麥金.麥金馬來西亞特式茶啡室 (已結業)

呢間麥金.麥金之前已經食過一次，今次再黎試下唔同既野食，冬天嗌翻個肉骨茶，飲完暖笠笠好正😌飲完店員仲會好主動問你需唔需要加～ 1️⃣馬來辣椒板面（$58） 拌勻辣椒粉、花生粒、花生碎、江魚仔、肉碎、豬油渣，仲有重點溫泉蛋😍麵係偏幼身白麵，份量幾多。  2️⃣娘惹叻沙（$68） 叻沙湯底濃厚，有蝦、魚片、豆卜、蛋，同埋好多好多既洋蔥絲！麵底可以自選，可以揀摻摻！  3️⃣一字骨（$62） 肉骨茶藥材味好香，熱住上，冬天飲啱曬！最正係可以任添😌  4️⃣秘醬玻璃魷魚通菜（$78） 馬拉菜一定要嗌炒通菜吧😗帶輕微辣勁，加上魷魚，好食！  5️⃣泰式炸蝦餅（$48） 炸蝦餅有四件，配上泰式甜辣醬🌶️  6️⃣香蕉鮮牛奶（$34） 淡淡既香蕉味，飲得出唔係香精味，飲落去係舒服既香蕉奶味～  7️⃣椰汁斑蘭冰（$28） 清涼可口🍃好解渴！  …Read More

作為星馬菜愛好者 今晚又想食😁所以同朋友去左呢間位於大角咀的餐廳📋呢間係 麥金麥金馬拉特式茶啡室📍-以星馬菜的茶室為主題 乾淨企理的💡點餐是QR code , 方便📱我首先一定必點美綠恐龍🦖每次必飲滿滿既美祿粉真係好邪惡好甜😋但好飲-食物方面，我揀左娘惹叻沙🍜算足料 有齊蝦、蛋、丸等 份量都好足料🥚味道上如果再辣少少 會更岩我口味呢😁-朋友點了怡保芽菜雞+黃薑飯🍚正常之作雞肉算滑的 係正常水平發揮✅-我們再點了秘醬炒通菜🥬呢個開頭以為辣 原來唔辣的 少少咸不過相對唔油 清新之選💚-最後我地再點了椰香咖央多士🍞原來呢款係無牛油總係覺得要加埋牛油先最好食😛不過都唔錯 甜甜地!朋友就點了正常的凍檸茶🍋-幾豐富既晚上 不過湯麵選擇唔多 如果湯麵類有更多選擇會更好呢‼️…Read More

經常食這間南洋風味的馬來西亞菜餐廳，門口有醒目黑金色大招牌，食物每款都親民抵食。餐廳一入門有部黑膠唱片機，牆身掛滿畫，天花板有垂吊舊式風扇，真的有到了南洋冰室的感覺。下午茶時間食物好抵食!!☁️蛋黃奶油雞扒 $57+$5轉黃薑飯雞扒份量十足，雞扒外脆內軟，喜歡外皮微脆口感~蛋黃奶油醬邪惡美味，咸香十足~☁️娘惹叻沙 $58加麵底（+$10）轉渗渗（油麵溝米粉）叻沙份量足，啡黃色湯底椰奶香味十足，少少微辣。配料有青瓜絲、魚片、豆卜、蝦、蜆等，好惹味。下午茶可以用優惠價加配兩份小食▫️秘醬炒椰菜苗 $28$28份量驚人৹ᵒ̴̶̷᷄́ฅᵒ̴̶̷᷅৹絕對可以收正價的份量!!平時餐廳較少有椰菜苗，這裡的椰菜苗用蒜去炒，炒得腍透，但仍然保持口感爽脆。▫️泰式炸蝦餅（2塊）$18好彈牙!!炸得金黃酥脆~▫️馬來沙爹串燒 $28 雞肉串x2雞肉串本身以用甜甜的調料醃製，配上惹味的沙嗲醬很出色。▫️峇拉煎炸雞$22皮好薄，裡面雞肉尚算嫩滑~☁️馬來西亞拉茶（凍）$15☁️椰汁斑蘭冰 $35兩杯飲品都升級雙倍份量，巨量杯超大杯。拉茶超級抵!!!!!$15大大杯(•̀ᴗ• ) …Read More

📍大角咀大全街6-20號大富樓地下A2B號舖同friend 慶祝生日就去咗佢屋企附近一間大家都講咗好多次話要試吓嘅馬拉菜🇲🇾🇲🇾🇲🇾1. 古仔路細渗肉骨茶🥣$88 - 馬來西亞嘅肉骨茶都會用咗濃郁嘅藥材嚟炮製佢個湯底，雖然我哋叫咗個細渗不過肉骨茶都可以免費無限添飲👍🏻👍🏻👍🏻，最重要就係份量十足，包括一字骨，豬手，三層肉，雞腳，豬肚，豆卜同油炸鬼等等🤤🤤2. 椰香咖央多士🥪$28 - 呢個咖央多椰香味好濃郁再加上牛油，中和返個咖央醬嘅甜味，食落口唔會過甜，烘底外皮好脆，加上咖央醬溶溶地配埋個脆包一流😬😬3. 娘惹叻沙🍜$68 - 個湯底好夠椰漿嘅香濃味，配料非常豐富，其中包括札肉，鮮蝦，豆卜，最重要麵底係油麵加米粉，食落口同個湯底好夾🤭🤭4. 馬拉沙爹串燒3串(豬/牛/雞) 🍢$45 - 豬牛雞我覺得豬係最好食，因為佢嘅肉質嫩滑又多汁加上佢哋嘅秘製花生沙嗲醬令到佢嘅香味更加濃郁😆😆5. 秘醬炒椰菜🥗$58 - 個椰菜炒到好有鑊氣，醬汁有少少辣所以勁香口👍🏻👍🏻小店整體環境坐得好舒服，好有馬拉coffee shop嘅feel😂😂價錢性價比都超高😁😁😁佢好食過其他，我一定會返轉頭👍🏻👍🏻👍🏻…Read More

幾年前去馬來西亞後，一直對當地茶啡室念念不忘，估唔到喺大角咀可以搵返呢種味道😍「麥金·麥金」主打地道馬拉娘惹菜，味道正宗之餘價錢亦非常親民，重拾馬拉風情💕.餐廳門面至內部，裝修就如同南洋茶啡室般❣️傳統茶啡室階磚地板、黑底金字招牌、東南亞風景掛畫，充滿懷舊特色✨.🍴娘惹叻沙💰$68麥金嘅叻沙採用馬來西亞空運香料配以獨門秘方製成🇲🇾入口先充滿椰漿香氣，然後再慢慢散發出蝦嘅鮮甜🤤可能為咗遷就香港人口味，辛辣味偏淡，食唔到辣都唔怕😌配料亦相當豐富，有豆卜、扎肉、鮮蝦、雞蛋、蜆肉等等😝濃郁湯底配以油麵及豐富配料，定人一啖有一啖食到停唔到口😆.🍴蛋黃奶油勁量雞扒💰$68雞扒外皮煎得金黃香脆，肉質依然保持嫩滑多汁💦蘸上秘製蛋黃奶油，有奶油甜香之餘帶少少辣勁，味道層次更豐富😋.🍴馬拉沙嗲串燒💰$45（三串）叫咗豬牛雞各一串🍢沙嗲醬帶濃郁花生香🥜配埋串燒食非常惹味😝有少少後悔冇叫到六串，三串唔夠喉🤣.🍴椰香南洋燒麵包💰$34招牌菜式🌟基本上見到每檯都有叫😆麵包烘得超香脆，夾住嘅咖央醬充滿椰香及斑蘭香🤤而且落得非常慷慨🤪想食得更邪惡嘅可以加牛油🧈不過同行嘅怕肥就冇叫😅.🥤美祿恐龍💰$28超多美祿粉鋪滿整杯飲品😍味道當然勁濃郁😆.🧋馬來西亞拉茶💰$22甜度可以自由選擇，揀咗無糖版😌拉茶香滑淳厚，茶味香濃😚.親民貼地價錢下可以食到如此正宗馬來西亞菜，怪唔之得去到都爆曬場，仲有好多人排隊😂必定會再回頭，實在有太多其他菜式冇食到好想試🤓…Read More

今晚又去大角咀搵朋友食飯😋朋友地膽介紹食呢一間特色嘅馬來西亞菜餐廳環境佈置充滿懷舊經典風格地面用格仔磚鋪設 牆身都掛上好多幅山水畫 感覺好古式古香 食物款式都多元化 我地兩個人都叫左唔少食物😋😋 🧈椰香南洋燒麵包 $38平時食開都係白麵包烘嘅多士 但呢間係用上啡色嘅麵包感覺好特別😎🤓多士烘到外層脆卜卜中間仲夾住冰凍牛油及咖央醬 牛油凍冰冰食落冰火交融 🔥❄️ 邪惡得黎 好好食呀 😋😋-🍵古仔路肉骨茶（一字骨） $56馬來西亞菜式點少得肉骨茶呢度肉骨茶好香濃 飲落好甘香但又唔苦澀☺️ 好香嘅藥材味道 飲落好舒服好暖胃 仔細細看原來佢哋用咗幾十種材料、藥材去熬煮而成 難怪咁香當歸味道 😋😋 而且呢度嘅肉骨茶可以無限添飲🤩抵 同埋會用小火爐 keep住熱🔥飲完即刻 行氣活血 全身都暖晒😎🤓-🍜娘惹叻沙 $68賣相吸引 好豐富嘅材料 🤤🤤有鮮蝦、扎肉、雞蛋、豆卜、豆芽等 湯底好香椰奶味 有少少辣辣地 好過癮😋😋 油麵質感較軟腍 吸到好多湯汁味道🤤🤤 會想一食想食😂😂🤣-🐟原條蒲燒鰻魚（+珍珠飯）$98好難得係馬來西亞餐廳見到咁日式既飯 一於食下 有無水準先😛 一上碟 嘩 好大條鰻魚🤩🤩 份量十足 原條鰻魚再淋上一層厚厚嘅鰻魚汁😋 美味珍珠飯 粒粒分明 飽滿且有嚼口😋🥛椰汁斑蘭冰（凍) $28好香椰奶味😋😋 有啲班蘭椰果條 有咬口😀 -🍹桔仔話梅水（凍）$25飲落好清新🌿🌿 好香柑桔味 甜度岩岩好 唔會過酸 無苦澀味☺️ -🍽🍴總結 🍽🍴餐廳環境古式古香 好有馬來西亞風味 特別喜歡肉骨茶 真係好濃郁嘅味道☺️ 價錢方面唔算貴 性價比高👍🏻👍🏻 …Read More

之前同朋友經過大角咀，第一次到訪呢個社區，當然喺到處覓食喇😆見到間馬來西亞茶啡室，正好下午茶時間，就入去食個tea✨餐廳牆壁掛上唔同既畫作，係偏復古風的室內裝潢🤩餐廳既食物性價比都幾高，最後我地分別揀咗娘惹叻沙茶餐同椰香鮮油咖央多士+半熟蛋茶餐☺️🍜 <娘惹叻沙> $45娘惹叻沙賣相唔錯，雖然油麵偏淋咗少少，但湯底食落有驚喜🥳濃郁得來又順口，食得出冇落味精😋配料頗豐富，有海蝦、扎肉、豆卜、芽菜等等，真係幾抵食～🥪<椰香咖央多士+半熟蛋茶餐> $26呢個令人有驚喜🌟咖央多士共有四大塊，口感香脆，中間夾住牛油同咖央醬，沾埋半熟蛋充滿特色👍🏻☕️ <馬來西亞拉茶>茶餐有跟野飲，同朋友都叫咗熱拉茶，飲落既口感非常淳厚，香滑帶微甜，唔洗加糖都好夠味😍整體而言食物資素不俗，日後有經過會再光顧~!…Read More

🌸大角咀馬拉菜🌸麥金·麥金🍽想吃正宗馬拉菜？今天相約好友到了大角咀一間由主打親民馬來西亞菜的餐廳-「 麥金·麥金」品嚐是日晚餐❗餐廳鋪面寬敞，裝修簡約，呈復古茶室裝修，座位舒適❗店員十分親切殷勤有禮，細心為客人介紹餐點及下單。我們一行2人共點了以下餐點：1️⃣🌟細滲 肉骨茶 $88肉骨茶以熱爐座熱上菜，以保持溫熱度，肉骨茶配料豐富，有多款食材如豬手、雞腳、豬肚及豬骨等，味道帶黑醬油及滋補藥材味，配搭豐盛，十分惹味，而肉骨茶更可再添加，十分抵飲❗️2️⃣🌟原條蒲燒饅魚配珍珠飯 $99原條香嫩滋味的饅魚，份量竹足！饅魚肉質香嫩軟滑，帶香濃燒汁味道，配搭粒粒珍珠香飯，十分惹味❗️3️⃣🌟泰式生蝦 $88泰式生蝦新鮮肉厚，生蝦肉質爽口，配上特製秘製香辣醬汁，再加上生蒜頭和辣椒粒一起吃，十分鮮香美味。4️⃣🌟娘惹叻沙 $88娘惹咖沙味道帶香濃的咖哩和椰子香味，同時帶有淡淡的甜味，配搭新鮮大蝦及豆卜等材料，加上爽口彈牙的粗麵條，配搭豐盛，十分滋味。5️⃣🌟桔仔話梅水 $25桔仔話梅水含有原粒開胃話梅及新鮮桔仔，話梅水味道清甜，開胃清甜！6️⃣🌟青檸梳打 $25青檸梳打以新鮮多汁的青檸片，配搭開胃解暑的梳打水，味道酸酸甜甜，醒胃解渴。🔖整體評分美味指數：⭕⭕⭕⭕️賣相指數：⭕⭕⭕⭕️抵食指數：⭕⭕⭕⭕️⭕️5⭕️為滿分總括而言，此餐廳的食物質素不俗，有多款馬來西亞菜式選擇，價錢親民，餐廳地點鄰近奧運站，絕對是大角咀一帶馬拉菜之選❗ 📍麥金.麥金馬來西亞特式茶啡室 (大角咀)：大角咀大全街6-20號大富樓地下A2B號舖…Read More

娘惹叻沙 $68 🙆🏿‍♀️揀咗滲滲 (小妹食叻沙一定揀呢個😋)首先係湯味夠濃 但又唔會好辣/ 食完好口渴而餸就有蝦 蜆 扎肉 豆卜 仲有半隻蛋添都幾豐富👍🏿怡保芽菜雞配黃薑飯 $68 🙆🏿‍♀️首先要讚一讚 佢啲雞好嫩滑啖啖肉 唔覺眼有雞胸😋黃薑飯粒粒都黃色 好均勻而且有淡淡嘅黃薑味同香茅味馬拉沙嗲串燒 (3串) $45 🙆🏿‍♀️因為想一次過試晒所以我哋就點咗豬牛雞各1串一嚟到見到有好多沙嗲即刻好開心😂3串都燒得好香我哋一致認為豬係最好食 有驚喜🐷雞肉一如既往咁好味🐔牛就相對地有咬口🐮美祿恐龍 $28 🙆🏿‍♀️小妹覺得美祿恐龍真係一個好好嘅發明在此衷心感謝始創者🙇🏿‍♀️佢嘅美祿味都幾重 即係冇揸流攤上面再加上一層厚厚嘅美祿粉 甜到入心💓馬來西亞拉茶 $22 🙆🏿‍♀️幾好飲 啲奶好順滑👍🏿❎ 加一服務費✅ 滿$100飲品減$10✅ 自助加蒜加辣椒…Read More

其實我都算好喜歡吃馬來西亞野😚最近係大角咀就食左間特色冰室～餐廳門面好有復古客棧feel 裝修都滿滿懷舊感.◽️娘惹叻沙 $68加多$30有波士頓龍蝦叻沙😳湯頭用左馬來西亞空運既醬料 味道香濃唔算辣麵底有幾款 我揀左最有風味既摻摻😛配料都好豐富 有扎肉大蝦蜆同豆卜蛋最索湯都係豆卜贏XD.◽️蛋黃奶油勁量雞扒撈出前一丁 $68突然好想食撈丁🙈 聽到個醬都覺得邪惡本身一丁有配埋啲葱花 麵質軟硬適中撈埋個醬好creamy 奶油味偏重 有啲似唔辣既咖哩fu😚雞扒真係好大塊啖啖肉 仲外脆內嫩～.◽️南洋鮮油燒麵包 $34好似第一次食燒麵包 啡色的好可愛😍咬落好香脆 中間夾左咖央同一整片厚牛油甜甜的超邪惡🤤 友人還說依稀吃到可可香😛.◽️馬來西亞拉茶 $22差唔多次次食馬來西亞菜都會點😛拉茶奶香味較重 口感滑順～.總結，主打多款馬來西亞娘惹菜式&泰菜食物份量都幾多同勝在好多選擇除左飯麵類 都有main dish share食🙆🏼‍♀️嗌肉骨茶既話仲可以任添喔…Read More

大角嘴成條大全街都係食肆，下午茶最常幫襯的是呢間以馬來西亞特色食物為主的餐廳。所有下午茶餐都可以半價加配小食，肉骨茶又可無限添加。夠正宗也好食。一字骨肉骨茶（$48）+轉黃薑飯（+$5）+ 椰香咖央多士（+$10）+ 馬來西亞熱拉茶（+$0）娘惹叻沙 （$45）+ 麥金小食拚盤（+$68）+ 馬來西亞熱拉茶（+$0）肉骨茶上枱時有小蠟燭加熱，是正宗馬來亞風味，顏色較深，有淡淡的藥材味。雖是下午茶餐也絕不欺場，有4件一字骨呢。肉骨茶原本是配珍珠飯，我們加錢轉黃薑飯，不要孤寒這5蚊，黃薑飯有益又好食。娘惹叻沙好足料，每樣餸都有兩份，大蝦和蜆都新鮮，叻沙湯也香濃。椰香咖央多士烘得香脆，咖央醬又多。麥金小食拚盤有雞翼、蝦餅、春卷、炸雞和鹵肉卷各2-3件。共11件小食半價真係好抵。全都是新鮮熱辣而油不多。馬來西亞拉茶很正宗，除了睇住廚師在茶水間「拉」出來外，你見杯奶茶咁多泡，就証明「拉得越長、起泡越多、味道就會越好」的道理是無錯的。…Read More

娘惹叻沙 湯頭用上馬來西亞空運香料及醬料，結合本地新鮮食材，令湯底充滿馬拉風味之餘又貼合港人口味。彈牙油麵煮得恰到好處，配有大蝦、蜆、紮肉、豆卜、雞蛋、怡保芽菜，非常豐富香濃湯底乃精華所在😋集合了新鮮香葉和蜆肉鮮甜，啖啖馬拉風味🇲🇾峇拉煎炸雞+珍珠飯 炸雞外皮非常薄脆，內裏雞肉也很嫩滑，配的辣醬愈吃愈辣，非常惹味😋😋再來一杯熱騰騰的 馬來西亞拉茶 ，新鮮沖泡的味道很好，口感香醇幼滑朋友點的青檸梳打挺大杯的…Read More

下午茶時間人唔多，坐得好舒服。娘惹叻沙（$45） + 熱馬來西亞拉茶首先讚吓啲餐具，杯碟碗筷羹，都好靚。叻沙湯底微辣，略嫌唔夠濃味，味道比較薄；麵底滲滲正常合格；配料有蝦、蜆、札肉、豆卜各2件，其中扎肉唔錯，有咬口有肉味；再配上大量紫洋蔥、肥芽菜、青瓜絲。拉茶夠滑，但香味差少少。整體唔錯，對得住個價錢。加配半份椰香鮮油咖央多士（$12），多士即焗夠脆，鮮牛油足料夠厚，加埋酸酸甜甜嘅咖央，好味。PS：Scan QR code 自助落單…Read More

-{大角咀馬來西亞菜🥘}又係大角咀喇！今次食星馬菜 同蘇媽嘅格局幾似☺️黎食左個晚飯~🤤娘惹叻沙🤤 ($58)湯底好香椰味 湯頭好少辣~幾惹味😚有兩隻蝦兩隻蜆 蜆差不多冇味👀不過蝦 幾大隻同埋幾鮮🥰另外仲有兩舊豆卜同三舊魚片頭 魚片頭就好硬👀豆卜吸曬啲汁好香😋👖褲評: 7.8/10🤤咖央多士🤤($20)店員提我地食咗多士先！果然烤到好脆而且椰香味好出🥰個醬嘅份量啱啱好唔會太膩😆👖褲評: 8/10雖然冇試肉骨茶 但個叻沙同多士質素幾好😍個拉茶甜甜地幾香奶香 飲落夠滑 朋友嘅雞飯質素都好！黎大角咀可以食🥳性價比: 8/10服務: 7.5/10環境: 7.8/10🚩麥金.麥金馬拉特式茶啡室🚩地址: 大角咀大全街6-20號大富樓地下A2B號舖…Read More

去完大角咀搵朋友，知道附近有一間馬拉菜，於是就走去試試，裝修傳統中帶點懷舊，雖然店面面積不大，但樓底亦都高，所以感覺開揚。既然食馬拉菜當然要點<肉骨茶>，這裏餐牌有不同的肉骨茶配搭選擇。我們就是了大骨肉骨茶，用料十足，藥材味重且濃，店員還很細心給了手套我們方便食骨頭點了招牌芽菜雞飯，雞肉份量頗多，肉質嫩滑不肥，黃姜飯味香不油。娘惹叻沙， 面底揀了米粉，叻沙味濃，小小辣，料也多，蝦🦐蜆， 豆卜，魚片，蛋，如果成碗食晒，應該都幾飽肚，幸好可以開心分享。馬拉沙嗲串燒，燒得剛剛好，不嚡口，最正係個沙嗲醬，好多花生粒👍🏻甘香蝦，秘製醬汁惹味，蝦新鮮彈牙。飲品點了，怡保白咖啡，又香又滑，不太甜，桔仔話梅水，甜甜酸酸帶點鹹的感覺，解渴一流。…Read More