GRIND SIZE

營業中

休息中

以往女人街俾我嘅感覺係好多排檔，兩邊有好多茶記好多野食。早兩日經過俾我發現咗呢間好有特色嘅cafe。門面簡單一句窮撚賣咖啡已經夠吸引我入去飲杯咖啡。全店以白色冰屋造型設計，光猛簡潔，適合打卡。講返食物先，首先係《腐乳雞翼》，雞翼香脆Juice，加上微辣腐乳醬，食到停唔到口。主食叫左《手打牛肉burger》，牛肉入面加咗大量雞軟骨非常juicy又有口感，啲雞軟骨都幾大粒，配合埋芝士生菜蕃茄已經非常好食，佢跟嘅係幼薯條都係即叫即炸。呢個《藥膳醉鴨胸》係fusion菜式，湯底/汁藥膳味非常濃郁濃厚，麵冇乜特別不過麵掛晒汁就好好食。啲鴨胸略嫌過乾，有少少鞋，不過都可以接受，因為個湯底/汁加返好多分。最後當然唔少得招牌甜品《品·三》，佢有三款唔同嘅甜品：黃豆奶蓋團子、鹹蛋黃拿破崙、焙茶豆乳卷蛋。三款甜品各有特色，都好食😋飲品叫咗《Apple Americano》同《Hojicha Latter》。Apple Americano攪拌左之後有少少苦澀又有少少蘋果甜味，味道有少少似檸檬茶。 Hojicha Latter拉花好靚，焙茶味都幾濃，焙茶控一定會鍾意。

大大隻字係門口寫住窮撚賣咖啡，見佢咁慘🤣幫下佢啦，入邊環境偏細既，不過都幾靚，今餐就甜品當午餐，肥仔下先😋😋🤪🤪Match latte(52$)好好飲既抹茶latte，抹茶味香味濃郁，飲落又滑又香😋品•三 （158$）呢款係由三種甜品放係一個木盒上，打卡味十足🤩，就係佢吸引我黎試試🧐🧐1.焙茶豆乳卷蛋比較少食到有豆乳既卷蛋，味道幾特別幾易入口，不過茶味方面就唔係太出啦～2.鹹蛋黃拿破倫呢個係三個中最值得推介既一件！估唔到可以咁夾！🤣🤣佢拿破倫亦都好脆，好食！3.黃豆奶蓋團子三樣之中呢個係唯一比較遜色，丸子唔夠彈呀煙韌，比較硬身，但奶蓋味道不錯。整體尼講，真心有d貴😂😂，甜品係幾有特色既，但我都係窮撚，試完一次應該唔會番食啦😢