MOO MOO

營業中

休息中

喺觀塘見完客，同事帶咗我去巧明街食野，呢度真係好多美食選擇。見到moo moo 個招牌名字相當特別，將我哋吸引咗去！餐廳裝修 簡潔時尚美式風格，分戶外和室內座位，有大電視直播足球賽事，晚上可以三五知己，飲啤酒睇球賽。食物主打漢堡包、薯條、雞翼和奶昔。 開放式廚房 可以見到漢堡扒即叫即煎， 傳出陣陣肉香，真係令人流曬口水！美式之堡招牌之作，安格斯牛肉、車打芝士、新鮮 生菜、番茄和煙肉。麵包用牛油烤焗外軟內脆。安格斯牛肉漢堡扒，厚身嫩滑多汁，牛味濃沃有口感。 個人覺得食牛肉漢堡一定要配煙肉，有香脆油脂甘香感覺，加上新鮮生菜番茄，去膩清爽口腔！芝士肉醬薯條套餐加28蚊有芝士肉醬薯條和汽水，認真超值。 感覺有如芝士肉醬意粉換了薯條，脆卜卜惹味非常！忌廉蘑菇雞翼驚喜大發現，超級好食！香烤無骨雞翼，內裏釀滿忌廉蘑菇醬，焦香撲鼻，外皮香脆雞肉嫩滑多汁，一口咬開忌廉蘑菇醬汁的溢出！ 一試難忘!

近排很喜歡吃漢堡🍔，今天陪朋友行APM，之後去附近的Moo Moo吃burger~餐廳位於工業區，星期六晚人流不多，環境較靜吃得舒服~裝潢具美國風，配上輕快的音樂，讓人放鬆餐廳內設有自助調味櫃位，沒想到有暖水供應，很貼心。我們點了經典之堡（＄60）、鹹蛋黃雞堡（＄69）、芝士肉醬薯條（＄39）和忌廉蘑菇雞翼（＄40 3隻），飲品則叫朱古力奶昔（＄32）經典之堡除了有手打牛肉、半溶車打芝士、新鮮番茄和生菜外，秘製的Moo Moo汁加入洋蔥和煙肉粒，惹味非常！近來興起鹹蛋熱，所以點了鹹蛋黃雞堡。雞肉是沾滿鹹蛋黃醬後再煎，所以金黃色的外層鋪滿鹹蛋黃碎，雞肉則嫩滑多汁，讚！忌廉蘑菇本來已經creamy又好吃，釀入雞翼後烤焗，兩者味道很夾，咬下去層次豐富。肉醬薯條芝味濃郁，上枱時香噴噴~朱古力奶昔口感絲滑，奶味醇厚，滋味非常。