德發小廚

住左深水埗幾十年都未黎過，食黎食去都係容記，九江街萬發,金豪， 所以今日決定黎試試。呢度環境都幾逼，樓底好矮，不過以香港地深水埗小炒店都算唔錯.我地坐樓上.一上到去就見到老闆周圍招呼客人，很熱情.因為佢成日上電視，所以都認得佢.佢好好笑容.仲同我地推介幾樣佢地既撚手小菜.首先上上例湯，時日係西洋菜豬肺．淡湯好甜，我估係係大量蜜棗既功勞.幾好飲，不過對我黎講蜜棗既甜味太過火.不過如果放少兩粒蜜棗會更好.豉椒聖子好多洋蔥，好香口惹味.聖子熟度岩岩好，唔怪得佢推介!上湯浸菜食得出有鍋氣.大富大貴，桂花魚魚肉起肉蒸.我覺得幾好.不過朋友話條魚不新鮮．跟住仲有甜品，係心太軟同souffle．我覺得麻麻地.Overall呢度都唔錯,服務好食物不錯.黎到深水埗都可以黎呢度試下.…查看更多

今晚要到深水埗走一堂所以就順道來這裏, 原來已經很想來但現在愛上了下廚所以少了出外吃飯, 難得今晚出來要盡吃過夠~一坐下來便送上前菜, 拍得住我整個d..哈哈~~由於還有上層雅座所以我們七時多到下層還有最後一張細枱, 周圍都貼滿師傅同明星影的相片.餐版上的肥佬廚師大家有沒有覺得很熟面口???其實都不用多看餐牌, 因之前看過其他飯友食評已心裏有數.新鮮熱辣送上, 但份量不算多, 以百多元來說真是有點貴.豆腐 - 外脆內軟, 豆味有點不足, 但加少許黑醋味道又很好多了.墨魚丸 - 非常彈牙, 墨魚味鮮甜.本來想吃通菜, 但說已過時, 所以轉了油麥菜, 熱辣送上很多煙, 令我當晚整個頭都染著蝦醬味半肥豬肉加少許蝦米蝦醬, 直頭是吃過不停, 又不會太鹹. 送白飯一流~~相公點了兩碗, 但可惜飯太差因為水太多太腍了.將魚起身再蒸, 我們點了少的, 沒有記錯應該是百六元, 雖然有點貴但自己起碼不會整, 而家都有點工夫才能做到這味菜, 除了魚還加了金針, 雲耳, 杞子的配菜, 很快便被我們K.O.了.最後當然要試這裏出名的甜品, 真是估不到中菜館會有西式甜品, 還是不錯的.送上來時很香很香, 隔離的姐姐哥哥們都被我們的心太軟吸引住, 破開後又熱又滑的古力流出來了~~~很軟很軟...只是略頗表面有點硬不知是否過了點火. 提提大家...點甜品請早一點, 不要等差不多吃飽才點, 要預早少少, 因是即叫即整, 真是要需時, 我當日等了十五分鐘有多.整體上真是不錯的, 先說服務, 各服務員都很有禮貌又會主動斟菜和收碗碟. 食物方便真是絕對收貨, 只是有點兒貴了些少~~~真是第一次在深水埗區吃了四百多元的晚餐~~…查看更多

德發小廚, 雖然有兩層但舖頭仍係細細, 但特式是小菜餐廳有出色5星西式甜品. 對於喜歡飯後吃甜品的我. Very good 啦. @ 深水埗街市附近。遠看，大光燈照得光燦燦...門外玻璃貼滿報章雜誌的圖片。再內進，是非常深水埗的街坊小菜館格局。一般舊區街坊菜館通常僱用阿叔阿嬸，但這裏全是年青人及最熱情的肥仔老闆招呼.起菜啦 ! 梅菜蒸菜遠 (好味) 豆腐拼墨魚餅 (豆腐超滑，墨魚餅好彈牙) 大富大貴 - 起骨切片啖啖魚肉 (百吃不厭) 生煎雞煲(好入味，加碗飯食最好~)飛天通菜煲(爽脆!!)黃金蝦(好香咸蛋黃味，脆皮很好吃!!!)食完主菜就到甜品上場啦 ~ 期待甜品梳乎厘出場啦 心太軟 (我的至愛) 每之次來一定要留肚吃的. 呵呵! 藍梅芝士餅 (好味) …查看更多

一大班一齊去旅行識的朋友食飯, 大家都好耐無見了。謝謝友人的搞起啊。有朋友提議食這間, 雖然大家都住到好遠,但還可以吧, 因為太耐無見了。講返食物先, 環境還可以啊。食物好得,真係好得。其實我這兩天都無咩胃口食野, 今餐已經食得好開心了, 可能同一大班朋友傾計, 大家會好開心吧。謝謝各位陪我笑。今晚的餸, 我真係唔多記得名, 因為唔係我叫餸, 不如睇相吧。無骨雞好正!!! 好入味, 真係無骨, 但肉唔散, 做得好好, 好好食。大富大貴, 真係好食, 由其怕魚骨的人來講, 超方便, 勁好食啊。心太軟, 估唔到中式飯店有得食西式甜品。仲要超好食!!!唔算好甜, 好食。don蛋, 好食, 好夠味!三式卷, 三樣野都非常有特色, 好好食。我特別喜歡個墨魚餅, 好好食, 好彈牙!蟹粥, 痴線, 超多蟹膏, 超足料, 蟹味好重, 好鮮, 好大隻, 超好食, 好食到暈呀!!!聖子, 無沙,好入味, 好好食, 唔會因為大隻無味, 真係超正。梳乎里, 唔駛講野, 真係超正, 記得要熱食!!!中式店有西式甜品, 仲要做到禁出色, 真係難得一見。謝謝好友的安排, 真係好正好正, 謝謝。…查看更多

夜晚打完波, 成班波友都肚空空, 行到深水埗, 搵左間炒小菜的, 食下小菜, 飲下啤酒, 談天說地, 樂也融融。我地點了: 大富大貴 - 超正! 桂花魚蒸得好出息, d肉起晒骨, 食落好香滑, 回味無窮, 令小妹有再光顧此食店的原因 醉香豬手 - 顏色好橙, 味道好像過甜, 有少少化學的感覺, 麻麻 勝瓜魚肚 - OK, 不過不失 黃金涼瓜 - 正! 兩種主要材料配合得恰到好處 疏乎厘 - 用湯碗咁大既碗裝的疏乎厘, 份量十足, 夠鬆軟。 …查看更多

星期天總是FAMILY DAY，今天晚上與對飲食要求高的媽媽一起，合共4人一起再到這裡來試晚餐，下午致電訂檯，晚上由於媽媽遲到，故致電將BOOKING延遲，接電的老闆態度也很好~由於上星期天才來過吃下午茶，已清楚知道這裡的環境，我們被安排坐在較近門口的位置，由於天氣較熱，客人進出時感覺較熱，不太舒服~ 由於第一次來吃晚餐，所以請老闆推介，我們點了大富大貴(大)、炸墨魚餅併炸豆腐金磚及飛天通菜煲，例湯是送的，女侍應推介$8/碗豬紅，由於價錢很吸引，我們也愛吃，故便點了一碗，後來再加生煎雞煲。例湯 - 老黃瓜煲瘦肉：比想像中好，沒有一般茶餐廳那麼慷慨地下味精，且喝下去感受到老黃瓜的香味，這個送的例湯，已為這頓晚飯預備了一個很好的開始 豬紅 - 賣相不怎麼吸引，但想不到吃下去卻是相反！ 豬紅質地滑而不散，最重要是湯汁有種沙茶的味道而又有點辣，很香口呢！這款是很好的佐酒小吃！$8/碗而已，可以吃辣者，推介！炸墨魚餅併炸豆腐金磚 - 上菜時已看到賣相不俗，夠乾身，不會太油；先吃豆腐，咬下去已感受到薄薄的脆漿，以及滑溜的豆腐，配上充滿蒜香的椒鹽，好味！墨魚餅份量較少，咬下去也是皮薄、肉質爽連同很香的墨魚味。這碟小菜，必吃推介！大富大貴 (大) - 由於是休漁期，老闆說只有大條，故我們便點了大的，這其實是桂花魚拆肉後連同雲耳及金針舖在魚上一起蒸，或許看早前的食評後有了期望，吃的時候有點失望... 桂花魚肉質一向很易蒸成很滑，但是晚吃的卻不怎滑，而且魚肉、雲耳及金針放在一起蒸，理應魚肉有雲耳及金針味才對，可是自吃到各自的味道，有點浪費了這種做法~飛天通菜煲 - 來的時候通菜是在碟上，先上煲，後將通菜倒進煲裡，記緊要將菜炒勻，否則底部會變焦喔！這款對我而言實在過咸，只夾了一次便放棄了... 不好濃味者還是省著吃其他食物吧！生煎雞煲 - 上菜時已散發著很香的蒜子味道，待一會煲的熱力將雞煎得微燶，吃下去有少許香口的感覺，雞的味道也處理得不錯，沒有雪雞的味道~到了甜品的時間！由於上次來時吃的芝士蛋糕不俗，我們每人也點了一款來吃。藍莓芝士蛋糕 - 味道與上星期天來吃的差不多，也是不俗的，可惜的是，不知道是否放了一整天，餅底不脆還有點濕濕的！木糖布甸 - 可能我比較怕很多CREAM的食物，這個布甸給我的感覺就是把CREAM連同餅乾碎一起食到肚子去！這個不推介！梳乎厘 - 這個是等了20分鐘的甜品，賣相還不錯，可是當要食的時候，那個外皮就塌下來... 中間那些質地好像還沒熟，軟軟濕濕的，感覺很差... 心太軟 - 這麼多人推介，也把我的期望提高了... 所以又是失望... 心太軟的皮太薄，一食的時候中間全部都是朱古力醬湧出來... 吃不到心太軟中間軟綿綿及有點凝固朱古力的感覺... 總括來說，要是吃晚飯，可以試一試，但就別吃甜品了...備註：老闆著實有點HARD SELL，但也只不過是做生意罷了，故我仍接受到~ …查看更多

朋友既誠意推介之下,今次就去”德發”.三日前由我打電話去訂位.訂1930,8位.友人甲一馬當先19:00到達.佢話咁早唔去報到住.到我19:20到達,我地一齊去到店門口.店主話唔好意思,因為上一圍遲到,未咁快到我地"我好奇怪諗”唔係一早訂左19:30就應該MARK左比我地咩?”天氣超熱.店主見我地企係到都好有誠意開大風扇比我地吹住係門口等.我地同店主講我地改左6位.到19:40終於有位比我地啦.嘩~坐5個都有難度啦.仲要第5個要坐路口位.我地兩位女士坐到攝晒係隙位@@”.之後有朋友同埋HONEY黎,最後我地共7位.店主為我地另覓新位置,由地下搬上樓上.金磚炸豆腐併墨魚餅: 墨魚餅有彈性,有口感; 炸豆腐既皮簿得很. 豆腐內裡幼滑.蒜香蜜糖雞翼:好濃烈既蜜糖味. 外皮炸得香口. 但係食落又唔覺好油喎.飛天通菜煲:無咩特別,只係用左個煲做到鐵板既感覺.比到大家視覺上既享受.不過$88,好似唔係好值.大富大貴: 桂花魚包住木耳. 成條魚都蒸到滑一滑,想搵一忽”鞋”既地方都好難.價錢貴左少少.黃金蝦: 咸蛋味唔夠.無咩蝦味.真係咸蛋外皮還咸蛋外皮; 蝦還蝦.兩個沒有融為一體既感覺.椒鹽鮮魷: 魷魚不夠彈牙.唔似新鮮野.食落有點硬. 感覺似食椒鹽白飯魚多D.椰絲奶凍磚: 奶味不得濃郁.靠椰絲加強味道.質感滑溜.檸檬芝士磚:清新檸檬味,好似n年前好hit既檸檬餅味.但係唔覺有芝士味.依然質感滑溜.對比椰絲奶凍磚,個人寧願要檸檬芝士磚.木糠布甸:感覺乾爽.cream 既質地比較厚身.配合壓碎左既消化餅. 乾身既消化餅遇上厚cream,幾得意.焦糖燉蛋:夠蛋味.不過焦糖如果可以厚少少就好.梳乎里: 外貌不錯.不過得”糖”味.心太軟: 外形不太吸引.用上濃黑味朱古力做外皮.流心用無咁濃既朱古力.造出層次感.整體而言.服務全面.店主有問必答.張張檯都問暈大家D野好唔好食.中菜真係好耐無見過人地會咁做,反而西餐廳咁做就見得多.店主既開懷性格亦都大大加分.店員感覺有D遊雲.朋友要COKE ZERO.阿姐話無.朋友話眼前咁大箱未拆. 阿姐話未雪凍.朋友再指住個雪櫃話”要果罐”.阿姐至比佢.可能太BUSY,做到唔知做咩.上菜速率幾快.座位比較迫.雖然人多,但未至於聽唔到對面傾計. 大富大貴($198)同飛天通菜煲($88)有點貴,不過咁多位除番就OK既.大排檔既FEEL 有甜品食,好得意.而且都唔錯,會再黎再試.不過建議大家一定要訂位.因版面所限，所以有限量咁ＵＰＬＯＡＤ相。…查看更多

上星期約靚女同僚提早食團年飯，到咗深水埗拿出地址按圖索驥找尋開飯各食家都介紹的德發小厨，兩人傻吓傻吓係北河街市附近打咗兩個轉先揾到，見到德發門口有位男士招呼緊客人應該係老闆，佢見到我哋生客亦好好招呼，難得亦好殷勤介紹菜式同甜品。原先叫蝦兩味，但係老闆話蝦太多兩個人係食唔晒，咁淨要咗黃金蝦同老闆極力推介嘅大富大貴，好！就到新年啦，大家都要大富大貴。結果只要咗兩個餸，留返個肚嚟裝甜品同兩大瓶酒。黃金蝦外殼香脆同蝦肉好爽，賣相都好靚仔。大富大貴嘅桂花魚起肉用金針雲耳蒸得好滑同有鮮味。甜品要咗心太軟同椰絲奶凍，兩人同一感覺都話椰絲奶凍正過心太軟。兩人最後要飲清兩大瓶啤酒同紅酒，來祝賀新一年大家都心想事成，健康快樂！…查看更多

今日係我們既紀念日, 所以男朋友特登上openrice揾好野食... 亂打亂撞, 俾佢揾到間好正既"餐廳"我地六點半就去到, 係門口見到個男人坐在係度, 仲以為未開始晚市... 行近d, 個男人問幾位, 跟住又話佢係出黎休息我地係最早光顧既人客, 我地邊睇電視邊諗食咩... 但實在有太多想食既野... 等左好耐都未落單... 果度既夥計好熱情咁推介佢地既招牌菜, 所以我地叫左1. 大富大貴 >> 蒸桂花魚, 一塊塊好滑既魚肉, 無骨又夠味2. 生煎骨煲 >> 好香3. 飛天通菜煲 >> 蝦醬我一般, 但都算ok原本諗住叫埋墨魚餅, 但係果位熱情既夥計話, 你地兩個應該食唔晒... 所以最後放棄左, 諗住下次去再食~~~食食下, 之前果個男人問我地點解黎呢度食野呀? 我地咪話係internet search既... 見到好多好評咪黎試下... 後來我地覺得呢個男人應該係老闆... 佢好細心, 係我地差唔多食晒d餸果陣就問我地要唔要甜品... 呢度d甜品咁正, 我地梗係要試啦~~~甜品時間, 我地心思思想試心太軟又想試梳乎里, 最後兩個都試... 好正! 好好味!埋單果陣, 老闆突然問仲食唔食多個甜品呀? 我咪話你請我地咪食lor... 點知... 點知... 等左一陣, 老闆竟然拎左碟椰絲奶凍磚, 一碟六件... 真係估唔到, 好開心好滿足... 真正埋單果陣, 老闆俾左張咭片我地... 仲有, 今次好似無加一... 食左咁多野, 好味又抵~~多謝馮老闆既免費甜品下次一定會再去!!!…查看更多

由於事先做了資料搜集, 所以很快就決定點的菜式:招牌大富大貴、甜梅菜蒸菜遠,琪琪喜歡炒蜆, 所以最後1道就決定要炒大蜆~果然跟其他食家所言, 侍者和大廚都會干預我們點菜=0=先是侍者強調甜梅菜蒸菜遠味道很淡, 似乎想我們改點麵醬炒唐生菜...但基於小妹病病地, 還是淡淡的蒸菜遠就好了。而大廚介紹他們的甜品時, 第1句就說「"芝心火山"唔好味架」-0-'''先來甜梅菜蒸菜遠, 菜遠是菜心, 所謂淡味應該是指梅菜吧, 的確不像平時吃到的那麼鹹,菜心很新鮮很嫩, 不錯~再來炒大蜆, 正如侍者所言, 體型非常的大!!以蔥蒜紅椒乾炒, 蜆並不入味, 只吃到蜆本身微微的蜆味,, 最後來大富大貴, 即是起肉的桂花魚, 魚比較細條, 不過肉質嫩滑, 吃到近魚腩位置都不覺腥,吃完面頭的白滑魚肉又見雲耳、金針、紅棗, 別有1番滋味 =]甜品時間~心太軟是暖烘烘的~ 朋友們都說味道ok, 只是size很小。小妹吃的是法式焦糖燉蛋, 蛋味很香, 燉蛋的甜與焦糖的甜配合的甚諧和~只是覺得焦糖不夠焦XD燉蛋是凍的, 向肥老闆請教, 他說如果燉蛋是熱的話表頭的焦糖就會變軟不脆口了。總的來說~我們3個女孩都覺得炒大蜆是美中不足! 覺得不及細隻的蜆炒得易入味。10分有7.5分吧X)…查看更多