秋山和食屋

能夠屹立喺旺角警署附近嘅黃店都值得尊敬今日又喺太子搵食突然好想好想食日本嘢雖然疫情期間食魚生好似有啲冒險所以更加要搵有質素嘅居酒屋咁先至食得安心本身接電話嘅小妹妹就已經好親切好helpful入到小店座位不多名副其實居酒屋格局一個L字嘅吧枱 可以見到師傅整食材師傅心情應該幾好一直冇停過吹水可能咁啱有班熟客坐佢面前亦都因為咁我份壽司拼盤等咗好耐不過小妹妹笑容真係太好(隔住口罩都見到)亦都非常有禮貌所以亦都冇覺得唔高興只係真係好很肚餓除咗吧枱 仲有幾張二人枱同一張四人枱雖然店面細細但係整體感覺都幾溫暖同舒服食物方面真係好高質由餐前小食到松葉蟹飯同刺身拼盤到炸豆腐同串燒都有板有眼真心值得推介個價錢唔係平但係對得住佢嘅質素所以我都會再去❤️…查看更多

想搵間比較有特色既日本料理店～可以回味似日本居酒屋既格調～於是巧合係網上搵到呢間食店，我與朋友共四個人預先book定位，座位都坐得幾舒服～食物質素比得上日本居酒屋！魚生、壽司都好新鮮又好味，呢間隱世小店係值得一試！我地都會再幫襯…查看更多

今日約咗舊同事一齊吃晚飯聚舊，揀咗依間日式居酒屋。太子幾就腳，位置都幾近地鐵站。我哋四個女仔叫咗兩個飯、一份壽司拼盤、一啲小食開心share。壽司同魚生飯嘅刺身都非常新鮮、又厚肉，正！鰻魚飯塊鰻魚都燒得好惹味、都係啖啖肉架！仲嗌咗幾份串燒：雞皮、雞肉、雞腎、牛舌。小食叫咗雞絲海蜇、雞泡魚乾、芝士年糕。仲叫咗一支梅酒！酸甜酸甜好易入口，值得推介！小食份量唔多，但係好味嘅，佐酒一流！店入面牆上貼咗唔少文宣，小店座位唔多，記得要book枱！…查看更多