URBAN COFFEE ROASTER (美麗都大廈)

陪朋友到中間道一間電訊公司辦些事情，之後帶我到碧仙桃路晚餐。餐廳門外可以說沒有裝修，就像東南亞一些小商店般，門口是用鐵框玻璃門窗，說實在話，若非朋友帶我來，我也不會走進去。但是，一內進又是另一番光景。原來古樸的裝潢是餐廳的主題，連餐牌也像是懷舊的，燈光柔和，裝飾精緻。內裡有廿多個座位，我們進入時已經差不多坐滿了。餐廳原來大有來頭，剛榮獲「優秀開飯熱點大賞2018」咖啡店類別的獎項，真是有眼不識泰山。餐廳共有幾間分店，據說尖沙咀店的食品款式較多。餐廳以精品咖啡及烤肉為主打，食物絕對不是小店的貨色，價錢算是中等。咖啡則選用巴拿馬咖啡豆，經自家烘焙，連餐牌上也標明產地來源及年份。我們就點了五道菜色的晚餐，包括慢煮雞胸牛油果藜麥沙律配紅酒油醋汁($108)、軟殼蟹生菜包配咖哩蛋黃醬($98)、烤龍蝦意大利飯($168)、香煎英國豬扒配燒新薯洋蔥汁($178)及甜品的咖啡煮啤梨($78)，另外飲品就要了Fizzy Summer($48)及Double Macchiato($34)。雖然慢煮雞胸牛油果藜麥沙律配紅酒油醋汁要$108，但份量絕對不少，下面是大碟的紅生菜、小蕃茄等沙律菜，並加了些黑椒。中層有很多慢煮雞胸粒及牛油果粒，雞胸可能因為慢煮關係，仍然很嫩滑，紅酒油醋汁更加使到雞胸、牛油果粒及沙律菜平添一份酸甜的味道。而上層就鋪滿了煙韌有質感的藜麥，使到整份沙律的口感多了很多層次。軟殼蟹生菜包配咖哩蛋黃醬炸得香脆，配以咖哩蛋黃醬，用生菜包著來食，一凍一熱，口感與味道相當配合。Double Macchiato非常濃厚，本身Double Macchiato已經是用雙倍濃縮咖啡(double expresso)，只加微量的奶泡做出來，少少的奶味不會蓋過咖啡味，而這間精品咖啡店更加是加入了水果及酒，使到咖啡帶些酸味而同時又有酒味，口感非常特別，怪不得店員提我要趁熱飲才好味，涼了就不同效果了。Fizzy Summer有西柚果漿、紅柚、檸檬汁及梳打水混合而成，加了薄荷葉，味道清新涼快，不錯。烤龍蝦意大利飯的龍蝦烤得很香，雖然是半邊，鉗子的肉亦已取了出來，所以很容易食，蝦肉爽甜有彈力。意大利飯軟度及濕度剛剛好，帶有茄汁味，並加了小蕃茄及香草，不似用忌廉汁那麼膩。香煎英國豬扒配燒新薯洋蔥汁的豬扒煎得相當腍滑有肉汁，少少肥更覺甘香，就是放在豬扒下面的新薯也很腍滑，好味。今晚的甜品是咖啡煮啤梨，啤梨經用咖啡煮過後變成啡色，但食落仍有啤梨的甜及咖啡味，襯以一些白色的泡沫、開心果碎粒及朱古力碎粒，味道很好。而更加別出心裁的是在啤梨的底部挖空了放入雪糕，使得甜味也分了幾個層次，精采！最後，見識過這樣特別而精美的一餐，平均每人消費$392。…查看更多

去尖沙咀逛街，在K11附近發現呢間食肆，外表唔係咁凸出，有些似鐵籠，咁啱又係停車場出入口，感覺都幾得意，不過食完就知人不可以貌相，原來食物相當好味。紐西蘭青口($108)，個汁有少許白酒帶出了青口的香味，另外加上西班牙辣肉腸碎，令到味道帶少許辣，又不至於搶走青口的鮮味😋😋😋慢煮雞胸肉牛油果沙律($98)，沙律內有蕎麥碎、細紅茄、紅椰菜、少量黑胡椒、蒔蘿、牛油果，食落除左吃到蔬菜的菜味，仲有蕎麥碎的煙煙靭靭，另外仲有紅酒油醋汁的酸甜味，作為前菜一流。燒BB乳豬($188)，外皮燒得好脆又鬆化，乳豬肉唔算太肥，呢個主菜值得推薦👍👍👍紅酒慢煮牛尾燴意大利飯($158)，嗅到酒香，反而食落蕃茄味濃，牛尾炆得好淋，意大利飯煮得剛好，有嚼勁又不至於不熟。飯後甜點係UCR signature 咖啡煮啤梨($78)，啤梨用咖啡浸過，所以好咖啡味，咬落又食到啤梨的爽甜，再加上啤梨內釀著的雪糕，及旁邊的朱古力碎，令到呢個甜品，非常之美味。👍👍👍👍👍太太要了杯洋金菊花茶，花味香濃。我就要了杯Affogato， 我以為係咖啡，原來係義大利甜點，在義大利文，Affogato的意思是淹沒，一杯濃縮咖啡，加落雪糕裏，雪糕的甜味被溶化後，咖啡的香味，變成了咖啡帶著少許拖肥味道，呢個咖啡外面好少見，我覺得一定要試試，不過最好飯後先叫，因為真係一個好特別的甜品。…查看更多

喺尖沙咀睇完戲，行下搵嘢食去到K11 附近有條小街-碧仙桃路，見到一間細細間cafe -coffee here, 朋友仔話想試下入到裡面發覺裝潢精緻，四方形枱配鐵櫈仔，幾得意，而且煙光柔和，令人心情輕鬆餐牌喺一本厚厚既書，中間夾住menu慢煮雞胸藜麥牛油果沙律藜麥喺健康食品之一，不過好怕食到一粒粒粗硬感覺呢度煮得唔錯，藜麥唔硬，夾著沙律菜，淸新又有口感而雞胸肉好幼嫰，一尐都唔駭紐西蘭青口青口大大隻，好新鮮，飽滿又多汁，用左茴香酒汁，令到鮮味更為突出，不過，如果酒份量多尐會更惹味燒本地魚柳燒龍蝦龍蝦肉質雪白，爽囗彈牙，好好食魚柳表面燒得乾身，脆脆地，魚肉𥚃面好滑咖啡煮啤梨甜品揀左這個咖啡煮啤梨，啤梨中間釀入左雪糕，旁邊配左朱古力及開心果仁碎，賣相唔錯，雖然啤梨唔太覺有咖啡味，但是，夾著開心果碎碎一齊食，有口感、有層次…查看更多

朋友喜歡飲咖啡，我便帶她到一家精品咖啡店，順道一起吃晚餐。我曾到訪荔枝角道那間分店，感覺咖啡挺不錯，所以這次選了食物款式較多的尖沙咀店。餐廳在K11附近，門面黑白色設計簡約，磨紗玻璃趟門後竟是充滿工業風格的裝潢。先點了Sweet Potato Latte，呈粉紫色十分吸引！紫薯鮮奶入口順滑，紫薯味道濃郁得很，沒有被奶味蓋過，而且甜度適中，是近期嚐過最有水準的另一杯Mocha則有點給比下去了......天鵝拉花賣相不俗， 喝下朱古力味不突出，整體一般。慢煮雞胸牛油果藜麥沙律份量超多，沙律菜上舖滿雞胸肉和藜麥，入口清新。雞胸肉質嫩滑但味道較淡，可以加多一點紅酒油醋汁。紐西蘭青口有兩款醬汁，我們選了配西班牙辣肉腸/時蘿/洋蔥碎/忌廉汁。青口以鐵鍋盛載，能保持熱度。沒想到青口那麼肥美，肉身爽口鮮甜，加上creamy忌廉汁十分惹味！主菜方面選了紅酒慢煮牛尾燴意大利飯，牛尾配risotto這個配搭挺新鮮。先吃一口飯，飯粒口感不會太腍，混合番茄和紅蘿蔔粒感覺不太膩。牛尾經過慢煮烹調，肉質軟腍，牛味香濃但份量較少。兩個女生一起怎能沒有甜品呢？最後點了招牌咖啡煮啤梨，真讓我期待萬分！原個啤梨直立在碟的中央，旁邊圍著朱古力crumble及開心果碎。切開啤梨原來内藏一球雪糕，頗有驚喜啊！啤梨用咖啡浸煮過，但嚐不出咖啡的存在。啤梨果肉質感爽脆，香甜怡人，配上雲呢拿雪糕和crumble同吃，好像在吃cookies & cream雪糕。這道甜品層次感豐富，果然是餐廳的signature。…查看更多

看完戲又到晚餐的時間 ，今晚朋友帶了我到一間在K11附近的一間CAFE晚餐。*忌廉汁紐西蘭青口($118)前菜選了忌廉汁煮紐西蘭青口。青口好像中間界開了，再加入西班牙辣肉腸和洋蔥碎；味道雖然可以，不過失去了青口的肉感，有點失望。*慢煮雞胸牛油果藜麥沙律($98)沙律反而令人有驚喜！慢煮雞胸令本身易鞋口的肉質保持到嫩滑；紅酒油醋汁酸酸地，頗開胃；雞胸份量頗多，但牛油果可以再多一點！*燒本地魚柳/燒波士頓龍蝦(半隻)($228)煎香了的魚柳，魚肉好滑；龍蝦燒得乾了一點，而且肉比較少；配上香蒜牛油味的汁。*紅酒慢煮牛尾燴意大利飯($158)用蕃茄煮的意大利飯，吸收了酸酸的茄味，飯粒煙煙unun的；牛尾煮得入味，淋身。*咖啡煮啤梨($78)通常都是紅酒煮啤梨，今次特別點，用了咖啡；啤梨中間釀了曲奇雪糕；啤梨煮得夠淋，但我還是偏愛用紅酒煮的啤梨。…查看更多

朋友黎緊要去外國讀書一段時間，心情難免有啲不捨因為大家由小學識到依家，感情可以話同親人一樣深。但為左前途着想，都贊成佢個決定。因為無諗住送咩俾佢，所以都係約出黎食個飯餞行一番就可以了。揀呢度係因為方便大家收工過黎，而且朋友本身都食過話有水準。門面有少少殘舊，但一打開就好熱鬧，今晚星期五仲都見到唔少外國人面孔。因為近期食野吸收左大量澱粉質，所以食物方面都揀light啲，以免俾某人詐型。所以都唔敢食太多，先揀左個紐西蘭青口配辣肉腸同埋雞肉沙律。青口非常飽滿同多汁，鮮味之餘粒粒都無沙。同咸香嘅辣肉腸一同入口，滋味無窮。可惜係奶油汁雖然香滑但略為稀左啲，掛唔晒上青口肉上邊。沙律味道非常豐富，紅酒醋嘅甜酸咸平衡得好好，牛油果將嫩滑嘅雞肉味帶晒出黎。因為上面撒上大量藜麥同胡椒碎，所以食落口感複雜有趣。因為前面兩樣都差不多係我食晒，朋友只好努力食個飯了。燉飯比想像中來得硬同乾身，蕃茄味略重，但香料味好突出迷迭香同月桂葉等都食得出。牛尾燉煮得非常腍滑，匙更一挖就散開所以擺入口都唔使點咀嚼。香滑嘅牛尾膠質同油脂更令燉飯層次再度提升。好食。甜品點左黎呢度必食嘅咖啡啤梨，切開啤梨入面係雲呢拿雪糕。啤梨唔會太過軟爛但淡淡咖啡味完全滲透晒入去，配上脆口嘅餅碎好過癮。邊食入口嘅開心果碎提供額外香氣，感覺有少少似榛子咖啡咁。食完野食，我地各自點左杯咖啡再傾下偈。我嘅焦糖咖啡濃甜得宜，除左本身嘅焦糖味，咖啡豆烘培後嘅焦香同果香都好清晰。苦澀酸度都恰到好處，雖然平時無咩研究咖啡只係飲開星字頭，但試得出呢度水準真係幾高。人大了，經歷多了人情離合，才會明白咖啡的味道。…查看更多

餐廳環境幾有氣氛，燈光就偏向暗小小嘅。六點半就黎到嘅我地呢，好好彩今日唔需要等位就入得啦！裡面已經有三四台客食緊野！ 但係都幾寧靜！黎到Urban Coffee Roaster，點左杯DIRTY and 普通chocolate黎飲。頭盤叫左個紐西蘭青口配辣肉腸黎食！好多隻！青口都幾鮮！真係啖啖肉，配埋洋蔥碎同忌廉汁，好正！之後喺pasta同飯之間揀左個意大利飯。南瓜蓉蟹肉烤虎蝦意大利飯南瓜味都ok出！個虎蝦有驚喜！好彈牙！哩個飯都幾飽肚！好適合開心share!由於得我地無肉不歡，咁就叫多個主菜。烤和牛腹肉，下面果啲係燒汁黎。先講個肉，好易入口，唔好睇佢個樣好似好生咁，其實真係岩岩好！唔似出面餐廳咁咬都咬唔郁！個牛味好正！加埋燒汁呢又另一番風味！最後叫埋個甜品。好特別有樣野真係未見過！咖啡煮啤梨佢入面其實有球雪糕，下面果啲就係曲奇碎黎嘅。唔好睇佢好怪咁，食落去幾得意！酸酸地又食到出係啤梨！裡面個雪糕一啲都唔hea!好好味架都！另外想講，哩度服務態度不錯，上菜速度都幾快！值得再黎！…查看更多

【#飲食】C+搵食團 || 特式Cafe的晚餐 - Urban Coffee Roaster早排去完台灣，台灣有好多特式Cafe，去一轉台灣見識左唔少，但原來近近地香港都有好多特式Cafe走漏眼，最近同同朋友行開尖沙咀K11，發掘到一間另類Cafe ，值得一試******************************Cafe 位於美麗都大廈，行過門口，完全唔會察覺係一間Cafe，用上鐵框玻璃窗做門，簡單的原始的射格，門口完全唔覺得係Cafe，打開門後別有洞天。******************************內裡都係選用簡單的Raw Style 裝修，配上很多木製家具，一排貼牆的長梳化設計，放上好多不同款式的Cushion，令人感到放鬆。入面的位置都多，我地去的那天不算太多人，所以都坐得唔會太迫夾。食物劾面主力以西餐為主，Cafe 有咖啡飲都唔係一件驚奇事，呢度竟然有先叫有手工啤酒供應，下次同朋友Happy Hour 又有一個好選擇。******************************講返食物先，我地都點了好多款唔同野食，由前菜到甜品都有唔少驚喜。Menu上的食物都有中英文，好明確寫明菜式係咩，抵贊！\\ 薯條。黑松露醬 - $48小食之選，薯條炸得香脆，唔會太油，就咁食都好夠味，亦都可以黑松露醬，好香濃黑松露味，有沾醬薯條又係另一番風味。******************************\\ 烤大蘑菇。溫泉蛋。車打芝士。黑松露汁 - $58以為是普通的烤大蘑菇，但面層烤香的車打芝士下內藏乾坤，係菇面收左一隻溫泉蛋，切開後，蛋漿瞬間大爆發，香烤大蘑菇配上香滑蛋漿，味道一流。******************************\\ 香煎和牛肉配菠蘿莎莎。香蔥碎 - $108呢款有少少Fusion，略略煎開的牛肉就咁食，已有好香的牛肉味道。可以配上菠蘿莎莎 & 香蔥碎一齊食，帶少少甜甜酸酸，除左食到煎香和牛的牛肉味之外，同時帶來清新感覺，多重口感。******************************\\ 香煎帶子蘋果蓉蕃紅花意大利飯 - $168睇落蘋果蓉煮飯，感覺怪怪的。但原來蘋果蓉，微微的甜味，反而帶出帶子鮮甜味道。帶子香煎略略煎香表面，唔會熟得過熟。食到西餐廳意大利飯的質感，驚喜之作。 ******************************\\ 慢煮三文魚配南瓜蓉。茴香蕃茄沙律。羅勒油 - $198慢煮文化流行，好多餐廳都開始加入慢煮菜式。平時食的三文魚，多數都係香煎，今次就叫左個慢煮三文魚，保持了魚肉嫩滑多汁魚肉；魚皮略略煎開，加上魚肉厚身，啖啖肉，食到外脆內軟的口感，配上南瓜蓉&醬汁，冇乜魚腥味，就算平日怕食魚的我，都多食幾舊，******************************\\ 西班牙油條。朱古力汁 - $42有花邊位的炸麵團，本身已經灑上糖，食落已經好鬆化，已經有少少甜味，可以額外一加上朱古力汁，食落好似食條狀冬甩。******************************\\ 咖啡煮啤梨。朱古力金寶。開心果碎。雪糕 - $78平時多數食都係紅酒煮多，咖啡煮都係第一次煮。唔好想住咖啡煮就一定會苦，但原來煮落同啤梨的甜美好夾，啤梨雲煮得唔算太軟身，配上內藏雪糕 ，層次分明。******************************Urban Coffee Roaster尖沙咀碧仙桃路7號美麗都大廈地下44號舖******************************…查看更多

今次嚟到Urban Coffee Roaster搵食！ 朋友一直推薦的餐廳～今天終於有機會來朝聖～餐廳以金屬風裝潢～牆壁、吊燈、桌椅都是特別的風格～就連餐牌～也以厚典典的書本夾著厚厚的書內其實餐牌只有4頁～種類不多但每一様都很吸引！Green  Tea  Latte （$36）喜歡到小店喝熱飲因為可以欣賞到師父拉花～一口就喝到濃濃的抹茶味～看著拉花被拉長真是有趣之後攪拌了就感受到多點奶味～不會太甜～不錯的選擇！紐西蘭青口（$108）青口的配搭有2種選擇～分別有茴香+羅勒+意大利蕃茄+茴香酒汁或西班牙辣肉腸+時羅+洋蔥碎+忌廉汁～因為怕第一個太重香草味～所以選了忌廉汁的！青口蠻大隻的～而且份量很多！香濃的忌廉汁跟青口真夾～南瓜蟹肉意大利飯（$168）西餐類別～意大利飯算是我數一數二喜歡的項目！因為青口已選了白汁～這次就選南瓜base的意大利飯～雖然它叫蟹肉意大利飯～但還有虎蝦！虎蝦雖然沒平時燒烤用的大隻～但蝦味極濃～蟹肉跟南瓜則是跟飯粒融合甜甜的南瓜引發食欲～但又不會太膩烤M4和牛腹肉（$178）價格相宜的和牛～本來期望不大一上台～漂亮的鮮紅色！！食下去又沒有想像中的血淋淋～但肉質柔軟～味道亦非常香濃～好奇問了一下店員～竟然有7成熟！加上火箭菜同陪碟的薯仔、翠玉瓜等～份量、味道等都是完美！🌟咖啡煮啤梨（$78）這個咖啡煮啤梨算是我吃過最特別的甜品！餐廳把啤梨以咖啡煮腍～再把中間的芯換成雲呢拿雪糕～很有心思的甜品～配料有朱古力金寶和開心果碎～真是每口也有驚喜！餐廳的裝潢是較cool的感覺～沒想到每道菜也那麼用心～那麼有心思！很值得推薦！…查看更多

白色情人節，男仔定女仔要回禮都唔緊要，但二人世界食餐好的就走唔甩。尖沙咀其實都幾多隱世美食，今次就俾我搵到間係K11隔離，一睇餐廳的格調就知係食西餐XD，暗地裡有微微的燈和燭光夠晒浪漫，菜單選擇雖然唔算多，只可以單點無套餐，但勝在非常岩我胃口，搞到我地都三心二意。海鮮永遠都係我地既首選，呢道紐西蘭青口本身已經好鮮味，香草洋蔥增添青口的香氣，忌廉汁令青口更creamy，一粒粒的辣肉腸增加味道層次及咬口，很好的配合。出街食燒味飯通常D飯都乾爭爭一定要叫多汁，食意大利飯就無呢個問題，飯creamy得黎唔會軟腍腍，好正宗，用南瓜蓉同蟹肉做base，帶有少少鮮甜味，同火箭菜的濃味一齊食岩岩好。再配煎香了的虎蝦啖啖肉一流。叫主菜的時候店員無問我們要幾成熟，其實食材點樣處理先最好食廚師一定心中有數，最後果然無令我失望，望落去血淋淋以為得3－4成熟（雖然我都接受到：P）但實際食落去上有7成熟，能夠做到首要條件一定要新鮮，牛腹肉夠嫩而且多肉汁，用了少許岩鹽吊味，牛肉味濃郁，勁讚！甜品亦好驚喜，整個啤梨都帶有咖啡香但依然保留住啤梨的甜味，啤梨係凍的，果肉軟腍腍好多汁，內裡仲有雲呢拿雪糕，黐埋朱古力同開心果碎一齊食好好味。最後入得黎咖啡店就當然嘆杯咖啡，一路飲一路感受周圍的氣氛，突然發現，入黎餐廳的竟然全部都係OL ＝＝（汗）餐廳果然無改錯名，Urban入面有很多市墟XD，8下隔離枱講咩今餐可謂色香味"聞"俱全。…查看更多

我同朋友行吓行吓, 從鬧市當中嘅K11, 行到橫街窄巷， 竟然發現一間，平平無奇嘅餐廳！ 好 ！ 上openrice 看看先！ 多數食評都是正面的， 勇於嘗試好嘅我，梗係要試一試 ！ 第一種感覺好似去了台灣， 好舒服！ 餐內佈置簡樸， 有書卷味， 掛上暗淡燈飾, 給客人有一種要休息的感覺！ 就像叫我們從繁忙當中停下來， 放下腳步， 好好享受一餐  ！ 好放鬆來到一間咁舒服嘅餐廳， 叫番一杯 vanilla latte （$44) 嘆吓先！ 好好放鬆一下. 口感香滑，有咖啡嘅味道， 但唔會太濃， 好合我心意， 真係好好飮架 ！  我叫了個慢煮雞胸牛油果沙律（ $98）沙律好清甜，好fresh !  加上藜麥有咬口， 層次增加了不少， 值得一讚 ！ 清淡的雞胸配上蔬菜， 給客人覺得既清新又健康.  而我特別鐘意佢嘅紅酒油醋汁， 酸酸甜甜， 十分開胃 ！ 絕配 ！我覺得紐西蘭青口 （$98） 好抵食， 青囗大大隻， 啖啖肉. 而份量都算大.  味道鮮甜， 肉質彈牙爽口.  好好味 ！  海鮮的鮮甜貼配上特製白汁，有茴香， 羅勒，酒等做醬汁. 好特別 ！ 好好味 ！ 朋友喜歡食和牛， 所以叫了烤M4 和牛腹肉 （$178） 做主菜.  半生熟和牛，香滑而多汁， 相當有牛味.   廚師用了薯仔,翠玉瓜 和火箭菜作配菜， 加上特製燒汁， 整體好夾 ！ 相當美味 ！我叫了一個好特別嘅甜品，咖啡煮啤梨，用咖啡浸過的啤梨有淡淡清香， 加上朱古力同開心果啐做伴碟， 外貌十分吸引！ 最令我驚喜的是一切開竟然發現香滑嘅雪糕.  清香的啤梨加香滑嘅雪糕， 甜味適中， 清甜爽口.  好味 ！餐廳質素和味道都很好， 價錢合理， 最特別是個甜品， 廚師用心製作令我有美滿一餐.  值得一試 ！…查看更多

尖沙咀K11連鎖式咖啡店對面嘅碧仙桃路，街名係由英語發音而嚟，字面意思都幾有詩意。呢晚我哋嚟到街上嘅Urban Coffee Roaster，入面燈光柔和。加上人流唔多，嚟食下飯、傾下偈都唔錯。啲位上面嘅咕o臣圖案好得意。佢哋用啲好舊嘅書本做餐牌，玩味十足。晚上都係散叫為主，由西湯、沙律、前菜、主菜到甜品，每款類別皆有數款至十數款不等供選擇，以咖啡店嚟講可算全面。呢次我哋從中揀咗幾款食物試試。紐西蘭青口，中型大小嘅青口爽脆鮮味，切成方丁粒嘅西班牙辣肉腸有咬口，洋蔥粒同時蘿令忌廉汁更香甜惹味，如果能夠提供麵包嚟蘸汁就好喇。黑松露野菌意大利飯，飯身係迎合港人口味較濕潤軟身嗰種，混有菇菌粒同芝士增加口感，黑松露味唔算突出，但味道唔錯。烤M4和牛腹肉，擺盤精美。切開數片上碟，外層帶焦香，肉質軟滑易嚼，睇落好生，食落就無血淋淋嘅感覺，主要用鹽調味，同埋有輕甜嘅燒汁，加埋大蔥、火箭菜、意大利青瓜同新薯一齊食，成件事幾夾。咖啡煮啤梨，有別於其他餐廳嘅紅酒煮啤梨，呢度係用咗咖啡入饌嘅。啡黑色嘅啤梨放晌脆口嘅朱古力金寶同開心果仁碎之中，再加小小蔬菜點綴，好似泥土同植物咁，旁邊仲有奶泡，賣相非常吸引。烹調後嘅啤梨仍然爽口，最內層釀咗呍呢嗱雪糕，開初以為會係一份味道濃郁嘅甜品，實際甘甜唔膩。佢哋係間咖啡店，朋友對餐牌上嘅Espresso Tonic好有興趣，呢款口味嘅咖啡晌外邊非常少見，孤陋寡聞嘅我哋仲係第一次聽，於是就叫嚟試試。咖啡師沖調時已傳來陣陣咖啡豆香，飲落係帶果酸味嘅有氣版咖啡，幾得意。我怕太夜瞓唔著，於是試咗無咖啡成分嘅Sweet Potato Latte，張相影得唔好，實際係淡紫色嘅。奶泡打得綿密豐盈，拉花久久未散，紫薯味出，微甜討好。食物烹調同擺盤用心，調味剛好唔會太濃太甜，以咖啡店嚟講確實喜出望外。不過位處馬路旁邊兼無門口嘅關係，某啲大型車輛駛過時會比較嘈，對我嚟講就尚可接受。…查看更多

呢間充滿懷舊風味嘅咖啡店坐落於尖沙咀K11對面，好方便！Urban Coffee Roaster自家烘焙咖啡豆，咖啡迷想搵個地方享受杯靚咖啡又得，想搵好野食呢度都有嫁。小店好有文青feel，一入到門口有張長檯，可以帶部電腦座低靜靜地做下野再嘆返杯咖啡。叫得做咖啡專家當然要點番杯咖啡飲先得啦！外表好似好平凡，但真係好飲嫁。頭盤牛肉嘅脂肪一入口就爆發出黎，菠蘿酸甜味令薄片和牛味更突出，成件事配合得好好，讚！蝦肉好彈牙，牛油味爆香，小編最愛呢碟！望落去成碟fine dine頭盤嘅，我想講呢個價錢食到咁嘅質素真係好值得啊！其他高級餐廳食閒閒地過百蚊啦！主菜唔算好辣，夠入味同時保持住幼嫩肉質。本身對咖啡店嘅食物無太大期望，但原來都做得出高於一般餐廳水準，有驚喜！非常非常推薦各位要試呢個甜品，個梨中間仲有雪糕，當日雪糕味道係cookies and cream，店員話雪糕味道唔係次次都一樣，會有驚喜！啤梨下面鋪滿朱古力crumbs同開心果碎，味道好夾！唔好睇少個梨，成個食完好飽，要留肚食啊！…查看更多

有時候在鬧市中，就只想找個地方静静歇息一下，和朋友聊聊天。 Urban Coffee Roaster 從尖沙咀D1 出口走，1分鐘內便可到達，很方便。這家位於尖沙咀K11附近的cafe，感覺很舒服，Cafe 的食物選擇多樣，推介黑松露醬薯條！架上整整齊齊擺放了很多啤酒，喜愛啤酒的朋友不妨一試!我和好友點了Green Tea Latte 和 Sweet Potato Latte $35紫薯latte 微甜，味足，呷一口綿綿的泡沫，好幸福呢。抹茶Latte 也不俗，奶味較重，白色的心型拉花很可愛。薯條配黑松露醬 $48值得推薦的小吃! 薯條即炸，成金黃色，絕對是外脆內軟，而且份量不少，與朋友分享正好。黑松露沙律醬質感濃厚，端上來時已嗅到濃郁的黑松露香，微酸香濃的醬汁配上新鮮的炸薯條，把薯條的滋味提到最高!讓我吃過不停! 不喜歡沾醬汁也沒關係，薯條薯味濃，直接吃也有簡樸的風味，平實處見驚喜。牛油果薄切蟹肉合桃碎 香草汁$78薄切軟滑的牛油果和蟹肉味道都較為清淡，值得一讚加入了蟹籽，層次豐富。不過個人覺得配搭的合桃碎有點硬和苦澀味，如果配粟米片或是一些微甜有脆的小穀物味道也不俗。香煎和牛肉配菠蘿莎莎（120g）$108莎莎醬是墨西哥菜中常見的醬汁，能夠平衡烤肉的味道。這菜式的莎莎醬以新鮮菠蘿粒、紅椒等製成，調味一流，味道清新，能解去和牛咀嚼時散發出油脂的膩。略略煎過的和牛可見外皮呈深色，肉質嫩，入口雖不至於在舌間融化，但配合出色的莎莎醬和香蔥碎還是不錯。我覺得和牛該多加鹽來調味，能更突出莎莎醬的鮮甜。 $108香煎帶子蘋果蓉蕃紅花意大利飯$168看餐單時，這道菜立刻吸引到我的目光，常吃黑松露野菌意大利飯等，蘋果蓉意大利飯則未嚐過，因此很期待它的味道！熱騰騰的端上來，份量不算少，意大利飯香氣四溢，十分誘人，金黃色的帶子煎得剛剛好，既不油膩，又不會過熟，帶子以黑椒調味，凸顯鮮甜。蘋果蓉的味道早已與醬汁融化在飯中，沾在每一顆意大利飯上，蘋果的果香為菜式添上一份清新，可是果酸味卻與濃稠creamy的醬汁不太相配，而且意大利飯裡找不到蕃紅花的影子，較為失望。餐廳的其他菜式更合我的口味！咖啡煮啤梨 $78常常聽說紅酒煮啤梨，這回卻是「咖啡煮啤梨」，難得一見，當然要試試！吃過和牛、意大利飯、薯條等，我和好友都已經很飽，點這個甜品實在適合不過！切開冰涼的梨子，原來內裡是雲尼拿雪糕，淺啡色的梨子肉入口清爽，滲著淡淡的咖啡味，透心涼～梨肉配上碟裡的開心果碎和朱古力粉，微甜不膩，像吃「飯後水果」一樣，吃罷整個甜品亦無罪惡感！餐單上的其他菜式也很吸引~~…查看更多