香港寧波同鄉會

風起了感覺更似不見了的秋天吧🍃，再來萬眾期待的蟹粉吧🦀 說起大閘蟹，不得不提陽澄湖大閘蟹，而蘇浙對其演繹尤其講究。寧波菜雖似卻非上海菜，後者以肉類為主；而前者因沿海優勢關係，海鮮料理更多🦐，所以處理蝦蟹鱔魚等更常見。例如來個蟹粉拌麵，每晚的份量是中午新鮮拆的；沒有多餘的配料，蟹鮮不鮮一吃就知，完全沒法遮蓋🦀 另外如🦐清炒蝦仁、醃篤鮮🍲等都是以鹽做鹹味，不像上海菜的濃油赤醬，顏色很清澈但鹹鮮味道足夠。濃味的百頁東坡肉和樟茶鴨也不會讓人覺得膩開胃的前菜也有許多選擇，茶燻蛋煙燻味道撲鼻如醉雞和肴肉價錢也合理這裡的點心如高力豆沙和小籠包都做得出色而蔥油厚餅尤其高質，外乾脆內鹹香，應該是香港吃到最好吃的，沒有之一👍 還有炸臭豆腐也是必點，與香港街頭小吃吃到的味道完全不一樣，那份臭香不會很濃烈，豆腐發酵得質感很特別，外皮酥脆乾身要加甜醬及豆瓣醬混醬吃才滋味🤭-美味煙燻蛋🥚($20/pc)炸臭豆腐 ($22/pc)醉雞🐥($120)鎮江肴肉🐷($162)烤麩 ($147)清炒蟹粉🦀($1300)光拌麵🍜($32/bowl)清炒蝦仁🦐($520)古法鱔糊 ($460)樟茶鴨🦆($220/half)醃篤鮮🍲($1170)乾煸四季豆🫛($135)百葉結烤肉🐷($140)雪菜毛豆百葉 ($90)糖醋排骨🍖($135)小籠包 ($12/pc)蔥油家常餅 ($70)香蕉高力豆沙🍌($16/pc)（留意很多餸菜都有中份大份之分，以上價錢是以一桌12人份的點餐而定價）…查看更多

📌香港寧波同鄉會 (中環)中環德己立街2-18號業豐大廈401-405室間唔中就會口痕痕要黎呢到食返餐，好彩有朋友係會員😬入面環境闊落，侍應親民有禮👏每次黎都有幾款係必點菜式，好似臭豆腐同煙燻蛋等等…..註：會員限定，要訂位🔹素鵝 - 煎到2面剛剛好，幾香口，入邊啲餡都唔少😌🔹炸臭豆腐 - 剛剛炸起就上枱，香氣撲鼻🤭，加上d甜醬，必點菜式👏🔹煙燻蛋 - d蛋黃仲有小小留心🤤👍🏻 加小小淮鹽，實在好好味😋😋🔹雪菜炒年糕 - 炒得個韌到好識中，配上佢既雪菜好夾， 好好食👍🏻🔹小籠包 - 皮會俾出面食既厚小小，但勝在無咁易穿😂味道都唔太差🔹高力豆沙 - 新鮮熱辣，入面紅豆滿滿😍…查看更多

今晚約了幾個中學同學食飯，舊同學建議去中環德己立街嘅「香港寧波同鄉會」，原來這間樓上餐廳係食上海菜，要係會員才可以幫襯我們一行5人叫咗：1️⃣ 醉雞 $1102️⃣ 炸臭豆腐 (4件) $763️⃣ 美味煙燻蛋 (2隻) $324️⃣ 怪味雞 $965️⃣ 小籠包 $666️⃣ 賽螃蟹 $1057️⃣ 咕嚕肉 $1158️⃣ 上海粗炒麵 $989️⃣ 擔擔麵 $55🔟 鍋貼 $721️⃣1️⃣ 豆沙鍋餅 $851️⃣2️⃣ 高力豆沙 (2粒) $241️⃣3️⃣ 茶介 (5位) $90總數：$1,126 (點菜總數 $1,024 + 服務費 $102)整體來講：食物質素及味道都唔錯；不過，估唔到當晚餐廳好多人，比較熱鬧，傾計都要大聲講話才可以…查看更多

好耐冇嚟呢度食飯，必點小籠包，我真係百吃不厭，一次食晒一籠都冇問題好掛住臭豆腐，燻蛋🥚😋。。。黃金蝦，連殼都可以一齊食，但係得三個人叫唔到太多嘢食😂 甜品，必點好邪惡的香蕉高力豆沙😜…查看更多

「同鄉會」是members only,所以自從membership要二百多元後,已沒再光顧了。承蒙有member同事並來,便可再回味喇。先來,吃上海菜,必叫的賽螃蟹。蛋白極濕潤,而且加埋蘑菇、毛豆、紅蘿蔔,整色整水,味道做不好,攪得不倫不類。炸素鵝,剛炸起,非常香脆!毛豆還是什麼豆凍糕,在menu上有個令人摸不萻頭腦的名字,好奇心駒使叫了。哎呀….原來是凍冰冰的咸糕,像綠豆的粉口+枝豆之類的味道,好怪,吃了兩三件,整碟放棄了。小籠包,很多湯汁,但餡很多肥粒,而且醃味很咸。酒醋魚塊,第一口吃,頗有酒香,再嚐真點,有點腥。魚塊只略略拉油,肉質腍腍, 「浸」在一灘玻璃獻上,成了「魚塘」。宮保雞粒,炒得乾身,惹味。雪菜上海年糕,本身沒味的年糕,切得薄薄,和剁碎了的雪菜,有如桂花酒釀丸子的美景!素菜包,內含豐富的碎菜餡,很juicy!這一餐原是期待的,因為以前常來,都好喜歡,但久別重逢,竟是「不愉快收場」。…查看更多

有朋自遠方來，話想食上海菜，所以就帶左佢地去間佢地聽都未聽過既寧波同鄉會，食Ｄ喺外國食唔倒既正宗寧波風味。雖然寧波會係私人會所，不過未係會員既朋友唔洗驚，因為唔需要任何人介紹，只要填張好簡短既表格，同埋交$100年費就可以立刻成為會員，即時就有張臨時會員卡，效率好高。如果同桌已有會員，嗰$100可以入埋會員張單到添。環境衛生：酒樓式裝修，好簡單，絕對冇多餘既擺設或花巧既設計，非常符合經濟原則。地方打理得乾淨企理：雖然談不上潔亮如新，不過一定唔會見到一dat dat既舊污積，穿左隆既枱布同餐巾，或者係崩左既碗筷。小弟幫襯嗰晚大廳好爆好逼人，枱同枱中間唔係好多位，尤其係大枱附近，可以話係動彈不得；睇得出佢想用盡所有實用面積黎做生意。個人覺得最大嗰張枱頂哂籠只可以坐十二個人。隔暗設備可以話係零，所以除非好少人幫襯，唔係真係好嘈。個會其實係有間＂會長房＂既：如果擺一席（最多十四人），最低消費為 $6,000；如果擺兩席，最低消費為每席 $4,500。接電話嗰位姐姐仔好細心咁解釋話客人可以訂嗰間房，不過因為係＂會長房＂，所以就算訂左房，如果當日會長突然有要求，客人係要讓返間房出黎比會長既，而工作人員就會喺大廳到用屏風間返間房比訂左房既客人用。請留意，寧波會有好多會長架，而且屏風間既房都有最低消費。服務：全場最落力既係一位哥哥仔：如果冇記錯，佢個名應該叫阿Ken；雖然佢冇著西裝，不過爸爸話佢一定係經理；佢做野真係效率高，反應快；落單，開酒，攞雪桶，分餸，可以一手包辦。相比起上黎，其他姐姐仔就好似豬油膏咁，好多時重唔明我地講乜，要等阿 Ken 處理返（服務分說明：阿Ken攞滿分，其他人就負一分）。味道：碟上並無多餘既汁液或油積，證明佢每道餸都有抺過碟先攞出黎，非常之睇得及得體。　清炒蝦仁：$160；選取好細隻既河蝦炒製，鮮甜爽口，好食過出面用中蝦或大蝦做既多多聲；最感動係佢唔油膩，冇落醋都唔會覺得溜；健康推介一。　醉鴿：$95；酒味香醇濃郁；鴿肉唔肥，不過就有少少嚡，唔夠嫩。唔知醉雞個肉質會唔會好Ｄ呢？　鴨舌：$95；好少食倒咁軟熟滑溜同咁夠熱既鴨舌；如果唔係因為味道有少少咸，一定會在推介之列。　砂鍋雲吞雞：$300/隻；個湯好夠火候，好有雞味；雞肉唔算嚡，不過可以再煮腍Ｄ；湯入面既紹菜就夠哂腍啦，而且好甜；雲吞個皮夠薄，唯一怪怪地既係個餡全部係豬肉，雖然肥瘦均勻，不過就好似食緊豬肉丸多過食緊雲吞囉。　清炒鱔餬：$90；為安全起見，大家落單時一定要講明＂清炒＂鱔餬，要求古式煮法，即最後一刻先好落生蒜，＂贊＂熟油。依道餸簡直係頂瓜瓜，帶過咁多人黎食，個個都讚不絕口！首先，上枱既時候夠哂滾熱辣；鱔肉本身鮮甜無比，肉質幼嫩彈牙；炒功亦非常了得，做得好香口，而且唔會好似其他餐廳咁炒到杰 tat tat 或者一pat pat。成碟鱔真係一條骨都揾唔倒架！如果真係要雞蛋裡挑骨頭，身為蒜皇既我覺得生蒜份量可以再加碼。不過講真一句，寧波會既鱔餬係我喺香港食過之中最正既。古式推介二。　炸臭豆腐：$60 / 六塊；寧波會既招牌菜之一，臭味離遠未上枱已經聞倒，上埋枱你嗰日唔想洗頭都唔得。炸得好鬆化，皮脆心軟，不過大家要小心個心熱呀。招牌推介三。　紅燒元蹄：$180；喺轉盤上轉左個圏比大家睇完，阿Ken就自動攞把刀黎幫我地切，Ｄ煙同香味重係肉身慢慢升上黎，好high呀。元蹄一Ｄ都唔肥，皮靚肉嫩，精彩到連Ｄ骨都識自動剝落黎，小弟不禁拍手叫絕。精彩推介四。　白肉片：$70；唔需要特別講明，個汁都會分開上。雖然個賣相好似唔係好得，不過意外地好好食，因為白肉切得夠薄，而且咬落一Ｄ都唔嚡。意外推介五。　雞火乾絲：$80；雞絲火腿絲夠幼；唔咸得黎重要甜甜地，幾得意。　炸銀絲卷：$12/條；熱辣辣，新鮮炸出黎，未轉完一個圏已經冇哂，要encore既一味。個皮炸得好脆，但係個包入面就好軟熟。雖然包本身已經係甜甜地，不過加埋煉奶真係冇得彈，老豆果然冇介紹錯。Encore推介六。　小籠包：$40/半打；個餡同雲吞個餡好似一樣咁，都係肥瘦均勻既豬肉。個皮夠薄，不過就唔係好夠汁，所以唔係話特別欣賞。　生煎鍋貼：$40/半打；又係同一個肥瘦均勻既豬肉餡；個皮雖然厚，不過鍋貼係三款之中做得最好食既，因為佢煎得夠乾身得黎，個湯汁重可以保留喺入面，好啱我口味。餃類推介七。後記：1)　當日打電話黎訂位時，原本想訂埋幾個大餸，點知接線生話除左拆骨魚頭煲要最少一日前訂，其他餸菜都唔洗訂既。食唔倒寧波會招牌之一既拆骨魚頭煲（每份$500），家人友人都有少少失望。:(　2)　不論大枝或細支，紅酒定烈酒，所有酒既開瓶費都係$30一枝，好低。3)　地點好就腳：巴士，地鐡，的士，小巴乜都到；食完飯重可以行上去老蘭飲返杯添。…查看更多

過開中環搵朋友，咁順道食埋晚飯先歸家啦 ~ 雖然話明係同鄉會啫，但唔寧波鄉里都黎得食飯架，我鄉下都唔無寧波。原來依間食肆都幾出名架喎 ~前菜兩小碟，咸菜加左啲麻油，香香甜甜，好開胃。鹽水花生，林得黎有趙口，咸咸地又充滿水份，由細到大都好鍾意食，因我唔多喜歡食乾花生既。燻蛋，必食 ﹗食到停唔到口，食左整整一隻仲想繼續食，真係可以連吞半打，實在太好味，但要留肚試其他菜式，所以都要為大局著想，忍。蛋黃糖心勁香蛋黃味，天然蛋黃甜味，加少敨椒鹽同吃，更提升燻蛋既味道 ﹗朋友仲意為係日本溫泉蛋，哈哈，咁遠飛黎咪好貴？三色併盤配芫西豉油，自選冷盤。白肉，無咩特別，五花腩一片，但嚥嚥靭靭，完全無肥膩感或食緊煙肉既感覺。海蜇，完全無調味，如果落啲麻油會更香口，得個爽字，無味囉，可以點啲芫西豉油同吃。怪味雞，真係唔知咩味，好普通囉，無特別。火腿津白，如果淨食金華火腿又實在太咸、如果淨食上湯津白又單調又寡，必須要一齊食，味道方可以得到平衡，咸香加鮮甜。如果用津白卷住金華火腿同吃更好。小籠包，放左一段時間，所以包形已塌下，皮變硬、汁收乾，完全唔燙口，可以直接整隻放入口。肉鮮味濃，仍有少量肉汁，有幾滴。味道唔錯，算係好食，最衰唔係灌湯小籠包囉。但依度比其他食肆既餡多好多，大大份。如果即叫即蒸即上枱，應該會有返正常水準 ﹗紅燒獅子頭，先炸後炆，香濃豬肉味既肉丸，炆得入味，好食 ﹗但一定要趁熱食，凍左就唔好食，啲芡會琼到一舊舊。寧波炒飯，有咸肉、蝦米、菜粒，係咁多，好普通好普通既炒飯，而且我一向最憎就係炒飯會落菜，搞到啲飯濕笠笠。味道一般，食兩啖已唔想再食，好想又搞啲救命辣椒油渣撈黎食，唉。楊州炒飯係 NO.1 ~蘿蔔絲鰂魚湯，好清甜既湯，可能因為差不多食晒濃味既送菜之後個湯先到，覺得個湯特別淡，但仲飲到有魚味既。鰂魚太多骨食唔到，但都咬左幾啖，味道都算鮮啦。酒香湯丸，因該係甜米酒來的，十足十細個阿媽釀嗰啲客家甜米酒味。高力豆沙，點解叫高力呢？人名黎架？點解唔叫大力呢？熱辣辣，裡面係豆沙餡，少少甜，比我依啲唔多愛食甜野既人最啱。…查看更多

中環好多會所飯堂，但唔係間間話入就入，有D要係校友，有D要俾一千幾百入會，寧波就親民D，填張表，$100入會，就係一年會費，不過，食物價錢就唔係咁親民喇，變番一般會所飯堂價！好似我哋一行6大2細，晌星期六食個晏仔，就成$900，比起晌出面飲餐茶無疑就費咗成倍。話雖如此，既來之則安之，人生總要乜都試吓，況且，哩度靜靜焗，唔似茶樓又嘈嘈「貢」，有時候都要係靜靜心好好享受番一餐午飯。:)既然係姨仔叫哩依度，梗係由佢發辦啦，先上個三色拼盤（有海蜇、燻魚、醉雞），小籠包，同推介嘅臭豆腐。拼盤做得有水準，海蜇感覺普通D，但燻魚燻得香口，有肉汁而唔太乾，醉雞好嫩滑，嚐到淡淡酒香，啱晒口味；小籠包OK嘅，皮薄，湯汁豐盈，做足基本；臭豆腐真係好耐無食過，今次仲要唔係掃街哩食，晌餐廳食，豆腐上枱時比預期中唔係咁大朕臭味，外型好大磚一舊，外皮炸得好鬆化，豆腐內依然嫩滑非常，所以一樣好食，但始終緬懷晌街邊聞到勁「臭」嘅臭豆腐！食完前菜、點心同小食，配個酸辣湯，不過不失，材料及酸辣度足，唔餬口。跟住就係兩個小菜：黃金蝦、咕嚕肉，搭多個寧波炒飯作結。除了個黃金蝦夠晒惹味鹹香之外，另外兩個食完令人印象唔會深，好似個寧波炒飯，有D似平時食開嘅揚洲炒飯咁，當然材料應該有別（我就無特別去睇吓有咩分別），但感覺好似，所以就覺得佢無咩特別喇。…查看更多

跟"前輩"吃飯總帶來一點壓力.當他們"吃鹽"比我"吃米"還多的時候(年齡沒關係的), 自己對"食"的閱歷尚淺, 面對一眾師兄師姐們, 難免有點緊張. 過往OR Forum 內的大局都因時間不合而只有"睇相"的份兒. 心想是次"寧波"飯局都因電影節節目來不了, 難得余師兄安排試菜, 及食友Superbaby的邀請. 是日才有機會到"寧波"一試. 這次當然少不了惡男兄和Mr. KC, 小弟還首次認識食友們經常提到的"會長" (and 夫人).此時師兄從袋中掏出一支Sauternes, 喝酒機會不多, 午飯時候更少. 跟經理說好免了開瓶費, 呷著金黃色的甜酒, 微涼的酒甜中帶甘. 自問不是酒的expert, 還是談吃的吧! 侍應端上"三色拚盤" (醉雞,白切肉, 和"雪菜豆瓣酥"). 醉雞的汁是另上, 味道當然沒同上一般'醉', 但雞的肉質確實不錯. 白肉是給粉皮墊著. 切薄的肉片可蘸上特別的醬汁; "豆瓣酥"是用把豆瓣蒸熟,壓碎, 再加入雪菜和麻油, 倒模切成菱形. 色澤翠綠中見到一絲絲深綠的雪菜, 吃時竟有點像西菜中"青豆蓉"(mushy peas)差不多, 但這個弄酥味道更鮮和磨得更細. 亦帶出了較突出的麻油香味.接著是"百頁紅燒肉", 是濃香的代表. 百頁打成小結, 混在切成小方塊的豬肉,在紅燒汁醬中帶著一種說不出的甘甜. "燉筋葉" 是預早訂的. 燉湯夾雜著爽脆的筍絲和咸香的火腿. 混合著冬菇的豬肉釀在生筋和百頁中, 跟白菜一起燉熟. 肉汁鮮味, 加強自己喜歡百頁那種"粗"些的質感. 在湯內跟紅燒菜式都一樣把味道鎖緊."油炆春筍"是幼嫩無瑕的竹筍, 吃著的確是我從未吃過的清甜. 跟平時吃的冬筍分別極大. 小籠包亦做得出色. 小小的皮裹著一顆小的肉餡, 湯汁不多, 皮是厚了一點但味道不錯的, 家常餅是"寧波"的must-eat. 像極了蔥油餅, 香脆的外面灑滿芝麻. 入面是點點的香蔥, 絕對是是次最喜歡的一味. 最後一味"高力香蕉豆沙"是會長推介的. 第一次吃高力豆沙也有香蕉, 次後再在別的地方吃都沒有了. 想不到那像"未吹漲的沙灘一波"一樣的點心竟然讓我在這裡重遇上了席間大家有說有笑, 當然少不了作為後輩的我寫的(英文)食評成為話題之一.想不到的是"前輩"們竟然有看自己的食評. 意見當然是歡迎的. "太長"亦是常有的問題. 當然還有未吃完已在心裡把菜式翻譯成英文...:) 是次的確比"樂口福"來得容易, 但畢竟小弟中文食評有很多進步的空間...期望是次不會睇到食友們"眼濕濕" (是inside joke). 謝謝余師兄精心的安排, 和食友們的邀請呢. 小弟學到不少呢! …查看更多