帝樂 - 德國餐廳 (美麗華廣場)

朋友相約在尖嘴晚飯，四個人想要熱鬧氣氛，由於訂枱只能留10分鐘，所以嗱嗱林去攞枱⋯⋯一進場，相當有氣氛，熱鬧非常，有三份二都是男食客，啤酒🍻氣氛豪邁一坐低，店員就對你說八點前Happy hour ，所以很多食客都在八點前點飲品⋯⋯徳國豬手除酸菜外還有粗薯條放底，皮大大塊又夠脆，配黑啤真係好爽⋯⋯燒原條爐魚伴茴香，紅洋蔥及薯仔$385~大大條鱸魚相當靚仔，見到都很滿足。甜美的紅洋蔥配焗薯，正。法式車厘子焗布甸伴榛子金寶綠茶雪糕$85~這個甜品相當有份量，我們一行四人，相當飽肚，幸好甜品係另一個胃。黑森林蛋糕~這裡點甜品作生日蛋糕的話，寫名牌另加$20，但方便唔使買蛋糕，蛋糕鬆軟唔甜，壽星同樣高興。整體來說:地點就腳，…查看更多

星期六日嘅話係全自助餐。訂咗12:00。大概有一半嘅位已經滿咗。但係出面嘅嘢食bar啲嘢食未齊。當時沙律吧，甜品吧已經準備好㗎啦。不過熟食方面就未有串燒，燒牛肉，同埋豬腳。大概12:30左右，就會見到啲人一窩蜂衝去熟食枱嗰度，咁就會知道啲豬腳已經煮好啦。今日去食嘢嘅人都幾特別，真係搶嘢食咁，一次過將所有嘢夾落自己隻碟度，下一個人就冇得食啦。好在廚房補給食物都快。所以其實等頭一輪餓鬼搶完嘢食之後， 廚房就會好快放一盆新嘅出嚟。所以唔明白啲人點解咁癲，一次過夾一盤係咪真係食得到呢？佢哋嘅燒牛肉OK嘅，好林，都有牛肉味。唔乾柴。串燒雞都OK嘅。佢哋嘅德國豬手一次過會出成10幾隻，所以大家唔使緊張，你一定會攞到嘅。佢仲會不停咁樣出，所以唔會攞唔到。外皮好脆。幾好味。沙律吧就冇咩特別，又唔係特別好食。佢哋有凍蝦，青口。食咗凍蝦，冇咩味。佢哋有個意粉巴，可以自己選擇配料再揀埋紅汁或者白汁。我哋揀咗白汁，同埋一碟紅+白。覺得意粉個汁煮得唔錯，不過意粉好林。港式意粉。甜品吧方面有好幾款唔同嘅蛋糕同埋糕點。賣相就平平無奇，但係味道唔錯。最鍾意食佢個酥皮嘅餅。我都唔知佢叫咩，但就係好鬆脆。好好味。佢哋今日有一個特別嘅甜品。就係churros. 即場炸。平時外面買嘅話一條都好貴，同埋唔係好多地方有。今次俾我任食真係好開心。不過胃嘅空間有限，食咗兩條就夠啦。埋單，計埋+1 ，每人大概$302。唔係話好平，但過吓口癮咁啦。有唔同嘅嘢食俾你揀。環境都算OK嘅。坐得都舒服。散嗌嘅話可能平啲，但有時食自助餐都係為咗玩，比好多唔同嘅食物包圍係幾開心嘅。至於味道方面不過不失。個人覺得一次就夠啦。冇咩吸引我去食第二次。…查看更多

從來都冇係香港食德國豬手。因為末聽過有一間好食。今日去過呢間就改變。真心豬手好好食。即叫即做。脆皮肉嫩。另外叫咗圈圈面包都好好味。海鮮長通粉足料。十分滿足。可以再去餐廳…查看更多

King Ludwig Beerhall是德國菜餐廳， 每次想食德國菜都會來這裏， 今次到位於尖沙咀美麗華廣場的分店， 我們是來慶祝生日的😍。 餐廳裝修以全木為主， 設計具有德國特色。四個人每人選一款菜式和飲品，咖哩農夫包🍞、 德國豬手🍖、 德國香腸拼盤🥨和西冷牛扒🥩， 飲品我們每人點了兩杯， 試下不同的cocktail🍹🍸， 當然唔少得德國啤酒🍻啦！▫️咖哩農夫包🍞～ 農夫包好大個， 外皮脆口，裏面軟身吸入咖哩汁的味道，幾好味， 雞肉也很嫩口。▫️德國香腸拼盤🥨～ 食德國菜，點少得香腸拼盤， 幾款香腸各具特色， 一口咬下啖啖肉，真是超滋味。▫️西冷牛扒🥩～ 五成熟的西冷牛扒， 肉質算嫩， 但筋位比較多。▫️德國豬手🍖～ 外皮焦香酥脆， 配上酸菜和芥末醬味道更佳。▫️甜品🎂～ 原來餐廳有蛋糕供應， 精緻又美味。▫️飲品🍹🍺～ 我們各點了幾款不同的飲品， 大致上cocktail都幾好， 紅酒亦不錯， 啤酒超大杯。帝樂是一間適合三五知己飲酒食飯的好地方， 慶祝節日也是不錯的選擇。🖖🏻🤩…查看更多

講德國餐廳一定會諗起呢一間！我之前嚟過happy hour飲嘢，但係未試過喺入邊食嘢，今次就特登book咗位夜晚同朋友慶祝生日。餐廳裝修好有西式格調，成間係最搞笑係對面有一枱比較大年紀嘅食客盛裝打扮，講緊係着晒西裝同晚禮服😂仲要帶埋自拍光圈燈瘋狂喺餐廳入邊影相，問個經理佢哋咩事，個經理勁風趣幽默講話佢哋係K”OLD”L，真係笑死我😂我哋嗌左幾樣特色德國菜式，包括唔少得嘅德國豬手、咖喱農夫包、德國大香腸、同埋小食拼盤等等。先講德國豬手，外皮香脆，而豬手肉質感嫩滑，而且非常大舊，配埋啲鹹酸菜一流；咖喱農夫包亦都係我另一個最愛，農夫包好食，而咖喱味濃郁，仲要好多配料喺入邊，可以選擇撈飯食或者dip包食；德國大香腸拼盤有唔同類型嘅香腸，俾你一次過試晒咁多款口味；而小食拼盤都係嗰啲薯條炸嘢，同朋友分享嚟食就夠晒開心！因為要同朋友慶祝生日，本身一嚟到嘅時候已經問餐廳有咩蛋糕，經理就好好咁推介左一個廚房自家製開心果蛋糕俾我哋，而呢個蛋糕大約1.5磅到，仲要係餐牌冇嘅，真係要問啲店員先知當日有冇，而且價錢算合理，仲可以有寫名嘅生日牌同埋現場生日歌播放，所以如果都想同朋友慶祝埋生日，就可以早啲打去問吓餐廳有咩蛋糕。呢個開心果蛋糕非常有驚喜，佢係開心果味嘅mousse，味道唔會太甜，但係就非常有開心果味，仲有啲開心果碎，講真出邊都未必買到呢個質素嘅蛋糕，我同朋友都食得好開心！最令我呢個酒鬼開心係嗰陣做緊德國啤酒節推廣，一個價錢可以去唔同分店度飲draft beer，總共有10杯，初初諗住今次未必飲得晒可以留返下次飲，點知原來今晚咁高興，大家一次過就飲晒10杯500ml啤酒，我揀呢隻德國啤酒麥味適中，自己個人來講幾鍾意，整體感覺好滿意，尤其是店員服務態度，佢嘅風趣幽默令我覺得樂而忘返！…查看更多

晚上同舊同事聚舊，黎到尖咀吃德國餐（新嘗試） 一甫入餐廳，就覺得餐廳氣氛同格調都很浪漫， 而且更有音樂演奏，非常有氣氛！ 其後，我地就叫左呢度特色的豬手黎試！外皮香脆，仲有薯仔作配菜，味道也十分入味，正！ 另外，我地亦叫左甜品🍮，外表精緻，而且份量也很多，大大塊的蛋糕🍰配上黑森林，超正！ 我地仲叫左酒同飲品，飲品賣相特別，好靚！整體來說，餐廳氣氛濃厚，而且有音樂伴著。至於食物方面，質素也很高，且份量多，值得推介！…查看更多

今日假期同朋友黎到衣間餐廳，原來衣間係赤柱美利樓食開果間集團的，都係德國餐廳食既款式都係一樣。較早前book左露天座位，好景不常今日有毛毛細雨，不過露天座位都有帳篷遮住，係凍d咁解，同埋如果吸煙人士想用餐時又可食煙，露天座位就最好不過喇餐廳無論露天同室內都好多人，近乎滿座，可能walk in都未必有位。餐牌款式都幾多，不能盡錄，德國餐廳最少都叫過豬手既。我地5個人食，叫左5款食物，包括焗芝士煙肉蠔、炸雞翼薯條、雜腸拼盤、巴馬火腿薄餅同德國豬手，各人一杯飲品，已經每人飽到捧住肚喇先到焗芝士煙肉蠔，賣相都幾吸引，食落都唔錯，個底仲有d菠菜，不過認真要快食，好快就凍！$280/6隻，抵唔抵食見人見智喇雜腸拼盤，衣個本身都食過，沒有特別驚喜，預期之內，只係不同款式既腸湊埋一齊，另有一d酸菜拼埋一齊食叫特別d，不過拼盤會附上一兜凍既薯仔，表面睇以為係熱食同似薯蓉，原來唔係喎炸雞翼薯條雖然有d簡單，但朋友同我都覺得個雞翼特別好味，炸果個皮係唔同平時果d味道的，薯條都係粗粗的，好多墊左響個底度德國豬手，侍應會先到一到食物示意已整好，就會隨即去廚房準備切開，每人都有一舊食的，當然佔大部份都係骨頭，不過太多都會食唔到，因為豬手本身食一舊半舊就可以，太多未免太濟了巴馬火腿薄餅都算不錯，不過慢慢已冇餓意，對食物冇咁起勁了，侍應都提醒薄餅要趁熱食先好飲品方面一開始就苦惱飲咩，本身自己又唔飲啤酒，想飲cocktail但又唔知點解冇平時最common果d，朋友叫左杯菠蘿汁見好細杯，結果都係嗌左杯凍朱古力，賣相都唔差又大杯，抵飲$45整體覺得坐露天座位都不是太好，食物太快凍了，可能又加上雨粉粉既關係啦！不過都食得非常飽，埋單$1429/5個人，每人都係$286，都唔算貴…查看更多

訂位安排混亂，我訂20:30，我20:15去到，佢話要等等，咁我就係門口坐埋一邊等，中途都有問過佢得未，佢又問我留貴姓，跟住又等，到左20:40，我見遲過我地到d人都一黎就直入有位，咁我就再埋去問佢，佢又問我貴姓，電話。呢次堅有點火，我咪同佢講，你問左我三次啦喎！跟住佢先帶我入坐，入到去都有3張吉檯係到，你話咁既情況，無火都呃你啦⋯⋯一坐低，一陣臭味撲面而來，發現係抹檯條毛巾出事，咁佢過黎跟跟，話埋俾佢知咩原因，結果佢抹完，都係臭...算...到左點菜，諗住試下佢個情人節set，但佢話已經賣晒，要單點其他野食，但仍然要收最低消費。問題係，我地係訂檯，訂檯時又同人地講當晚有情人節set，我地既時間應該都屬第二輪檯姐，咁你唔係應該預返足夠既貨供應架咩？真R爆頭...最後散叫左以下幾樣野囉⋯⋯一。德國腸拼盤（同預期差不多，唔錯🙂)二。周打魚海鮮湯（睇得出有比心機製作，周打魚同蝦都有煎封過再煮，鮮味十足）三。簿餅，另加蒜片蝦，火箭菜（全自家製，味道不錯，略嫌餅底不夠脆）四。德國豬手（皮脆，味道不錯）五。四杯啤酒埋單$1,400總括黎講，環境ok，食物合格，但就係遇到以上問題囉⋯⋯希望可加以改善🙂…查看更多