翡翠拉麵小籠包

❤️上海小籠包：上海傳統小吃，以綿密的肉湯和鮮嫩的豬肉為餡，外面是薄薄的餡皮，蒸熟後包裹著湯汁，入口即化，非常美味。❤️蒸銀絲卷：蒸熟後切片食用的菜品，加煉奶，是一道經典的粵菜。❤️清燉雞湯拉麵：濃郁的雞湯拉麵，清淡卻不失風味。拉麵是用高筋麵粉製作的，口感Q彈，配上熬制多小時的雞湯，滋味十分鮮美。❤️蝦頭油櫻花蝦帶子炒飯：以蝦頭和鮮美的帶子作為主要食材，加入油櫻花蝦和米飯炒製而成。這道菜香氣四溢，口感豐富，是一道非常受歡迎的海鮮飯菜。人均$100-200…查看更多

今天一行三人，早上打球，下午在旺角，突然好想食上海嘢，於是去咗Moko 5樓翡翠小籠包食嘢。揀咗個滙豐優惠的二人餐，居然夠我哋三人食，套餐包一款前菜，一款點心，二款小菜，一款主食，二杯飲品。揀咗鎮江排骨，上海小籠包，賽螃蟹，椒麻酸菜魚，五香牛肉麵，二杯熱檸檬薏米水，最先上枱係上海小籠包，因為肚餓，好快ko 咗，馬上加多一客，真心的，小籠包湯汁豐富，爆汁，味道洽到好處，值得加單👍🏻，接着端來牛肉麵，麵質爽彈，牛肉是牛肉，夠淋，味道比較清淡，而賽螃蟹，煮得剛好，不膩，不腥。鎮江骨同我喺其他店吔嘅，有啲分別，呢度比較汁多，外面較乾，最後那碗酸菜魚，配上薯粉條，薯粉吸收了酸汁，簡直絕配，我哋揀咗細辣，所以唔太辣，唔咸，啱我口味。飲品一般般，亦偏淡。整體而言，都算係值得選擇的一家食店。…查看更多

今次個食評又係介紹麵😀就係依間 翡翠拉麵小籠包星期六多人所以都等咗~30分鐘先食到餐牌都幾多想食嘅嘢咁就叫咗個2人餐- 有青瓜雞絲粉皮、小籠包、上湯浸時蔬(菠菜)、櫻花蝦炒飯、咕嚕雞球、飲品2杯另外再叫咗個花雕醉雞、上海排骨拉麵同清燉雞湯拉麵有得揀要唔要蔥 同洗唔洗切麵 再揀麵款式(粗幼之分)前菜-青瓜雞絲粉皮+花雕醉雞：咕嚕雞球：味道一般般 勝在舊雞大舊👍🏻唔係得出面一層好厚嘅麪粉脆皮而入面冇肉地嗰種小籠包:比較唔出色 皮唔夠薄 入面舊肉又細同埋唔知係我嗰舊咁啱食之前已經爆皮定本身係咁 超乾 一滴湯汁都冇😟所以麻麻地清燉雞湯拉麵:我依個揀咗 走蔥 切麵 三角麵個麵都好多吓一上菜已經聞到好香蛋味 證明真係新鮮手拉麵😍先講湯底真係真材實料嘅燉雞湯有鮮甜嘅雞味 (一定要好多雞嘅精華😆）所以一啲都唔鹹👍🏻至於啲雞可能因為真係用咗黎燉湯長時間煲住有少少’鞋’但係都多肉同淋嘅啲麵如果未落湯好腍(好似麵團咁)一舊 好難夾但係一落湯就即刻散開而且食落好好咬口兼滑身似好重蛋味嘅幼身刀削麵好味好味😋等咁耐都係值得嘅而且價錢都算抵 $6xx/4人服務都好 服務員有笑容 有禮貌 做野快手👍🏻拉麵一定要試 但係個人覺得小籠包失水準…查看更多

因工作關係，自己偶爾都會順道到旺角東站上蓋的新世紀廣場吃飯。最近再去，發現商場內又有一新食店進駐，就是翡翠拉麵小籠包。走進店內，沒想到這裡也設有彷如日式拉麵店常見的開放式拉麵吧，很搶眼呢。來到翡翠拉麵小籠包，當然要吃吃拉麵與小籠包。這裡的拉麵有3款選擇，包括平日一向供應的二細拉麵，較粗及厚的三角拉麵，以及幼幼的龍鬚拉麵。我們分別選來一客擔擔麵和清燉雞湯拉麵，2款拉麵都選了三角拉麵。小籠包是一貫好水準。我的擔擔麵湯底微微香辣，帶濃郁的花生香，配上食感有趣、煙煙韌韌的三角拉麵，美味。清燉雞湯拉麵的雞湯與麵分開上枱，淺嚐了口雞湯，熱騰騰，味道清甜。另外也點了幾款菜式，四川口水雞、香煎素鵝和清炒河蝦仁。當中的清炒河蝦仁最得我們歡心，蝦仁爽口味道頗鮮。注意一客的份量約屬2-3人，人多用餐的話便要多點一客才夠分享了。飲品我們都選了熱檸檬薏米水。甜度適中，帶淡淡檸檬清香，頗有在新加坡飲到的風味。真高興以後在新世紀吃飯又多個不錯選擇了。…查看更多

同男朋友黎左旺角行街，佢話想食小籠包，就黎左呢到食😋。晚市都多人排隊，舖內都坐滿曬人，但二人檯就等左十五分鐘左右已經有位。職員既態度都好好，會同我地交代仲有幾耐有位👍🏻。👉🏻小籠包小籠包皮唔算厚，夾起亦唔會穿。不過味道普通，無咩特別。👉🏻雞絲粉皮本人大愛花生醬🤣，食腸粉個陣都要落好多好多，所以好鐘意食雞絲粉皮。雖然唔鐘意食青瓜，但夾埋一齊就好好食。粉皮整得好滑，正👍🏻。👉🏻雪菜蝦仁炒飯就係一個好普通、好正常既炒飯，但份量足夠，都好足料。👉🏻上海炒年糕鐘意食煙韌野既我一定會嗌炒年糕，不過事後發現加埋其他野食真係超飽🤦🏻‍♀️，最終都係食淨少少。但佢地既炒年糕幾好食，夠煙韌，又有菜同肉絲👍🏻。…查看更多