神戶屋日韓放題

# 【食評】旺角神戶屋日韓放題 —— 用料多款，壽喜燒同燒肉正斗 放工同老婆仔去旺角食飯，揀咗呢間人氣高企嘅 **神戶屋日韓放題**。成間舖頭裝修係濃厚動漫風，好有熱鬧氣氛。食物款式真係好多，基本上每樣叫一轉已經夠飽，難怪見場內好多客都仲會嗌埋酒、龍蝦一齊配。今次我哋主攻壽喜燒牛肉同燒肉小食，以下分享下重點： ---## 🍣 刺身盛合 - 擺盤華麗得嚟仲有乾冰效果； - 三文魚、油甘魚、鯖魚、新鮮蝦同帶子全部厚切上碟； - 鯖魚脂香突出，蝦好鮮甜； - 另有加辣嘅蝦刺身幾特別，味道惹味。 ---## 🍲 日式壽喜燒 - 壽喜燒湯底甜甜咸咸，味道濃郁； - 入面有粟米、菇類、菜，食材吸晒湯汁； - 牛肉切片肥瘦適中，涮一涮就入口滑嫩，好正！ ---## 🦪 蒜蓉粉絲扇貝 - 粉絲吸晒蒜香同汁水； - 扇貝肉新鮮，熱辣辣好爽口。 ---## 🍖 燒肉小食 - **羊架**：外層燒到有焦香，內裏仲保持嫩，灑上調味粉幾惹味； - **牛舌+串燒豬肉**：牛舌厚切彈牙，豬肉串燒刷上燒汁甜香，送酒一流。 ---## 🍟 炸物拼盤 - 炸鮮奶、榴槤炸彈、炸香芋球、炸多春魚，熱辣辣上枱，外脆內軟； - 小食多款，食極唔厭。 ---## 🥗 配角 - **枝豆**：清淡解膩，快手零食。 - **韓式即食麵**：角落頭有個架自己揀想煮嘅泡麵，有辛拉麵、出前一丁等，幾玩味。 ---## 🍦 甜品 - 雪糕櫃多款雪條同杯裝雪糕任拎，包括綠茶雪糕、Paddle Pop、韓國Melona； - 食到飽爆都仲會想拎返枝雪條完個餐。 ---## 💰 價錢 我哋兩個人晚市放題，埋單 **$638（仲有九折，實付$574.2）**，即係人均大約 $319，以旺角放題價位嚟講算係抵食。 ---## ⭐ 總結 **神戶屋日韓放題** 真係樣樣有：刺身、壽喜燒、烤肉、炸物、甜品，選擇多又夠快手。 - 刺身厚切夠鮮； - 壽喜燒牛肉正； - 小食燒物配酒超 fit。 👉 **推介指數：★★★★☆（4/5）** 📌 必試：刺身拼盤、壽喜燒牛肉、羊架、雪糕櫃 ---…查看更多

今天帶朋友來旺角，專程嚟試試一直想幫襯的神戶日韓放題店，上到兆萬中心8樓一開𨋢門就被四週的海盜王動畫相吸引！但見門口細細，入到去用餐地區卻相當闊大，全部卡位形式座位，坐得極之舒服！一貫嘅手機點餐，方便快捷！首先服務員已幫我們點了一個超級豐富嘅刺身拼盤！我當然自己都點咗四款心儀嘅刺身啦！再加上一啲炸物！朋友就急不急不及待地點咗一個壽喜燒！再去飲品櫃選咗唔同嘅飲品同埋啤酒！盡興地享用唔同嘅食物，配合埋餐廳播放嘅勁歌，令人食得特別興奮！氣氛也特別開心！最尾就當然不少得各種嘅雪糕甜品！林林總總嘅甜品令我開始發覺自己真係有選擇嘅困難！但就真係食得極致盡興！果然係一間食得輕鬆愉快嘅日韓放題店！…查看更多

大家會唔會有一個小時回憶嘅地方神戶屋係我每次小學、中學朋友聚會到大個公司同事聚會都去嘅地方雖然以前地方窄 10個人照塞埋去坐大家好Close咁食個放題係開心嘅依家因為疫情過往個年都好少食放題好少再10個人坐埋一檯但係再到神戶屋食放題都係有驚喜今次趁母親節同左媽媽去食小窮J嘅母親節禮物🥲🥲幸好媽媽都食得開心#咁爸爸節都可以🤪🤪🤪🤪🤪好開心神戶屋加左火鍋 #定係不嬲都有？有壽喜燒、韓式部隊鍋同四川辣雞煲揀我地揀左壽喜燒，但係覺得下次可以試下部隊鍋提提大家肥牛填1係會黎大大卷🙂#我臨尾填左3🙂刺身嘅蝦都有幾種有頭 無頭 大蝦 同生蝦都甜都可以試三文魚都切得幾厚炸物我中意食炸芝士同炸鮮奶甜品有好多好新款嘅雪條😍趁呢排openrice做緊特價可以重返一戰😇…查看更多

同朋友星期六去旺角行街，經過兆萬，有人派傳單介紹依間放題，行到攰想坐下又肚餓，就決定嘗試下。餐廳裝修正常，光猛乾淨，窗邊既卡位好闊，夠曬位。果日唔多人，所以都被安排左坐係卡位。侍應一坐低就提我地可以快d落左魚生船同壽喜燒先，仲即刻上左配菜同醬汁，服務唔錯。配菜有幾種唔同款，味道一般，食左少少中華沙律，留番個胃食其他野～飲品選擇幾多，我仲簡左荔枝烏龍茶，甜甜地但又唔怕太膩。食日式放題就一定有魚生船，送到過來既件數比我地叫既仲有多左。全部魚生都色澤鮮豔，夠凍夠新鮮。d甜蝦特別鮮甜，肉質算彈牙，唔會好水咁。壽喜燒賣相好靚，好多牛。食落湯底幾香，仲有麻油味。炸物新鮮出爐，熱辣辣，特別好食既係炸榴連。裡面有一絲絲榴連肉，又脆內軟，好香好好味仲叫清酒煮蜆，好多蜆，多汁，鮮甜。火灸壽司既飯同魚生既比例岩岩好，可以一啖一舊，表面燒到焦香。仲叫左一口牛柳粒，牛既質地夠稔，而且唔痴牙，調味好夠，另外既配菜都好味，特別係薯仔係焗薯，正。叫多個通菜，賣相靚，食落稍咸但唔辣。食左個焗蝦，好多沙律醬，外面燒到焦香，好味。牛油焗菇，好香牛油味。最後因爲太飽，所以無食到，但見到冰櫃都有幾多簡擇。整體既質素好，侍應服務良好，上菜快，上得足，唔會專登上少d。覺得可以再去食。…查看更多

好同事生日，佢話想食放題。。於是上網搵啦！見呢間評語唔錯而且仲有嘢送。。。就試試啦！我地bk咗八點，但遲咗。。。但意外佢安排間獨立房比1我地因為限食兩個鍾，所以快速點嘢食。。。以我地食放題嘅經驗，佢嘅款式唔多，飲料款太少！而且雪糕雪條無任食。。。呢幾方面比較遜色！響旺角咁多選擇嘅地區，真係要再落多少少心思先可以再引到d客喇！…查看更多

今日同老友食開sem飯，落到旺角決定係神戶屋放題😊👯‍♀️身為蝦刺身迷既我，見到oder紙上有唔同種類既蝦刺身，超開心😆😆。。。三文魚紋路清晰，超厚，咬落十分肥美，好幸福🤧😍😍。。最正莫過於有頭甜蝦刺身，又滑又多汁😙🦐，非常鮮甜除了刺身，還有其他種類野食。牛舌食落彈牙，口感十足🤤雞肉串既醬汁超濃郁，食落非常開胃，我哋食完後又再追加左6串🤩🤩。另外，我同老友order左一個壽喜燒，waiter事先很貼心地係表面擺左d和牛，只需等到湯滾後，用筷子輕輕壓落去拾下就食得😆，此外還可以追加肉類🍖🥩🥩同面類🍜。總結而言，服務數質佳，性價比高，野食種類多，適合聚會。👯‍♀️👍👍…查看更多

兆萬中心果邊食肆競爭激烈就大家都知，都曾經中過幾次伏，今次同好友行旺角諗唔到食咩好，本住「試埋今次啦」既心去呢間神戶屋試下，殊不知呢間野大有驚喜。呢度一入座就送個限量火鍋，可以揀壽喜燒或者部隊鍋，我好牛肉就揀左壽喜燒。牛肉都幾淋，容易入口，湯汁甜度適中，暖笠笠最適合冬天食。然後好快就黎重頭戲，首輪刺身拼盤。先不論味道，擺盤已經覺得勁有心機，未食已經流晒口水。個人覺得最出色係甜蝦同埋帶子，爽甜新鮮。而呢度刺身選擇都多，可以揀返自己想食既刺食。壽司選擇亦非常多，個人大推牛油果軟殼蟹壽司！火炙三文魚十分不錯。呢度熟食質素都唔差，我地叫左牛油焗帶子，一口和牛粒，清酒煮蜆，天婦羅等等。我個人最鐘意食既一樣熟食係炸鮮奶！外脆內軟不特只，店家淋埋煉奶上去簡直畫龍點晴，好味非常。炸鮮奶我地翻啅左三碟。不過賣相麻麻地，所以冇影相。飲品方面，係自助形式，選擇都非常多，最意想不到係有Hoegaarden！下次經過旺角都會再考慮返呢間！…查看更多

約埋一大班同事放工食飯，選址係最重要 der！皆因同事來自港九新界，食肆地點必須方便各位可以快閃返歸，旺角就最方便喇！第一次嚟到神户屋，其實都係因為佢响旺角兆萬，店內比坊間嘅放題店細少少，通風又差少少，房與房之間嘅隔音就弱咗唔止少少！雖然如此，但佢嘅食品又比坊間高質少少。有食開放題都會發現啲飛仔其實間間一樣，但出品有時都差幾遠…… 但神户屋就可以放心，絕對冇伏味！神户屋主打係日韓放題，但80%以上都係日式，韓式食品只有部隊鍋、炒粉絲，炸雞、紫菜飯卷、雪條。日式就比較多元化而且每款味道好好，令人encore 又encore ！魚生刺身款款新鮮，特別係有三款蝦刺身，款款彈牙爽口，象拔蚌鮮味十足，帶子刺身大大隻。入場每位送生蠔/海膽，質素不過不失！熟食方面，馬拉盞炒通菜，味道偏辣非常刺激，而且好有鑊氣，非常正！神户屋嘅炸物係超水準作品 - 炸芝麻雞翼，炸醬非常薄，雞翼外脆內爆汁！炸一口芝士，脆醬封住成塊芝士，一口咬落去啲芝士馬上响嘴入面散開。天婦羅炸蝦，吉列炸蠔，當然亦唔可以錯過啦！店內優惠，四人就送一個鍋物可以揀韓式部隊鍋或日式壽喜燒，鍾意嘅話仲可以加料打吓邊爐，一字記之“爽”燒物方面，燒牛舌、燒羊架、芝士焗爐都係誠意推介！甜品方面，榴槤炸彈就啱晒榴嗜榴槤嘅朋友仔，唔啱嘅就有炸雪糕，即炸即食，冰火兩重天！（小心爆醬）服務方面要讚吓，佢哋好少漏單。Last call 後仲會問你有冇漏單未嚟，有咩漏都會補返晒（讚）!…查看更多

忙完一日，去食個放題最好不過。今次黎呢到試下！入到去，都幾闊落，好多人黎，可見都幾受歡迎。之後更加係爆場tim！勁呀！野飲仼拎，而枱面上都有小食，有鳳爪、酸蘿蔔同螺肉，非常好開胃。我地太肚餓都逼不及待要即刻叫野食。一開頭，當然不可以少左刺身，種類繁多，我都每樣都叫啲。全部都好新鮮。最欣賞嘅係佢啲蝦。覺得好鮮甜爽口。三文魚切法非常好，厚度適中。鮑片係另一款我比較中意食，因為好有咬口。其他就不過不失啦！之後就到呢個壽喜燒。材料好豐富，湯底好鮮甜。肥牛真係好正😆😍另外，仲有好多蔬菜同菇係入面，索左啲湯，真係好香呀。牛！我最中意食牛！所以去到邊都叫牛！略嫌多左小小肥肉。但好稔好香好入味。除左用洋蔥去炒外，仲有薯仔！我好中意食薯仔。芝蔴炸雞翼好香！唔油！肉質好滑，外皮就脆卜卜！好味呀！食完後朋友仲叫多幾次！蝦係我最中意嘅！呢到嘅蝦燒得好香！肉質好滑，味道鮮甜。有竹簽督住好方便食。唔需要仼何調味料已勁好食。榴連炸彈，我去到邊間放題都一定會叫。因為我係極愛食榴連。呢個略嫌甜左小小，但冇搶到榴連味，幾好。外脆內流心，又煙煙韌韌，好食呀。炒通菜，係食完一堆肉呀，炸野之後，黎啲菜幾好。我覺得有點鹹，但朋友覺得岩岩好。最後，燒菠蘿，又係必點，多汁，甜甜的，幫我消消濟！外面有雪糕櫃，之前叫定，攞張紙仔岀去換就可以了。食物質素都不錯，人頭湧湧，好多人黎食。最岩情侶拍拖，朋友聚會啦！…查看更多

永遠在開學的時候總要找餐廳跟朋友聚一聚，如果唔係叫咩開sem飯，而熱門放題地方當然係旺角，急不及待同朋友reu既我就選擇左呢間放題餐廳。其實呢間餐廳都係聽朋友介紹，因為勝在多選擇之餘仲要味道好高質，例如一坐低尾牙任何嘢食之際已經有前菜，就係就係日本三味，已經令我好驚訝係一坐低侍應特別俾咗張點魚生嘅紙我哋，因為佢想推介埋生蠔同海膽俾我哋嘗試，為咗加快我哋嘅速度，侍應幫我地魚生上每樣揀啲不得了，每種魚生都好新鮮，尤其係推薦嘅生蠔同海膽，可以睇到海膽鮮黃嘅顏色，食落去好鮮滑，同事海膽亦都食得出新鮮嘅責任，配埋海鮮醬一流接住落嚟我哋仲有壽喜燒食， 冇諗過一間放題餐廳都可以有火鍋食而且味道都冇得輸，可以見到鍋上牛肉嘅脂肪比例好平均，屬於高質牛肉而且未到喊到足夠，唔似吉野家咁淡茂茂，仲有專人幫你加湯加上仲有好多火鍋底料，例如我最鍾意既炸魚皮都有，翻叫左無限次至於甜品類就有心太軟，可能因為要焗細細粒你客人食，所以用蛋糕仔紙出嚟嘅賣相未必好好，但係味道一流，有開第一啖可以見到朱古力醬不停流出來，可見廚房廚師水準唔錯另外仲有以上甜品，竟然係百福豆腐花，超級耐冇食過，而且放喺雪櫃無限任拎堂食，加埋另一個就係雲呢拿雪糕雪米糍，超級驚喜！總的來說，你間放題餐廳食物種類好多，齋點餐嘅放題紙都差唔多10張， 誠意可嘉，值得推薦…查看更多

呢一間日式放題係放題中的確係不錯既選擇，係呢個價位，算係食過既放題中排頭幾既位置。另外佢位於旺角，好近地鐵站，岩晒一班fd約埋一齊去放題食餐勁。日式放題中，佢地選擇係幾多既架，而且每碟份量亦唔算好多，岩晒喜歡試好多不同口味既朋友，食完一碟再一碟。一開頭侍應就已經好好服務態度，問我地想試咩刺身，而且仲有蠔同海膽食。雖然蠔同海膽唔係任食，但食住新鮮既刺身放題同時仲有蠔同海膽食，簡直係錦上添花啦!揚物種類選擇多，而且幾好食，有我最鐘意既炸蠔!呢間放題好擔心有D大食朋友食唔飽，所以仲設有火鍋比你地Shabu-shabu，而且仲有辛辣面食，夠晒多元化！唔單止野食，飲品種類都唔小架，呢隻蜜瓜味荳奶真係好耐無見過喇。最後緊係唔小得甜品啦，最令我難忘既係呢粒心太軟，細細粒比你食幾粒都得，直頭令到我個心即刻融化，哈哈！呢間放題唔單止食到你好飽，而且夠新鮮好食，的確係一試難忘，有機會會再去同fd食番餐。…查看更多

昨晚跟好友前往位於兆萬的「神戶屋日韓放題」!由於位置方便又正正是鬧市所以人流很多~7點左右店外已有大批食客正在等候!由於有預先訂位，所以等了大約5分鐘就有位了~座位空間比我預想中的寬鬆!而食物款式也不少，而且比我想像中更好味~對於不太食生冷食物的我們看到隔壁的剌身很吸引~所以也忍不住口.....XDDD滿滿的剌身拼盤~很新鮮呢~我是壽喜燒控~難得見到有壽喜燒火鍋當然要試呀!味道也不錯~不過要是湯底再濃一點就更好了!熟食方面就是基本的串燒，雞奕，金菇牛肉卷之類的!但不得不說這個秋葵蝦，味道很好~有機會可以一試喔!還有這個牛柳粒也很好味~最重要是很"林"!如果細心留意會發現隔離左右都有點這個喔~最後最後~一定要叫特式雪糕~因為這是由韓國引入的MELONA雪條!只能用超好味形容XD我最喜歡約朋友去食放題~因為可以滿足大家的口味~有些人喜歡魚生，有些人愛吃熟食~而放題正正就可以滿足一班朋友不同既口味!這裡的店員雖然很忙，但還是會很有禮貌的對待客人~這一點其實是很重要的!~…查看更多