日作食堂

今次嚟到位於開源道嘅日作食堂，店內以昭和時代裝修為主，佈置充滿心思，處處都係打卡嘅位置，有課室嘅木凳、跳馬箱、古董打字機同復古相機等收藏品，而且座位設計除咗有卡位之外，仲有梳化同長枱，同朋友聚會就啱晒啦！我同朋友分別揀左兩個定食再加配其他食物🥘 下次可以再嚟叫其他嘢食😋✨和風厚切吉列豚肉眼扒定食✨燉薩摩雞腿配日式奶油磨菇定食吉列豚肉炸到金黃色，肥瘦分佈平均，食落酥脆唔油膩，仲有椰菜絲伴碟中和咗豚肉油膩感，加埋醬汁，啖啖肉好好味呀🤤而雞肉肉質嫩滑，仲有薯仔同磨菇，切成一小口嘅大細，入口啱啱好，奶油味香濃。定食仲包括有麵豉湯同兩款前菜，麵豉湯嘅湯料同樣豐富，有大蔥、海帶、蜆肉同豆腐，味道鮮甜濃郁，薯仔沙律有蛋白粒，充滿咬感。✨巨峰提子🍇卷蛋✨蘋果🍎玉桂卷蛋兩款卷蛋同樣香甜，果味清新，最鍾意軟綿綿口感，仲有果肉呀～✨茶碗蒸✨蘭王蛋黃🥚…查看更多

今日朋友話帶我嚟觀塘食呢間 日作食堂 佢話觀塘開咗呢間環境好靚又有特色嘅日本校園餐廳 要試吓😇 一入到去就見到呢個 就會諗起細個睇小丸子努力跳鞍馬嘅片段😌 入面坐嘅環境都好有日本校園班房嘅感覺😇 坐低就掃咗QR code 睇吓有咩食～ 餐牌圖文並茂 好多嘢食都好吸引😋 揀咗一陣就自助落單啦～ 好快揀咗嘅餐飲就嚟到～ 日式熱茶 茶味夠香 食魚生+天氣涼涼哋飲啱啱好😌 富士川町產柚子汽水 好清新嘅柚子味 酸酸甜甜好味😋 和風厚切吉列豚肉眼扒定食 $168呢個定食套餐好豐富😍 先講配菜 有牛蒡絲清清地 同埋雞蛋薯仔沙律 薯仔味道啱啱好 仲有啲大大舊可以咬下 讚👍🏻麵豉湯熱辣辣 飲落去好舒服 入面竟然仲有蜆 好足料呀🤩白飯用咗珍珠米 上面加咗飯素 好食😋跟住到主角係厚切吉列豚肉眼扒🤩 一上枱真係熱辣辣 夾起一嚿肉仲出緊煙🤓 表面炸得脆脆 食落仲有肉汁 加埋佢配嘅醬汁 好食😋 四色丼 $158呢個刺身丼即叫即切好新鮮🤩 入邊有四款刺身 有三文魚、北海道帶子、赤蝦同埋劍魚 全部刺身都係大大件又厚身 再加埋壽司飯 好完美😍另外配菜都係有蛋薯仔沙律、牛蒡絲 同埋麵豉湯😉 跟餐仲叫咗兩樣甜品🍮 因為為食再另外加咗一件🫢 全部都好靚 好適合打卡😍 朱古力蛋糕香滑朱古力味 海綿蛋糕保持濕潤 又唔會過甜 不錯～ 焦糖雞蛋布甸滑嘟嘟嘅焦糖雞蛋布甸 加埋甜甜嘅焦糖 冇得輸😇 蘋果肉桂蛋卷好清新嘅蘋果味 蛋卷唔會乾晒 加埋啲cream同埋少少肉桂味 好夾😌 整體嚟講 呢間 日作食堂 環境舒適 店員服務態度好 食物精緻 無論環境同埋食物都好適合打卡 好有日本校園嘅感覺 一定會再嚟試其他定食😉…查看更多

夜晚喺觀塘唔知食咩好，行過見到有間好文青嘅食堂🤔。原先覺得價錢都幾進取，但食過先知食物水準超高😍！尤其係定食材料豐富，一啲都唔馬虎，前菜薯蓉有粒粒薯仔，食落口感一流 ，而麵豉湯更有蜆肉加上蘿蔔紫菜，鮮甜又開胃😆。-💛西京燒比目魚定食 $168比目魚表面煎至金黃香脆，魚肉鮮嫩可口，魚嘅肉汁亦都完全鎖住喺魚柳入面😋，偏甜嘅西京燒料更令整塊魚柳嘅好食程度double up😍。-💛和風厚切吉列豚肉眼扒定食 $168唔同一般嘅炸豬扒，依度嘅吉列豬扒可以話係味覺上嘅享受🥰。豬扒表面係酥脆嘅炸粉，肉質脂肪分佈得啱啱好，而厚切亦絕對唔係得個講字😎，加埋燒烤醬，只可以話係一試難忘，好想再去食😍😍。-💛芝士年糕 (2件) $40望住依個金黃色嘅外表就知道‼️芝士年糕唔會令人失望🤩。芝士年糕外脆內軟，加埋香氣四溢嘅芝士，認真覺得食多幾粒，我都OK😘。-💛朱古力蛋糕 $35食完正餐點可以唔食甜品😳？呢塊朱古力蛋糕朱古力味香濃，奶油唔會過多，食落超級滿足，而且一啲都唔唔滯🤤。-…查看更多

今日約左朋友係觀塘食晚飯，上網search到有間日系食堂，無論裝修同食物都好吸引，試下這間吧😋係門口已經feel到相當日系，以日本課室做主題，有啲位係用課室枱凳，地方闊落，坐得舒適傾下偈和風厚切吉列豚肉眼扒定食 | $168睇到都勁有食慾，豚肉厚切，炸得酥脆唔油膩，油脂分佈均勻，咬落好軟腍，加埋醬汁仲好味；跟餐仲有兩款漬物、一碗白飯同麵豉湯，湯底配料有大蔥、海帶、蜆肉、蘿蔔同豆腐，味道濃郁；另跟餐+$8配咗杯凍齋啡，這個天氣嘆杯凍啡，真係幾爽溫泉玉子伴燒M5和牛前胸肉丼 | $238可以揀成熟度，有7成同全熟，而我選擇咗7成😍 M5和牛份量多，每件都燒得剛好，好香牛味，雪花紋理好平均，食落肉質軟滑冇筋。配料有椰菜絲、靈芝菇同洋蔥絲等；加埋溫泉蛋拌食，味道更加豐富；跟餐有2款漬物，有醃青瓜同枝豆，而飲品選日式熱茶，甘甜芬香，職員仲會為你加茶呢到嘅環境可以帶動到氣氛，成個用餐過程都相當愉快，有啲復古位都令自己諗返學生時代…查看更多