名館 (希慎廣場)

呢日去左銅鑼灣行街 行到希慎廣場食晚餐 見呢間餐廳食新派中菜 食物比較吸引 就入去試下餐廳裡面好大 好開揚 座位十分舒適 食物選擇多 🔸招牌酸菜滑魚片 （$298）嘩 成個爐上😄 大大份 大約有3-4人份量魚片口感滑滑 配有酸菜 芽菜 花椒 薯粉等 味道很好🔸鮑汁豬手煲 （$88）原個砂鍋上 滾到卜卜聲熱辣辣的 豬手多肉 算入味 索左d鮑魚汁好正啊🔸煙燻嫩滑妙齡鴿 （$68）乳鴿唔算大隻 不過外皮香脆 唔算厚肉但肉質嫩滑 有肉汁🔸宮廷妃子笑 （$32）個名好特別 甜品又熱又脆 外皮香脆可口裏面似湯圓軟軟的 …查看更多

點心放題通常只在午市限時供應，但對我這些上班族不太方便，最近發現位於銅鑼灣希慎廣場的新派Fusion中菜館名館就有晚市任食點心放題，收工後都可以隨時想吃就吃。餐廳設計走年輕化路線，不落俗套，窗邊設有bar枱卡座，可以遠眺銅鑼灣鬧市風景，一邊品嚐點心小菜。晚市點心放題自助餐價錢為 $188，另收茶芥$8位及加一服務費，任食30多款精緻粵式新派點心。掃描QR code後就可用手機點菜，不用Download App，環保方便又有效率，order的食物全都一目了然，全程亦沒有漏單。點心都是即叫即製，而且不需一籠籠地叫，就算只點一件也可上菜，所以就可試盡更多款式，又不怕會浪費食物。除了傳統款式之外，加入多款新穎點心，全部無限量任點任食。和麻醬雞絲粉皮質地較厚，偏似薯粉，拌上香滑的芝麻醬，是夏天消暑的佳品。鮮肉一口小籠包一咬開即爆出湯汁，令餡肉保持濕潤，名館筍尖蝦餃皇內餡爽口，富有蝦鮮味。蟹籽燒賣王口感扎實，蝦肉與豬肉比例掌握得宜。炸物亦是即叫即炸，一上桌時仍是熱辣辣。芝士鮮蝦春卷外皮脆卜卜，難得的是炸得夠乾身，一點也不油膩。大良鮮奶一口酥外脆內嫩，包裹著潔白軟嫩的鮮奶，咬一口，濃濃的奶香就在嘴裡化開。宮廷妃子笑仿如荔枝的外型創意十足，一咬開金黃色的熱燙流沙內餡就會緩緩地湧出。鴛鴦流心叉燒包包身軟綿不黏口，包裹著蜜汁叉燒。紅菜頭煎鍋貼顏色艷紅，包得圓潤飽滿，餡料多汁。櫻花蝦橋底混醬豬腸粉加入甜醬、豉油、麻醬等不同醬料，重現經典的港式街頭小食。七彩鬆化蛋散外表金黃，脆身蓬鬆，蘸上麥芽糖漿更添甘甜。玫瑰奶皇糕造型粉嫩優雅，糕身口感夠QQ煙韌，不會過甜。遠年陳皮紅豆沙已經熬得起沙，紅豆下得夠足料，清甜中滲出一股淡淡的果皮香。…查看更多

經常覺得希慎廣場餐廳樓層好隱世，位於整幢大廈頂數層，必定要乘搭升降機才可到達，而面積、氣氛與格調更與樓下廣場截然不同，彷彿到了另一個隱世之地。與媽媽在銅鑼灣逛街後在希慎廣場13樓看到名館推出點心放題，愛飲茶但從未體驗點心放題的媽媽大感好奇，七點半到達的我倆被服務員招攬，便決定進內品嚐。內裡燈火通明，鋪位闊落開陽，裝橫用材多元化有層次，採用了雲石、木、磚及黑鋼邊組合而成，當中不乏各式中式擺設及小草堆，整體感覺保留到中國韻味同時帶出時尚高雅感，我倆座位靠窗，可俯瞰銅鑼灣高樓景，心情變得寫意。點心放題雖然款式不算多，但種類不缺，包括點心、涼菜小食、粉麵飯及甜品，內裡涵蓋傳統蒸點之餘更加入特色新穎小食，款款吸引。推行環保理念更採用二維碼落單，落單數目與次數不限，應用程式亦有提示每次落單需要相隔10分鐘，我們都把握每次點菜的機會，因為太肚餓了～點菜後大約5分鐘各款涼菜小食逐一呈上，而即叫即蒸點心大約15-20分鐘後亦送到枱面，那晚落單3輪，品嚐了各款食品，個人最愛以下數款：工序如因繁複的淮揚頭盤竟然包括在放題內，當然要點選品嚐。一份有8件一口餚肉，咸豬手肉的咸香加上帶有清幽、清涼、晶瑩通透的膠原水晶層，就像把整隻豬手濃縮在每一件餚肉內，而且浸在酸甜的浙江醋上，既開胃又解膩消暑，略嫌水晶層比例較少，未能嚐出及感受到濃郁膠原感。外圍包裹紅色小炸粒有如一顆荔枝，咬下時藏著內裡的流心奶皇湧出，小炸粒包裹加上即叫即炸，份外香脆熱燙，流心奶皇份量剛好令整體口感變得濕潤順滑而不溜，咸蛋黃咸香十分惹味。粉皮切成短條狀，倒上芝麻醬及灑上花生碎與蔥花。粉皮輕型爽滑，滑得難以夾起，撈勻後每口都充滿酸甜芝麻醬，花生碎的加入為濕軟的口感增添層次。燒賣即叫即蒸冒煙熱燙，大小比乒乓球還要大，豬肉餡多得瀉出燒賣皮，內裡還包含明顯豬肉粒，加上蝦仁爽口彈牙，比起酒樓常見製法更有口感，整體梘水味不算明顯。約有一隻手指長度的鮮奶絕不是一口的大小，剛炸起非常滾熱酥脆，包裹著滑嫩、熱辣辣且帶少甜的鮮奶漿，只略嫌過於油膩，咬下時感受到油份溢出。——整體評語：食物-蒸點製法保持到傳統點心水準，但用料更新鮮，除傳統點心外，放題中加入不同中國地方特色菜式，及自家特色製法小吃，令菜單生色不少.服務-服務員好客有禮，頭盤最快5分鐘呈上，點心即叫即蒸需時，但15分鐘內必定送到，所以相隔10分鐘落單不是問題，90分鐘內大約可落單3-4輪，我倆也飽肚不以.衛生-不論餐具碗筷，甚至傢具設備都乾爽整潔，一塵不染，從大廳看進開放式廚房也整潔企理，每枱均放有消毒搓手液，衛生程度非常高.環境-環境舒適雅致，有別於傳統酒樓的喧鬧，人流不多份外寧靜.抵食-每人二百多元便可任意叫選點心，而且款式及種類不缺，除了傳統點心更有新派小吃，而且以件數作點選單位，可以用有限肚皮盡量品嚐各款點心，加上環境清幽寧靜，整體抵食指數甚高…查看更多

好久沒有來到銅鑼灣名館吃晚飯，想不到已經從14樓搬到了12樓，雖然地點降低了幾層🏫但味道卻依然保持質素，有部份比以前更出色，可能是因為在新環境煮食，廚師也特別發揮得好🧑‍🍳 新店窗邊有一大排的高腳位，望著外面聳立的高樓大廈用餐，感覺特別舒坦。雲石桌面提高了格調，令每道菜色的賣相更突出😋 打開菜單💰可見有點心、即炒小菜、老火湯和很多特色中菜例如酸菜魚和片皮鴨等，在香港很難得有如此覆蓋面廣的中菜館，非常適合朋友聚會，人人都能吃到心頭好。坐下後服務員先送上一壺蕎麥茶，味道特別，淡淡的苦澀味帶著甘甜，解膩作用一流。陳醋珊瑚海蜇頭 $88 7/10店員放下前菜後就立刻澆水在乾冰上🌬噴出大量白煙，馬上相機食先。陳醋味道夠醇厚，配合海蜇頭口感酸香爽脆，胃口大開之選，底下還有青瓜絲，添上清新感🥒 欖菜肉崧炒四季豆 $88 7/10欖菜的香氣先味奪人，新鮮即炒，鑊氣十足，調味比較著重鹹味🌶有點辣椒令整道菜變得更惹味適合拌飯吃。 🍍冰鎮鮮菠蘿咕嚕肉 $138 8.5/10是日晚餐最佳作品，整個菠蘿在雲煙之上，盛放著咕嚕肉合著新鮮菠蘿，看似份量不多，但實情是內裏像是異空間般一直湧出美食。咕嚕肉沒有裹上厚厚炸衣，簡單過油後鎖緊了肉汁，再連著酸甜醬汁拌炒，入口時肉質鮮美有咬口。菠蘿鮮甜多汁，不會嚡口，中和了咕嚕肉的濃味，組合起來昇華不少。 🍘花膠海皇魚翅撈飯 $198 8/10一個典雅的小火鍋盛載著海皇湯，中間有一顆金黃色的球，仿似旭日初昇於海面上。金球原來是飯團，外面經過油炸變成飯焦，把飯壓開浸入湯中，吸取了湯底的濃厚鮮味膠質，脆卜卜嘅飯焦，內裏係軟棉棉嘅白飯🦢精緻點心拼盤 $128 7/10有齊名館招牌點心包括蝦餃、粉果、大良鮮奶、妃子笑和天鵝酥荀尖蝦餃王餃皮厚薄適中，兩粒蝦餃都晶瑩彈牙和飽滿實在， 真材實料有原隻大蝦 粉果粉果幾高貴大方，加左少許金箔，皮有點厚，口感帶煙韌，入面餡料好豐富，有好多沙葛同芫荽大良鮮奶炸得幾出色，油溢感不重，外層鬆脆， 裏面鮮奶好似奶凍一樣咁嫩滑宮廷妃子笑外貌似荔枝， 內裏是奶黃餡料，口感軟糯，奶黃餡奶香十足銀湖天鵝酥天鵝酥栩栩如生，非常吸睛，特別是尾部的酥皮位紋路，做得好精緻，外層酥脆香口有層次，入面是甜度適中紫薯蓉，相信不好甜的人也可一試…查看更多

呀媽成日都話想食點心放題🥢，於是我就上網搵下邊間好。我見到銅鑼灣希慎廣場嘅「名館」搬咗新舖啵(轉咗樓層)，佢又正好有做點心任食，咁就啱哂啦😛。我驚週末去會好多人，所以攞咗假閒日去食當放鬆下，誰不知星期四嘅下午，餐廳都多人到一個點！我哋兩點幾坐到去四點，期間一直座無虛席👏。不過都明嘅，皆因放題以外嘅下午茶餐好似都幾抵食。可供任食嘅點心同小食款式多達四十款‼️，種類涵蓋傳統同新派點心、涼拌小食、粉飯麵，以至甜品，我哋好努力都食唔匀哂咁多款，哈哈。餐廳會提供熱茶，如果要其他飲品就可以用半價加配。餐廳嘅上菜速度快，而且亦無出現漏單嘅情況，食任食最緊要係呢樣嘛😉。再者，大部份食物嘅份量都控制得宜，逐件計算，份量少就可以食多幾款。蒜蓉粉絲蒸扇貝，新張期內每位惠顧點心放題嘅客人都獲贈一隻扇貝🐚。扇貝好大隻，用上蒜蓉粒蒸非常香口，就連粉絲都好入味，如果可以任食就好喇。名館筍尖蝦餃皇，🦐蝦餃作為點心之首，當然要一人嗌一隻。蝦餃唔係特大嗰種，不過都好食，因為餃皮厚薄適中，內裡嘅鮮蝦爽口彈牙。鮮肉一口小籠包、野菌竹笙餃以及蟹籽燒賣王，小籠包唔錯，皮薄，汁多，肉鮮🥟。野菌餃好大隻，餃皮晶瑩通透，口感煙韌，餡料則好豐富，有好多雜菜同雜菌粒🍄。燒賣反而一般，豬肉餡佔多，口感比較粉。紫金醬蒸鳳爪，🐓鳳爪肥美，不過數量嗌一就真係得一隻，所以鍾意食嘅就建議嗌多啲。鳳爪好夠味，鹹香十足，XO醬比起豉汁蒸吸引好多。櫻花蝦橋底混醬豬腸粉，豬腸粉係異常地大碟，有大約十嚿，完全係會塞飽個肚。味道亦無乜特別，因為就係平日嘅三色混醬，而菜名所述嘅櫻花蝦就失咗蹤🙈。鑊仔生煎蓮藕餅、大良鮮奶一口酥以及芝士鮮蝦春卷，炸物整體幾好，因為唔油👍。蓮藕餅以半塊為單位，剁豬肉入面加入蓮藕粒，口感爽爽的。🥛大良炸鮮奶外皮酥脆，鮮奶就如奶凍一樣嫩滑。芝士春卷呈長條形，餡料主要得蝦肉，無多餘嘅菜絲，但就唔太覺有芝士。啤梨鹹水角以及宮廷妃子笑，兩款點心嘅口感有啲似，同樣係煙韌軟糯。🍐啤梨造型嘅鹹水角唔止得個樣，內裡爆哂餡，好惹味。宮廷妃子笑入面原來係流心奶黃，外形似荔枝，但就再的骰啲🍒。銀湖天鵝酥，🦢呢款點心打卡一流，天鵝造型好得意，而佢實際係酥餅嚟。酥皮好有層次，入面應該係紫薯蓉，口感厚實。咖哩蒙古羊肉餅，呢個點心幾有印度風味。🥘咖哩汁意外地幾辣，而薄餅薄得嚟原來係夾咗啲羊肉，但由於偏薄嘅關係，質感略嫌有啲硬。紅菜頭煎鍋貼，本身無諗住食餃子，但見佢係紅菜頭，就一於試下。估唔到餃子嘅造型咁吸睛，餃皮加入咗紅菜頭製成，所以呈紫紅色💖。味道食落就係正常嘅餃子，但都煎得幾香口。七彩鬆化蛋散，蛋散好正🥠，好後悔只係叫咗一次。蛋散細細件，成件都炸得好鬆化，而且淋上糖漿同碎碎，好睇又好食。酥皮菠蘿餐包，🍍菠蘿餐包造型經典，上面層脆皮雖然無茶記嗰啲烘到咁脆，但麵包夠軟，而且入面嘅餡甜甜哋，令人回味。鎮江水晶餚肉，一口餚肉細細件，高湯啫喱同豬蹄肉嘅比例啱啱好🐷，配上鎮江香醋食，別具風味，又唔會重口味。海南雞泡米線，好掙扎嗌唔嗌麵食好🍜，因為驚會好大碗，但大家可以放心，米線份量大約係五啖就食得哂。米線湯底清淡唔油膩，麵質唔會太淋，海南雞肉身偏深色，但肉質都算滑。玫瑰奶皇糕以及腐竹鵪鶉蛋糖水，最後又點少得甜品呢？選擇唔多，但兩款都咁出色。🌹玫瑰奶皇糕好靚，軟硬適中，稍有嚼勁。至於腐竹糖水質素超高🤤，贏出面糖水舖九條街，腐竹煲到溶哂，糖水煮至奶白色，但同時亦能保持清徹。每啖糖水都好香，又唔會太甜🥚，我哋一人食咗兩碗！總括嚟講，名館嘅點心放題好高質，款式多之外，仲要大部份都好食😋，造型又精緻。收費方面，星期一至五每位成人承惠$148，另加$8茶錢同加一，即係約$170。價錢唔算好抵，但我認為絕對係對得住個價錢，係有水準嘅心點🌟！…查看更多

相約媽咪到銅鑼灣逛街順便飲茶😋， 今次到位於銅鑼灣希慎廣場12樓1201號舖的名館， 店內裝修新穎， 下午一點到達， 午餐時段特別多人。 餐廳主打廣東點心和上海菜，看見餐牌有點心放題每位$148＋茶位每位$8✨， 一場嚟到就試下啦😍！點心紙上大約有40款點心和小食， 見到都開心呀！ 心大心細好多款都想試， 我哋兩個人可以每款點心要兩件或者一件一齊試下。✨✨坐低不久店員先送上金銀蒜粉絲蒸元貝，原來是點心放題送的， 每人一份， 估唔到食點心都有海鮮送😊✌🏻。⭕點心～🔹鮮肉一口小籠包～ 皮薄餡靚， 裏面有滿滿的肉汁。🔸大良鮮奶一口酥～ 外層鬆脆， 裏面軟滑。🔹黑金流沙包～ 型格的黑金外貌， 一啖咬落去， 滿滿的流沙蜂擁而出， 記得趁熱食呀！🔸名館筍尖蝦餃皇～ 蝦餃皇大大粒， 入面蝦肉爽口， 如果餃皮做得薄些比較好。🔹蟹籽燒賣王～ 鮮香好味的燒賣王， 點心之選。🔸京川滑餃子～ 京川風味的餃子， 帶有點麻辣香。🔹銀湖天鵝酥～外皮酥化， 紫薯餡料微甜。🔸咖哩蒙古羊肉餅～ 咖哩味香濃， 羊肉餅口感太薄身， 不過可以一試。🔹藍莓流心包～ 鬆軟的口感， 雖然藍莓不夠流心， 但甜度剛好。🔸啤梨鹹水角～ 可愛的啤梨賣相， 鹹水角口感酥脆。🔹芝麻芋絲軟夾～ 煙煙韌韌的口感。🔸手工黑毛豬糉～ 味道鮮鹹酣香， 都幾大隻。🔹宮廷妃子笑～ 外貌有點似荔枝， 裏面是奶黃餡料。🔸紅菜頭煎鍋貼～ 用了紅菜頭汁做的鍋貼，賣相更加突出。🔹七彩鬆化蛋散～ 蛋散鬆化好味。🔸野菌竹笙餃～ 比較健康的一款點心， 裏面有滿滿的野菌， 入口香濃。🔹雲南涼拌貓耳朵～ 爽口美味的貓耳朵。🔸鎮江水晶餚肉～ 一道上海菜的冷盤， 味道又香又滑。🔹陳醋手拍青瓜～ 清甜爽口的拍青瓜， 配上陳醋風味更佳。🔸桂花鐵棍淮山～ 清香的桂花味， 淮山爽甜 美味。🔹玫瑰奶黃糕～ 玫瑰花靚靚的賣相， 奶黃味道 微甜， 口感軟腍。🔸遠年陳皮紅豆沙～ 入口甜中帶甘， 但陳皮味不算太出。🔹腐竹鵪鶉蛋糖水～ 豆味香濃又不算甜， 還有一粒鵪鶉蛋代替雞蛋， 都幾正。整體而言點心放題款式眾多， 價錢親民， 性價比高。😀👍🏻…查看更多

復活節長假行街拍拖💕喺希慎行完誠品又攰又餓！見到明館搬咗落12樓，有點心放題至5點😆啱曬我哋兩位大胃王🤭🤭平日148假日168，我哋就覺得極易回本喇😉仲有麥茶，鍾意飲呀！全部有40多個item，可以每項叫一粒都得真係可以食得曬喎🤣🤣全部即叫即蒸保證熱辣辣，仲每人送咗一隻金銀蒜粉絲蒸元貝🤭🤭大隻好味好味新鮮！先呢一輪狂風掃落葉😎😎鮮肉一箱小籠包，超多肉汁點上陳醋更加提鮮😋名館筍尖蝦餃皇，超級足料超大隻蝦，彈牙爽口！加上筍之後更好吃，吾係周圍有得食🥰🥰芝士鮮蝦腐皮卷，喜歡食香口嘢嘅一定要試！超級脆🤭🤭麻辣無骨黑雞腳，泡椒魚皮絲、非常有驚喜菜式，夠麻夠辣地道特色菜😍😍七彩鬆化蛋散，算是我食過最鬆化，甜度剛剛好，🥂做好吸引添宮廷妃子笑，手工菜外皮脆脆地裏面係咸蛋黃流心，有驚喜呀🤩鎮江水晶肴肉，同樣手工菜，非常好味😋叫咗玫瑰奶黃糕腐竹鵪鶉蛋糖水2款甜品玫瑰奶黃糕煙煙韌韌好清甜，好鬼靚呢🌹🌼鵪鶉蛋糖水老公一路食一路話好味😝😝超高質點心放題，好耐未試過咁有質素嘅點心啦！好食抵食又可以試到咁多款式！下次一定帶爸媽試😋…查看更多