COSMOS

上星期同事原來收工去咗COSMOS，今日Lunch 又話好想再去唱K，就陪佢再來。 有Staff 同我地講原來限期內做會員有好多優惠，仲可以即刻enjoy 到， 我地點了和風鰻魚炒飯和脆炸薯格，即刻開波食住唱! 點知俾我搵到有韓團最新既歌!!!! 歌庫都幾新同闊, 食住野唱歌真係好Chill! 鰻魚炒飯色水唔錯粒粒飯都沾到汁，有日式炒飯既味道，食到鰻魚粒幾香口仲有D 菜粒幾爽口。識我都知我係薯格愛好者， 而呢度既薯格我敢講係令人印象深刻， 好脆口! Lunch 來講可以唱卡拉OK 又食到好野，值得推薦俾大家!…查看更多

62℃溫泉蛋稻庭烏冬（牛肉/野菜）$98烏冬用石鍋上可以保溫耐啲 呢一點係幾貼心既（因為會掛住睇Netflix/唱k/睇YouTube/hea而唔記得咗啲野食🤣）烏冬入面有牛肉、玉子豆腐同埋少量野菜 材料都幾豐富 味道方面就麻麻地 食落個湯底好咸令到啲菜同肉都變得好重味😵 同埋烏冬煮有啲淋身好漿喉 感覺一般😟評分:6/10🌟和風鰻魚炒飯 $98呢個炒飯雖然賣相冇乜特別 但聞落同食落都好香口 炒飯炒得剛剛好粒粒分明 食落唔會太咸 愈食愈滋味🤤評分: 7.5/10🌟First Matcha $58個賣相真係好好好好好好靚！🤩用黎打卡一流 可惜佢係屬於得個樣個種 飲落奶味好淡 抹茶味仲淡 成杯飲落都好稀 有少少失望🤢評分: 5/10🌟Cheese Mango Tea $58芝士奶蓋芒果沙冰飲落奶蓋有少少咸香好rich好正 芒果沙冰打得好滑而且唔會太死甜 呢杯幾有驚喜 唔錯😚評分: 8.5/10🌟…查看更多

那天是平日的下午5時左右，小編的朋友介紹了這間餐廳，是可以用餐的同時得到一間有KTV的房間，有3個小時的享用時間！出電梯後先會看到超大的螢幕，向左一看就有接待處和很大的空間，那是個咖啡廳。然後店員帶小編和友人共3人到一間粉紅色主題的房間，是個非常適合打卡和拍照的空間！而房間裡的燈光和背景音樂也可在牆上的掣上調教。餐廳要用手機經QR code來點餐，還有如果需要服務上的需要也是用這個方法。點餐後研究了一下電視下面的點歌器和耳筒，原來如要唱歌的話一定一定一定要用到耳筒(耳筒的電掣插在沙發後面牆上的電源)，因為歌曲並不會從房間裡聽到，只會從耳筒裡聽見！所以這裡的整體都不會有嘈吵的聲音。然後用咪高峰唱歌時，自己的聲音就會從耳筒裡聽到，同時也會聽到朋友用咪高峰唱歌的聲音！所以如果朋友在唱歌時，而你沒有帶上耳筒的話，就會聽到朋友清唱的歌聲，嘻嘻！食物方面就要了4款，第1款是「輕食」中的紫蘇葉雞皮餃子($68，共4件，平均$17/件)，雞皮香脆，裡面多汁。第2款是「爐端燒」中的燒鳥盛盒($158，共5串，平均約$20/串)，有免治雞肉棒、雞腎、雞軟骨、雞皮和雞翼。當中的免治雞肉棒和雞軟骨最出色，調味剛剛好。第3款是「一品料理」中的蒜片熊本一口牛($98)，份量非常足，肉的熟成度剛好，推薦。第4款是「飯麵」中的和風鰻魚炒飯($98)，飯裡有紅蘿蔔粒和炒蛋碎，味道是正常水準，份量都夠2-3個女生。飲品方面共要了3款，第1款是「Mocktail」中的蝶豆花+水蜜桃($58)，味道偏甜，用玻璃樽裝著，雖然外表沒有菜單中的漂亮，但也算是個不錯的拍照道具，哈！第2款是「Special Drinks 」中的草莓奶蓋紅茶($58)，奶蓋的芝士味非常濃郁，而質感是濃厚的。第3款是「Coffee」中的熱焦糖鮮奶咖啡($42)，咖啡有它的獨特味道，很美味，所以我極快地就喝清光了，推薦！最後結帳共$638，平均約$212/位。用這個價錢就有個有主題的私人空間，又可以唱KTV，而且店員的服務態度又有笑容又會友善地主動問候客人，各方面都令人很滿意，朋友真的介紹得不錯！…查看更多

勁耐無唱k既小妹唸住趁住中同聚會，去cosmos@red mr全新概念店到朝下聖！ 一開lift門以為行錯地方！太空主題配文青cafe環境，成個感覺好highclass！中間既common area裝潢好似外國cafe咁，就算唔想開間房唱k，只想搵個地方食野傾計做project（全場無限wifi），都一樣可以係出面打個卡！ 入到房，少女心爆發！意想不到的粉色牆配上雲石枱，好難想像係一間k房，完全洗刷以往一般傳統唱K既陰暗嘈吵環境！好似入左party room咁，超乾淨同舒適，好適合聚會或聯誼！ 坐低之後店員好熱心咁教我地用QR code點餐，同點用d設備～呢到又有一個驚喜位！我地都奇怪點解唱k既地方一D都唔嘈，原來音樂同咪係駁落headphone到！等大家唱k唔洗咁用力嗌同音樂鬥大聲之餘，仲可以透過headphone清楚地聽到自己既聲音，絕對係對熱愛唱歌既人士一大恩物咁專業既設備仲以為得錄音室有，而家終於唱k都體驗到啦！ 到dinner time～真係超多選擇⋯⋯而且睇落都好好食選擇性困難症既小妹揀左唔洗煩既dinner set「和風鰻魚炒飯」，$198除左炒飯仲包流心蛋煙肉薯仔沙律、爐端燒（一串炸雞皮、一串雞軟骨）同甜品（紅豆牛乳布甸）。所有食物賣相都好吸引！炒飯味道一流仲有飯焦看似普通既薯仔沙律出奇地好好食！但好易飽所以唔建議大家一開始好似小妹咁食唔停～炸雞皮好脆雞軟骨亦好有口感！甜品不得不提下層既牛乳布甸，口感好順滑，好香奶味，配上紅豆食落甜甜的～平時唔食牛乳布甸既小妹幾飽都堅持食哂！食物質素完全不輸蝕外面既餐廳！ 下次聚會終於唔洗再揀餐廳定party room定唱k，呢個私人空間一次過滿足3種不同需要既人！唯一美中不足係暫時未設有手機點歌功能，但店員話下月開始就會提供呢項功能啦！下次再去一定試下新功能同lunch set！…查看更多

香港彈丸之地相找尋一個共享之地，的確有點難度。近日朋友介紹位於交通便利的銅鑼灣謝斐道482號全新概念店COSMOS@redmr 。踏入COSMOS以太空主題並帶有悠和舒適度，原來此地以「Anything at Anytime」為目標，令客人能夠在繁華的城市中找了寧靜既個人空間放鬆自己。場外會有公共空間「THE SPACE」，設有獨特風格的Coffee Bar並有各式的香濃咖啡或是輕食的食物。旁邊高身吧枱及高腳椅，令客人感受到室內的寫意。淺灰雲石紋牆身與流線型的藍白 色椅子配搭簡約白色桌子，整個感覺舒適。個人時光午由市時間開始，食物的相當多元化令我相當有驚喜。OL最愛瘦身又貪靚會有羽衣甘藍、煙雞胸、藜麥、車厘茄、意式油醋沙律配上新鮮湯品(紅白湯)$98。少女們至愛的韓國風格的煙三文魚、牛油果、黑松露軟滑炒蛋吐司配上新鮮湯品 $118另有為男士們而設和風咖喱炸雞飯$98 及札幌大蝦濃湯拉麵 $118，兩者各有棒場客。喜歡前者濃郁咖喱香，炸雞炸至香脆又美味；後者大蝦濃湯味道得宜，令人回味無窮份量十足，值得一試。

午飯時分，如果想找一個獨立空間並不是沒有可能。現在客人只要惠顧午餐（HK$98起另收加一），可享用獨立房間3小時，之後每三個鐘$120/位 另收加一 。新張優惠到11月30日止。COSMOS@redmr 設有四色房間有黃色、粉紅色、綠色及 淺藍色， 入內有少女們近期至愛的橢圓形雲石紋桌，深信成為未來打卡熱點。房間的設計滿帶私癮度，可以與朋友相 聚、約會、會議完全做到私人空間。如果客人到場欣賞球賽及如有Netflix帳戶，亦可有以即時觀賞成為私人影院似的。 另外不得不提有唱K的服務，有別於傳統客人需要戴上耳機；主唱者完全聽到自己的聲線非常清晰，我確信是一個練歌好地方。在場的觀眾只會聽到主唱者清唱的聲音，而房外地方亦沒有半點嘈雜聲音，可以說是兩者共融。食物方面與午市格外不同，$198包含頭盤、爐端燒、主菜、甜品等，流心蛋煙肉薯仔沙律呈現雲朵的模樣貌相已經贏了不少分數，份量頗多並滿滿薯香及煙肉與流心蛋配合得恰到好處。估不到會有爐端燒的出現：雞軟骨、雞翼、紫蘇葉豚肉、翠玉瓜等，保留原汁原味，入口清香不太油膩。主食有三款選擇：黑松露蛋黃燒牛小排飯、和風鰻魚炒飯、和風豚肉稻亭湯烏冬。黑松露蛋黃燒牛小排飯，肉汁豐富配上頂級黑松露及燒蛋黃完美。牛肉滿有蛋香肉香更混合松露的芳香，連同飯粒同吃滋味無比。最後還有3.6北海道牛乳布丁作結，完美之夜。在場除了咖啡、小食、串燒、湯麵、意粉、飯類以外，更會有壽司及各款Cocktail、Mocktail、清酒、紅白酒系列，真的完全做到無論工作上的會議或是與友相聚的好地方。下午五時後，客人只需要惠顧晚餐 （HK$198起另收加一），可享用獨立房間3小時之後每三個鐘$180/位 另收加一 。優惠只適用於首一節時間可延長至三個鐘，如客人想繼續的話，就以$180/75分鐘計算 另收加一 此優惠到11月30日止…查看更多