大門食堂 (將軍澳廣場)

餐廳係將軍澳廣場Aeon入面 平日大概7點幾去到 唔使等位可以直接入去 原來入面裝修都幾靚 而且座位都好闊落 .不過夜晚時間佢係冇set Menu 雖然套餐都只係送多一杯飲品🤣即係可樂 桃茶個d.晚餐點左兩樣嘢🌟大門拉麵 （$55）見到餐牌上寫人氣 第一次食呢間餐廳揀人氣食物唔會中伏 嚟到拉麵嘅份量比想像多 但係上面剩係得一舊叉燒 同埋有啲筍乾 叉燒咬落有啲乾同硬 但係拉麵口感煙韌 配埋啲湯底以呢個價錢來講都算唔錯🌟吉列豬扒定食 （$42）豬扒定食份量就比較少 男仔食嘅話會唔夠飽 本來滿心歡喜吉列豬扒會外面香脆 肉質鮮嫩 點知塊豬扒乾到好難咬得開 好彩碗飯配埋啲雞蛋 先令到成碗飯整體比較濕潤…Read More

中午過後，同屋企人行完年宵，發現大家仲未食lunch，所以黎左將軍澳既大門試下佢地既油麵。平時多數食拉麵、沾麵，本身都中意食比較硬身的麵條，今次揀左油麵，無濃濃既湯底，反而麵底酸酸地既醬油撈埋一齊食特別開胃，麵條口感好煙韌，最後可以完全成碗。以呢個價錢食到呢個質素係有少驚喜會再次光顧大門油麵 $58大門拉麵 $52…Read More

坊間的拉麵普遍要近百元，這間大門食堂的拉麵只需五十餘元起，如此親民的價錢已經值得一試。店內比一般拉麵店寬敞，午餐時間很快便滿座。大門拉麵麵質粗身，只比烏冬幼一半，因為麵質粗，所以不太掛湯。湯底很濃，雖然味道不錯，但很油，吃完一碗感覺蠻膩，配菜只有蔥花及荀，如果配上一點野菜應該可以減低一點油膩感。豬肉炒野菜定食路在家用豬肉片炒菜沒兩樣，就是普通的一道炒菜。定食附帶一塊冷豆腐以及一碗麵豉湯，冷豆腐沒有任何醬汁，麵豉湯沒有過鹹，味道還好。玉子燒一碟有四件，質感像平時壽司上的玉子，沒有一般玉子燒的熱辣軟滑。以這個價格定位，不能對食物有過高要求，這是一頓性價比不錯的午餐。…Read More

依家出街食碗拉麵、動不動都七八十蚊起錶好耐冇見過五十蚊內一碗拉麵係將軍澳黃金地段、$48 蚊一碗（正價）黎講不論環境、麵質都唔錯、而且食完唔使趕住走。。。真係幾抵食～…Read More

是日到將軍澳搵食，行到去將軍澳廣場Aeon入面，本來想食薩莉亞，但見到排隊排到出門口，所以去咗隔離大門食堂喺將軍澳晚飯時間唔使排隊可以直接入坐，真係好少可，入到去見到裝修都幾好，唔錯一睇個餐牌發現原來d野都幾平，就叫咗大門拉麵（$48）同埋味噌煮鯖魚定食（$60）大門拉麵上咗先，d荀好入味，叉燒厚切唔太鹹，湯底濃郁，$48你都唔會expect會好味到好似其他拉麵專門店咁，將貨就價黎講絕對抵食！平時食開燒鯖魚，今日試下味增煮鯖魚，有兩大件鯖魚，味噌加上鯖魚係唔錯既配撘，只係前菜係一舊豆腐有d失望，但整體黎講都係唔差埋單$108，咁既價錢食到咁既質素，可以話係好抵食！…Read More

滿足的拉麵午餐大門拉麵位於將軍澳廣場吉之島超級市場內，午市輪候時間唔需要等位太耐，而且全日免收加一服務費，午市餐牌可以選擇一個定食（$42-52），包括餐飲凍烏龍茶/汽水（雪碧、可樂、Zero可樂），及可以以優惠嘅價錢追加小食（$12-38），炸雞、玉子燒、餃子、味蛋、炸魷魚、燒雞骨腸等，因此我覺得真係非常優惠，而且味道真係非常正宗日本味道，因為材料都是日本直送香港，而我非常推薦大門拉麵及炸雞，拉麵質地QQ，木魚湯底香濃，日式叉燒不太肥，很冧身入口即溶，而炸雞香脆，再配合檸檬汁蛋黃醬，滋味大大提升，因此如果下次要到將軍澳搵食拉麵嘅地方，可以試吓幫襯呢間餐廳。…Read More

將軍澳區食嘢貴係事實，又唔係好食過人先衰。行過aeon 見到有間拉麵店，又未試過，其實都抱著貴嘅心態走入去。點知價錢出乎意料之外⋯⋯平！應該話「貼地」。$48一碗拉麵，去邊度搵？呢個麵好特別，好似油麵，不過較硬身，湯夠濃厚，雖然得一塊腩肉，但勝在夠厚，仲係有碳燒味。正！食完非常滿足！…Read More

開張無幾耐試過一次，但上次食佢地既沾麵，今次決定試下佢地既拉麵這次order了「大門拉麵」，拉麵一到立刻試試湯頭，超級熱但味道十分濃郁但不會太咸麵身個人認為略嫌硬了啲啲，但可以接受，而且粗幼很適中拉麵配有一片叉燒，作為食肉獸的我的確少了點，但其實呢個價錢唔係淨麵都好好而且叉燒有得3片單點的～整體真係好唔錯～平民價錢，質素算好好…Read More

1月尾網上見有人話新開，所以去試下。 款式都幾多，今次只是試左三種，抵食之餘味道都唔錯，可以再試。不過間野可能新開太多客，拎籌同叫籌有點混亂，如果可以好似其他餐廳加個籌號顯示器係門口會好些 …Read More

日本拉麵源自中國移民喺日本人地生疏，難以搵工做，所以喺街頭賣麵維持生計，其後大受歡迎，基於日本人嘅研究精神，拉麵款式可謂五花八門，各師各法，充滿地方/個人特色。睇報導知道呢間來自埼玉縣嘅拉麵店落戶將軍澳AEON，喺1月30號正式開業，為免同人迫，梗係先食為快啦。 呢個舖位之前都係日式拉麵，而家利用門口位做厨房，窗邊位遠望海景，地方寬敞，簡約裝潢，一貫日式拉麵店風格。坐位闊落，枱面有一系列調味料，最特別係沙律醬，以為係用嚟的食炸嘢用，原來係食招牌油麵時落嘅😁。 大門拉麵$48食招牌麵先有中肯嘅評價。麵條比一般拉麵粗身，近似稻亭烏冬嘅質感，入口比較硬身同韌，唔會一夾就散，但麵條唔掛湯，湯底濃厚有鮮味，可惜係比較死鹹同油膩，一上枱飲咗一啖已經封喉，唔敢再飲。叉燒經過火炙，比較香口同減低油膩感，竹筍醃得鹹香，味道特出，反而係成碗麵最好食嘅一環。 大門油麵$52其實就係撈麵。只係配料多咗蛋黃同即食麵碎，而少咗竹筍。根據店方建議食法，係要加蒜蓉、辣油、醋同沙律醬其中兩至三樣撈匀嚟食。撈咗蒜蓉，沙律醬同醋先知錯，可能分量唔啱，啲麵同醬料唔係好夾，食落成口油，味道複雜得嚟無預期咁好，食落覺得滯口，只係食到半碗😑 玉子燒$38玉子卷煎得略為過火，表皮唔夠嫩滑，蛋味一般，配蘿蔔茸食無咁油膩，中規中矩。呢間拉麵店口味獨特，充滿個人風格，但味道比較重，如果喜歡重口味拉麵或者新奇撈麵食法嘅朋友不妨一試。…Read More