幸圓 (已結業)

難得鰂魚涌開左呢間有誠意既日式餐廳，餐廳既食物除左有心思，又打卡able，服務員都好有心，用心介紹不用既菜式，服務態度一流。餐廳環境光線充足，有d少女既感覺，坐得都好舒服，但餐廳係open area，樓層的一旁，所以最好揀坐窗邊位置。松葉蟹海膽三文魚籽丼-呢個丼飯超新鮮，除左有大量松葉蟹肉，仲有蟹膏係底，超鮮甜，海膽似係加拿大的，但大大啖，新鮮搭夠。松葉蟹肉重配埋蟹籽，口感變得脆口。黑松露野菌魷魚筒墨汁意大利飯，首先唔可以俾佢既賣相誤會，入口出奇地清新，因為魷魚筒入面係炒左野菜粒，有翠玉瓜、黃椒、野菌等，味道新淡，有菌香但唔會好搶。意大利飯煮得口感啱啱好，配上三文魚籽既鮮甜，味道鮮甜而清新。賣相重好靚📷甜品有士多啤梨芭菲，賣相好打卡able，面層有士多啤梨雪糕球、雜莓、食用花朵係面作裝飾，之後有軟身嘅士多啤梨雪糕、雲呢拿雪糕，中間再夾有士多啤梨果醬，酸酸甜甜，溝有脆米增加口感。飲品-Home made lemonade， 呢個飲品好啱悶熱嘅夏天，唔會好甜，好fresh，令人退去暑熱。…查看更多

以前和朋友行完山，偶爾也會到幸圓歇一歇。餐廳位處銀座式商廈一樓，面向熙來攘往的街道，日光從一列大玻璃窗透進室內，綴以大形日式紙燈籠、木質傢俬，一室簡潔明亮感，置身其中享用美食，也算是一種小確幸。【蟹籽沙律】青瓜雜菜絲加沙律醬和一咬爆開的蟹籽，對我來說可謂百吃不厭的組合，加入鮮甜的蟹柳肉、粒粒牛油果味道居然又幾合拍【香煎北海道珍寶帶子配黑醋汁】刺身級質素的珍寶帶子，份量的確十足，煎至剛剛熟，沿邊位呈金黃色，入口鮮嫩彈牙，味道鮮甜，配合蟹籽和其他菜蔬、甜中帶微酸的橙肉、香醇味濃的黑醋同吃，味道更富層次【赤身香蔥吞拿魚腩蓉丼】晚市定食, 逢星期一至四附送沙津及味噌湯深紅色厚切赤身化身玫瑰形態，肉質依然爽實，拌魚腩蓉口感綿密細緻，每一顆飯粒也洋溢著脂香，與辛辣的香蔥的和爽脆的紫菜絲同吃，倍添風味【松葉蟹海膽三文魚籽丼】望住這款丼，真的有種滿瀉澎湃的感覺。 壽司飯上面分布著不同的配料 :大量清甜可口的松葉蟹肉、 一埋飽滿甘甜的海膽、三文魚籽、蟹籽、鬆脆的紫菜片、一雙肉質爽嫩的蟹鉗和原隻松葉蟹蓋，蟹蓋原來內有乾坤，充斥著大量甘香的蟹膏，整體質量之高，誠意十足，色彩鮮豔，精心擺盤，打卡一流，如同餐牌上所形容 ”最高の滿足”。原本已經吃得飽飽地，飯後無甜品押尾，始終心有不甘【宇治抹茶芭菲】層次分明，內容豐富，打頭陣的抹茶雪糕屬微甜，有淡淡宇治抹茶奶味，抹茶蕨餅味道相對稍濃，與白肉一樣煙韌，配搭粒粒紅豆蓉、脆米、忌廉芝士等，每一匙也吃到不同層次和口感的順滑抹茶甘味【士多啤梨芭菲】夢幻粉色，惹人喜愛，內有士多啤梨、雲呢拿雪糕球、帶微酸的士多啤梨乾脆脆、新鮮藍莓、紅莓、士多啤梨、白色脆米、鮮忌廉，底層還有士多啤梨漿，層次豐富，味道醒胃估計因為要預留時間供客人影相打卡，所以雪糕球雪得有點硬，亦的確，我們擺佈完杯芭菲一輪，雪糕仍能保持原有大少，没有走樣，可見餐廳細心之處。闊別了一段時間，今晚再重臨，除換了新餐牌外，環境和服務質素也依舊保持水準。…查看更多

呢間餐廳我想嚟好耐，但係一直冇時間，近排終於有時間過嚟試吓佢嘅丼飯同甜品啦˃̵͈̑ᴗ˂̵͈̑佢啲料理賣相幾精緻，令人心情好愉悅˶‾᷄ꈊ‾᷅˵✎ 幸圓北海丼 材料有魚籽、三文魚、帶子同鮮蝦，全部都好鮮甜，咬落軟腍，入口即溶嘅感覺˶‾᷄ꈊ‾᷅˵飯口感彈牙，微酸，略濕潤，灑上飯素，令到飯嘅味道唔會太單調，更增添日本風味～✎ 士多啤梨芭菲雪糕充滿士多啤梨同yogurt 味，而周圍灑上藍莓粒同紅桑子粒，伴隨雲呢拿cream。食到中間，仲會咬到啲類似炸蒜口感嘅材料，增加層次感，而最低有啲酸酸哋嘅士多啤梨粒。整體嚟講，外觀幾色彩繽紛，令人望落好開心，味道甜甜酸酸，美味可口～✎ 自家製草莓焗鬆餅 Pancake極重雞蛋味，質感比較實，唔係口感鬆軟、好彈個種，但係我比較鍾意食後者個種´༥`鬆餅中間夾住軟滑嘅cream，仲時不時食到脆脆哋甜甜哋嘅糖霜同酸酸哋嘅士多啤梨，口感多變唔會悶。✎ 凍檸檬茶 唔知大家認唔認同，睇一間餐廳好唔好食，叫佢杯檸檬茶嚟飲就知๑˃́ꇴ˂̀๑呢間餐廳嘅檸檬茶幾好飲，甜得嚟又帶點檸檬嘅酸，飲落唔會苦澀～…查看更多

星期二約了舊同事食吃下午茶，讓我可以吐一吐心事，抒解鬱悶。我們在我家對面覓食，進了這間裝修不錯的餐廳。Tea Set包一杯凍/熱檸檬水或檸檬茶。黑松露薯條薯條熱辣辣，不是放到腍晒那種，而且黑松露醬好好味，和薯條好夾。日式咖哩海鮮炒烏冬有少少辣，每條烏冬都沾滿咖哩，十分惹味。肉桂蘋果牛角包窩夫配以雲呢拿雪糕，窩夫香脆，同蘋果蓉一起吃更好吃，好正。士多啤梨芭菲賣相吸引之餘，層次豐富，鐘意有脆米既的卜卜脆口感，充滿少女心。凍檸茶走甜。…查看更多

得知鰂魚涌附近開了一家特色和風餐廳，忍不住過來試一試。餐廳裝潢以自然大地色為主調，大玻璃對著街景，座位寬闊，坐得舒服。餐牌所見，餐廳提供主食、甜品和飲品。⭐️香煎三文魚扒配青芥辣忌廉汁$188煎三文魚配上各款蔬菜，例如秋葵、粟米、紅蘿蔔、珍珠筍等，底下墊著薯蓉。三文魚外皮煎得很香脆，魚肉香嫩，配搭配菜相對健康。⭐️冷蕎麥麵$68蕎麥麵配鵪鶉蛋，沾上醬汁，口感爽口有彈性，⭐️燒豚肉串$24小小一串燒豚肉串，燒得軟嫩好吃。⭐️士多啤梨芝士奶蓋牛角包窩夫$68最期待的莫過於士多啤梨芝士奶蓋牛角包窩夫。小小一塊牛角包窩夫，淋上士多啤梨芝士奶蓋，再加上士多啤梨作點綴，還有士多啤梨雪糕和士多啤梨醬。牛角包窩夫入口鬆脆，芝士奶蓋口感幼滑，且帶鹹香，很滋味。⭐️士多啤梨芭菲 $58士多啤梨芭菲層次分明，頂層有兩球雪糕，分別是雲呢拿和士多啤梨雪糕，下一層是士多啤梨奶蓋，接着是脆米和士多啤梨醬，下一層還有忌廉和士多啤梨。入口奶香突出，尤其是芝士奶蓋，的確完勝一般的忌廉，口感豐厚，既甜又鹹，滿足了視覺和味覺的要求。…查看更多