番本日式放題 (已結業)

中午係旺角突然想食日本野，見到番本放題做緊$178加一，同兩個人平時食日本料理都係差唔多價錢，為食既我緊係揀去食放題。搭正中午12點，店內唔算好多客人，被安排坐卡位，有街景睇，坐位闊落，坐得幾舒服。飲品係自己出去雪櫃拎，種類都幾多，由罐裝汽水到支裝茶飲品、紙包飲品、韓國樂天牌飲品大概十幾二十款。好貼心地連熱飲櫃都有。另外想飲酒既話，啤酒、清酒、梅酒都有，不過就要寫紙落單。刺身方面有9款刺身，叫左7款左右。分別係三文魚、象拔蚌、白肉拖羅、赤貝、鯛魚、帶子、甜蝦。刺身方面全部都算厚切。甜蝦放題黎講好大隻，新鮮，多肉，唔會好似食空氣咁。象拔蚌口感爽口。白肉拖羅係其他放題比較小見，食落口感軟硬適中，魚油味香濃。帶子夠厚肉。壽司方面叫左香蔥海膽碎吞拿魚壽司、北寄貝壽司、火炙三文魚壽司、泰式虎蝦壽司、海鰻芝士卷、芥末蜜糖三文魚卷。壽司size唔會太大舊，岩岩好，飯都唔會太多，唔怕食完即刻飽曬。味道方面，最鍾意係火炙三文魚，入口即溶。海鰻芝士卷都好滑，芥末蜜糖三文魚卷既配搭幾特別。食完魚生就講下熱食方面。首先叫既係人參雞湯，暖一暖胃先。雞湯落足料，雞味濃，飲完會有小小人參味回甘。日式清酒煮蜆份量好多！酒味濃！味道都算鮮甜！XO醬炒墨魚嘴XO醬味好香之外，加埋洋蔥一齊炒仲有d甜味，墨魚嘴多肉，爽口。芝士蟹子燒帆立貝滴滴骰骰，食落芝士味唔會太濃，d芝士口感好似蒸蛋。串燒方面叫左鹽燒牛舌同埋鹽燒黑豚肉串。牛舌雖然唔算好大塊，但係燒得岩岩好，好爽口，配埋黑椒一齊燒係絕配啊。鹽燒黑豚肉火候都係控制得好好，表皮烤得小小脆口，不過我覺得略為鹹左小小。天婦羅天婦羅方面番本種類都非常多！特別d既有海鰻天婦羅、香草魚柳天婦羅。天婦羅d炸皮薄身，而且熱辣辣。虎蝦外脆內軟。鰻魚薄身，會有淡淡鰻魚味。香草魚柳天婦羅既炸皮係有香草係入面。，魚柳非常非常滑啊！入口即溶咁。感覺好似食緊fish and chips個d炸魚。總括黎講，番本午餐放題選擇十分多，無論係飲品、刺身、日本料理、天婦羅同埋炸物。選擇都比一般放題多，而且有d特別菜式係一般放題比較小見，而且仲有酒飲tim！味道方面同份量都唔錯。$178加一兩個人賣單都係400蚊有找。可以食到咁多野可以話係真。番本啊！…查看更多

今晚又約左朋友去食放題，第一次黎番本，每位$218。位置都幾方便，一出地鐵站行5分鐘就到。早左上黎，坐到卡位，可以坐得舒舒服服食一餐好。四周環境唔錯，冷氣夠涼，由於有蒸氣海鮮鍋食，所以初時都擔心食食下會好熱，但又好彩冇，係一個舒適嘅地方。食物選擇實在好多，Menu勁厚！A至M嘅點菜紙，令我地急不及待喺點餐紙上瘋狂地點剔。一點完野食就行個圈睇下有咩飲。清酒/梅酒喺任何時段都都無限任飲，豬唔好杯中物，不過都叫左杯黎試下，冰凍梅酒都幾清暑。例牌一定係點盤刺身，甜蝦好新鮮，豬一口氣食左8隻。另外三文魚、吞拿魚、帶子等等都鮮甜有水準。而壽司跟同刺身一樣，冇令人失望。基本上你想食嘅款式都即叫即做，件件都又大又厚 ，我地叫左好多唔同款，推薦泰式虎蝦同火炙三文魚壽司。之後仲叫左炸雞軟骨， 吉列魷魚圈， xo醬炒墨魚咀，紅酒牛腩等等，全部都好好食，特別要講牛腩好腍好入味。叫左個蟹粥暖下胃，唔會太鹹，味道唔錯。而呢度亦有第二個特色，就係蒸氣鍋。見到個鍋就會諗起越南，好可愛。我地order左扇貝，蝦，魚，冬菇，菜。初時諗住可能會清清地，冇乜味，要加調味料。但入口又食到海鮮同娃娃菜嘅鮮甜味，個人非常欣賞。食埋甜品先，有雪糕杯，雪糕糯米磁，係豬最喜歡食嘅野呀…查看更多

次次食完放題都飽到投降，但冇幾耐又心思思想食。今次同朋友一齊去試新放題，第一次食印象都唔錯。位於旺角，地點好方便。餐廳面積都幾大，平日夜晚去到都座滿人，相信人氣都幾旺。加10蚊有埋生蠔任食，好吸引! 可惜友人唔食，唯有下次再試。睇睇餐牌選擇夠多，最特別有蒸汽火鍋。第一時間食主角---刺身! 整體都新鮮，白玉拖羅刺身好特別，平時比較少試到，幾香魚脂味。壽司size細細，一啖一件唔會太滯，又可以試多幾款，而且配搭都唔錯。串燒上到台都仲熱，最滿意係牛舌同翠玉瓜，牛舌香口，翠玉瓜多汁。清酒煮蜆酒味好重! 蜆肉唔算大隻不過鮮甜冇沙，都唔錯。蒸汽鍋仔幾有新意，配料仲有唔少海鮮可以揀。不過鍋仔較細一次蒸唔到太多，好玩多過為食竟然有暖飲品提供，咁凍天氣真係幾貼心。如果想食放題但budget預算唔高，番本都係抵食選擇，食物種類幾多，仲可以放題同蒸汽火鍋打孖上!…查看更多

友人陪讀日子終於完結, 意味著困獸鬥亦都完結, 佢話要好好食番餐慶祝, 我當然樂意陪食, 要夠盡慶, 放題係一個相當好選擇!呢間之前都食過, 價錢親民, 食物種類都夠多, 時間有2小時任飲任食, 地點又方便大家食完散水, 就呢度啦..................和式裝飾, 座位唔會迫, 枱面都適中唔怕食物黎到無位放食物種類多樣化, 前菜, 刺身, 壽司, 燒烤, 日本料理, 炸物, 酒類等都有提供, 岩食就落單比侍應後等食!話明任飲任食, 飲品及甜品自己出去雪櫃拎, 甜品有奶凍, 芒果布甸, 雪糕杯及雪米磁!刺身選擇多達9款, 三文魚, 希靈魚, 榮螺, 赤貝, 鯛魚, 帶子, 甜蝦等, 驚喜係連象拔蚌都有, 款款都算新鮮, 帶子係厚身架, 唔會毫無口感, 只係食幾轉都番本啦.......身為蟹籽沙律既忠粉, 有得叫當然實叫啦, 除左有多汁既青瓜絲外, 仲有沙律菜係底, 加上大量脆卜卜蟹籽, 口感爽爆!壽司細細件唔怕成大舊飯會"質"飽你, 款式都唔係無得比你㨂, 食落質數都唔差喎, 夾起上黎舊飯唔會散開, 個人推介係蟹棒壽司, 味道幾好!燒物點左鹽燒鷄中翼同烤有機菠蘿, 鷄中翼唔算太飽滿但燒得皮幾香, 味道亦適中; 而件烤有機菠蘿, 味道酸中帶甜, 仲幾多汁, 用黎作"間場"之用都唔錯!炸物當然唔少得天婦羅, 有炸蝦, 南瓜, 紫蕃薯仔, 蟹棒等, 個炸醬唔厚身, 可以食到薄脆口感, 新鮮即炸, 上枱時仲係熱辣辣, 加少少天婦羅汁一齊食, 水準唔錯!飲啖凍飲又再黎多款炸物, 有炸鷄軟骨, 細細粒容易食, 口感爽脆; 而另外仲有外脆內軟既芝士年糕, 一D都唔油膩, 咬下去食到香軟幼滑既芝士, 甜美可口, 真係忍唔住個人獨食4件................呢到每3人仲可以有得食蒸氣火鍋, 配料相當豐富, 有海鮮, 肉類及蔬菜類! 個蒸鍋一次過都可以蒸到好多野, 睇下我地呢個大雜燴......................哈......八爪魚相當彈牙, D蜆雖然細隻但都有D鮮甜味!可以一邊食日本野, 一邊煮呢個蒸氣火鍋, 呢個配搭相當有諗頭, 保證你個咀時刻都有野食, 大胃人士黎到呢到都會不得了.............無漏單問題, 年青既侍應反應夠快, 主動為你加熱茶, 相當OK!…查看更多

新年期間朋友約出來食飯逗利士，就戈約咗去食番本。餐廳晚市真係好熱鬧，好在有訂位。拎住一疊落單紙大家開始進入瘋狂狀態，但我地都係一班眼闊肚窄的人。我們呢班日本食物愛好者，當叫刺身：三文魚、白肉拖羅、希靈魚，八爪魚，赤貝，甜蝦，帶子。刺身份量好足，落單幾多來幾多，我地總數叫咗2次，刺身新鮮，最好係帶子唔係切到細細粒。仲有好少有的白肉拖羅，食落真係好鮮甜。 再來一些特別d的壽司：吞拿魚海膽、鵝肝帶子呢2種壽司都係比較少食到，平日食吞拿魚都會覺得佢係鮮紅色一片，今次係似碎上加埋海膽，兩種唔同的鮮味撞埋一齊，估唔到係夾到的，吞拿的魚味有點海膽的醬味。 最後食返少少熱野中和一下，日式炸芝士年糕，芝士年糕食落香口，裡面芝士好溶心的感覺。燒帆立貝味道一般，帆立貝口感彈牙，可惜調味唔夠。 飲品都好多選擇：汽水、果汁、涼茶 …查看更多

今天冬至, 約埋家人一起去了旺角番本日式放題, 首嚐當時得令的蒸汽火鍋。 不到7時, 餐廳已經非常熱鬧, 接近滿坐。這裡的食物選擇包括,蒸汽火鍋多款配料, 如海鮮, 肥牛, 肉類和菜蔬等; 除此之外, 還有日式刺身, 壽司, 炸物, 串燒, 料理, 各類飲料, 任飲任食, 每位$208。先來前菜, 辣味螺肉, 胡麻豆腐, 面鼓青瓜等, 最愛胡麻豆腐, 麻香滑嫩。刺身選了三文魚, 白肉拖羅, 帶子, 螺片, 原隻甜蝦刺身等。 件件厚切, 都新鮮可口, 三文魚刺身肥美厚肉, 帶子大隻鮮甜。壽司則點了鵝肝帶子壽司, 松葉蟹棒壽司, 油甘魚壽司, 香蔥海膽碎吞拿壽司； 其中鵝肝帶子壽司味道較特別, 帶點甘香, 但鵝肝份量很少。炸物中最愛紫心香芋丸, 外脆內軟, 不油膩; 及烤有機菠蘿, 經烤過的菠蘿片, 更加甜脆。蒸汽火鍋, 鍋物有蠔, 扇貝, 沙白, 蝦, 肥牛, 豚肉, 菜蔬等任你叫, 還附上每種海鮮所須的蒸熟時間表, 作為參考。最後是火鍋粥底, 匯聚了各種海鮮, 肉, 和菜蔬的精華, 鮮味濃郁之餘, 偏鹹。 加水再煲後剛好, 米粒軟綿, 鮮味可口, 喝了一大碗。食到飽飽的我, 拿著手中的梅酒(都是任飲), 感覺滿足愉快。 …查看更多

平日在旺角西洋菜街的銀行中心對出總常見到一條白色的魚形公仔做生招牌這天跟朋友取過傳單決定一到放題店吃個番本的晚餐朝旺角中心的方向一直走168號的三樓就是番本店址門口人流不少但店員都非常有效率等了五至八分鐘就安排了我們入座由於我們七點半到 該時段是$198一位價錢尚算合理不過見加$50可以有升級食品筆者又怎會錯過呢不論壽司類刺身類沙律熱食天婦羅炸物鍋物甜品等筆者全部都有下單過口癮值得一讚的是番本的確能令食客番本原因是番本的壽司分量都很迷你可愛讓食客可以試匀不同的美食再下單！所以筆者這次可算嘗了很多不同款的美食啊先來的是三色花之戀有別於一般吃到的花之戀以三文魚搭配其他刺身令花之戀口感更豐富而且襯色方面亦不至單調另外筆者發現番本喜以黑松露伴壽司不論三文魚呑拿魚都不難發現刺身上有一點松露配搭的確是重本之作三文魚肥美的脂層入口特別滑溜 幾可溶化加上嫩身的口感值得encore刺身有不同款式特別推介三文魚和白肉拖羅新鮮程度絕對值得一試原隻的甜蝦連蝦頭亦吃出鮮甜感升級後更可吃到帶子赤蝦等食材這樣的價錢絕對超值！筆者最愛還是黃金焗蠔從焗蠔中取出原粒蠔隻鮮香與芝士味配合得吃出生蠔的鮮味混上半膩不濟的芝士香令人份外滿足另外升級餐單可選羊架熱愛羊架的筆者當然會試食落肉質綿軟 每啖都係肉脂質肥美 連肉食為極上享受微羶更添食羊風味呢飲品方面餐廳絕不吝嗇除了汽水外番本更有清酒梅酒任飲對於好杯中物的朋友絕對能一過口癮呢!…查看更多

從海倫第一次到番本星級日式放題~到現在也快一年了吧?海倫每次想要喝點梅酒都會來呢~來番本必點的基本上就是梅酒了吧?這晚不知道點了五壺還六壺了~大家都喝瘋了~~~但不喝酒精的朋友還是有很多其他飲品可以點啦~先來點前菜~都是很基本款沒甚麼特別的螺肉跟中華沙律一類~海倫比較喜歡的是這個豆腐~胡麻汁很香~而豆腐也很滑~再來的就是重點的刺身啦!!!這家放題好處在於點的數量基本上都上得足的~而且很新鮮,不會有腥味或雪味~海倫個人最喜歡吃希靈魚~而榮螺也是很推介的啦~到飽肚一點的東東~海倫很喜歡吃手卷~因為貪那大片紫菜~不過很多店的手卷都是預先包好~所以都變得軟軟的...但這家手卷的紫菜還很脆~不過料稍嫌少了一點點~另一重點項目就是炙燒壽司系列~海倫最推介左邊消失了的左口魚裙邊呢~因為真的很滑很油香~但...真的好小一片喔......而燒物必吃的就有這個雞翼~皮脆肉嫩~燒得很香,但又不會太乾~以及牛舌~間中有些燒得比較焦~但一般都是夠厚身有肉汁的~燒物中也推介燒菠蘿呢~作為甜品來吃也不錯喔~~天婦羅做得不油膩~海倫最喜歡這個紫蘇葉雞~紫蘇葉真的超級香的!!!而一口甜薯也很好吃的~~多吃了也不覺太膩~來過三次~每次都覺得很滿意~真的是很難得的一家店呀~海倫以後還是會再來的喔~~…查看更多

這晚我和兩個朋友一起聚餐，因為我們都很久沒有吃過日本菜了，所以今次便來到番本日式放題食晚飯了。我們一早便訂了8:00pm的位，雖然我們提早了15分鐘才到，不過仍然要等到8:00pm才進去。四人座位很寬闊，坐得很舒適。放題的形式是剔menu下單，一個價錢食物任選不限次數，然後侍應便把食物送來，不需要我們出去拿，真的十分方便。而侍應送菜的速度都ok。食物的確比較細件，不過賣相十分精緻，就好像這碟芒果三文魚壽司，一兩啖就食完，但這樣反而讓人可以有多些空間叫多些不同菜式。魚生都很厚切而新鮮，甜蝦也很鮮味，放在有假花裝飾的玻璃碟覺得很特別。黃金焗蠔我們已經一叫再叫，蠔仔都幾大隻，焗了一層芝士之後，口感很香滑。壽司上面舖了少許黑松露醬，雖然我覺得大家的味道不是太夾，不過倒欣賞餐廳的創意。今次是我第一次吃三文魚皮，質感有點像海蜇，很爽口彈牙，加了少許芝麻汁之後就更加惹味！和風牛肉粒切到細細粒，肉質頗嫩滑，一點都不靭，連同醬汁一起煮，很好味也容易入口。上面的紅絲，吃下去卻有少許香辣。汁燒翠肉瓜串，加了燒汁之後，味道不淡不濃，有一點點濕度的，都幾好食。食物比我們想像中精緻和好吃，比起有些平價的日式放題更好吃，下次經過的話都有機會再來的。唯一的缺點是，我們叫了部分食物遲遲未到，還以為是漏了單，怎知到了差不多我們要埋單時，有幾碟食物便突然送來了，幸好我們打算叫的甜品還未下單。如果這點能夠改善的話便更好了。…查看更多

不論幾位或者一大班朋友聚會, 有時候都頭痛選地點、菜式等問題~每人喜愛都各有不同, 未免順得哥情失嫂意~因此, 食放題有時候不失一個好選擇, 食物多選擇, 總有一款合心意! 加上番本就在旺角中心對面, 極為方便。單是點菜紙都有十幾張, 像回到考試做mc 一樣的頭痛而且食放題是按每個人收費, 朋友是大食王都不怕了XD現在天氣已轉涼, 食火煱的確是不錯選擇。而且更有番本升級體驗, 只要加多$50 就多7樣豪華美食任點, 升級後會有星星以作識別。升級體驗 - 忌廉煮藍青口: 忌廉汁味道十分出色, 不會太膩或太鹹, 個汁好滑, 加上藍青口很新鮮, 這個很快已清光。牛油蒜香炒帶子: 一碟份量已好多, 帶子充滿蒜香味, 趁熱食味道較佳。升級體驗 - 日式蟹粥: 因為生活習慣, 喜歡先食點暖 (如湯) 的東西來熱胃, 粥是合適之選。之前食其他的放題, 蟹多數約手掌心大小, 第一次見咁有份量的蟹, 還有不少蟹膏。因為我太忙食其他食物, 食蟹太用時間已交給朋友, 朋友說很鮮味。如果我肚還有空間, 應該會再encore蟹粥, 加$50 值回票價~升級體驗 - 刺身包活 特大赤蝦、帶子、北寄貝等: 全部刺身新鮮, 特大赤蝦對我來說份量適中, 彈牙爽口, 而帶子都算厚。相對地這些甜蝦有點失色, 其他都算ok。壽司: 我看到不少檯點了很多壽司, 而且用high tea stand 來盛放好特別。飯算軟熟, 三文魚配黑松露幾特別、而蟹捧壽司夠新鮮, 跟出外食壽司的沒分別。黃金焗蠔: 怕食生蠔的朋友可以試這個, 絕對沒有蠔的腥味, 微燶的表面, 內有芝士、洋蔥幾惹味。鹽燒雞中翼: 燒物之中這個我最愛, 雞翼皮燒得好脆口, 鹽燒味道適中不會過鹹, 肉也好嫩滑, 這個我已encore多一次。日式芝士年糕、一口芝士豆腐: 全是番本推介, 咬開日式芝士年糕夠煙韌鬆軟及濃厚芝士香味, 而一口芝士豆腐相比口感起較普通, 咬開中間有芝士而已。少飲酒的我, 因為朋友點了也來輕嚐少許飲杯吧~左邊的冰梅酒易入口, 有微微梅香, 而右邊的清酒熱飲我覺得太濃不適合我。其他的燒粟米 (較乾)、軟殼蟹手卷 (軟殼蟹未夠熱) 就一般般甜品 - 除了這些外, 還有芒果布甸、雀巢杯裝雪糕。我較喜歡食雪米滋, 綠茶及香芋都不錯。而炸朱古力香蕉這個必點, 薄薄的炸皮包著香蕉, 咬入去香蕉還有微暖的感覺, 配上朱古力極滋味, 感覺幾溫暖幸福。最後服務效率及態度值得一讚, 加上座位不擠迫, 大家都食得高興暢談這2小時。…查看更多

上星期同姊妹s去行花園街睇吓有冇D轉季靚衫啱心水行花園街真係好似打仗一樣體力消耗勁大真係要食好啲好耐都冇食過日本放題所以就試咗呢間番本星級日式放題地點好就腳就係以前PCCW樓上食物款式真係超多由a-k一坐低即刻 like Facebook因為有大大隻赤蝦刺身送+$50 就可以追加我一坐低咩都唔理第一件事開始點刺身我最愛亦都係最貴重番本嘅食物食物水準唔錯刺身好新鮮個蟹粥好正壽司質素同班長差不多焗蠔好 creamy燒烤串串上枱嘅時候都係熱辣辣環境裝修都好乾淨入座計限時兩小時全晚都好full有心理準備坐位比較密我想講服務真係一般除咗有一位中年女侍應系好好禮貌之外其他年輕的小伙子簡直係做到黑面埋單每人二百二十真係抵食下次會考慮食lunch因為好似$168勁抵…查看更多

旺角都真係好多放題, 但想係旺角食到有質素既放題其實都唔容易, 今次我就揀左呢間番本!好在我之前已經BOOK左位, 所以唔係點洗等就入左去啦, 入到去個環境都係同一般放題咁上下, 不過我既目標係食物, 所以OK LA!佢其實都算係有幾多野食, 我見到佢好似可以加50蚊變做星級放題, 有帶子同大蝦刺身仲有個蟹(竹)添, 不過由於我唔係幾好刺身既關係, 所以我冇加到. 但係其實佢有個驚喜就係佢有清酒同埋梅酒任飲, 係放題黎算係一件幾難得既事, 所以即刻揀左佢個梅酒黎試下!佢個梅酒都真係可以一試甜甜地又有啲酒味, 幾岩女仔飲!之後就黎左啲刺身呀, 壽司咁, 刺身就一般啦,都夠新鮮, 但係本人就唔係太好, 而壽司方面就值得推介比大家試下, 幾好食飯唔太散又唔會太大, 剛剛好, 而且款式獨特熟食方面就一定要食佢個牛肉粒, 夠香夠惹味, 特別係我中意食牛肉, 所以見到佢都流口水!有D想送飯食tim呀><而炸物方面就一定要食呢個炸雞軟骨, 又香又夠脆, 上到枱都冇(林), 加埋梅酒感覺非常夾! 送酒一流咪lee d囉 ^333^而另外佢個芝士年糕都要一試, 夠香,芝味又濃, 可以一食再食! (不過都幾膩ga)燒物中最愛一定係呢個粟米啦, 本身我就好鍾意食粟米ga,  因為佢真係夠甜, 岩晒我口味!翠玉瓜都不錯既, 但唔係特別野, 唔一定要食最後甜品方面, 都係啲雪糕同糯米滋咁, 唔特別, 冇咩驚喜!!總括黎講食物質素同埋服務都好好, 不過走單既情況就小不免既, 但咁既價錢我一定會再做回頭客既!…查看更多

因感冒早咗收工之後同 mami 去MK行街街，原本打算是是旦旦的填飽個肚就算，行到近某條街的轉角位就接到這間放題店的廣告傳單，感覺超吸引，因為很少吃覺食放題，就咁樣我地就跟著傳單的地址去了。Set 得齊齊整整，真係未食 先興奮呀!只要加多50蚊就可以有「升級體驗」。「升級體驗」就係可以食到特大赤蝦刺身、 油甘魚、北海道帶子、北寄貝刺身 等等。大赤蝦刺身的蝦膏夠甘香，肉又甜又彈牙， very good! 北海道帶子，肉地厚身又鮮甜。 北寄貝、油甘魚 都係又鮮又夠肥美。淨係呢幾樣刺身，真係番叫多一兩次來食都已經可以番本啦!梅酒、Sake 、汽水，全部都係任叫任飲。壽司/軍艦，好多款式! 多到跟本唔知食乜好 只點佐一d特別的來食。紫菜好脆口，壽司飯好柔軟。真係好好味道呀! 但係就比較大件囉。芝麻醬豆付，滑溜又夠味道，依家諗番起都口水流。串燒牛肉粒，燒得好惹味，肉質夠 tender 又 juicy。 好想番叫可惜個胃已經冇乜空位。燒羊架，都係燒得好惹味，不過羊味較重，唔係好啱我，不過 Mami 就超 like 。當晚其實我地仲叫咗一啲食物嘅，不過我手機冇電，又冇帶奶媽，結果影唔到相，搞到依家寫唔到囉。我覺得呢間放題店嘅食物都幾好食，希望 keep 得住啦。 I will be back 。…查看更多

自從上星期 "為女兒慶祝生日'" 吃過放題後便一直對壽司刺身念念不忘 ~  當天, 未知是否為食鬼又上了我身, 上班時腦海中不停地浮現著魚生、壽司、燒物..... 我跟太座說, 話之 "賓賓" 煮了飯, 我今晚必定要去番本食放題! 我要食放題!  我是個言出, 必由老婆代行的Hea人, 於是太座便book了6:30pm ~ 6:30pm 時段每位$198 , 任食2小時, 埋單前半小時是 last order ~ 看見這一大疊入單紙、我忽然又記起公司手頭上的訂貨單 ~ 每位另加$50就可以升級任食赤蝦刺身、北海道帶子刺身、油甘魚刺身、北寄貝刺身、燒羊架、蟹粥、忌廉藍青口 ... 還會給你一粒 "星" 以作標記 ~飲番杯冰凍梅酒, 盡解世間一切煩擾 ~　(任何時段都, 清酒/梅酒 都是無限任飲) 刺身非常新鮮, 肥美厚身, 厚薄切得適中 , 而且厚薄均勻, 海產味濃, 沒有雪氣 ~我最愛的, 當然是, 肉質細緻鮮嫩, 蝦頭內滿有蝦膏的 "赤蝦" 第二最愛是 "帶子"  其味鮮甜, 肉質細緻嫩滑, 鮮味滿載~壽司款式多不勝數, 很多都滿有特色, 坊間少有 ~ 飯粒不痴牙不黏口, 醋落得適中~ 飯糰握得不死實, 蘸豉油後也未散開~其他食物如 沙律、黑松露溫泉蛋、煮物.... 都不過不失 ~尤其喜歡 "和風牛柳粒",  入口柔軟, 肉味濃郁, 醬汁醒胃惹味 ~ 焗蠔好味! 焗得夠火喉, 沙律醬不過厚, 蠔肉肥厚, 也沒有多餘的水份 ~孜然牛肉粒串, 烤得恰到好處, 孜然落得適中, 牛肉也十分軟腍惹味 ~天婦羅, 算是炸得較為一般.... 油份不算多, 但其炸漿就比較厚身, 大大影響了咬口感~  以當晚全場爆滿的情況來看, 既沒有甩單也沒拖單, 食物也算是上檯快, 讚!另外亦需要讚一讚侍應生的服務態度, 未見有黑臉之餘, 還以笑臉迎人, 敬業樂業, 好!…查看更多

是咁的，好少嚟MK嘅我，懵下懵下咁跟住屋企人食到嚟MK @@話說，今日係在下嘅家姐生日，一放學就立即飛奔到MK同家姐慶生喇 ~~飲品冇乜特別，都係汽水呀~ 啤酒呀~ 清酒之類，唯一特別係有梅酒。放題食刺身是常識吧 刺身嘅海鮮味重，非常可口。 不過有啲刺身俾冰粒痴住咗，肉轉硬咗。 :( 前菜 - 味付三文魚皮滑嘟嘟嘅三文魚皮，加上醬汁，同我地平時食開嘅螺肉、八爪魚差唔多。唔錯唔錯 ~~前菜 - 和風珍味浸白蜆蜆肉冇沙，味道好鮮。壽司 - 火炙三文魚、柚子胡椒針魚、左口魚壽司飯煙韌冇痴口，有醋味。料理 - xo醬炒魷魚鬚魷魚鬚比較少條，冇乜xo醬味，太多汁。燒烤 - 炭燒冬菇串，鹽燒雞中翼雞中翼冇乜特別同普通燒雞中翼差無幾。料理 - 日式清酒煮蜆蜆肉好鮮甜，清酒味重 超正！湯物 - 人蔘雞湯人蔘味重。好正 甜品 - 鮮芒果布甸 :( 冇鮮芒果 :( 羅拔辰魚膠粉味 :( 似啫喱多啲 :( 甜品 - 炸朱古力香蕉 熱辣辣嘅炸香蕉外脆內軟，再加埋朱古力醬... 超正呀~~~~~~ 我詞窮，完全諗唔到除咗超正呢兩隻字外，仲可以點形容囉 終於到Last Order喇，員工好有禮貌咁同我地跟，態度都好好 ~~~…查看更多