圓圓 (已結業)

懲罰黃店已成習慣，就算飲杯珍奶都一樣要俾良心小店賺!【圓圓珍珠炭培烏龍奶茶】Sorry 我過馬路時先醒起，好求其咁snapshot左幅相，無靚背景，我男朋友隻手又無交戲喎! Sad 😑我飲過咁多間珍奶，對圓圓嘅評價係：香滑、好飲，稱職嘅珍奶先耐喝。微糖少冰啱我，而兩種混合珍珠Q彈，大杯嘅份量又夠兩個人飲。貫徹小黃鴨一路以來幫襯黃店嘅宗旨，消費力量影響好深遠，香港人店舖香港人自己撐起! 大家都慢慢習慣下幫襯各式各樣黃店啦，洗錢都洗得條氣順啲架。P.S. 如果圓圓轉紙飲管，我會更愛佢囉!

食完 lunch 諗住搭車返公司咁啱經過呢間新店，聽講珍珠好正，我就叫左個圓圓珍珠炭培烏龍奶茶黎試～我叫左無糖少冰，諗住佢細細杯少d冰會多d 茶🤣好彩我叫無糖咋，咬過d 珍珠先發現原來珍珠本身帶甜，所以無糖一樣有微微甜味，呢個程度反而唔錯，唔會喧賓奪主，而且珍珠有兩款，所以味道同口感都有分別～至於烏龍茶底因為炭培過，味道會留香d 同醇d ，因為珍珠多烏龍茶香濃，我建議可以直接走冰，咁就唔驚變淡啦。