手卷野村

今天全家早上到科學館玩，來到中午時分，入場人數增加了，十分擁擠，而且又有點肚餓，於是到附近來個簡便的快餐。在這街道上，餐廳眾多，看到這家門前有高枱，方便客人馬上享用。而且掛著＜日本產米使用＞，有點心動。並非戀日情意結，而是自己喜歡＜米＞這種傳統食物，對腸胃影響較小，也就是母親大人所講的＜正氣＞食物。細看門前餐牌，有魚生類，熟食類，還有海膽類。海膽又是自己喜歡的食物。真是忍不住要來一杯。激滿海膽杯　　　門口好大張圖片，應該是這家店主打名菜。圖片表示，用了原板海膽，松葉蟹，北海道帶子，吞拿魚腩及三文魚子。層層叠的海膽，已淋上海膽豉油，把下方的白飯都染成啡色了！海膽，我來也！　一定要閉目來享用，慢慢嗒，慢慢品嚐滿口豐腴滑溜的海膽。消滅海膽後，來到墊底的吞拿魚腩，而帶子就藏在吞拿魚之下呢！然後把杯子內白飯，吞拿魚及三文魚子拌勻，就可每口都有三種口感了。夏威夷三文魚手卷　　職員提示：橙色醬汁少少辣。　三文魚配這種醬汁，味道又頗新奇。下方的白飯，對女生來說，份量是剛剛好。鰻魚太卷　　　手卷，海膽杯都生的，那就來一份熟的鰻魚，即是紫菜包著一團飯，菜，甜蛋跟鰻魚。不過，豆丁之父一定要有飯落肚，才可飽肚。這個太卷肯定能滿足豆丁之父。脆皮腸太卷　　粉紅色的香腸，吸引著豆丁，加上是配料全都是熟的，既然豆丁喜歡，就讓豆丁樂一下吧！         忌廉芝士蟹柳玉子燒　　這個又是豆丁喜歡的食物～忌廉芝士，蟹柳，玉子燒。這個日式蛋卷，即點即制，熱辣辣，隔著膠盒也感到玉子燒的熱力。多層蛋皮包著半溶化的忌廉芝士及蟹柳，是花心机的款式。家中没有這個玉子燒方形廚具，煮不到這種多層結構的煎蛋。總之整個食材又是全熟，可以放心給豆丁食用。其實自己也很喜歡鬆軟，熱辣辣的玉子燒！　嚐過這個快捷方便的午餐，要帶豆丁去另一邊的公園放電了。…查看更多

外賣手卷店大行其道、遍佈全港，本來大概是由尖沙咀新文華中心附近一間名為「勁回味」的小店掀起熱潮，如今在同一條街上的競爭對手又添一員——「手卷野村」。要在云云手卷外賣店當中突圍而出並非易事，而這間開業不久的小店當然亦推出了不少引人注目的食物如海膽杯及玉子燒，亦少不了各種打響頭炮的開張優惠，購買手卷滿$25便可以$1換購夏威夷三文魚手卷。海膽二板手卷 ($125)海膽手卷以海膽份量劃分為三個不同價錢，豐儉由人，選擇了價錢最貴的海膽二板手卷，海膽份量之多果然不容小覷，飽滿肥美而鮮甜。大吞拿魚腩手卷 ($55)大吞拿魚腩色澤亮麗，油潤得入口即化。激滿海膽杯 ($98)海膽杯材料包括一板日本海膽、吞拿魚腩蓉、三文魚子、帆立貝及松葉蟹腳，底下醋飯更加入紫菜增添香氣，多種材料堆砌成一座山丘，層次豐富，每一口盡是鮮味，比海膽二板手卷更加超值。夏威夷三文魚手卷 ($1)雖然換購價只需$1，但是三文魚份量亦相當充裕，帶點辣味及山葵的刺激感。海膽玉子太卷 ($50)飯粒壓得結實而不鬆散，玉子微甜與海膽出乎意外地匹配，但海膽分佈不太平均，時有時無，不過以此價錢而言仍算划算。平心而論這間新店水準不錯，並非單純以噱頭作招徠，希望能保持水準並繼續推出更多款式。…查看更多

香港人出名追求快！靚！正！嘜都要快過人對所有快閃俠尼講 立食可以話係恩物 方便又快捷豬小姐今晚尼到並唔係因為趕時間 而係慕名而來 想慢慢嘆下「手卷野村」嘅激滿海膽杯！地理位置就腳到不得了 一落天橋即到豬小姐同朋友仔首先order左大吞拿魚腩手卷同埋特選吞拿魚手卷惠顧滿$25就可以+$1享受夏威夷三文魚手卷 性價比即時提高ing！越叫越多添大獲！一陣就要去食晚飯 沒關係～澱粉質怪出動！無有怕三文魚poke用上特製醬汁去醃製 辣味沙律醬無搶去切粒肥厚三文魚原有嘅鮮味 反而令佢地更加惹味開胃 好match唔洗加豉油完全ok$1抵呀！店鋪貼心提供三款豉油 包括係普通 中辣以及大辣豉油入哂樽 方便大家「唧」已用wasabi調製嘅大辣豉油最岩豬小姐心水大吞魚腩只有兩片 雖然不算太肥美卻有微微魚油香 口感軟腍 都算係合格嘅toro特選吞拿魚係中吞拿魚腩 大吞拿魚腩加上蔥粒吞拿魚腩嘅結合感覺上豐富賣相亦唔錯 味道都係新鮮嘅 只不過吞拿魚嘅魚脂香未見突出 可是每款吞拿魚都有機會品嚐 都算係一個小滿足飯粒嘅份量質感味道都不錯 可是紫菜卻不夠脆身帶來小小失望呢係期待已久嘅激滿海膽杯呀！！！杯子細細卻材料滿滿 材料有原板日本海膽 松葉蟹 北海道帆立貝 吞拿魚腩 三文魚籽小山丘底部係鋪滿紫菜絲嘅壽司飯主角足一板嘅雲丹海膽鮮甜味十足 無丁點苦澀及腥臭味 質感柔潤水漾松葉蟹絲富鮮味卻硬實了一點 雪白帆立貝脆口三文魚籽都為小山丘打氣加分豬小姐對此嚐鮮價覺得絕對合理放工時間越尼越旺場啦 大食豬小姐速速快步離開 去下一場正式dinner了…查看更多

今天和女兒去尖東看醫生後經過這間店子，被店外的廣告吸引了。看見它們新出的海膽杯非常吸引，便一起試試這間外賣壽司店。店外有一張小桌可以立食，還有三款豉油可用。店員把日本芥末放在豉油內，分別是原味豉油、中辣及大辣。收銀店員和壽司師傅的待客態度也不錯。我們選了大吞拿魚腩手卷和特選海膽手卷，最優惠是凡購滿手卷滿$25，可加$1送一個夏威夷三文魚手卷，我們當然不會錯過喇。特選海膽手卷 除了海膽，還有吞拿魚腩蓉和三文魚子，非常足料，全部都很新鮮，壽司飯是用日本米，粒粒分明飽滿，有少少醋味弄得很好，還有蔥粒、白芝麻和脆脆的紫菜，豐富了層次感。大吞拿魚腩手卷厚切的吞拿魚腩非常新鮮和肥美，入口甘香，可比媲美高級壽司店的材料。夏威夷三文魚手卷新鮮的三文魚很肥美，切成大大粒，吃起來口感十足，加上特製的甜甜辣辣醬汁很惹味，只需$1便可以享受這道美食，實在太超值。激滿海膽杯 這海膽杯真的很足料，應該有一板半日本海膽。海膽鮮甜甘香，一點也不腥，還有很新鮮美味的吞拿魚腩蓉、三文魚子、北海道帆立貝和松菜蟹，口感非常豐富。每一種刺身都是我喜愛的，吃後非常滿足。明太子玉子燒 玉子燒即叫即弄，所以端上桌時還是熱辣辣的。中間非常多明太子，玉子燒不會弄得太熟，還有少許蛋汁，顯出了壽司師傅的功夫。…查看更多

朋友知道我鍾意食海膽, 話我知尖東噴水池旁有得食, 今日有機會行過去搵黎試下見到間門面幾日式, 幾光猛, 環境幾乾淨, 始終都係食生野, 衛生都重要, 我估應該係朋友講個間啦～不過呢到係無位坐, 門口有張bar枱可以企係到食仲好細心有紙巾, 唔辣/小辣/大辣既日式豉油我地睇手卷款式已經花多眼亂, 原本諗好要海膽手卷, 點知俾我望到有大吞拿魚腩, 嘩, 平時食都係中上價但得一塊, 但呢到有2塊, 咁都可以試下職員話今個月買手卷夠$25有promote，加$1 送個夏威夷三文魚手卷侍應見我想食海膽, 就介紹我地食海膽杯, 話佢地既食材都係日本直送(除左三文魚啦), 係真心推介俾我地, 係猶豫之下就要左個, 另外要多個忌廉芝士蟹柳玉子燒等左陣, 好快俾左個海膽杯我地先, 雖然細細杯, 但裝到滿, 唔止有海膽, 仲有新鮮蟹肉, 三文魚子, 吞拿魚蓉同埋帶子, 超豐富, 海膽味道超新鮮鮮甜, 完全無腥味, 入口即溶, 份量亦唔少, 以海膽鮮味&份量同價錢比, 都合理既玉子即整夠哂熱辣辣, 蛋包厚, 蟹柳&芝士, 味道幾好, 仲食到蛋汁而我個大吞拿魚腩手卷賣相好吸引, 我見到就已經開心, 大脂油脂多, 都幾厚切, 無將貨就價, 味道新鮮至於個超值既夏威夷三文魚手卷, 雖然係$1, 都唔會特別縮水侍應話唔使落豉油, 因為三文魚已經撈左沙律醬, 已經夠有味, 食落辣辣地, 味道幾特別幾惹味 最後侍應問我地覺得夏威夷三文魚卷點, 味道係唔錯, 原來遲D會出夏威夷三文魚丼飯而且佢話佢地既食材除左係日本黎之外, 連米都係日本新潟米, 估唔到一間小食店都可以咁認真做好…查看更多