花椒八角 (已結業)

系東涌outlet血拼過後，身上子彈所剩無幾，如想食一餐正統川菜選擇既唔多，仲要搵間抵食既仲難！走到過嚟昂坪360纜車站，旁邊既#花椒八角 ，以後食辣就唔洗搭車出番市區搵野食!!✅Asahi （HH）最近餐廳有Asahi 推廣價！辛口味道易入口，而呢個價錢比出面，平了足足$20真的超級抵飲。✅四川煙燻樟茶鴨二人套餐✅招牌蒜泥白肉✅夫妻肺片✅蒜蓉手拍青瓜肺片亁身，香辣可口。蒜泥白肉沾上特製蒜蓉醬，趁食趁上癮。加上清甜的青瓜片，中和了前兩道既辣味。✅川弓天麻燉魚頭湯女士們既補品，打開盅蓋就嗅到濃濃藥材香氣，二人套餐就飲到，絕對值回票價。✅生磨杏汁燉白肺湯飲番碗暖暖胃，湯底杏汁味濃郁鮮甜，仲一件雞腳融合喺湯度，更仲湯頭甜味凸顯出嚟，真係滋補又美味!!✅四川煙燻樟茶鴨（半隻）香港的川菜館也不常見，而呢碟「樟茶鴨」整得唔錯，半隻份量適中，鴨肉烤得外脆內嫩，香濃樟茶味，味道恰到好處，送酒更係一流。✅乾鍋椰菜花豆乾作為川式小炒王，一鍋上菜，一直以小蠟燭暖碟，鍋內不乏紅椒，青椒，洋蔥等，椰菜花，豆乾入口唔太辣但勁香。✅川味肉崧炒飯炒飯唔算乾身，辣度可選擇 ， 整體唔錯。✅精美甜品（芒果冰粉）甜絲絲芒果粒，冰粉好滑，都幾潤喉。…Read More

朋友介紹東涌一間出色川菜館，今晚特來嚐嚐我最喜歡的麻辣川菜。餐廳在昂坪360東涌纜車站旁，獨立建築，門面廣闊，別具氣派。臨近聖誕，餐廳佈置了不少聖誕裝飾，充滿節日氣氛。內部裝修雅潔，座位寬敞舒適，牆上掛上香港經典電影的燈箱，令人回味七、八十年代的輝煌。環境清幽，很適合家庭歡聚或休閒晚膳。餐牌上有多款精美川粵菜可以選擇，我被內容豐富的川菜二人套餐所吸引。「四川煙燻樟茶鴨」二人套餐花椒三小碟：「蒜泥白肉」、「夫妻肺片」、「手拍黃瓜」，經典川味前菜，牛肚、牛𦟌爽口入味，麻辣惹味，黃瓜爽脆，蒜香白肉份外美味，是令人醒胃的前菜。滋補燉湯：「川弓天麻燉魚頭湯」，材料豐富，由魚頭、豬骨、瘦肉、多種中藥材淆製而成，味道濃郁。「生磨杏汁燉白肺湯」，真材實料，有豬肺、雞腳、瘦肉、白果，杏汁味濃，清甜潤肺。「乾鍋椰菜花豆乾」一大鍋紅彤彤的辣椒，用微火暖住，加上炒香豆乾及椰菜花，香辣味道，令人意想不到，正是我要的川菜味道。「煙燻樟茶鴨」主角出場，醬香撲鼻，外皮酥脆，鴨肉入味，口感非常好。「川味肉鬆炒飯」雞蛋肉鬆醬油炒飯，夠鑊氣，炒得香噴噴，少少辣，多滋味。精美甜品：「四川鮮果冰粉」，冰粉配上新鮮芒果粒，不太甜，口感不錯。飲品：「青檸蘇打」、「草莓沙冰」，草莓沙冰，上面是雪糕球，下面是濃濃的草莓沙冰，解辣一流。這裏的餸菜質素高，烹調出色，讓我眼前一亮。而且只要顧客在社交平台給LIKE，可獲免加一優惠（套餐除外），顧客更可獲得印花，雜齊印花到旗下的餐廳惠顧，可獲贈送免費菜式。…Read More

今日入大澳一日遊，探一探中華白海豚，天色已入黑就系東涌附近食晚飯。上OP一搜，搵到呢間#花椒八角 ，系價格比東涌商場內確為親民，而且位於纜車站旁邊，離地鐵只有十分鐘步程左右。餐廳座位好闊落，亦佈置成充滿舊香港特色，而另一面更可望到纜車行駛，附近仲個公園食完飯後可行一陣。生磨香汁燉白肺湯 $98乳白色的湯，內裡有豬肺、雞腳、豬肉等，豬肺洗得好乾淨，入口鮮嫩軟淋，一啲異味都冇!椒鹽茶樹菇 $88呢個煮法較為少見，椒鹽調味適中，唔會太油太咸，可以叫杯生啤黎小酌一下。川味肉崧炒飯 ＄98（小辣）一大碟炒飯，超香！雖屬於小辣，但辣椒份量都唔算少，炒得好乾身又帶點油味，粒粒分明!魚湯浸時蔬 ＄88奶白色嘅魚湯，胡淑味幾濃郁，系口腔內幾爽口。而時蔬為娃娃菜，清甜潤喉。四川煙燻樟茶鴨（半隻）$156烤焗上枱，煙燻味甚香，口感微微焦脆，骨架更為有香脆，鴨肉脂肪較少，味道一流!總體而言，菜色水準一流。口味濃淡適中，位置又可遠離人羣、遊客，有隱世秘密餐廳嘅感覺。…Read More