架呢??🤍DINNER SET - APPETIZER 每份dinner set 都每包welcome drink, daily soup, mexican nachos & appetizer platter🥰 餐酒飲落好舒服好順👍🏻 店員仲會介紹翻當日既餐酒同風味🫶🏻 appetizer platter 有5道菜, 店員都會介紹食既次序~🤍DINNER SET - 美國荷斯登牛腰扒 $350牛扒既質素好高, 生熟程度啱啱好👍🏻 油脂好豐富, 非常嫩滑🤤 又唔會有好重既油膩感🥰🤍意大利黑松露蘇格蘭蟹皇扁意粉 $160非常濃郁既黑松露意粉🤤 而且非常足料, 有一啖都有大量蟹肉🤩 意粉同蟹肉既比例幾乎1:1🥰 真係超正🤍法國有機鵝肝及鵝肝醬配法國麵包 +$200成個appetizer一啲都唔馬虎! 無論擺盤到食材處理都非常精緻🥰 鵝肝油脂感故然好重, 但配上沙律菜, 無花果同食用花, 食起上嚟好舒服解膩🧚🏻‍♀️配搭得好好! **餐廳有提供steak廚師發辦🥰 下次去一定要試下!…查看更多

後街牛扒係其中一間我bookmark咗好耐嘅餐廳💛 之前睇其他人介紹都話lunch抵食啲，但一路都就唔到時間去食lunch😩 最後都係book咗dinner～ 就咁睇價錢好似幾貴，但其實一個set包咗好多嘢，而且慢慢上菜，都睇得出廚師嘅心機～而且差不多每上一道菜嘅時候，侍應都會講解一下，不過有其中一個侍應講嘢就比較細聲，所以有幾次講解都聽得唔太清楚🙉另外有個小問題係餐廳嘅冷氣有啲太凍，所以食物都會凍得比較快🙈 食咗一半啲食物就凍晒，實在會有少少影響整體用餐感受😬•📸 餐前歡迎酒 🆓📸 Fruit Soda 🆓每個Dinner Set都會包1杯餐酒，當晚嘅就係一杯白酒，侍應話呢款白酒都算易入口～ 如果唔飲酒嘅話，就可以改為飲Fruit Soda～味道偏酸，而且比較重西柚味，幾清新嘅～勝在幾大杯，夠飲足成餐飯😆•📸 田園沙律 🆓其實就係一個正正常常嘅凱撒沙律～•📸 墨西哥脆片 🆓呢個墨西哥脆片係配咗3款醬：酸忌廉醬、牛油果醬、三重芝士醬～ 感覺上最夾嘅都係比較濃味嘅三重芝士醬🧀 •📸 餐前拼盤 🆓侍應介紹嘅時候話呢個長碟係要由右邊食到左邊，感覺就係由淡味食到比較濃味，而且越食越酸🤭都幾開胃🤣～第一件聽唔清楚係咩嚟🤣➡️露荀配黑松露醬➡️黑醋紅蔥頭➡️漬番茄➡️紅菜頭配香草酸忌廉而圓碟上嘅就係廚師當晚特別整嘅慢煮吞拿魚，唔係每晚都有㗎，呢個食落魚油味都幾香，但又保留到少少吞拿魚刺身嘅口感，都幾特別～•📸 奥斯卡每日精選餐湯: 野菌忌廉湯 🆓呢到嘅野菌忌廉湯個菇味同忌廉味幾balance🤤 而且質地好濃稠，感覺好足料～ 但稍為有少少唔夠熱～•🥢 火魔法威靈頓美國安格斯牛柳 $400落單嘅時候，侍應有專登提醒因為係焗嘅關係，所以就無得揀牛柳嘅生熟度～ Bookmark後街牛扒嘅其中一個原因就係畀人哋影嘅呢個威靈頓牛柳所吸引🤩 上枱嘅時候，侍應會專登嚟幫手淋上蘑菇汁，點火之前仲會同我哋講有需要嘅話就準備定手機拍片，真係幾壯觀🔥一切開酥皮就見到粉嫩嘅牛柳😍 牛味濃郁，口感都幾腍，所以好易切開🤤 但可能因為影相影耐咗嘅關係，外面嘅酥皮唔係好脆😬 而酥皮同牛柳中間嘅煙燻火腿、鵝肝醬同野菌嘅味道都比較平均，唔會有一樣太搶而遮蓋咗其他食材👍🏼🌟推薦度： 9/10•🥢 意大利黑松露蘇格蘭蟹皇扁意粉 $260呢個意粉都有唔少人推介～ 黑松露同蟹皇都係我同朋友嘅最愛，所以一睇pasta menu就決定叫呢個😍 意粉醬黑松露味好濃郁，係好香嘅嗰種完全無嗰種「煤氣」味～ 而且黑松露同蟹肉絲嘅份量超！級！多！所以個醬嘅質地好竭身，份量亦都非常之多，足夠撈晒啲扁意粉👍🏼～最後我仲用咗剩低嘅醬嚟點薯條，一滴醬都無放過🤭•🥢 法式忌廉牛油薯蓉 +$30開頭無睇清楚menu，唔知道有咁多前菜就加咗2個side dish，而薯蓉就係其中之一～呢個薯蓉質地好幼滑，完全無顆粒感～ 食落超級creamy，牛油味好香🤤 但都無完全蓋過咗薯仔味👍🏼～ 加上份量都唔少，最後食咗一半就有啲飽同膩🙊•🥢 美式粗薯條 +$30粗薯條份量同樣都幾多，見到薯條上面仲保留咗部分薯仔皮，所以佢係用原個薯仔切開拎去炸～ 新鮮炸起熱辣辣，外面少少脆，入面有薯仔蓉，加少少鹽已經好好食，雖然薯條係跟咗茄汁，但我最後用咗嚟點扁意粉嘅黑松露蟹肉醬！🤤…查看更多

🍪 【#灣仔】後街牛扒 Backstreet Steakhouse💥Juicy招牌牛腰扒 必食蟹肉扁意粉💥.🍪同事強力推介食蟹肉意粉✧A colleague strongly recommends the crab meat linguine🍪非傳統扒房，佈置偏時尚✧Not traditional steakhouse, but rather modern🍪人流暢旺，去前先訂位✧Book in advance to avoid the queue~~~~~~~~~~~~~~~~~~~~~~~~~~~~~~🍽美國Brandt Beef Prime荷斯登牛腰扒(配薯條) $188（5/5）🥩US brandt beef Prime holstein bavette 7oz點了7成熟✧Ordered medium well肉質嫩滑，肉汁飽滿✧Super tender and succulent!.🍽意大利黑松露蘇格蘭蟹皇扁意粉 $88（4/5）🦀Linguine with crab meat and black truffle足料蟹肉意粉✧Generous portion of crab meat小心進食時有蟹殼✧Beware of carapace .🍽前菜：凱撒沙律、牛油果多士、摩菇忌㢘湯（4.5/5）🍄Appetizer: caesar salad, avocado toast, cream of mushroom soup新鮮沙律菜，開胃牛油果醬，濃郁磨菇湯Fresh greens, appetizing avocado paste, rich mushroom soup.~~~~~~~~~~~~~~~~~~~~~~~~~~~~~~味道：🍪🍪🍪🍪🍪/5環境：🍪🍪🍪/5💸人均消費：$192 (lunch)🔥推介度：4/5.🍪可能是星期日的關係，午市統一用了all-day menu✧Only an all-day menu is provided on Sunday. Lunch menu is absent. 🍪本身擔心食物份量不足，但都幾飽肚✧Food portion turns out to be quite fulfilling than expected. .See you on instagram: hungrycookie15 …查看更多

🤩高質後街西餐🤩推介指數 ❤️❤️❤️❤️❤️舊年食過後街牛扒晚餐後一直念念不忘，好幾次book唔到～ 應該係食神感受到團火，今次walk in 竟然有位啦！Menu上說明要求每位佔座位客人點選食物一份，支持小店付出同努力都好合理嘅。主菜奉送餐湯、麵包同沙律，飲品加HKD20或者特式飲品加HKD30。🥩美國Brandt beef Prime 荷斯牛腰扒配薯條 HKD188✨望落去熟成度為點選3成吻合，食落牛肉味好濃厚、肉質軟滑無渣，好滿意！配料粗薯條平穩、碟旁有芥辣、蒜蓉同茄汁。🍝意大利黑松露蘇格蘭蟹皇扁意粉 HKD160✨幾乎睇唔到意粉嘅菜式，面層鋪滿黑松露同蟹肉。食落意粉熟成度剛好，蟹肉鮮甜，配上黑松露提升另一個層次，大滿足！🥣餐湯：𢳂嘅時候質地濃稠，飲落蘑菇味濃厚大爆發，絕對有誠意！🍞前菜：外觀精緻，麵包配上檸檬汁牛油果醬好開胃。🥗沙律：食材新鮮爽脆，配上芝士粉、煙肉粒同麵包粒，有水準！🧊飲品：綠野仙蹤以羽衣甘藍、蘋果、香蕉製成，外表綠色好健康，飲落好消暑解渴，味道帶甜，好好味！🧊飲品：檸檬茶份量同綠野仙蹤一樣大大大杯，仲可以refill.... 朋友一杯都飲唔哂，哈！總結：-食物 ❤️❤️❤️❤️❤️環境 ❤️❤️❤️❤️❣️服務 ❤️❤️❤️❤️❤️.··🏠 後街牛扒 (灣仔)📍灣仔交加里7號永成大廈地下A舖…查看更多