Noc Noc

狂隊跌打酒，健力士、紅酒、tequila、sanbuca、百威。轉場再轉再轉，斷片再斷片，Noc Noc、Bar 1、After 5。黃藍是政見，黑白是良知﹗黃白集於一身，黃金右腳，聖痕左腳﹗麒麟生啤，慣性偏愛日本啤，清新不苦，微甘帶甜，都幾易醉呢。麒麟生啤加 black label，唔醉唔安樂，啤酒撞威士忌，的確幾香架喎。Paulaner Munchen，麥啤嗎？不太重酒味，不太甘苦，免免強強。Stiegl，酒精只有 2 % 喎。酸酸的似果汁酒，更似酵母的味道。健力士生啤，年青時完全受不了那股強烈甘苦味，經過歲月的洗禮及生活的催殘，漸漸懂得欣賞，飲出味道來。馬天尼特飲，超濃咖啡味還有陣陣朱古力香，少少醇酒味道不辣不嗆。House wine Merlot，鬧情緒，飲藥水，藥到病除。飲得過的厚身不澀，飲杯紅酒熱熱身，轉頭食個頭盤。Nera red wine，厚身味濃，乾爽易入口，果味回甘。Golden Tequlia、黃金滴奇那 ﹗好野黎喎，甜而不嗆，醇而不辣。Teqcilar shooter，金色滴其那一飲而盡 ﹗味淡不嗆，輕輕的甜。地中海烤羊小腿，有趣鮮豔的配菜，火紅火綠車厘茄青瓜茄子焗豆，微暖爽甜。羊髀結實了一點點，鮮鮮嫩嫩，極有嚼勁給多一點點力趙吧﹗微微羶香，落味討人喜歡。海陸大餐，美國安格斯肉眼扒併波士頓龍蝦，紅酒牛肉汁味道清淡單調，悶悶的幫不到多少。波士頓龍蝦，龍蝦肉碎上配芝士蘑菇洋蔥青椒怪怪的，明顯只是用火槍炙過，不是整件放進焗爐。龍蝦肉碎濕濕，味道與質地似十足明蝦鹽醃啤水烚熟，只有咸味沒有龍蝦味。撈撈芝士忌廉再用火槍射兩射出貨，食兩舊仔已掉低唔想食，龍蝦拑就正常有蝦味有海水味。美國安格斯肉眼扒 3 成熟，肥膏特別多，除肉眼外還有兩大條。牛味堅淡，微弱的牛甜味，起碼肉質夠鬆軟。粉紅色夠鮮嫩，紅酒牛肉汁幫不上忙，免強消減半塊已不想吃咯。炸午餐肉條配芝士醬，居然平民街坊的午餐肉可以在西餐廳入饌，有創意我鍾意，立即試試 ﹗有趣地用午餐肉罐盛載出場，色彩繽紛意想不到的效果，美觀醒神吸引﹗脆漿薄薄鬆化不硬，牢牢包著餐肉，精華肉汁油脂完完全全緊鎖在內。咬開微脆脂肪甘香，肉質軟軟。原味淨食可口香噴噴，滾埋芝士醬味道加香濃，還添上幼滑感覺﹗墨西哥鐵板烤牛柳，溫嫂推介無甩拖，果然有料到有驚喜 ﹗芝士牛油果辣汁青紅椒洋蔥牛柳共冶一爐，鐵板上香噴噴還吱咋作響，使得我肚餓非常﹗等唔切餐具，立即用兩指拿起薄餅夾上芝士牛柳狠狠地塞入口﹗還未有機會添加醬油就急不及待享用，辣汁香料豐富滲進每件牛柳中，彈滑有序香甜可口。薄餅焦香散發麵粉芬芳，配搭得天衣無縫。這件還來不及下嚥，己經伸手預備跟下一件搏命喇﹗配上 3 種醬料夠特別，各具風格與味道。牛油果香香滑滑的，酸忌廉油油厚厚的，莎莎醬酸酸辣辣的，撞得精采絕倫，配肉一流更上一層樓﹗所有配菜也無一幸免，全部都要捲，鮮菇彩椒同樣美妙！冬蔭功海鮮意大利飯，冬蔭 risotto？怪怪的。青口帶子鮮冬菇大蝦魷魚，竟有洋蔥，我不吃的。青口不彈粉粉充滿雪水味道，帶子都是同一情情況而韌韌的。杰杰的冬蔭功酸酸的，飯粒彈彈有咬口全熟不是脆身，整體來說不喜歡。美式燒豬肋骨，沒有塗上厚厚燒烤醬的批燙，沒有狠狠黏黏的汁包著，食落清爽芬香不膩滯，舒服開胃，食多幾件都無有怕啦﹗有儀態地續一鋸開整整齊齊，繼而溫柔地用手夾起享用，豪氣又不失優雅﹗每啖都肉汁滴滴閃令令，每條骨都損得乾乾淨淨立立令。滾上凍凍甜酸香草茄汁，助助興，醒神神，別有一番風味。豬肋骨堅值 5 粒星，鮮氣絕頂，彈彈多汁的豬肉，筋膜爽爽，肉汁閃令令不得了﹗加上焦香無限，最憎霉肉乾乾散散醃味死實的。松露樹皮，跟我想像的完全不一樣，真身為炸雞髀菇片配白松露醬。薄脆香口不點醬已非常回甘好味道，送啤酒一流。不自覺地一條接一條塞入口，明明是很熟悉的味道，但又說不出來，兒時的味道？大啡菇芝士牛肉漢堡，足足 5 吋厚 ﹗就算擘盡我的血盤大口都難以塞進，猛力壓成約一半的厚度就可以既。但這般豐厚的食材必定飛射出來，唯有將其肢解再續一擊破。大啡菇煎得熱烘烘厚厚肥美多汁，菇味甜甜滑嘟嘟﹗估您唔到的優質。漢堡牛肉，我絕對只會鍾情於百份百的真牛肉，麥記真係不值一提，由細到大最討厭的麥記快餐店。依塊落味清爽點到即止，鮮牛味環繞整個口腔，兩面剪煎得焦香，所有肉汁完完全全封存在內，半滴精華也不漏。大啖狠狠一咬，汁液全吸進嘴裡，舌頭不斷翻滾，將芝士煎蛋鮮茄生菜醬汁混得火熱。半溶芝士咸香，濕潤鮮茄酸甜，翠綠生菜清爽，滑滑醬汁提味，無可挑剔的完全體﹗悶悶的我再下一成，將旁邊的車厘茄沙律菜釀到漢堡中，添點新鮮感。油封鴨髀雜菌燒汁意大利飯，狠狠地倒下大量黑松露醬，師傅毫不手軟夠闊綽。意大利飯有洋蔥有菇絲，加埋拉絲芝士及黑松露醬，味道豐富複雜打得火熱﹗質地濕潤黏厚，包著全熟嚥韌意大利飯粒，飽滿的享受﹗鴨髀不是脆皮，肉質結實有嚼勁，咸鮮油香非凡出眾，似足臘鴨髀喎 ﹗大大啖咸肉一咬一扯，大大啖芝士蘑菇飯塞入，百味交錯，非常滿足﹗炸魷魚圈，新鮮出爐熱力迫人 ﹗酥香撲面，脆漿鬆化不刮嘴不硬掘掘。魷魚濕潤嚥韌，有海鮮味。鐵板牛柳粒，這款烹調手法都頗為特別，炒洋蔥啡菇底，半生熟洋蔥，蒜酥鋪面跟牛柳沒有直接關係。撈勻炸蒜享用，牛柳粒極有咬口帶肉汁，微弱的醃味，食其天然牛肉清甜，過過口癮還可以。雜錦德國腸併盤，餐牌只寫上廚師精選靚腸，都唔知食咩腸，可以再細心一點插支有名既旗仔係條腸度。如果美味滿意的話，起碼下次都識得翻尋味再食過麻。六條腸都不同品種嗎？外觀及味道覺得只有四種。長長的紅腸，腸皮少少脆，腸肉味濃彈彈少少汁。腍腍鬆軟的白腸，有少少香草味道，有少少蒜香味道，濃味略咸。而且洋蔥汁都偏咸，如果給我茄汁或芥辣應該更加美味。法國燒春雞，用上意大利雜香草，其中有我最憎既嗅時蘿味。雞皮油油黏黏油油，主要的味道來源。髀肉少少嫩，胸肉少少乾，平庸的演繹。墊底時蔬蠻美味鮮爽，脆肉瓜、西蘭花、車厘茄。炸薯條，鮮炸無得頂﹗連不愛薯仔的我都讚不絕口，外脆內軟濕潤，綿綿薯味甜美，陣陣鹽香不過份。沾埋三色醬，三種不同風格，但同樣吸引。蜜糖芥末、松露醬、蛋黃醬，各具特色，不過我最愛都係地捫茄汁。炸魚手指，程深啡色，外觀大碌結實硬朗型。極厚粉脆卜卜，難得還食得到濃濃魚味，實淨魚肉還有一丁點肉汁。鮮炸薯角，處理得十分出色，炸得恰到好處，食得到的鮮氣，紅椒粉微辣帶甜。鮮炸格外香脆，裡面薯肉軟綿香甜無過火，沾茄汁食更開胃。不喜歡椒鹽或紅椒粉，灑少少海鹽很足夠咯。牛油果雞肉漢堡，紫椰菜連萣食的嗎？掉在一旁放棄。新鮮沙律菜沾滿黑醋酸咪咪，醒神還可以。兩片包皮散發焦香芬芳還微脆，雞扒半煎焗夠濕潤，壓煎使得扁平結實，不輕易地鋸開。清淡的醃味搭著酸酸鮮茄及牛油果肉，開胃不膩，估不到全部給我清掉﹗小食摩天輪，田園沙律室溫時蔬撈黑醋，沒什麼特別大啖塞。炸洋蔥圈，炸粉彭賬肥大，成隻甜甜圈一樣，都有點似炸蝦餅。硬硬的殼包著油油雪白半生熟的身軀，滾上大量茄汁免強入口。炸薯條真的不錯﹗連不愛薯條的我都要一讚外脆內軟，落味不過份。沙嗲串燒，雞牛豬都表演良好，有肉汁有肉甜，醃味溫柔不咸不嗆，配花生香沙嗲醬更可口。德國咸豬手配酸菜，來貨翻炸普通料，皮脆肉實帶著無鮮甜味的咸香，普遍西餐廳的質素。黑松露雜菌炒意粉，十分微弱的黑松露氣味，洋蔥味道為主道，雜箘其次。炒得略濕，整體烹週免免強強。車打芝士煙肉漢堡，薯條新鮮炸起，略鹽調味，外脆內軟薯甜味突出。巨型堅珍寶，不容易解決，最好不要切開整件壓扁直接咬。洋蔥頭烤一烤整舊夾入，特厚一咬飛出，爽爽半生熟其甜味不夠出，而且仲有條洋蔥皮黐住要吐掉。現成外購漢堡扒無靈魂無生氣，死實的質地，過咸的調味，打芝士夾著鮮茄生菜都無減其咸度，乾韌煙肉都是重鹽咸咸的，麵包不軟墊，通風鞋鞋的。香脆炸雞，啖啖肉皮脆肉嫩，炸得金黃乾身，醃味得宜，香口無比。沾上士拉差醬溝蛋黃醬，更錦上添花好味架喎﹗西班牙海鮮焗飯，所有海鮮都巨形，青口、蝦球、土魷，熱辣辣送到，索一索有點異味 ﹗搶住先食巨形青口，入口即吐，嗅了﹗就連焗飯都已被異味青口所污染﹗本想繼續照食，不過侍應哥哥立即建議換過碟免得肚仔不適，謝謝。新一碟送到，海鮮沒剛才那碟巨形喎，因為有比較。新西班牙海鮮焗飯，魚柳青口土魷蝦球不過不失，點解落青紅波椒條呢？洋蔥都係條，全部粗條喎，唔係切粒架咩？唯有挑走。茄味突出濃郁，點點波椒洋蔥香，濕濕嚥韌飯粒，味道合格一試無妨。…Read More

小妹今日又去左大埔搵食, 同朋友去左一間酒吧食野朋友話係大埔人先識黎酒吧環境幾好, 又唔會好嘈, 座位都幾舒服 食物好多選擇, 比一般酒吧多好多款式小妹最後揀左3樣野食! 薯條($58): 係小妹最愛既粗薯條 上台超熱, 係岩岩炸起,  仲有3種醬配搭( 法式芥末醬, 芝士醬, 千島醬 ) 有唔同口味可以試, 配啤酒一流 墨西哥芝士餡餅(雞肉)($118): 餡餅夾住芝士, 雞肉同其他配料, 口感超豐富, 小妹忍唔住食左兩塊 大啡菇芝士牛肉漢堡($118): 呢個係全晚既重點 個漢堡超大份, 大啡菇同厚厚既牛肉估唔到係咁夾, 配埋芝士,蕃茄,生菜,蛋, 小妹一口都咬唔哂. 呢個價錢比起坊間既漢堡, 性價比高好多朋友果然冇介紹錯, 無論食物味道同環境都係出色, 下次要再encore …Read More

今日同朋友約左係大埔食飯，放是上網揾到呢間noc noc，見到食評不錯就簡左呢到呢度係一間bar有酒賣 亦係西餐廳，環境比我感覺好舒服 ，枱同枱之間好闊落，同朋友傾計時吾會有壓迫感，店裹面燈光較暗，加上播住抒情音樂，係到坐低感覺真係好chill,番完工黎呢到放鬆一下真係好正，我地大約10點半左右到餐廳，一個好好笑容同好熱情既店員比水我地同埋提我地食物就黎last order，我地要快啲落單，我地簡左美國豬鞍扒配芥末子($198)先黎個扒份量大，肉汁鮮甜又多汁 配左芥末子味道好夾，煎既時間岩岩好，吾會un,同埋扒面都係香脆既，真係吾錯擺盤亦都好靚，豬鞍配上薯角同埋雜菜，整體都好滿足，好正同難忘第二樣我地叫左雞翼三重奏，我極力推介（$88）6隻有三種口味，各有特式，水牛城雞翼辣得好惹味，個醬係好夾呢隻雞翼，牛油雞翼係勁多汁同勁香，咬落個蒜味都幾重，蜜糖芥末雞翼，感覺芥末既味係超過蜜糖，風味十足，3種吾同味既雞翼都係好好味，極力推啊然後到大啡菇芝士牛肉漢堡（$118）首先要賺既係好大舊同埋係好足料，我食到一半已經飽緊，牛既味道好香同埋會有好多肉汁必出黎芝士有拉絲！！勁正 真係勁多料 係咁係我手上面漏出黎炸魚手指（$68）炸得幾脆！白提子沙冰！飲落好清新，真提子味食得咁飽同膩既飲呢個一流～最後最需要讚賞既係店入面員工，睇到你地對美食同飲品既執著，亦重視對客服務同工作熱誠，所以今晚我渡過左好愉快同輕鬆既一個晚上…Read More

NOC NOC係一間酒吧餐廳，提供調酒同紅白啤酒，不過因為小女子們不勝酒力，所以我地無叫到酒，叫左兩個主食同一個小食。蒜香欖油天使麵（$78）加$38配烤雞，一上枱就聞到好香嘅蒜香味，配料有蘑菇、洋蔥同雞肉，雞肉好滑嫩，肉量都多，而天使麵軟硬適中，簡單用蒜、橄欖油、香料調味已經出乎意料嘅好食！大啡菇芝士牛肉漢堡（$118），牛肉分量十足，目測最少有一寸厚，牛肉食落去仍然好juicy，另外配有大啡菇、煎蛋、芝士、蕃茄、生菜等配料，當中的煎蛋煎到八成熟，蛋黃冇熟到變老，無流心效果，咬落去啲蛋黃唔會流到周圍都係。大啖將成個漢堡食，所有配料融合，非常好食多汁，係我食咁多間漢堡之中，呢間餐廳嘅漢堡，係我心目中係數一數二的，非常推薦！漢堡仲會配上薯角同沙律。另外叫咗小食香辣薯角（$58），薯角外脆內軟，外面用咗孜然等香料同鹽作為調味，唔需要點番茄醬都好夠味。餐廳環境情調十足，昏暗嘅環境，配上小燈飾，有美酒佳餚，好適合同朋友聊天講心底話，最後同朋友坐左兩個幾鐘先走，推薦比想食好西又想有個好環境夜話嘅人！…Read More

今日同朋友踩單車由沙田踩去大埔 平時踩開呢條路多數最尾都係去大尾篤燒嘢食 但係因為覺得燒嘢食又熱氣又唔抵所以就諗住搵其他嘢食啦上網搵吓搵吓見到太和附近有一間西餐廳好似唔錯於是就繼續踩下踩下踩左過去 入到去見到裝修好似係酒吧咁嘅裝修 以為鋪頭主要係飲嘢所以本身對食物冇大大期望 點知最後食物幾有驚喜！我哋今次到咗一個大啡菇芝士牛肉漢堡$118 一個黑松露雜菌天使麵$118 同一個炸水牛芝士條$78 大啡菇芝士牛肉漢堡$118 呢個漢堡包認真幾抵讚 首先118呢個價錢可以食到手掌咁大個漢堡包 其他出邊嘅西餐廳可能$90先得個麥當勞咁大個嘅size 性價比已經高咗好多 另外佢呢度嘅薯條亦都係新鮮炸起每條都熱辣辣脆卜卜！ 薯條都好食過人😭😭🤗炸水牛芝士條$78可能本身比較鍾意食芝士 呢個價錢大概有七條 每條嘅芝士都拉到絲架！ 身為一個之前買嘅我食完可以話係大滿足☺️☺️☺️☺️ 如果大家你都幾推薦大家試吓呢個不過建議最好多人share食因為都幾濟😎不過最緊要好食！雜菌黑松露天使麵$118呢個天使面食落去都幾龍嘅黑松露味！ 同埋其實都幾大碟 但係由於食完個burger已經好飽所以食唔晒全部 不過整體來講都幾好食 總括來講 呢度除咗地理比較偏僻之外 餐廳無論係氣氛食物質素定係侍應服務態度都幾好 如果大家嚟呢度食幾推薦大家試吓呢度嘅漢堡包另外見到其他人食fish and chips wraps steak等等全部份量都幾大 賣相都幾好🤠…Read More

這間餐廳是一年多前我跟寶寶第一次見面吃晚飯的地方，因此這個地方對我們來說別具意義，所以一年多後的今天，我們選擇了在這裡慶祝我們的一周年紀念日☺️由於今天是平日，因此食客不算多，有幾個朋友聚會的，有兩個人飲酒聊天的，也有的像我們情侶晚餐的。由於我和寶寶都有選擇困難症，我們點了一年多前也點過的「Noc Noc摩天輪拼盤」（$158 ），再點了個「大啡菇芝士牛肉漢堡」（ $118 ），另在再多點了兩杯飲料「熱巧克力」（ $42 ）及「1664 blanc」（$78）。先來的是兩杯飲料。朱古力味很濃醇👍🏻心心也拉得很美很有層次☺️「Noc Noc摩天輪拼盤」其實只不過是個小食拼盤而已，但店家卻很有創意地攪gimmick弄了個摩天輪出來，厲害🤣 這摩天輪有五個小食，包括沙律，炸魚手指，炸水牛芝士條，炸魷魚圈及香辣薯角，另有三款醬料奉上。四個炸物也是新鮮熱辣，肯定是剛剛炸起不久，我們當然先趁熱一個都先吃了一塊😋沙律是用黑醋汁調味，沙律菜很新鮮👍🏻，不過份量較少。炸水牛芝士條是可拉絲的芝士來，提提大家這個是一定要趁熱食，熱食時可以玩拉絲，但涼了才吃，就會感到好像在吃擦膠一樣🙈，感覺怪怪的。另外幾款炸物也炸得香脆可口，我和寶寶都很喜歡👍🏻牛肉漢堡包配料有：蕃茄、牛肉漢堡、芝士、生菜、沙律醬、半熟蛋及大啡菇。漢堡及大啡菇超厚超多汁，生熟程度剛好，整個漢堡咬下去超級juicy😍 十分好吃兼飽肚，差點另外配上的薯角及沙律菜也吃不下！順帶一題，餐廳女廁裝修得很美很乾淨，姊妹們離開餐廳前一定要去一去喔😆…Read More