肉骨皇 (已結業)

疫情影響，而家無得去旅行，唯有響香港尋找不同地方既味道。六點半去到，未有人，環境細細，不過企理舒服。幾多地道既菜式可以選擇。唔算好平，不過勝在選擇多。叫左個細肉骨茶，絕對夠兩個人食。茶湯有濃郁既藥材香，正呀！佢仲用個爐幫你熱住，確保每一啖都暖笠笠。我地最後仲encore左一碗茶湯，38蚊。第一次食咖啡骨，超級熱辣辣。脆脆地又唔會勁油。食落係真係有咖啡味架喎！老公想食油飯，我又驚肥。佢好好地幫我地一半左，可以各自各精彩！食飽飽埋單三百鬆啲，以大坑黎講算係平靚正！…查看更多

今日同男友都係銅鑼灣收工一齊食飯，想食d特色平時少食既，咁男友渣車周圍兜兜見到大坑有間肉骨皇食星馬菜，見到肉骨兩字就聯想到肉骨茶，有點懷念，之前去新加坡旅行喝過的，所以就決定食呢間！桌面上都會有張肉骨茶的由來，本身想食肉骨茶的，但男友說他不太好，自己一個怕飲唔哂就無叫到，下次要同中意食肉骨茶既朋友黎先🌟馬拉盞炒蘿蔔糕($68)平時馬拉盞都係炒通菜，見到呢到係炒蘿蔔糕又幾特別，味道幾惹味帶咸香，蘿蔔糕唔會好粉的質感，配上椰菜絲中和蘿蔔糕的膩。🌟麵包咖哩牛($128)咁大個麵包裝著咖哩汁非常吸睛，就連隔離桌既食客都問是什麼，麵包外皮非常脆，一打開好香一陣咖哩味撲鼻，肉類除左可以選牛外，還有雞、豬肉選擇，總有一款適合您，麵包外脆內軟，沾上咖哩汁更好食，咖哩慢慢愈食愈辣，入面不止只有牛肉，仲帶好多豆、菇、茄子等，好豐富！🌟咖啡骨($98)入口第一下好像食緊糖醋骨，又係甜甜地，再仔細咀嚼有淡淡咖啡滲出，肉質都唔會好韌，很好送飯的一道菜👍🏻食飯過程中聽說這裡的咸豬手每日都限量制作，想食要預先訂定，連隔離座的常客都說次次想食都食唔到，看來很吸引，下次一於再來試試咸豬手先…查看更多

今日第一次來到這小店，香港可以食到肉骨茶同星馬菜的地方本來就不是太多，我地跟goog map去到都要行一陣原來係浣紗街盡頭，好有隱世小店feel食物質素很不錯！裡面餐牌有一些幾特別我未食過的星馬菜式！我自己特別喜歡呢度的豬手同肉骨茶！豬手好香口！冇好肥感覺，都唔會好「蘇」，係骨膠原口感，係咁多樣裡面最喜歡！是必食！真的好好食！肉骨茶我都好喜歡！佢係馬拉藥材味那隻，係我喜歡的味道，好好飲！係香港來講係好好飲，會令你想返去馬拉旅行飲過的味道！如果唔夠要encore, 仲可以叫淨湯！都幾貼心其他我覺得都好味的仲有炒蘿蔔糕！個薄餅都幾好食幾香！自己本身一向不是好喜歡dessert,不過佢呢度個dessert幾特別幾好食，係一個「咖央」多士配雪糕！個多士牛油味勁重所以好香口！不過我怕肥唔敢食咁多總結覺得呢度菜式係幾特色，因同桌不是人人都食蟹，否則都想叫一d比較少有的蟹菜式！店比較細，裝修冇咁新，不過食物味道確實不錯，都唔貴，價錢合理，覺得係一間可以再來的餐廳…查看更多

大坑真係有好多好食既小店. 今次Vi黎呢頭搵食, 睇中左呢間肉骨皇, 位置比較入, 但見到野食好似幾吸引同埋價錢唔貴, 所以試下~野食選擇有好多, 最後Vi點左肉骨茶(細), 馬拉盞炒蘿蔔糕, 咖啡骨, 咖哩魚頭同焗咖挪吐司配雪糕~黎肉骨皇梗係要叫番肉骨茶la XDXD 肉骨茶成煲上, o係你面前煮滾先飲, 睇到都暖粒粒, 肉骨皇色澤好濃, 有好多料, 有肉排, 杞子, 豆卜, 金菇等材料, 飲落肉味好濃, 仲有杞子同藥材既香味, 飲左好暖胃好舒服, 味道幾好飲, 細煲都唔小, 2個人share岩岩好~之後係Vi好中意食既蘿蔔糕, 呢度用左馬拉盞炒, 味道好香口, 蘿蔔糕表面脆脆地, 不過裡面就有d實, 蘿蔔少左d, 但味道依然唔錯~再黎係呢個好特別既咖啡骨, 其實好似京都骨咁但係醬汁係好濃既咖啡味, 食落好特別, 估唔到咖啡都可以同肉混埋, 2者都幾夾~主菜叫左個又係幾特別既咖哩魚頭, 咖哩就食得多, 咖哩魚頭都係第一次食, 上枱果刻比呢個巨型魚頭嚇一嚇真係好大好大個魚頭呀!!! 咖哩汁好香濃, 唔太辣但咖哩味幾香, 而魚頭因為真係好大, 所以都有幾多魚肉, 魚肉幾嫩滑, 好味, 而咖哩亦配左酥餅, 酥餅上枱時仲係熱既, 幾鬆化, 點埋咖哩汁好好味, 不過就太細塊, 唔係好夠~食完咁多款野其實都飽飽地, 但Vi本身係比呢度既一款甜品吸引而黎既, 所以一定要食埋佢XD 就係呢個焗咖挪吐司配雪糕, 呢個甜品需時30分鐘, 雖然等左好耐但係值得既!!成大磚咖挪吐司一上枱已經香噴噴, 打開裡面見到有好多咖挪醬, 多士食落好鬆脆, 有牛油既咸香, 加埋甜甜地既咖挪醬, 好正呀 旁邊亦配左香芋雪糕, 配埋食無咁滯, 咖挪醬夠哂多, 食到尾都仲有, 多士真係好大個, 2個食飽既人食得有點吃力, 不過咁大個$55真係幾抵, 同埋最重要係好味整體呢度既野食做得唔錯, 最令人驚喜係個咖挪吐司, 值得一試~ …查看更多

因星期日要返工，所以提早同爸爸慶祝，今年選了位於大坑嘅肉骨皇！嚟到肉骨皇當然要飲肉骨茶啦！這個檳城肉骨茶有濃郁嘅藥材味，肉亦都很入味，爸爸很喜歡吃！咖啡骨，聽個名就知道是用咖啡煮，果然咖啡味很濃，食落甜甜地，苦苦地，很特別！大馬橋底豬手，皮很脆，肉亦唔肥，ok! 今年父親大人很滿意這餐飯！ …查看更多

其實十幾日前先去完新加坡探朋友但唔夠時間食晒所有野返到來好想好想好想食肉骨茶然後先發現香港原來好難搵大坑肉骨皇，其實睇左一排都想試是晚就同朋友來試諗左一陣揀菜結果海南雞飯，沙嗲，焗kaya多配雪糕都冇!!!!!!!!!!!!!唉d menu又唔知點解轉唔到rotation....最後叫了炒粿條好港式的炒河粉...失望........肉骨茶(但係檳城style)好重藥材味，但唔苦肉方面，太硬，唔夠"林"，亦唔入味咖啡骨聞落好香咖啡味，食落ok啦估唔到呢個係今晚的亮點凍奶茶居然係等最耐的，極失望，係港式奶茶.....仲要唔多好飲...頂...成$30一杯架......o係SG可以飲到好多杯....(我知唔可以咁比較...TOT)…查看更多

從來沒有在香港試過肉骨茶，一來不容易找到，二來晚生去過其他地方食之後都沒有好印象，所以一直沒有特別去想試。在香港，中菜、西餐、日式在繁榮的地方隨處可見，不知不覺間亦對這些菜式產生了厭倦，需要轉換口味，所以忽發奇想想試下藥膳。跟小姐星期五夜晚忙過後，由銅鑼灣徒步到浣紗街，約10分鐘可到，差不多在浣紗街最入，門牌不大不算清晰，所以少來的人未必容易看得見。八點到餐廳，星期五的晚上不算多人，尚有十個位剩，可能人流少客不多的關係，由自己步入餐廳找位，不需要在外面輪候。坐位之間有少少狹窄，但未至於要跟隔離位遷就，餐廳冷氣不算太大，當飲起湯時候身體就會發熱。檳城肉骨茶(細)($72): 湯色呈黑，湯來的時候會連埋一個Gas爐上，開火將肉骨茶加熱，加熱了一段時間店員便會將火較細，差不多飲完的時候會熄了個爐。打開煲蓋有好香的藥材味，湯料有幾舊豬骨、金菇、豆腐卜和腐竹。湯味濃厚，但藥材味不是太突出，羅漢果的味反而佔多數。肉骨算多肉可食，但食入口的只是得湯味，應該已煲出晒味了，肉骨茶會搭幾塊油炸鬼去送，整體味道幾好。麵包咖喱雞($88): 個包幾大個，外型像一個盅，有蓋有盅身，盅蓋還有蓋椗，好專業。 入面裝滿了咖喱汁，有豆角矮瓜做配菜，雞肉幾多，可惜不夠入味，但肉質幾淋。咖喱汁幾辣，要點農夫包一齊食才可感受到它的美味，麵包身焗得幾脆，而且保溫能力幾好，坐了差不多一個鐘入面的咖喱汁仍是熱的有蒸氣。麵包太大，兩個人叫的話基本上是吃不完，因為食個"蓋"已經飽肚了。咖啡骨($88): 食家推薦和餐廳的招牌菜，一碟6件腩排，有蕃茄青瓜生菜絲伴碟，腩排的外層煎香了，令腩排增添了不少的口感，肉味更突出，為味道加了不少的分數。腩排雖然叫咖啡骨，但只徒具香味，食不出咖啡味，只感覺到甜味，有點名不副實，但整體來講是一款好餸。石榴梳打($28)和鹹檸檬梳打($22): 餐廳飲品選擇不多，不多特色飲品。鹹檸檬梳打是晚生點的飲品，實至名歸，舊檸檬的確幾鹹，不建議大家直接將它放入口，好處的是，餐廳的食物都幾濃味，飲一杯清淡的咸梳打其實可平衡返味覺。食物不錯，肉骨茶感覺新鮮，在滿佈中、西、日餐廳的香港地，實在很需要這些餐廳支持，或者能夠發起人們對星馬菜的狂熱呢。…查看更多

為左慶祝家姐生日.上OPENRICE見到呢間,我地都好鍾意食藥材味既食物,所以決定去食,我早左1-2日打電話去BOOK左位,所以去到唔使等,我見無BOOK定位既人都要等,所以如果去就記得預先打電話BOOK左先啦!叫左個大, 6個人食, 每人半碗左右, 比較少. 因為我很愛好食藥材味道的食物.其實都嫌藥材味不夠, 相信因為已經就左香港人口味了原本魔鬼魚同蟹都要預早預約,但似乎佢有多, 所以問我地叫唔叫,咁就叫左魔鬼魚黎試下,都幾好,唔錯!餅就少左D呢個好好食! 的確有咖啡香味, 肉亦幾軟, 好食!…查看更多

引言︰懶，唔想打。食物︰有冰凍水︰三十幾度，一坐底就有杯有冰既凍水，真係爽。豬手︰豬手應有既咸味可以話係恰到好處，唔係去咸味既豬手，皮偏硬，帶肥位係我個人偏好，多份脂味更可口，係今餐最好的一款。咖啡骨︰肉質鬆化，叫做咖啡骨，都可以叫做食到有咖啡味。雞翼，炸得夠脆，食落熱氣，好味。酥餅，穩陣之選。麥皮蝦，炸得可以連蝦頭食，味道不太特別，或許是我唔識欣賞。螄蚶，跟細個食到既有點唔同，無咩鮮味，印象螄蚶帶點腥味，今次食唔到，可能係亮點。胡說︰- 名物係肉骨茶，好熱，真係無咩興趣試。服務&環境︰- 好多人，要等位，好熱。- 人手唔夠，要點耐性。抵食度︰- 三個人，六樣野，水準不過不失，每人百五蚊，我就覺得幾抵食。總結︰可以試下。…查看更多

與新加坡友人談及香港的肉骨茶質素很參差友人介紹我去試試大坑的“肉骨皇”剛巧團購又有優惠， 當然沒有理由專誠到大坑一試到達餐廳時雖巳晚上九點，但仍全場滿座，眼見有幾枱都係食緊肉骨茶一人餐，可見團購威力不可忽視九點二十分左右被安排入座， 因為很肚餓， 即時點了團購的肉骨茶餐，再另加了炒蘿白糕及咖啡先上枱係肉骨茶餐，藥材香味算濃，湯底夠味，肉也很好吃，但稍嫌肉的顏色可以再深，亦可以再入味多點，今晚吃的像是帶點藥味的白灼肉跟餐的油飯好吃， 而薏米水就普通然後是炒蘿白糕， 不要看照片好像很多， 事實上一碟只有四件，兩個人食先岩岩好， 不過蘿白味很重，辣度適中好味！最後是咖啡骨，賣相只是一般， 但吃落那陣咖啡味卻很精采，有陣陣咖啡BUN 的香味， 實而不華絕對可以再嘗的餐廳！…查看更多

星期五放工山長水又遠來到大坑, 就是為了找尋正宗馬來西亞肉骨茶!可能因為7:00pm就來到, 鋪頭不是很多人, 一來到就有位, 唔駛等。 肉骨茶 來到肉骨皇就緊係要叫一個我至愛的肉骨茶啦!其實我和男朋友都是一個肉骨茶迷, 每年都會去一次馬來西亞食正宗肉骨茶。老實說, 這裡的肉骨茶真的很香很濃郁, 雖然唔及得上馬來西亞的味道, 但是我在香港食過最有馬來西亞風味的肉骨茶。其實肉骨茶除了個湯夠濃郁外, 其他配料都好重要! 特別是用來點肉的甜醬油, 很好味! 麥皮蝦 原來麥皮係可以用來同蝦一齊煮, 好特別而且好好味!!D麥皮甜甜地, 又好香口~隻蝦大大隻又多肉...一個字..."正"加多加多沙律加多其實是沙律個醬汁的名稱, 味道有點像沙嗲, 配埋青瓜食, 很開胃!咖啡骨又一特別之作, 很濃郁的咖啡味, 不過味道有點濃, 如果不喜歡飲咖啡的人就不要試! ! !咖吔多士推介甜品, 厚厚的多士+咖吔醬+雪糕, 雪糕一定要選香苧味, 同個咖吔醬最夾!…查看更多