肇順名匯河鮮專門店 (已結業)

老公約咗老爺奶奶一家出嚟食飯，呢度比較易Book位，座位都算OK，所以就揀呢間。好味檀香骨($75) - 甜甜酸酸，少少黑椒味，十分惹味，有三色椒、菠蘿和一字骨、一字骨仲脆脆哋tim。千島明蝦球($98) - 蝦球爽口，味道OK，但千島汁太多，有D"漏"。天下第一炒($88) - 有蝦仁、帶子、雲耳、西芹和豆角，加埋D合桃，味道唔錯。生煎野生風鱔($118) - 風鱔就麻麻哋，仲有魚鮏味。薑葱龍蝦球($118) - 其實龍蝦球似蝦球多D，伊麵撈咗汁就幾好味。脆皮生炸雞($108) - 炸雞很滑，雞皮又脆，D肉就咸咸香香咁，正。雙皮奶($26) - 好濃奶味又夠滑，我就鐘意，但奶奶話太"酥"喎。香芒布甸($16) - 仔仔話好好味。

今晚去左MegaBox 肇順食晚飯, 未曾食過呢間野, 知道呢度主要食河鮮為主,因為自己掛住唱水, 所以發板重任就交由許生同 Doroathy, 叫左九個餸. 上菜後,發現呢度盛載ge都幾大下. 但內裡食物份量並唔算好多, 而且食物都係偏油.食後感: 覺得味道未算特出, 而菜色亦未見特別. 可能本人不喜食魚, 係我預期之下......鮮奶炸蝦球 - 好食, 個汁配個炸蝦好match!魚茸羹 - 估唔到連個魚羹都可以咁大魚味 (腥). 所以不是我的一杯茶......天下第一炒 - 個名好"勁"呀. 但係好普通的一個小炒而已鐵盤干蔥焗走地雞 - 無咩特別, 家常菜味道!啫啫介蘭煲 - 好涸喉.....其它的都無特別, 所以亦不作特別介紹! 雖然一切都普普通通, 但價錢就貴得很!

話說一星期前不吃魚的人參加了一餐河鮮聚會，地點係Mega Box肇順名匯，聽說呢幾個星期蔡瀾0係佢個飲食節目中大讚，一行六人於是來試下﹗前菜是牛耳，太耐無食呢個小食了﹗友人未來到前我地已經清哂﹗佢地無發現到﹗餐牌全是我的最愛......魚﹗當然唔係由我發板啦﹗我只係觀賞的份兒﹗唔知搞咩呢度用鳥籠來做裝飾，九唔答八﹗入口有個大魚池，裡面放滿河鮮，腥得不得了﹗所以訂位千其唔好坐門口，唔係一定後悔﹗先來第一個送，檀香骨，點解叫檀香我都唔知﹗只係知食落酸酸甜甜一大鍋上熱辣辣，呢個就係我全晚最鍾意的一個菜﹗呢度既名菜天下第一炒，有蝦仁、合桃仲有0的帶子、豆類西芹咁啦﹗無咩鬼特色的一個小炒，賣成百蚊更加唔知佢想點﹗呢個勁，海螺燉豬展湯﹗十分之清甜，飲落好舒服﹗價錢當然不平啦﹗好似接近三百蚊一鍋，一鍋每人有兩碗左右﹗0的湯渣當然唔好浪費，留番一陣大家都食魚既時候我用來送飯﹗南乳豬手，我唔食的，工友話味道一般完全唔似在食緊豬手喎﹗杞子炒菜心，入口有少少藥材味﹗都是炒菜吧﹗主菜終於都來喇﹗係叫左一條三斤重既野生桂花魚，一魚兩食﹗腩位肉位用來炒魚塊，又係我無份啦﹗大家都話呢個好好食，肉質鮮甜飽滿又實淨，個