有口福

九龍城區不嬲以食泰國菜為主，要搵啲特色中菜餐廳選擇真係唔算多，落巴士見到呢間「有口福」餐廳招牌大大隻字寫住主打酸菜魚、烤魚、火鍋好似幾正宗，同埋俾佢門口啲食物圖吸引咗，膽粗粗就入去試吓。🌶 酸菜魚酸菜魚的花椒香味好突出，唔係嗰種嗆喉嚨嘅辣味。趁熱試啖湯，味道幾正宗惹味，辣味適中，唔算太油膩，即使凍咗再食都冇層厚油出現，食晒成餐飯都唔算太大負擔。今次叫咗魽魚魚片，魚片數量幾多&大塊，而且唔算多骨，係值得一試！🥠炸普寧豆腐第一次食普寧豆腐，形態同普通豆腐已經唔同，偏向挺身厚實啲，油鑊炸過後做到外脆內嫩，咬落去仲好滑。就咁食就食到咸香 & 淡豆味，不過配埋隔離碟韮菜鹽水吊味，豆香味會再突出啲👅熱食定攤凍嚟食都OK👍一碟有好多舊，食晒都好飽。🐷 農家小炒肉豬腩肉片人加埋青辣椒片一齊炒，有鑊氣夠惹味，比較啱送飯。🍜 家鄉炒米粉呢個米粉夠晒有驚喜，廚師炒到米粉乾身唔油膩。配料有厚切午餐肉條、蛋同蔬菜，口感豐富！最正嘅位係超夠鑊氣，估唔到係好有大排檔風味。餐廳位置係富豪東方酒店巴士站，行過兩條街又有宋皇臺站，交通算好方便！…查看更多

剛去完中國四川九寨溝遊覽, 愛上了吃川菜, 朋友住九龍城, 今晚帶我去  [有 口福]   吃晚飯回味一下,  真開心.交通好方便,  乘地鐵由宋皇臺站出, 行三分鐘. 餐廳有兩層, 客人也很多, 必要先訂位. 天氣熱,  大家先叫了飲品:  竹蔗茅根精, 天地壹號蘋果醋, 冰涼順暢,  好飲.  再看餐牌. 牆上彩照, 食物款式多, 點餐無難度, 餐牌內有詳細介紹,  鮮活魚,  雞鴨, 可辣可走辣牛羊小炒,  蔬菜, 粉麵...............價錢中等.先叫了開胃菜,   干煸四季豆,四季豆味道清甜, 口感爽脆, 連同肉碎及蒜椒炒, 香口惹味！接著送來招牌菜, 我們喜歡的  酸菜魚,   大大碗, 滿載金黃色的食材, 好豐富.   選了魽魚,  走辣.  魚肉夠大塊,  份量足, 魚片味道鮮,  魚肉結實,  已去骨, 魚皮爽口彈牙.大家吃一口魚片, 再吃口配菜,   配料好入味, 增添口感.  酸菜, 芫荽, 荀, 芽菜, 粗粉絲, 薯粉, 味道好滿意.   紅薯粉煮得啱啱好, 吾會太稔, 粗身滑溜, 質感煙韌,  配湯同吃, 好食.樟茶鴨   好食而又不辣的四川名菜.   我們叫了半隻,  半隻好大碟.   外皮很脆又香口,  帶柴木及茶葉煙燻香氣.  鴨肉分切開了, 十分厚肉.   肉質嫩滑冇騷味.鴨肉香, 再沾上美味醬汁, 好滋味!  家鄉炒米粉   勁大碟,   即叫即炒上,  熱辣辣, 好有鑊氣, 材料滿滿加上芝麻鋪面, 好靚 !! 材料正, 有雞蛋, 餐肉, 椰菜絲.  米粉柔軟有彈性,  調味好,  炒得夠乾身, 吾油膩, 口感非常好！ 有口福  ~  吃得滿足.   享受到四川食品風味.  下次要約多些朋友食孜然寸骨,  胡椒豬肚雞煲 !!…查看更多

之前有朋友食過推介，今日咁啱過開嚟九龍城，即刻試吓佢先，我哋兩條友叫咗五樣嘢，再加支啤酒🍻竟然全部清晒！我呢個朋友唔係好食得辣，所以全部都係小辣🤧如果辣度夠的話應該更加正🌶️🌶️🌶️-燒蟶子蟶子燒到啱啱好，肉質鮮嫩又彈牙，配埋蒜蓉辣椒一齊食超正-炒豬腳皮最鍾意食豬腳，呢個豬腳皮非常入味，口感係屬於煙靭有咬口嗰種，尖椒又夠辣🌶️好食🤤-孜然寸骨超濃郁孜然香味🤤寸骨肉質脆嫩爽口，香而不膩，仲要全部都啖啖肉，完全過晒口癮！-干煸四季豆呢個正常水準，炒得都幾乾身，份量都幾多-家鄉炒米粉呢個係哥哥仔推介，本身想叫個白飯，跟住佢就推介呢個炒米粉，的確唔錯，炒得夠香口👍🏻本身以為咁大碟食唔晒，但我哋都清咗🤫整體都唔錯，可以再食，下次要同個食得辣嘅朋友嚟先得🤫…查看更多

最近特別想食酸菜魚，記得之前在九龍城等巴士時看到附近有間頗有川菜風味的小店叫有口福，就決定去解決一下我的食辣癮～原來餐廳除了川菜外，還有胡椒豬肚雞煲，不過心繫酸菜魚的我忠心地點了酸菜魚，加幾款小菜。【脆椒雞軟骨$88】不得了～一上菜就有好香的辣味攻入鼻。雞軟骨炸得好香脆，就算食到尾段都沒有變軟，可見師傅的火候控制得好好！加上麻麻辣辣的味道，好惹味！必食之選～【生炒菜心$58】想食點菜平衡一下罪惡感，但想不到餐廳炒菜亦有放豬肉爆炒，令菜心更香更好味。【酸菜魚$188】不知道酸菜魚入面有水晶粉，所以加配了紅薯粉$30😂不過各有各出色，水晶粉好吸味，紅薯粉非常煙韌，跟酸菜魚湯底非常配合，不會太辣，酸酸辣辣好開胃，而主角魚塊果然少骨，而且份量極多，每口都鮮嫩軟滑，好好味。【家鄉炒米粉$68】純粹見好多客人都有點，就忍不住試試。幾有驚喜！炒得非常乾身又有鑊氣，配搭一些蔬菜和午餐肉，有蛋香又惹味！難怪人人都有點！…查看更多

好耐無黎過九龍城食飯，係openrice search到呢間好高評價，所以決定黎試下先...呢到最出名食酸菜魚同雞煲仲有一d小炒，種類都幾豐富下先黎一個香辣雞煲，好香...我地點左個小辣，雖然唔太辣但又有d麻辣味道，岩我口味，雞件都幾滑，份量多，同埋最正係好多洋蔥，食雞煲多洋蔥真係好正當然要試下呢到最出名既魚...酸菜魚配料好豐富，入面最正係有百葉結，吸晒d酸菜魚湯味，一流魚好新鮮，好鮮甜，同埋唔算多骨食完雞煲例牌都要用埋黎打邊爐，所以叫左幾樣唔同既火鍋配料黑豚腩片肥瘦都幾均勻，入口淋魚皮餃不錯，夠大隻白菜餃就普普通通仲有叫左一個小炒試下，炒田螺肉田螺肉夠爽口又惹味，而且田螺肉份量好多，食極都仲有最後，因為睇到人推介，所以叫左呢碟好似平平無奇既家鄉炒米粉試下一食落口，真係不得了，超好食呀！夠晒火喉我仲試下加d酸菜魚湯落去，撈埋一齊食，原來好夾…查看更多

有開車的人, 應該會跟我一樣很喜歡去九龍城吃飯, 泊車在附近已找到滿街質量很高的餐廳其中一間性價比極高一定係哩間有大排檔風味的川菜餐廳3 人食了5 道菜, 飲了2 支青島啤酒, $500 有找, 真的是吹水一流的好地方! 而且他們的川菜真的好出色, 大愛了!脆椒雞軟骨 $88 如果在其他餐廳叫, 想必份量只有此碟的三分一 上菜時, 我也給份量之大嚇親, 最大為驚喜的是幹辣椒不辣也不油, 咬下去似吃脆薯片!! 跟花生一起炒香, 第一次這樣吃!! 一食愛上! 而這個邪惡的椒鹽雞軟骨, 鹹香酥脆惹味, 骨軟肉嫩不會太多粉, 很適合佐酒小炒攸縣香乾 $78這間小店真的充滿驚喜, 豆腐很鮮嫩軟滑, 韌性足而且帶有蛋香, 十分難忘! 忍不住 google 下哩款豆腐是什麼來頭, 才得知攸縣香乾發源於湖南省攸縣境內，當地水質好，含多種礦物質和微量元素，製作出來的香乾具有獨特的柴火煙熏味! 加上五花肉去炒香, 成為當地很出色有名既湘菜! 炒豬腳皮 $98充滿 collagen, 十分彈牙豬腳皮食法很特別, 再加上有點辣味的杭椒，豬腳炒出來更有味道, 色香味俱全, 佐酒之選! 酸辣腰花 $88酸蘿蔔及野山椒一起落獲炒, 酸爽開胃、辣味十足. 鮮嫩可口的豬腰很適合用來配飯家鄉炒米粉 $68 這道簡單的農家菜很不平凡, 米粉干炒而不帶一點油, 口感爽身分明, 而且材料充足, 我特別喜歡他們的午餐肉, 一吃就知有誠意, 是梅林牌, 經過香煎, 肉味特別濃郁青島啤 $28 因為他們的小炒都份量很大, 而且十分惹味, 不知不覺叫了2 大支用來佐酒 這是一間絕對會再 encore 的小店! 回頭值得高!!! …查看更多

暴走家姐新居入伙一段時間，今日終於抽時間去探下佢。九龍城果然多野食，咁多選擇下，我地俾酸菜🐟深深吸引🤤餐廳入面夠光猛，場地都乾淨，整體感覺唔錯。唔想食小菜都可以叫雞煲，我地都有一刻掙扎過食唔食🐥煲，最後酸菜🐟勝酸菜魚份量足，4個人食綽綽有餘，魚肉夠嫰又夠厚，唔會太多骨。酸辣度剛好，唔想愈食愈辣就要撈起d花椒同乾辣椒先。正所謂寶物尋歸底，我地掛住食魚，冇留意到原來薯粉喺底，索晒d酸辣味，超正👍干煸四季豆,火喉剛好，炒到d四季豆唔會太熟，味道香濃帶辣，不過唔食得辣嘅未必食到。之前怕辣完全冇試過嘅口水雞，自從有一次朋友請客，就喜歡左。呢度嘅口水雞醬汁色澤紅亮，雞好嫰滑，麻辣鮮香，即使係bb辣級數嘅人都食到嘅菜。脆椒雞軟骨，雞軟骨炸得好鬆脆，唔好俾d紅噹噹嘅脆椒嚇親，呢個菜係一d都唔辣，個脆椒咬落去似食薯片，然後我同家姐都覺得有一陣芝麻味湧出黎，非常有趣😂重慶辣子雞比滿滿嘅乾辣椒鋪面，唔係得個樣，係堅辣（豬係bb級辣），但雞粒炸到外焦内酥，再加上蔥、乾辣椒、薑片、花椒、胡椒等香料炒成，確係好惹味。家鄉炒米粉賣相好靚，金黃色，配料多，食落唔會太油或太乾，味道適中好香芝麻味。葱爆羊肉有d油，但羊肉滑嫩，鮮香唔膻。呢個涼拌海擔蜇絲都係豬最愛之一，海蜇質脆而韌，清涼爽口，酸酸地，輕微辣，伴埋青瓜絲，更加爽口，食到唔停口，最後大家都讓晒俾豬自己一個食，多謝晒😂😂…查看更多

我相信每位都在麻辣雞煲的熱潮下，不知不覺都會對四川菜有興趣。但很多人都會被四川菜很的辣的而這次我發現了一間四川菜菜館。這菜館令大家知道的是，其實四川菜式裡，還有很多美味的菜式是不辣的。＜酸菜魚＞意想不到的巨大份量，每件魚塊都無骨，魚塊肉嫰，湯香口，飲完又不會有口渴的感覺。酸酸的令你超開胃，絕對是怕辣人仕的首選。＜梓茶鴨＞燒得香香，而鴨肉醃得入味之餘，味道又不會過咸。而她的咸香跟汽水啤酒簡直是絕配，是十分之合適的一款下酒菜。＜尖椒皮蛋＞第一次吃近乎透明的皮蛋，味道比普通的皮蛋味道更香更濃，而且她的調味是我吃過的尖椒皮蛋裡是最為美味的。是到這食店的必點涼菜。＜手拍青瓜＞是我吃過酸辣平衡最好的手拍青瓜，她的酸辣是有層次的，首先你會嚐到超開胃的醋味，當你吃完後，你才會慢慢的吃到那惹味的辣味。而且那份量真的會令人十分滿足，超值又惹味。＜生炒菜心＞和＜家鄉炒米粉＞亦可以一試。沒有驚喜，但絕對不會有伏。…查看更多