SOYmart by 豆乳狂人

營業中

休息中

好耐無食過豆乳狂人，好掛住佢嗰濃郁嘅豆乳味道！今日難得喺沙田圍見到呢間鋪，於是一次過買咗好多返屋企🥳🔘黑白芝麻豆花 $28豆花味道濃郁，質地滑嫩厚實，芝麻香氣四溢，最鍾意佢甜度啱啱好，完全唔怕太甜！🧋Oreo奶蓋珍珠布丁 $52布丁層次豐富，Oreo嘅香脆配上濃郁奶蓋同埋彈牙嘅珍珠，口感非常好~ 🥭多芒小丸子 $45成碗都充滿新鮮嘅芒果果肉，咬落去有驚喜，裡面仲有好多西米同丸子~🥑牛油果鰻魚玉子粢飯 $46呢個粢飯好有創意，有別傳統！粢飯餡料非常豐富，除咗傳統嘅油炸鬼、青瓜、肉鬆之外，仲有綿滑嘅牛油果，玉子同埋鰻魚，味道相當夾，咬落去充滿層次感~💚抹茶紅豆小丸子 $48抹茶味道濃郁，飲嘅時候仲會食到香甜嘅紅豆同埋小丸子。小丸子口感煙韌，咬落去彈牙又飽肚。🍫特濃可可豆乳 $24豆乳濃郁得來又唔會過甜，巧克力味道十足，好好飲！🖤黑白芝麻豆乳 $30黑白芝麻豆乳嘅風味獨特，滑順可口，味道香濃。🍯桃膠豆乳 $30口感爽滑嘅桃膠搭配豆乳，味道非常好，清新可口，健康又美味。

哩個多芒小丸子好好好好好好正我諗我已經係幫襯超過十次，無一次係會令我失望的，無論係沙田店定樂富店，都一樣咁正🤤🤤芒果又大又多又甜小丸子又彈又煙靭仲有西米陪襯下😝芒果+小丸子+西米 = 絕配 💛真係行過路過都唔好錯過🤭會食上癮的～

朋友拉埋我去試新野試左呢間位於沙田河畔花園新開既Soymart by豆乳狂人·試左三款未食之前已經幾滿意好鍾意佢地既包裝飲品同糖水都密封得好好我拎到番屋企都無瀉出離 ♡ 多芒楊枝甘露（$45）除左蓋之後仲有層密實膠封口難怪唔會瀉出嚟·裡面有西柚/西米/小丸子芒果汁做底上面預先加左花奶芒果份量好多·個感覺好澎拜芒果粒好甜🥭🤤西米一粒粒仲QQ彈彈小丸子有咬感唔會淋哂西柚略嫌有苦澀味每一羹都好多料而味道唔會過甜👍🏻但芒果味唔算好突出可能西米量給太重手所以芒果汁分量相對少左有少少感覺似食緊芒果涼拌西米😆♡ 多芒小丸子（$45）同楊枝甘露差唔多只係少左西柚同小丸子份量多番少少芒果粒依舊咁甜🥭但呢碗個芒果味濃好多🤤個芒果味好突出西米量亦正常番✓相對黎講我鍾意多芒小丸子多啲❥兩碗包裝外觀其實好飲我一度以為店家比錯左我🤭😆♡ 奶蓋布甸燒仙草（$35）好欣賞個汽水拉蓋個奶蓋好濃好綿密奶蓋上面仲灑左黃豆粉而豆乳味好濃厚好香豆味甜度亦岩岩好加埋仙草·豆乳布丁成杯野好飽可以當一餐正餐🤭