日作食堂

小朋友測完驗啦，即刻約朋友食晚餐。朋友係觀塘返工，佢介紹呢間餐廳。一入餐廳，感覺好舒服，比較開陽，檯與檯之間唔會好擠迫，係日本風格，中間仲有一個讀書時好怕嘅跳馬，好耐冇見過啦😅我哋叫咗兩個定食，一個和風厚切吉列北海道豚肉眼扒定食，一個溫泉玉子半燒M5和牛前胸丼。吉列豚肉好鬆脆，入邊仲係好Juicy，炸粉唔會太厚，做得好好。另外仲有沙律同帶子裙邊做前菜，感覺清新，我就食完豬扒，再食椰菜絲，感覺冇咁漏。朋友食和牛，都好腍滑，用京蔥炒香，好正。其實最想偷食佢隻雞蛋，半生熟溫泉蛋，真係想一啖食咗佢。食完仲可以坐多一陣傾吓偈，餐廳比較寬敞，所以職員都冇趕我地走。喺一個消閑，同朋友傾偈嘅好地方。😋Yummy Yummy: 9/10😋…查看更多

觀塘工廠區仍然有很多舊式工廠大廈，雖然樓上很多單位已經轉型成為餐廳、凍肉店、傢俬舖或者其他零售商店，但仍然遺留原本用作工廠大廈飯堂的大型地舖或一樓單位。時至今日，這些舖位已經全部轉型為茶餐廳或者私房菜。由於工廠大廈的大廈公契等等條件所限，這些餐廳仍然標明《只准許工廠大廈員工用膳》。究竟是否真的有限制？今日行過開源道，無意見到一間新開張的餐廳【日作食堂】。門面裝修風格突出，有別於同街上的其他茶餐廳；差點以為去了日本。如果單看照片，真的同日本寧靜民居的小餐館沒有大分別。室內裝修以簡約悠閑及校園課室為主題，部份椅凳甚至乎直接採用中小學課室的木椅。除了枱凳模仿放中學課室環境，老闆甚至在餐廳正中央放了一早「跳 over 木箱」！相信老闆是懷舊日本迷，年紀有返咁上下。室內一角放置很多款式模仿上世紀六七十年代的實木木櫃，加上半懷舊課室環境，原本已經很有氣氛。再加上木櫃內及櫃頂擺放了很多日本昭和時代的物件，甚至有一些1970～80年代的日本雜誌 ⋯⋯ 封面明星及主題正是當年大紅的松田聖子、松本零士動畫《銀河鐵道999》。只有一頁餐牌，全部都係定食。款式相對簡單，似一間日本城市內民居附近的街坊食堂。每套定食都有麵豉湯及兩款漬物。麵豉湯內有蜆、白蘿蔔片、腐皮及海帶，有鮮味，但同大部份港式日本料理一樣，麵豉份量太多，湯味太鹹。漬物有驚喜，尤其是燜南瓜，軟糯腍甜。鰻魚大阪燒配醬油溏心蛋叉燒湯烏冬（$148）一份包含兩款日本國民美食。關西風嘅大阪燒配烤鰻魚可算是港式化日式料理，日本當地未見過。試過後發現兩者並不匹配。大阪燒本身較為濕潤，配搭醋酸味醬汁；烤鰻魚講究皮脆香口、鰻魚肉鬆化、魚脂甘膄、醬汁香濃甜美。無論味道及口感實在不匹配。溏心蛋叉燒通常配搭日式拉麵(醬油湯底或豬骨濃湯），轉配清湯烏冬非常罕見。溏心蛋合乎水準，火炙叉燒稍嫌硬身、唔夠鬆化。整體味道唔差，但始終認為不太適宜配搭清湯烏冬。和風厚切吉列北海道豚肉眼扒定食（$158）有日式吉列豬扒醬、吉列豬扒旁邊又有一撮椰菜絲，加上白飯面的飯素，全部都是日式原素；只嫌吉列豬扒醬沒有配搭即芝麻蓉，又沒有柚子芝麻醬配搭椰菜絲。吉列豬扒夠大塊、又夠厚身，咁厚切嘅日式吉列豬扒在香港其他餐廳少見，日本那邊就越來越流行。吉列脆漿做得麻麻地，表面嘅麵包糠唔夠靚係一個因素，不過咬落仍然夠香口鬆脆。厚切豬扒有一層薄薄肥脂，此乃靚嘅梅頭肉眼豬扒必備要素，也是高質日式吉列豬扒要點之一。但豚品種本身質素麻麻，肉質粗嚡、偏硬、唔夠肉汁，咬落又有少許渣；儘管有層肥脂都未能彌補。有四款唔同價位魚生丼，揀了松葉貝丼（$178），魚料款式原本包括北海道帶子、海螺片、榮螺、松𦳑蟹肉、蟹膏、蟹籽；海螺片缺貨，用魷魚替代。榮螺唔係好味嘅貝殼類魚料，軟身、爽口，但沒有什麼貝類鮮味。松葉蟹肉似人造蟹。蟹膏似是牙膏支裝貨，味道偏鹹、味噌比例很高，蟹膏香氣一般。最好味只有魷魚及北海道帶子。用OpenRice提前訂枱有八五折。出品質素一般，等同日本街坊食堂味道；勝在價錢唔算貴（打折後），如果原價就唔抵食。不過小編就好鍾意用餐環境，回味那些年的中學校園生活及迷戀日本明星、動畫、東瀛潮流壟斷亞洲的年代。…查看更多

🧁食物質素：😍😍😍😍📸打卡指數：😍😍😍🧹衛生指數：😍😍😍😍💁🏻‍♂️店員表現：😍😍😍💵性價之比：😍😍😍地址: 觀塘鴻圖道63-65號鴻運工業大廈地下A號舖🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹呢間係我午餐既飯堂🤣平日既lunch time 都係full house反而晚餐時段少啲人佢哋係出名食日式定食🍱裝修係木系懷舊昭和學校風🏫佢哋嘅Menu係會不定期轉其實我已經試過佢哋好多唔同嘅set熟食大部分都好高質🤪暫時試咗六七款都冇乜伏除咗魚生飯/抹茶卷蛋/玉子燒之外大家自己留意唔好嗌錯😝👆🏼可以參考下我今次叫咗啲咩經過觀塘唔知食乜好嘅你哋可以有個選擇🫰🏻🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹和風厚切吉列北海道豚肉眼扒定食 $158 Rating:8/10。係啖啖肉嘅厚切豬扒🐖。食落有淡淡既油香好滿足自家製味噌慢煮和牛面頰定食 $168 Rating: 7/10。和牛面頰炆得好腍。份量都幾多。食落好惹味好送飯明太子蔥花玉子燒 $68 Rating: 6/10。覺得冇乜特別😮‍💨。如果可以滑少少會好啲。食落太厚實。明太子醬唔夠多🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹…查看更多

觀塘呢個地方，除咗多人之外，其實都勁多餐廳！今日就帶大家嚟發掘下駱駝漆外嘅嘢食啦～餐廳位置唔難搵，同樣都係喺開源道，喺正駱駝漆對面🫶🏻裝修好靚，好日本feel! 新開張仲做緊2點後85折優惠！一於試試佢！🌟日作極上丼$208包括：中拖羅、油甘魚、赤蝦、帶子、吞拿魚蓉、三文魚籽啲魚生好新鮮，食落好重魚油香～入口即溶，每啖都好鮮甜😋wasabi同三文魚籽更為整體味道添層次，口感好豐富🫶🏻跟餐係醋飯，食落好開胃，勁啱夏天食🥰🌟和風厚切吉列北海道豚肉眼扒定食$158豬扒肥瘦比例係1:3，食落外脆內軟，唔會好鞋口～仲有豬扒汁提供，中和返吉列炸皮嘅油膩感🫶🏻🌟跟餐已經有漬物兩款 + 麵豉湯 +熱/凍茶麵豉湯入邊有大大隻蜆！鮮甜無沙😋漬物幾開胃～…查看更多