店名：南小館The Dining Room地點：葵芳興芳路223號新都會廣場4樓413-416號舖 （Shop 413-416, 4/F, Metroplaza, 223 Hing Fong Road, Kwai Fong），電話: 2845 8899(1) 家鄉酸菜魚，$78；(2) 蔥油開洋拌麵，$42；(3) 老重慶擔擔麵，$45；(4) 大白菜肉絲炒年糕，$68。共三人享用本餐，合共二百八十六元。食物的色香味如何：l 蔥油開洋拌麵：撈得均勻，而且有豐富蔥油味；l 家鄉酸菜魚：魚柳很明顯是急凍的，不夠新鮮；然而，那些酸菜和湯的酸味濃郁，而且很地道；l 老重慶擔擔麵：色香味俱全，辣而易入口。l 大白菜肉絲炒年糕：切得薄，所以沒有粉頭的感覺，加上落了類似上海粗炒的醬料，所以十分香口，賣相驟眼看上去亦酷似龜鮑魚。環境：比起小南國時代差，格調低幾皮。服 務：主動添茶水，而且在需要服務時，容易叫來。衛生：OK。抵食：價錢屬中上價。
…查看更多
聽聞呢頭lunch time人頭湧湧，為咗避免要等位，我11點半打咗去book枱！我哋未夠12點半就去到喇～餐廳好大！有17x個位，我哋入座時餐廳應該只有3成滿～不過約1點就已經full house了！餐廳裝修好靚！有好多舊式擺設，有水壺、手提皮喼、油燈，等等，整體感覺係好contemporary！一入座就serve咗杯蕎麥茶，我唔係好識飲茶，我覺得似玄米茶嘅味道，唔知玄米茶同蕎麥茶有咩分別呢，好香！今餐由阿頭同同事發板，我負責食食食 上菜好快，即刻睇相！本身我好鍾意食爽口嘅菜，四季豆啱晒我 唔會好油，味道唔會好濃味，鹹味適中！ 100分！
跟住有四小拼涼拌，雲耳秋葵中規中矩，四喜烤麩應該係豆腐乾，兩款素食都係比較清淡。我食得太慢，想食口水川雞時已經冇晒，所以冇份食，但我要大讚花雕白雞好香酒味，雞肉質好滑，只係食咗一塊，已經好impressive!! 100分！呢個蝦肉紅油抄手，蝦肉Q彈，略嫌唔夠辣得刺激！呢個大良炒飯，我同同事都覺得好疑惑！明明呢度食上海菜，而大良明明係順德地方，點解會喺南小館食到大良炒飯呢？我哋冇繼續深究落去，炒飯趁熱食！呢個炒飯有小蝦仁、松子仁，雖然係用瓦鍋上，但一啲都冇黏底，而且每粒飯都炒得好乾身 呢個白菜炒年糕就比較油，較濃味，不過我覺得味道都唔錯嘅！跟住有鮮肉小籠包，一對筷子夾起冇穿，咬一口啲汁就會流出嚟，一定要用匙羹接住嚟食！味道冇乜特別，都係一般小籠包嘅味道～金網生煎鍋貼，外皮甘香脆卜卜，包住好多肉汁！煎鍋貼要煎得靚，餃子皮固然重要，包餃同煎餃都要好有技巧！小妹都會間中自己包餃子，因時間關係，通常都會買現成嘅餃子皮，餃子皮有大有細、有厚有薄，太厚會好似食麵粉噉影響口感，太薄的話要擔心餡料太多汁令個皮易穿，而煎餃對於我嚟講係高難度動作，好難煎到又香又唔燶，唔知係咪我技巧唔ok定我嘅煎pan唔ok！
不過我我欣賞呢度煎餃煎得好嘅！呢個生煎包同樣地都係煎得好好，包底脆卜卜，包身軟綿綿，餡料多汁，味道適中啦！雖然食得飽飽，但一開始就已經開啟咗個甜品肚（睇menu時已經流口水），所以一定要點～同事們揀咗3款甜品，有桂花蜜拉糕，細沙南瓜糰，金柚脆麻球。先試咗桂花蜜拉糕，一入口已經食到糕面嘅桂花蜜，配清香嘅拉糕甜而不膩，好夾！細沙南瓜糰，賣相好得意，整番一個小南瓜，紅荳蓉略甜，不過屬接受範圍！金柚脆麻球有3重口感，首先會被柚子香吸引咗，一口咬落去有沾滿金香黑白芝麻、脆卜卜嘅波波，入面再有黑芝麻餡，食呢個甜品，溫馨提示，食完一定要照鏡，睇吓啲牙仔喔！今餐4人食咗$627，平均每人$160有找～報告完畢！
…查看更多
花雕白切雞花雕味好香, 塊雞好嫰滑, 而且無骨..涼拌木耳醋味比較突出, 有少少辣, 木耳好爽口..糖醋排骨味道酸酸甜甜, D肉好淋好易咬..四喜烤麩第一次吃呢款小食, 其實係齌豆腐干, 吃唔到咩味, 但覺得幾有趣... 風味麻醬拌麵份量勁小, 不過好味道,好多青瓜絲, 吃落爽口,麻醬味道唔算重, 如果麻醬味濃D就好啦~香麻鴨胸粉皮鴨胸都幾多, 但粉皮就較少同較碎,我覺得佢個醬汁整得好味,味道一D都唔辣, 不過就有少少麻, 而且好開胃...大白菜肉絲炒年糕年糕煙煙韌韌, 而且炒得好香, D汁好濃,不過份量較少, 當中大白菜份量佔最大, 肉絲佔最少...無鍚小籠包呢到有多款小籠包選擇, 我地就揀左無鍚小籠包,其實我地都唔知咩叫無鍚style, 只係覺得D湯汁較濃,小籠包個皮好薄, 但唔易穿,而且個小籠包入面好多湯汁,由於係熱辣辣, 吃既時候要小心!招牌生煎包呢個生煎包等左好耐, 因為佢係即叫即整,我覺得呢個係必食之一, 真係好好味,包底好香脆, 個包軟淋淋, 入面仲有湯汁...下次黎要叫2客先得南小館甜甜拼杏仁白玉蜜瓜奶凍第一啖覺得杏仁味好濃, 配上蜜瓜汁甜甜地, 贈雪耳一塊..苿莉紅豆奶凍其實係抺茶紅豆奶凍, 奶凍好滑, 甜豆甜甜地, 同茉莉好夾..桂花蜜拉糕好香桂花味, 吃落煙煙韌韌..椰香紅棗糕朋友勁贊呢款糕, 佢吃到好香紅棗味仲好似有D南棗味..…查看更多
