Lonely Paisley

拿拿食評系列 #Lonely Paisley社交平台見過好多次，終於嚟試了~一入到店，右邊就系3張土耳其特色枱，職員會問你想坐特色枱定系正常既坐位，為左打卡，當然要坐特色枱~坐好之後睇Menu，最後2個人都決定食熱賣既土耳其早餐，$148包左杯土耳其茶，土耳其早餐真系好有驚喜，好好食，佢有4款唔同既醬比你去點，每一款都好好食，4個口味各有特式，有甜有鹹，本身以為舖頭主要系打卡，冇諗過我會因為食物而想再光顧！土耳其茶都幾好飲，搭配佢個早餐，岩岩好可以解膩！因為睇Menu既時候，見到佢啲Dessert聽落都幾吸引，就叫左2件啦，點知…真系好甜，甜到，我食左一啖就接受唔到！我本身唔中意啲太甜既野，可能對佢唔系好公平，可能中意食甜嘢既人會中意既…見到Menu有咖啡，作為咖啡控，都叫左一杯試下，第一次飲Piccolo，個人對佢既評分都幾高~土耳其早餐附土耳其茶HK$148土耳其開心果千層酥 *HK$58*我真系唔中意太甜，如果奶茶飲開全糖既人可以試下日本柚子芝士蛋糕 *HK$48*我真系唔中意太甜，如果奶茶飲開全糖既人可以試下PiccoloHK$42下次嚟絕對唔會叫Dessert！！！…查看更多

✨ 土耳其早餐·附土耳其茶（$148）店員將早餐每一款食品都逐一介紹，非常仔細。三款芝士三種鹹度，單食同夾埋芝麻圈一齊食都唔錯 😝；芝麻圈有咬口得嚟帶少少香脆，相當唔錯，另外仲有唔少配料包括蛋、青瓜等等，配埋幾款醬（杏脯醬、辣蕃茄醬、無花果醬同蜜糖）一齊食都唔會好單調。✨ 伊朗香草燉羊（$178）羊肉份量幾大一舊，臊味適中，燉得非常淋軟，落咗唔少香草令味道幾濃郁，配料嘅薯仔同蕃茄都唔少。✨ 印度薄餅（$20）（加黑蒜醬+$10）➡️（$30）叫印度薄餅係想配埋羊一齊食 😝，因為好少食黑蒜醬起初有諗過會唔會好重味/奇怪味 😂，不過估唔到點薄餅好滋味 🤭，同羊肉夾埋一齊食都唔錯。✨ Remember Me（$68）菠蘿、青檸、蜜糖等等而製成嘅Mocktail，味道偏酸，幾精神一振 🤔。·位於深水埗嘅土耳其餐廳，店內處處充滿異國風情，擺放咗好多精緻嘅裝飾品，裝修都相當富有特色，睇得出花咗唔少心機。近門口位擺放咗三張床鋪(？)座 😆，為店舖增加特色。臨走嘅時候店員仲送上手寫心意卡（我食過兩次兩次都有收到），相當有心思。·🧾 需加一服務費💰 $466❤️ Follow @852foodietraveller ✨…查看更多

嚟到深水埗除咗要去知名度極高嘅西九龍廣場同埋鴨寮街之外當然為咗食嘢都要周圍行吓尋覓下， 😗比起其他旺區深水埗反而更多一啲傳統食物，又或者係一啲新奇嘅餐廳。 行吓行吓就搵到一間極度罕見嘅土耳其餐廳，再入去就會發現更多。 😝Lonely Paisley 呢一度入到去首先就會見到好多土耳其嘅佈置🤣除咗外觀上特別之外，連餐牌都同我哋所接觸到嘅土耳其食物都有少少唔同。 😝土耳其早餐— 🍽️就用早餐來做比較，可以見到土耳其嘅早餐相對來講就比較簡單同埋原始， 首先就有類似麵包嘅包類，🥯喺佢哋國家就叫做Simit ，係一種圓形麵包，通常塗有芝麻，或者罌粟、亞麻或向日葵種子，味道上都幾特別，🥯比較注重嘅就係鬆脆度、咀嚼性，感覺就好似油炸鬼咁樣，🥯但係裏面依然係保持麵包嘅狀態，飽肚感都算幾足，🥯當然可以點下土耳其嘅特色醬料，例如杏脯醬，牛油🧈，同埋辣茄醬🍅，無論係鹹嘅定係甜嘅醬都顯得幾夾。 🥯然之後就係有三款芝士，有條狀有原味同埋烤過嘅芝士，🧀味道上傾向冇咁濃郁，就唔似車打芝士嘅味道咁重，🧀相反就美味嘅奶味顯得幾特別同埋更開胃。 🧀另外仲有煎蛋配Salami. 作為早餐，🍳當然唔少得有蛋同肉類，簡單呢三個配搭都已經係飽肚嘅必備，🍳補充能量一流。 另外亦都會奉上土耳其茶，🍵就係一杯紅茶另外糖就將佢變為好似壘球棍一樣，🍵想幾甜就自己攪動，確係好有特色🍵熱情果芒果芝士蛋糕— 🍰食完個早餐當然都要有甜品做結尾，呢一款熱情果芒果芝士蛋糕，🥭除咗面頭有熱情果顆粒之外更加大驚喜嘅就係將芝士同芒果融為一體，🥭咁就有一種酸甜嘅感覺就零瀉擺脫左厚重嘅感覺，🥭清新同埋自然嘅感覺令人如釋重負，面頭嘅小花亦都帶嚟額外嘅芳香感🥭Sirma石榴汁有汽水— 🍹清新嘅食物，當然唔少得解渴嘅有汽水，🍹強烈推介食任何食物都可以配呢一款石榴汁有汽水，採用左純天然嘅石榴汁，🍹形成自然嘅紅色，強烈嘅氣泡帶嚟非常解渴同埋消膩嘅作用，純天然無添加，值得一叫🍹Lonely Paisley (深水埗)深水埗福華街182-186號怡華閣地下A號舖…查看更多

第一次試食土耳其餐廳 雖然係cafe 但環境相當融入土耳其風 多姿多彩 除咗適合打卡厄like之外 食物亦都吾差👍2個人叫咗All day breakfast 同雞卷我哋叫咗lunch set 雖然前菜系普通沙律 但落左黑醋 又唔會太清 又提升口感 另外亦配上一小塊的芝士 詢問之下先知原來係用羊奶乳酪制成 試咗一塊 口感唔臊 本人好怕食羊臊味 但佢呢塊有種淡淡的芝士味 可以接受土耳其茶幾好飲 店員話系紅茶 但佢有一種清香系入面 唔似紅茶咁濃烈 👍All day breakfast 個乳酪吾會好甜 配搭上提子乾啱啱好 啡菇太黑啦 但冇影響口感 算系咁啦⋯⋯ 成個餐最好食反而系塊面包 夠煙韌有口感 唔似平時啲包咁硬 土耳其雞肉卷🫔比較欣賞佢系全麥粉去整成 較為健康 食落又唔會太硬 試過有間系好難食 菜肉分配啱啱好之餘 醬汁亦唔會多到漏出嚟 調節得啱啱好整體嚟講 環境又靚 打卡一流 食物又有相對的素質 價錢亦都合理 值得一試…查看更多

Lonely Paisley 位於深水埗 是一間多國菜的餐廳餐廳飾品食物都充滿異國風情喜歡它其中一句標語Lonely but not Alone原來餐廳創辦人時常舉辦籌款活動. 這句說話鼓勵需要幫助的人！店內頭3張枱最巨特色.所以即刻就要打卡.非坐不可之選！脫鞋後坐上去.中間一張方形茶几.加上音樂 感覺置身異國.完全忘記香港。在這裡有種說不出放鬆,很適合朋友聚會聊天！我們選了一桌子食物.最喜歡是土耳其早餐.早餐內有太陽蛋.辣肉腸2片.3款芝士.芝麻飽.沙律菜.青瓜條等四款醬料 ：杏甫醬.無花果醬.茄醬.忌廉蜜糖。用以配芝麻飽早餐有杯土耳其茶。細細杯好可愛旁邊有支糖棒.可以調味用。茶的味道像烏龍茶（可以無限添飲）3款芝士特別喜歡烤的款式.芝士味香濃帶煙燻芝麻飽超驚喜，第1次吃這款式.就算不塗上醬.芝麻味好突出，外皮滿滿芝麻粒還帶脆口好喜歡！可選擇加$38要多份芝麻飽！牛油果素菜卷 以大大件牛油果、生菜、紅蘿蔔絲、洋蔥絲 配白色沙律醬 酸酸地好開胃！土耳其開心果千層酥外面雖然酥皮酥脆口感但中間很凍.中間一層層由開心果片、果醬、蜜糖材料.煙韌香甜不膩.很精緻一款土耳其甜品！選了土耳其出產紅石榴梳打 味道比想像中甜,而紅石榴味道像果汁汽水,可以放心沒有藥水味好好喝！結脹時還有張心意卡送給客人.手寫鼓勵說話.多溫馨！…查看更多

今日去深水埗發掘高CP餐廳，搵咗呢間異國風情嘅土耳其主題餐廳 Lonely Paisley，望梅止渴下去旅行嘅人生。我哋叫咗土耳其早餐，附送杯土耳其茶。土耳其早餐主要係芝麻包、沙律、莎樂美腸同蛋，配三款芝士同四款醬。三款芝士有兩款顏色偏白，味道比較淡，絲狀芝士口感仲好特別，可以由佢哋開始試，深色嘅芝士就煎過，食落陣陣鹹香味。四款醬料分別係無花果醬、杏脯醬、Honey and cheese、番茄泥 (Acuka)，我最鍾意就係清甜嘅無花果清甜同甜中帶鹹嘅 Honey and cheese，食到停唔到口。土耳其茶係薄荷茶底，附上一支冰糖棒，俾食客自行攪拌調較甜度，冰糖味道清清地，從薄荷茶好夾。天氣熱朋友叫咗杯Cold brew，清涼得嚟少少回甘。最後叫咗土耳其烤雞肉卷，比一般kebab多菜清新，相對健康。…查看更多

位於深水埗福華的這間土耳其餐廳，裝修頗有特色，店內擺放了大量土耳其飾物；尤其係店門前這三張「床」，更是打咭熱點。坐在這裡叫上一份土耳其早餐，感覺就像去了土耳其一樣，相似度更迫近100分。早餐有四款醬料，由左至右順序係：杏脯醬、cream and honey、無花果醬、土耳其番茄醬。食物由左至右、上至下係：土耳其芝麻包、 Non-fat 芝士、牛奶芝士、山羊加绵羊芝士、燶邊太陽蛋、雞肉腸、青瓜、沙律菜及車厘茄，另有一杯土耳其茶及蜜糖棒捧，而土耳其茶更可無限添飲。自己最喜歡芝麻包，香脆可口又飽肚，配上cream and honey最合拍，而配甜甜哋嘅杏脯醬也相當不錯。食物有水準，價錢適中，如果可以坐在「床」的位置食用，就更覺物超所值，唔知是否可預約坐在這裡嘅呢？Lonely Paisley地址: 深水埗福華街182-186號怡華閣地下A號舖電話: 98890250…查看更多

假日和友人去深水埗逛街，再次來到這間餐廳早早吃個晚餐。店內的佈置在其它餐廳罕見，從街外的櫥窗往內外，便會被店內色彩鮮艷而具民族風的裝潢吸引。近窗有三張中亞沙發床枱，可脫鞋坐上去享用餐點，別有一番中亞風味。土耳其早餐($148)是每次必點的食物，色彩豐富，食物大份、多樣、特別之餘，也附土耳其茶，不用再另點飲品。土耳其茶配糖棒很香甜，如再熱一些會更香。這款早餐用上精緻的擺盤，特別是那四小碟的果醬——杏脯醬、阿吉卡(acuka)、無花果醬、蜜糖忌廉。把香口微溫的芝麻包蘸點不同果醬，能帶來不同的味道，杏脯醬內還包含一片杏脯，鋪在麵包上吃，香脆的麵包帶有甜蜜的杏桃味。看上去像蕃茄醬的阿吉卡微辣，加入沙律菜吃很香口。無花果醬比杏桃醬清甜，配上芝麻包，能突顯其香脆。至於蜜糖忌廉是我倆最喜歡的，不論加入麵包、薯條，還是其它食物，都有濃郁香滑的忌廉和蜜糖甜味。三款芝士的口感也甚佳，當中最具嚼勁的是塊狀芝士，其次是如魷魚絲般的芝士，蘸果醬後味道更佳。炸粗薯條配自家制黑蒜醬($58)，粗薯條香熱的薯香，配微淡的黑蒜醬。份量適中，兩人分享加一碟主菜和飲品已夠飽。另點了Night Istanbul ($88)，一壼燙熱的熱帶果茶，加入玉桂、粉紅玫瑰花蕾、薑、木槿、黃春菊、金盞草，有不同的果甜，也有玉桂和木槿的清香，適合兩人飲用。…查看更多

兩年前的畢業旅行本身有想過去土耳其，但無奈因為COVID去不成。現在光顧位於深水埗的「Lonely Paisley」，透過特色擺設與食物望梅止渴，也是不錯選擇。「Lonely Paisley」是香港少數以土耳其作為主題餐廳的Cafe，四處擺設散發濃厚民族風味，再加搭特色美食，閉上眼睛坐在地毯，猶如置身在異國般寫意！😎🌟土耳其早餐🥣零售價：$148每個國家也有不同款式的All day breakfast ，但土耳其式的全日早餐吃過了嗎？😆這裡的店員為讓客人帶來全面品嘗體驗，都會分別耐心介紹每道菜式。Simit 麵包配上四款醬料 (無花果醬、杏脯醬、Honey Cream及土耳其蕃茄醬)，再襯Cheese-in-3-ways，味道可以千變萬化。從淡至濃味逐一品嘗parmesan、乳酪芝士和halloumi cheese，點上太陽蛋流出來的金黃蛋漿，口感變得溫和順口！🌟土耳其茶(附送)這是土耳其早餐附送的飲料，店員再三提醒可用蜜糖棒因應個人口味調節甜度。外型精美，而且甘中帶甜。小玩意，大樂趣！🌟土耳其烤雞肉卷🫔零售價：$78雖然平日在家經常自製烤卷，但在餐廳襯上亮麗小碟，總是別有一番風味。獨特風味的烤雞，搭上外國最喜愛的Coleslaw，為炭烤帶點清爽，吃極不厭。🌟阿根廷紅蝦香辣青醬海鮮扁意粉🍝零售價：$148紅蝦、青口、魷魚，沾上紅色的辣醬更能帶出獨有的海鮮味。喜歡辣的人，會覺得這裏的調味剛剛好。平日的餐廳只會加配辣汁調味，但這道菜相對把香辣調味變成主角，值得一試！🌟紫•語🍠零售價：$68總覺得紫薯味同土耳其格格不入🤣但質素比得上台灣手調飲料。口感香郁甜潤，香順可口，出乎意料地好飲！整體來說，從食物質素、服務態度還是打卡環境而評，「Lonely Paisley」都能獲得高分評價，甚至執執相便能騙人去了一轉土耳其🇹🇷🤭味道：7.5/10環境：9/10性價比：8.5/10回頭度：7/10…查看更多

見到網上不少這家土耳其餐廳的介紹，今天終於有空和朋友探店。門口設計相對簡單，但內在環境十分舒適，充滿土耳其風味。店舖內牆身有很多土耳其風壁畫，世界地圖及毛氈，客人可以選擇坐普通枱櫈或半躺式床矮枱。餐枱上的墊枱紙都有不同的圖案，好靚。剛有客人離座，我們就選擇了好寫意地半躺在床上享受Brunch第一道菜選擇了土耳其早餐（Turkish breakfast) $148，內有附送土耳其茶一杯。🧀有三款3種芝士， 侍應建議先食芝士碎絲（ 輕輕芝士味）， 然後小塊芝士（清香）， 最後是烘過的大芝士塊（ 較濃味， 相對咸些）。有四款醬來點Simit 麵包，無花果醬，杏桃醬，奶油蜂蜜 / 西班牙蕃茄醬。杏桃醬有果肉，果香味重；奶油蜂蜜都好香濃， 這兩款醬和Simit最配！另外有香腸雞蛋 和沙津，很清新， 味道口感很完整。醬料很多，所以麵包吃完，還剩下不少醬料，加$38 可有額外麵包。附送的土耳其茶，暖暖的帶清甜味，另有一條糖棒，可以自由調教甜味。第二道菜是挪威煙三文魚班尼迪蛋$88蛋生熟度剛好，包晒上邊仲有一排清香新鮮的牛油果片，連煙三文魚片和蛋汁，一啖入口好豐富，還有酸酸甜甜的沙律菜👍🏻朋友另外點了Spanish Dessert Tea $68, 餐牌寫這個茶不含咖啡因，帶有微微的玫瑰，菊花、和紅莓味，茶壺設計都十分別緻。兩人合共$334。不錯的打卡餐廳，食物質素高。…查看更多

第一眼看到這裏，頓時讓我想起那些年新冠病毒爆發前的，那背包之旅，彷彿已是很多年前的事。店內的裝潢充滿中東風味，從牆上的腰果花壁畫到枱上的調味碟，無一不是華麗、色彩鮮艷的圖案。第一眼看到這個名字，還以為是那本著名的背包客旅遊書名字。坐在那中東常見的沙發座，點了一個土耳其早餐 – 附土耳其茶($148)，有三種芝士可夾附土耳其芝麻包Simit。店員會介紹先吃那款比較淡味的芝士，由淡至濃吃。果醬有四種，acuka和杏桃醬，配芝士或麵包也很合適。我最喜歡杏桃醬，芝士條蘸上醬，鹹香中帶甜。半生生熟蛋配香腸，加上小蕃茄和青瓜條，味道多樣而色彩豐富。土耳其茶配上蜜糖條，不停攪拌，糖粒會溶化在茶內，變得香甜。我們沒有把全枝糖棒溶掉，餘下的加到水𠗔成蜜糖水。芝包非常香口，暫時是我吃過最好吃的芝麻包，香脆軟又帶點煙韌，份量足夠兩人分作下午茶。印度薯波配虎蝦冬陰公(6件)($88)，虎蝦放在薯波中間，把冬蔭功湯倒入薯波，香脆中能嚐到微辣的冬蔭功味。蝦肉爽脆口，有點海鮮冬蔭功的感覺。Matcha ($44)，為了那拉花，特地選熱的抹茶。茶味濃郁，拉花跟裝潢上的花紋很配合。如此充滿外國風情的裝潢，在香港比較難找到。未能旅行，閒日過來這裏，吃個土耳其中餐，享受一下外國風情也不錯。…查看更多

今日和友人去深水埗睇電腦，行到累，就上網睇下深水埗有什麼地方可以去食個下午茶，點知就見到這間位於福榮華街的土耳其餐廳，睇落好有特色，所以二話不說就去探個究竟。入到去環境真的很有土耳其格調，有幾張特色的床，床上有一張細小的枱仔，人客可以坐在床上嘆茶，我們沒有咁好彩，因為入去時都算多人，這些床子都被坐滿。所以我們只可以安排坐其他的位置。我見網上最出名的是土耳其早餐，這個雖然叫早餐，但他們是供應到下午六點，所以我一於試下，還叫了一個饀餅添！一上枱，我已經被它那種七彩繽紛的食物和餐具吸引，見到那些色彩都很悅目。土耳其早餐裡面有用上芝蔴圈，還有蛋，腸，沙律，烤芝士，三款不同的芝士粒和雞肉等等，都很豐富，最大特色是配這個早餐的果醬，甜酸果醬和鹹同辣的醬料樣樣有齊，等客人可以將食物隨意點用，烤芝士煙煙靱靱很得意，配上雞肉，沙律，加上什果醬配搭都很好吃，我最欣賞是個芝蔴圈，軟腍得來，面頭的芝蔴令到麵包面頭脆脆的，加上它們的蜜糖醬非常匹配。腸也很有肉味，我都未試過吃土耳其早餐，今日總算見識過了，果然與別不同！土耳其早餐裡包了一個土耳其茶，茶來時，會附有一支甜棒棒，應該是蜜糖，將支棒棒放入去茶度搞拌，就會令茶有一種甜味，這裡最好就是可以添茶的，想要幾甜就自己調較，味道都很好，甜甜茶，好有特色！墨西哥三重芝士雞肉饀餅配秘制四川麻辣醬，這個賣相都不錯，我幾欣賞這個饀餅，大大份的，饀餅熱辣辣又軟腍，裡面除了有芝士和雞肉，還有一些洋蔥，加上秘制的四川麻辣醬，吃上去不是太辣，但食食下就會感覺到有種麻的感覺，很特別，味道都唔錯，值得推介！友人就叫了一杯叫Ｄirty的咖啡，味道是面頭的比較苦，底部就較奶味重，都幾好飲！總括來說，深水埗有這些特色的餐廳都很不錯，如果喜歡這間特色的餐廳，這間一定啱晒口味！…查看更多