Little Mario's Pizzeria (珀麗灣)

朋友住馬灣，星期六請我入去行下，喺荃灣搭船入去，十零分鐘船就到都幾舒服，到咗馬灣之後，感覺空氣好咗，人少咗，周圍都好似闊落咗。朋友再介紹我哋去食個早啲晚餐，間餐廳門外面對正青馬大橋，一望出去就有個全馬景，超正！雖然我地坐於餐廳裏面，但喺望出出面都好似歐洲一樣，而外面都重有幾張枱可以畀人坐，完全有去咗歐洲嘅感覺，我哋當然就要點返兩杯雞尾酒飲下啦！我就點咗Mojito 而朋友就點咗 Respberry Garden, 跟住點了個2 in 1 Double Happiness Pizza, 可以將印度香料烤雞和夏威夷薄餅各一半，之後加起嚟變一個大簿餅；再加個忌廉雞肉闊條麵；話咁快兩杯雞尾酒就嚟到喇，碧綠晶瑩的mojito和紅粉緋緋的Respberry Garden跟這裏的環境氣氛相映成趣！飲落Mojito嘅冧酒加薄荷青檸，更加令人醒神，而Respberry 的濃郁就好有歐洲味道！轉眼忌廉雞肉闊條麵亦都嚟到，闊條麵彈牙，極有人手即製嘅感覺，每條麵都掛上濃郁嘅芝士和蘑菇汁醬，美味無窮；跟住個大的pizza亦都出現喺枱面呀，是我最鍾意食的薄pizza，餡料一半辣一半唔辣實在係絕配！印度烤雞薄餅哪一半辣味十足，餅脆雞肉嫩滑，畀人一種刺激嘅感覺，而夏威夷薄餅那邊，菠蘿加煙肉再加上濃郁嘅芝士味，每塊都有拉絲嘅感覺實在回味無窮。在這餐廳飲著雞尾酒，食著意大利薄餅，真係有一種去咗歐洲嘅感覺。再加上服務員超好嘅服務，這餐真係完美！…查看更多

今日同小朋友去馬灣沙灘，出發前梗係醫好個肚先。在餐廳門口，已經俾佢海天一色嘅景致吸引咗。餐廳對正个海，遠眺青馬大橋，青山綠水，心情豁然開朗。侍應見到小朋友，立即送上兒童餐具，非常細心。Pama ham pizza (m) $118Pizza 每日新鮮製造，醬汁是自家製造，別有一番風味。Pizza熱辣辣，芝士厚厚地密鋪在整個Pizza上，不停拉絲，每啖都是濃郁的芝士味。餅皮鬆軟，芝士烤得焦黃香甜，配上翠綠的火箭菜，令口腔fresh 起來。雞肉蘑菇闊條麵 $108這裏的芝士毫不吝嗇，芝士配上奶油，軟嫩奶香。濃淡適中，很適合俾小朋友。好足料，香菇味十足，加少少Tabasco最正。Mango slush $68綿滑的芒果沙冰和這個藍天白雲，簡直絕配，恍如置身峇里一樣的感覺。呢度仲有叉電位，飲嘢耐啲，玩吓電話都唔驚冇電，又一細心位…查看更多